Aдвокатот Јанаки Митровски за „Република“ ги коментира синоќешните настани по повод прославата за Денот на албанското знаме.

-Сторени се неколку неколку кривични дела, од полесното предизвикување на општа опасност со истрели од огнено оружје до потешки дела. За газењето и палењето на македонското знаме може да се одговара по два члена. Од повреда на угледот на Република Македонија, па може да се оди кон предизвикување на национална, расна и верска омраза која носи и до пет години затвор, коментира адвокатот за „Република.

The post Митровски за „Република“: За палењето на македонското знаме може да се одговара и до пет години затвор appeared first on Република.

Зборувајќи за, како што ја потенцира, бугарската негаторска фашистичка политика кон Македонија, адвокатот Јанаки Митровски во својата последна колумна вели дека ваквата понижувачка политика не е ништо ново од бугарска страна со тоа што македонската Влада овој пат сака да прикаже дека ќе зачува образ и нема да витка кичма како што тие велат.

https://republika.mk/vesti/makedonija/mitskoski-za-odvojuvaneto-na-makedonija-se-ispraka-losha-poraka-samo-se-izzhivuvaat-vrz-nas/

И во тоа секако дека имаат масовна поддршка од македонскиот народ. Не е тајна дека огромното мнозинство Македонци го мислат истото што и премиерот кога говори дека Македонија направи и ПРЕМНОГУ отстапки на патот на ЕУ, а за возврат и немаме баш некој фидбек, коментира Митровски.

The post Митровски: Македонците го мислат истото што го вели премиерот во однос на Бугарија appeared first on Република.

Под кој камен беше сокриен Венко Филипче во септември 2023 година, прашува адвокатот Јанаки Митровски, реагирајќи на изјавата на лидерот на СДСМ Венко Филипче, дека тогашната власт предводена од неговата партија погреши кога ги гласаше измените на Кривичниот законик, коишто доведоа до намалување или застарување на казните на голем број функционери обвинети за злоупотреби.

https://republika.mk/vesti/makedonija/filipche-prizna-zgreshivme-so-izmenite-na-krivichniot-zakonik/

Секако да се запраша човек каде беше Венко Филипче во септември 2023 година? Под кој камен беше сокриен? Во состојба на хибернација ли беше? Онеме ли, па некој го спречи да крене глас тогаш од позиција на член на владеачка партија кога тоа ќе вредеше многу повеќе, отколку сега како претседател на грогираниот СДСМ? Не сметаше ли тогаш дека измените во Кривичниот законик кои значат амнестија за државните криминалци е грешка?!, прашува Митровски.

The post Митровски: Под кој камен беше сокриен Венко Филипче во септември 2023 година?  appeared first on Република.

Aдвокатот Јанаки Митровски одговори на навредите кои неколку дена ги трпи од лидерот на Левица Димитар Апасиев и од партиски членови.На мета на Апасиев се членови на семејството на Митровски како што неговата мајка и сопруга за што тој најави тужба.

Во една минута докажа она што го зборам- позади јаките десетки има лејка. Шупливо и празно. Човекот не трпи притисок. Алаш вериш, манијакален па па-вели Митровски во Фејсбук статусот.

The post Јанаки Митровски за Апaсиев: Позади јаките десетки има лејка appeared first on Република.

Oтворено и по малку брутално лидерот на Левица, Димитар Апасиев, денеска изјави дека не помислува да ги повика нивните поддржувачи да гласаат за Гордана Силјановска-Давкова во вториот круг на претседателските избори. Левица повика на поддршка за Силјановска во 2019 година.

Гостувајќи на емисијата „Стадион“ на Радио Канал 77 тој не спомена дека Стево Пендаровски ќе ја има нивната поддршка, ниту пак дека ќе препорача да се бојкотираат претседателските избори.

По ваквата изјава на Апасиев, со свој став се јави адвокатот Јанаки Митровски кој порача дека Силјановска во 2019та им беше супер на Апасиев и Ванковска, но сега дошло време да се враќа долгот кој според него ЛЕВИЦА го има кон Заев.

