На 77-годишна возраст денеска почина македонскиот кошаркарски тренер, Јанко Луковски.

Луковски беше тренер на Работнички и МЗТ Скопје, а работеше и во Борец од Велес.

Најголемите успеси ги има со Работнички каде прво настапуваше како кошаркар, а потоа беше тренер. Со македонскиот тим успеа да го освои третото место во првенството на СФР Југославија во сезоната 1991/92, а девет години претходно да дојде и до финалето од Купот на Југославија.

Јанко Луковски беше селектор и на јуниорската репрезентација на Југославија.

Во 2003 година во Нови Сад отвори кошаркарска школа, во овој српски град остана да живее до крајот на животот.

The post Почина легендарниот кошаркарски тренер, Јанко Луковски appeared first on Република.