– Гога во 2019та им беше супер на Апасиев и Ванковска. Дури, меѓудругото, поддршката на Левица за Силјановска беше и причина за поделбата во Левица. Ванковска не штедеше комплименти за Гордана и не го криеше пријателството. Денес Гога, откако не им испаднаа проекциите за 100.000 гласови, не чини, а Ванковска ја плука на најдолен начин. Јбг, политика е грда работа, а фрустрации се зае*ана ствар. Да не заборавиме дека во 2019та судството на Заев му ја даде Левица на тацна на Димитар. Дојде време да се враќа долгот!, порача Митровски.

The post Јанаки Митровски со порака до Апасиев: Дојде време да се враќа долгот кон Заев, затоа сега Гордана не ви чини appeared first on Република.

Коментирајќи го процесот со екстрадицијата на Љупчо Палевски - Палчо, осомничен за убиствата на 14-годишната Вања Ѓорчевска и на велешанецот Панче Жежов, адвокатот Јанаки Митровски вели дека довчерашниот министер за внатрешни работи Оливер Спасовски му наместил пенал на Палчо, бидејќи тој може да тврди дека во земјава го чека политички монтирано судење.

Министерот Оливер Спасовски, намерно или не, му намести пенал на Палчо да аргументира пред турските судови дека во Македонија го чека политички монтирано судење, вели Митровски.

Ми остава дума, вели тој, дали на сите во Македонија им одговара тој човек да се врати и да почне да зборува.

The post Митревски: Спасовски, намерно или не, му намести пенал на Палчо appeared first on Република.

Пет лица се во притвор, едно лице е во бегство - ова е досегашниот епилог од истрагата за убиството на малолетната Вања Ѓорчевска, како и убиството на велешкиот фризер, Панче Жежовски. Тие прво во Велес го убиле фризерот, го закопале во јама длабока 3 метри и ми го зеле возилото. Возилото подоцна го користат за извршување на ново кривично дело - киднапирање на малолетно лице од центарот на Скопје. Вања, според истрагата е киднапирана во влезот од зградата во која живее, врзана во вреќа за спиење е ставена во багажникот на возилото на веќе убиениот Панче. Девојчето го носат кон Бразда, каде, од сѐ уште неразјаснети причини, ја убиваат, ја закопуваат и го палат возилото. Ова се случува во период од неколку дена, по што организаторот, Љупчо Палевски Палчо, кој според истрагата, го испукал и куршумот со кој ја убил Вања, е во бегство. Беше приведен и таткото на Вања, кој наводно давал информации кога е најдобро неговата ќерка да биде киднапирана за да се бара откуп од мајката за која имале сознание дека има доста пари. Денеска е приведено уште едно лице кое на Палевски му помогнало да избега во Турција. Очигледно се работи за организирана група која извршила кривични дела поради остварување профит.

Целиот случај го води Основното јавно обвинителство Скопје. Се поставува прашањето зошто овој случај не е во рацете на Основното јавно обвинителство за гонење на организиран криминал и корупција? Дали групата ќе одговара и за злосторничко здружување, дело за кое се предвидени казни затвор?

[caption id="attachment_720052" align="alignnone" width="2048"] Фото: Фејсбук/Јанаки знае[/caption]

Го прашавме адвокатот Јанаки Митровски дали случајот со двојното убиство ги исполнува условите да биде преземено од страна на Организиран Криминал. Митровски вели:

За една група да се карактеризира како организирана треба да брои најмалку три члена и да постои определен период со цел да врши кривични дела казниви со најмалку четири години затвор. За двете дела е предвидена таа минимална казна (за грабнувањето четири, за двојното убиство десет). Второто прашање е дали таа група постоела определен период или е ад хок. Не е исклучено и дека Обвинителството за организиран криминал би го презело понатамошното гонење доколку истрагата тоа го наложи - вели Митровски.

Според ова, се чини, делото ги исполнува условите да биде преземено од Организиран криминал. Но дали тоа ќе се случи? Обвинителот од ОЈО Скопје, Гаврило Бубевски вчера посочи дека се истражува дали се работи за организирана група и доколку доказите укажат на тоа, надлежно може да биде друго обвинителство.

Со Митровски поразговаравме и за прес-конференцијата на министерот за внатрешни работи, Оливер Спасовски и јавниот обвинител Гаврило Бубевски. Пресот создаде многу конфузност во јавноста. Митровски пак се оградува. Не сака да коментира сметајќи дека јавноста има лимитиран пристап до информации за убиството на Вања и Панче.

Сѐ уште како јавност имаме многу лимитирани информации, има многу шпекулации, па оттука не би можел да шпекулирам - вели Митровски.

Тезата на кој начин, и поважното кога се убиени Вања и Панче, е врз основа на тврдењето на осомничените, што не мора да значи дека тоа е вистината. Можеби тие намерно ја вртат приказната во погрешен правец за друг да биде заштитен, или пак да се заштитат себеси, кога веќе некој е во бегство. Кој тоа може да го потврди, со оглед дека, барем до моментот на одржување на прес-конференцијата, резултатите од обдукцијата не беа пристигнати. Дали тие се убиени со пиштол, од која далечина, дали можеби смртта на Вања настанала од задушување, она за кое говореше и Фросина Ременски, по што настанала таа паника кај киднаперите… Во јавноста се коментираше дека наводно девојчето се задушило, па поради сознанија на киднаперите дека казната за задушување е доживотна, а за убиство со огнено оружје пониска, се решиле а истрелаат куршум како би дале впечаток дека се работи за убиство со пиштол.

Го прашавме адвокатот Јанаки Митровски Дали задушување е потешко кривично дело од пукање со пиштол. Има информации дека девојчето е прво задушено па е пукно во неа?

Митровски вели:

Во услови кога настапила смрт методот е неважен. Но доколку се покаже дека не е пукано туку е задушена( што е малку веројатно бидејќи прострелна рана има) би се довела во прашање директната, но не и евентуална умисла да се убие девојчето.

The post Дали Организиран криминал ќе го преземе случајот со Палчо и неговата група?! appeared first on Република.

Адвокатот Јанаки Митровски кој деновиве ја прекинал соработката со неделникот Фокус затоа што му била цензурирана колумна денеска го објавува целиот текст кој не им се допаднал на газдарицата Билјана Младенова и уредничката Мулачка или некој моќен човек во владата.

Митровски смета дека јавноста треба да знае што пишува во текстот кој е проблематичен за менаџментот на Фокус или некој помоќен што наредил тој да не биде објавен по што самиот ја објавува целосно:

СЕЉАЧИНА
На минатата собраниска седница, додека на собраниската говорница говореше пратеничката на ВМРО-ДПМНЕ Дафина Стојаноска, по нејзино кажување вицепремиерот за некакви интеграции Бојан Маричиќ и намигнал и и испратил бацка. На ова пратеникот Дафина жестоко реагираше, со право, дека такви постапки може да си ги зачува за дома. Ова, во препознатглив стил за пратеничката, беше зачинето со пар епитети од кои предничеше ЛИГАВ ЕДЕН.
Подоцна на истата седница, кога бараше оставка од Маричиќ до неа застана целата пратеничка група на ДПМНЕ во знак на поддршка, а пратеничката побара ако самиот Маричиќ не си даде оставка тогаш премиерот Димитар Ковачевски тоа да го стори и да му ја прекрати и онака несликовитата политичка кариера на вицепремиерот.
На социјалните мрежи Маричиќ остро дематнираше и тврдеше дека се работи за долни измислици а Дафина со цел негово оцрнување и нарушување на неговиот углед. За каков углед станува збор никој не знае. И така овие препукување на релација Дафина и Боијан траеа неколку дена, а богами и сеуште траат.
На помош на вицепремиерот за бифтеци, како што тоа редовно бидува, дојдоа борците за демек правда, извесни цивилни лица, кои заземаат страна и тврдат дека Дафина дезинформира односно дека измислува и лаже. Како тоа го утврдија еден бог знае, но свикнати сме да овие квази невладини организации се однесуваат како последен партиски испрдок на СДСМ. Едноставен преглед на нивната веб страница и е јасно дека единствената задача им е да ја сатанизираат опозицијата без ниедна суштинска критика за владеачката параетија која седум години е власт.
Силен беше и молкот на невладините кои се борат за правата на жената, кои пред само година две водеа кампања СО НЕА СМЕ. Една полуидиотска кампања која и најобичен флерт го стигматизираше како сексуално вознемирување, сега не сака да реагира од единствена причина дека се работи за пратеничка која доаѓа од партија што не им е омилена и со тоа си го покажуваат сопственото лицемерие, а не е прв пат.
Дафина ја запознав кога ја поднесовме иницијативата за носење на Закон за амнестија за настаните од 27 Април. Секогаш сум бил отворен дека не гаам симпатии кон таа партија, немам амнезија за нивното владеење, и единствено оваа госпоѓа ми остави впечаток на искрен борец, која несебично се даде за таа кауза, а и имаше одлично образложение на предлог законот.
Да бидам искрен и да не бидам лицемерен и кон пратеник Дафина, реално од неутрална позиција немаме во овој момент како да процениме кој ја говори вистината, Бојан или Дафина. Но таа дилема се решава многу лесно. Просто се вадат камери и се гледа дали Бојан праќал бацки и намигал или не праќал бацки и не намигал. И тоа и го побара и самата пратеничка.
И токму фактот дека собраниските служби не сакаат да ги покажат камерите мене ме убедуваат дека Дафина ја говори вистината. И оттука сметам дека господинот Маричиќ, кој седма година паразитира на наша сметка, е една обична сељачина на која местото не и е во Влада. Така пријателе да се однесуваш со мајка, сестра или
внука, во Собрание НЕ!

The post Забранетата колумна од Фокус за еден владин ,,сељачина” излезе во јавноста appeared first on Република.

Скандалот на Онкологија ги крена граѓаните на нозе. Социјалните мрежи се преплавени со сведоштва и реакции. Своето искуство за маките на неговата мајка на Онкологија ги сподели адвокатот Јанаки Митровски

Последниот месец од својот живот мајка ми лежеше на онкологија. На цел спрат немаше буквално никаков персонал. Една сестра на цел спрат која никогаш не ја видовме. Лекови немаше ни за лек. Ја пуштија дома ден пред да почине. Хорор прича ни е здравството а копилињата се богатат на грбот на оние кои умираат. Секој сака да заработи но дали сум воспитан така дали сум глуп, како совест не ги јаде?! Или што си викаат и онака ќе умрат?! Гадовиии!!!“, напиша адвокатот.

The post Јанаки Митровски : Мајка ми лежеше на Онкологија, немаше персонал на цел спрат appeared first on Република.

Адвокатот Јанаки Митровски бара правно гонење на државниот обвинител Љубомир Јовески, поради пропустите во истрагата околу пожарот во тетовската модуларна болница.

https://republika.mk/vesti/makedonija/585-dokumenti-napishani-na-5-455-stranitsi-gi-pokazhuvaat-sabotiranite-istragi-i-prikrivanata-na-propustite/

Три вештачења кои утврдуваат одговорност кај изведувачот обвинителство ги игнорира, нарачува четврто пази на Електро каде Кочо е професор и види чудо вештачењето не вели нема вина туку дека е градено согласно спецификација, а спецификацијата ја прави мадам Вања која потоа се запослува кај Кочо!!!
Нити обвинителство смеело да даде наредба да се вештачи на Електро, нити Електро смеело да вештачи поради очигледен конфликт на интереси. Апс за Љубомир Јовевски!!!, порача Митровски.

На забелешката дека Анѓушев не е професор на Електро, туку на Машински факултет, тој потсетува „Она као до вчера беше еден факултет во иста зграда“.

The post Обвинителството игнорира три вештачења кои утврдуваат одговорност кај изведувачот, нарачува четврто пази – на Електро каде Кочо е професор appeared first on Република.

Ќе чуеме ли еден политичар од ДУИ, Беса, Алтернатива, АА, некој интелектуалец Албанец да излезе со јасна и остра осуда на племенското однесување на Слупчанци?!, прашува адвокатот Јанаки Митровски.

Валда не се луди Албанците во Карпош, Нерези, Сарај што плаќаат струја?
Каде го има ова уште барања си пуштаат максимум 3.000, па дај и за мене нека важи, зарем не !
Да не ги пресметува ЕВН загубите на нас будалите што плаќаме не би ми чуело ама јас да плаќам за некои силеџии, што е многу многу е!!!
Се нашло па се зашто уста полна права ама неми кога збориме за обврски!!!!, вели тој.

The post Митровски: Ќе чуеме ли еден интелектуалец Албанец да излезе со јасна и остра осуда на племенското однесување на Слупчанци?! appeared first on Република.

Адвокатот на мајката на починатото бебе во Битола на Фејсбук објави скандалозни информации во врска со целиот случај.

„Како адвокат на родилката Викторија Крстевска чие бебе почина во болницата во Битола, извршив увид во списите на предметот при ОЈО Битола. Она што е евидентно од страна на двајцата лекари кои го вршеле пораѓањето е дека има јасна интенција да се префрли вината на гинекологот кој ја водел бременоста, а не зел учество во пораѓањето. Исто така е евидентен нивниот обид да ја претстават родилката како агресивна и некооперативна иако вистината е дека од страна на докторката е навредувана, на истата и е викано, препорачано `да си оди во Плодност ако не и чини` и останати омаловажувања.

https://republika.mk/vesti/makedonija/krsteska-koga-uspeaa-da-ja-namestat-tselata-rabota-i-za-toa-angelche-jana-mislite-mene-ke-me-poshtedat/

Помеѓу сестрите кои биле на пораѓајот постои лесно уочлива координиораност и мој сомнеж е дека се припремани за исказот во ОЈО затоа што исказот им е школски, однос ист од ЗБОР ДО ЗБОР!!!

Единственото нешто од кое сме задоволни е коректната вонредна инспекција на Министерството за здравство каде се детектирани серија недостатоци, грешки, недостиг на опрема или неисправност на истата, како и непочитување на протоколи и процедури од страна на болницата и лекарите. Обдукцијата ќе биде готова за два дена, а родилката основано се сомнева дека ќе се оди на варијанта наше дете, а ОЈО Битола ќе се повика на обдукцијата и крај на приказната.

Затоа денеска се обративме до ОЈО Битола со наш предлог на докази со цел да не се дозволи страно мешање во предметот а знаеме дека такви обиди има!“ – напиша Митровски на Фејсбук.

The post Митровски: Родилката чие бебе почина во битолската болница сакаат да ја претстават како агресивна и некооперативна appeared first on Република.

Обвинителството ги пречекорило сите законски рокови за предистрага и истрага предвидени во Законот за кривична постапка во случајот „Феникс“. Три месеци треба да трае обвинителската предистрага, а најдолго една година истрагата пред да се поднесе пријава, за било кој предмет за организиран криминал, вели за Алфа, адвокатот Јанаки Митровски.

Како и да е, секако е спорно, бидејќи Законот за кривична постапка, стипулира, дека една ваква истрага треба да трае една година, а ако е предистрага а сега отвораат истрага е уште полошо бидејќи рокот за предистрага е три месеци по што треба да се отвори истрага и да се поднесе пријава.. “ вели адвокатот Митровски за Алфа.

Тој истакнува дека овој предмет не е исклучок, со оглед на тоа дека кај нас редовно се пробиваат роковите за водење истрага кои ги пропишуваат законските норми.

Ние во преговори за обвинителен акт, редовно сме приговарале дека секој доказ што е обезбеден по рокот предвиден со закон, треба да се смета дека е доказ прибавен на незаконит закон. За жал, како што многу често судот застанува на страна на обвинителството со објаснување дека тоа не се апсолутни рокови од каде се поставува прашањето, па зошто се напишани во закон?“, вели Митровски.

Во јавноста има голем број реакции и сомнежи дека целиот процес е обид за дефокус на јавноста од големите скандали кои во последниот период го стресоа македонското правосудство, особено со ставањето на струшкиот градоначалник Рамиз Мерко на американската црна листа. Дополнително и околу целиот тајминг, односно периодот кога се чини кулминира притисокот на власта за спроведување на уставните амандмани за кои нема консензус.

Крајно индикативно и не е спорно да, на пример господинот Тодоровиќ, е еден од главните финансиери на најголемата опозициска партија, и сега во очи на уставните измени, а секако и дека крајно индикативно е. Инаку, не е никаков проблем да се истражува, за мене барем лично, тоа е супер спорен проект со многу спорни консталации. Меѓутоа, времето во кое што се покренува оваа акција со апсење, лишења од слобода, одредување на мерки за обезбедување на присуство, е „мошне“ индикативно“, вели Митровски.

Во јавноста се поставува и прашањето зошто истрагите на обвинителството одат на спора лента, или пак предметите се чуваат во фиока за да бидат објавени во одреден момент.

Обвинителството по 10 години соопшти детали од истрага за поставување на бронзените статуи, преку што наводно се оштетил буџетот за над 3 милијарди денари и се злоупотребувала службената должност. Вкупно 15 физички и 7 правни лица под истрага за 11 споменици од „ Скопје 2014“ . За поставувањето на бронзените статуи на Александар Македонски, Даме Груев, Гоце Делчев, Никола Карев, Методија Андонов - Ченто, Цар Самоил, Гемиџиите, Цар Јустинијан, АСНОМ, основачите на ВМРО и лавовите се товарат и поранешниот премиер Никола Груевски, поранешниот министер за финансии Зоран Ставрески, поранешната министерка за култура Канческа-Милеска, како и италјански државјанин и три фирми од Италија.

Судија на претходна постапка од Скопскиот кривичен вчера му одреди куќен притвор на поранешниот градоначалник на Општина Центар Владимир Тодоровиќ. Поранешниот претседавач на општинскиот совет Владимир Здравев, доби притвор од 30 дена, како и осомничените Игор Секуловски и Љупчо Бакев. Куќен притвор му е одреден и нa Тодор Делјановски.

The post Адвокатот Митровски: Пречекорени се законските рокови за истрага во случајот „Феникс“ appeared first on Република.

Договорите за брзите кеш кредити се еклатантен пример за легална пљачка која што ја дозволува државата, вели за Детектор адвокатот Јанаки Митровски.

Овие договори се еклатантен пример за легална пљачка која што за жал се дозволува. Инаку и за банките кога ги споменувате, е добро да се знае дека Законот за облигациони односи ги штити примачите на кредит од наплаќање на пенали за предвремено враќање на кредитот, каде што банката не смее да наплаќа па дури и да стои така во договорот, сум видел некаде дека стои и 5% пенали да се плаќаат. Слободно сите граѓани нека си го уплатат износот кој го должат без пеналите за предвремена отплата, верувајте ми дека банките нема да тужат, бидејќи во Законот за облигациони односи со големи букви стои дека немаат право на тоа.

https://republika.mk/vesti/ekonomija/retko-koj-od-graganite-znae-deka-ima-rok-od-14-dena-vo-koj-mozhe-da-se-otkazhe-od-kreditot/

Ќе ги платите само каматите кои се доспеани, ниту други камати треба да враќате, но во Законот за финансиски друштва нема ваква одредба, објаснува Митровски.

The post Ова е многу важно: Ниту една банка не смее да наплати провизија за предвремена отплата на кредитот appeared first on Република.

Финансиските друштва ги ставаат граѓаните во должничко ропство користејќи ги празнините во законите па додека каматите ги држат во нормални рамки, долговите се билдаат со разни други трошоци како на пример за администрирање на кредитот или за негово одобрување кои во некои ситуации се и над 30% од самиот износ на кредитот, вели за Детектор Јанаки Митровски.

Јас имам тука договор кој што е на кредит од  155.000 денари каде трошоците за одобрување на кредитот се 66.000 денари што е 35% од вредноста на договорот и има една одредба која што е супер спорна вика месечен надоместок за администрирање на кредит од 155.000 денари е 41.850 денари месечно. Тоа ве доведува до едно должничко ропство. Пропагирано ви е дека 7.800 денари ќе враќате месечно и вие немате ни теоретска шанса да ги враќате тие пари. Дополнително се билда и законот за жал тоа го дозволува, со трошоци за прва опомена, втора опомена и внимавајте добро со опомена пред раскинување на договор која е 4.800 денари, а овие друштва никогаш нема да го раскинат договорот и да се лишат себе си од вака лесна заработувачка, објаснува Митровски за Детектор

The post Како брзите кредити ве водат до должничко ропство, објаснува адвокатот Митровски appeared first on Република.

За адвокатот Јанаки Митровски во случајот со Христијан Пендиков најскандалозно е однесувањето на министерот за надворешни работи Османи кој рече дека  не го интересира што ќе покаже истрагата туку што кажал оштетениот.

Тоа нас не доведува до прашањето дали воопшто ни се потребни обвинителства и судови.Нека одат предметите кај Османи и тој ќе ги решава и ќе пресудува и тој ќе биде судија и обвинител. Тоа е непримерен притисок врз судот. Не е тајна дека македонската судско-обвинителска власт е под директно влијание на политиката и ова е јасна порака Османи и Владата очекуваат осудителна пресуда-објаснува Митровски за „Република“.

https://www.youtube.com/watch?v=_GuwczNtquE

The post Митровски за случајот „Пендиков“: Нека одат предметите кај Османи и тој ќe решава и пресудува, ќе биде судија и обвинител appeared first on Република.

Според адвокатот Јанаки Митровски состојбата во македонските затвори е ужасна и оти малку се работи на рехабилитација на самите затвореници.

Во Шведска затворот е како хотел од четири звезди. Сметам дека во затворите во Македонија телефони треба да се дозволуваат за комуникација со семејството. Можеби не интернет. Тоа ќе придонесе за дисциплина на затворениците-вели Митровски за „Република“

The post Затворениците треба да имаат мобилни телефони, смета адвокатот Митровски appeared first on Република.

Предлог-законот за амнестија содржи пет члена и се работи за две групи на луѓе. Предвидува секој што е казнет до десет години веднаш да биде пуштен од затвор, а за оние над десет години да има педесетпроцентно простување на казната.

Ако се земе предвид дека луѓето се во затвор пет и пол години, тоа ефективно би значело или веднаш или набргу излегување на слобода, објаснува адвокатот Јанаки Митровски во интервјуто за „Република“.

Неспорно е дека кај обвинетите постои вина, но највисоки казни добија оние обичните смртници, а  оние што во хиерархијата беа погоре и имаа политичка моќ да се пазарат, не само што не лежеа затвор туку беа и наградени, Рамчиловиќ е амбасадор, Крсто е милионер, Канческа демек се суди. Сето ова кај мене како адвокат и кај осудените и нивните семејства создава револт. Со Законот за амнестија од 2018 година требаше уште со име и со презиме да напишат за кого е наменет овој закон. Проблемот со тој закон демек е за луѓе кои не извршиле насилно делание. Нив ги вадеа од притвор и ги носеа на гласање. Ние не ги потценуваме последиците од дејанијата на осудените, но останува фактор дека последици од изгубен живот нема. Ние не велиме тие луѓе да не лежат. Тие веќе шеста година се во затвор и ние сметаме дека е доволно. Не е моја обврска да дојдме до 61 пратеник, наше е да се обидеме.

Според него, состојбата во македонските затвори е ужасна и малку се работи на рехабилитација на самите затвореници.

Во Шведска затворот е како хотел од четири звезди. Сметам дека во затворите во Македонија телефони треба да се дозволуваат за комуникација со семејството. Можеби не интернет. Тоа ќе придонесе за дисциплина на затворениците.

Митровски го објаснува случајот со Христијан Пандиков, кој доведе до влошување на односите меѓу Македонија и Бугарија.

Проблемот е што ние немаме сериозна држава и бугарските служби роварат колку сакаат, а нашето контраразузнавање спие наместо да сузбие. Кај него е најдено 0,3 грама кокаин и тоа нема да доведе до обвинение бидејќи нема над два грама наменето за продажба. Против кого било да се води постапка каде не се изречени мерки за присуство, слободно може да ја напуштате државата и да се враќате. Овој предмет се злоупотреби да се прават циркузи, да се праќаат владини авиони небаре нема болница во Македонија.

За адвокатот најскандалозно е однесувањето на министерот за надворешни работи Бујар Османи, кој рече дека не го интересира што ќе покаже истрагата туку што кажал оштетениот.

Тоа нас не доведува до прашањето дали воопшто ни се потребни обвинителства и судови. Нека одат предметите кај Османи и тој ќе ги решава и ќе пресудува и тој ќе биде судија и обвинител. Тоа е непримерен притисок врз судот. Не е тајна дека македонската судско-обвинителска власт е под директно влијание на политиката и ова е јасна порака дека Османи и Владата очекуваат осудителна пресуда.

Целиот разговор слушнете го во видеоинтервјуто кое го водеше Игор Чавески.

https://www.youtube.com/watch?v=_GuwczNtquE&t=931s

The post Митровски: Со Законот за амнестија од 2018 година требаше уште со име и со презиме да напишат за кого е наменет appeared first on Република.

Адвокатот Јанаки Митровски на Фејсбук реагира на соопштението на МВР, во кое од МВР велат дека блокирањето на автопатишта е спротивно на законот. Митровски, повикувајќи се на Уставот, тврди дека МВР лаже.

МВР ЛАЖЕ дека блокада на автопати е казниво. По Устав се има право да се блокира и протестира каде се сака, БЕЗ претходни најави, пишува адвокатот.

Последен пат кога проверив Уставот имаше супрематија, додава тој.

The post Митровски: МВР лаже дека блокада на автопатите е казниво дело appeared first on Република.

Намерно немаше полиција, а последно што проверив, Спасовски беше министер, коментира адвокатот Јанаки Митровски по денешните тешки инциденти и напади кај Скендер бег.

ВМРО вика ДУИ и СДСМ исценирале. СДСМ и ДУИ викаат ВМРО и ЛЕВИЦА.
И двете варијанти се супер можни. Можна е и трета варијанта, да пукал самостојно, бил револтиран, камења летале итн. Пукање кон толпа не оправдува НИШТО! Исто како што не оправдува да му се каменува хотелот, ако му бил каменуван.
И тука некаде доаѓа поентата. Каде беше полицијата? Демек не знаат да проценат дкеа тука е најризично за судир? Намерно немаше полиција, а последно што проверив, Спасовски беше Министер, вели тој.

Адвокатот бара апсење на министерот за внатрешни работи.

The post Јанаки Митровски повика на апсење на Спасовски: Намерно немаше полиција, а последно што проверив, Спасовски беше министер appeared first on Република.