По потонувањето на луксузната јахта вчера во бура кај Сицилија се трага по шестмина исчезнати меѓу кои се британскиот технолошки претприемач Мајк Линч (59) и неговата ќерка Хана (18), претседателот на банката Morgan Stanley International Џонатан Блумер и адвокатот Крис Морвило.

Ова го соопшти цивилната заштита на Сицилија додавајќи дека на луксузната 56-метарска едрилица имало 22 лица, државјани на САД, Велика Британија и Канада. Спасени се 15 лица, а потврдено е дека е пронајдено телото на готвачот.

Сведоци за италијанската новинска агенција Анса изјавиле дека сидрото на едрилицата било спуштено кога ја погодило невремето, поради што јарболот се скршил, а бродот изгубил рамнотежа и потонал. Потонатиот брод лежи на морското дно на длабочина од 50 метри, а нуркачите се подготвуваат да ја продолжат потрагата по исчезнатите.

Мајк Линч, еден од исчезнатите патници „е британскиот Бил Гејтс“. Тој е коосновач на софтверската компанија Autonomy, а во 2011 година ја продаде на американскиот компјутерски гигант Hewlett-Packard (HP) за 11 милијарди долари. Во јуни, тој беше ослободен во САД од повеќе обвиненија за измама, поради кои му се закануваше казна од 20 години затвор.

Јахтата потона истиот ден кога Стивен Чембрлен кој беше обвинет со Линч во случајот со измама, почина откако го удри автомобил.

Луксузната едрилица може да прими до 12 гости во шест апартмани. Сопственичката е Анџела Бакарес, сопругата на Линч, која е една од 15-те спасени луѓе. Преживеале и мајка и нејзиното едногодишно бебе од Велика Британија. Жената раскажала дека го држела своето бебе над површината на морето за да го спаси од давење.

Таа за италијанскиот весник „Ла Република“ изјави дека нејзиното семејство преживеало бидејќи биле на палубата кога потонала јахтата.

- Не разбудија громови, молњи и бранови. Се чувствувавме како да доаѓа крајот на светот. На две секунди ја изгубив ќерка ми во морето, а потоа брзо ја прегрнав, ја цитира весникот. Преживеаните раскажуваат дека патувањето го организирал Линч за неговите колеги од работа.

Брод кој пловел под холандско знаме во близина ги спасил преживеаните додека не пристигнала итната помош. Откако невремето поминало, капетанот Карстен Борнер рече дека неговиот екипаж забележал дека јахтата зад нив исчезнала.

„Видовме црвен факел, па јас и мојот прв офицер отидовме на позицијата и најдовме чамец за спасување со 15 преживеани, од кои тројца беа тешко повредени, изјави тој.

Осуммина од спасените се пренесени во болница, соопшти италијанската крајбрежна стража.

The post Сè уште се трага по исчезнатите од јахтата во која се наоѓаше и „британскиот Бил Гејтс“, Мајк Линч appeared first on Република.

По потонувањето на луксузната јахта вчера во бура кај Сицилија се трага по шестмина исчезнати меѓу кои се британскиот технолошки претприемач Мајк Линч (59) и неговата ќерка Хана (18), претседателот на банката Morgan Stanley International Џонатан Блумер и адвокатот Крис Морвило.

Ова го соопшти цивилната заштита на Сицилија додавајќи дека на луксузната 56-метарска едрилица имало 22 лица, државјани на САД, Велика Британија и Канада. Спасени се 15 лица, а потврдено е дека е пронајдено телото на готвачот.

Сведоци за италијанската новинска агенција Анса изјавиле дека сидрото на едрилицата било спуштено кога ја погодило невремето, поради што јарболот се скршил, а бродот изгубил рамнотежа и потонал. Потонатиот брод лежи на морското дно на длабочина од 50 метри, а нуркачите се подготвуваат да ја продолжат потрагата по исчезнатите.

Мајк Линч, еден од исчезнатите патници „е британскиот Бил Гејтс“. Тој е коосновач на софтверската компанија Autonomy, а во 2011 година ја продаде на американскиот компјутерски гигант Hewlett-Packard (HP) за 11 милијарди долари. Во јуни, тој беше ослободен во САД од повеќе обвиненија за измама, поради кои му се закануваше казна од 20 години затвор.

Јахтата потона истиот ден кога Стивен Чембрлен кој беше обвинет со Линч во случајот со измама, почина откако го удри автомобил.

Луксузната едрилица може да прими до 12 гости во шест апартмани. Сопственичката е Анџела Бакарес, сопругата на Линч, која е една од 15-те спасени луѓе. Преживеале и мајка и нејзиното едногодишно бебе од Велика Британија. Жената раскажала дека го држела своето бебе над површината на морето за да го спаси од давење.

Таа за италијанскиот весник „Ла Република“ изјави дека нејзиното семејство преживеало бидејќи биле на палубата кога потонала јахтата.

- Не разбудија громови, молњи и бранови. Се чувствувавме како да доаѓа крајот на светот. На две секунди ја изгубив ќерка ми во морето, а потоа брзо ја прегрнав, ја цитира весникот. Преживеаните раскажуваат дека патувањето го организирал Линч за неговите колеги од работа.

Брод кој пловел под холандско знаме во близина ги спасил преживеаните додека не пристигнала итната помош. Откако невремето поминало, капетанот Карстен Борнер рече дека неговиот екипаж забележал дека јахтата зад нив исчезнала.

„Видовме црвен факел, па јас и мојот прв офицер отидовме на позицијата и најдовме чамец за спасување со 15 преживеани, од кои тројца беа тешко повредени, изјави тој.

Осуммина од спасените се пренесени во болница, соопшти италијанската крајбрежна стража.

The post Исчезнат е милијардерот Линч откако луксузна јахта вчера потона кај Сицилија appeared first on Република.

Против Слободан Боба Живојиновиќ, сопругот на пејачката Лепа Брена, е поднесена кривична пријава поради основано сомнение дека два пати го продал својот пловен објект „Першинг 54“, произведен во 1999 година.

Извештајот до Третото основно јавно обвинителство во Белград го доставила деловната компанија „Харвинтер доо Београд“, со седиште во Белград, дознава “Република.рс.

Измамата станала позната кога лицата кои ја купиле јахтата од Боба се нашле лице в лице.

– Луѓето седеле на јахтата, кога дошле другите и им рекле дека мора да ја напуштат јахтата, бидејќи пловилото им припаѓа. Со себе носеле хартии, по што оние кои претходно останале на јахтата станале и си заминале. Подоцна пристигнала и полиција, а повикани се да дадат изјави и надлежните од Марина Портоново.

Извор „Република.рс

The post Сопругот на Лепа Брена два пати ја продал ја својата јахта на различен купувач appeared first on Република.

Пожарникарите реагирale брзо и храбро со околу 15 лица и четири возила и веднаш тргнаа на раздвојување на зафатените пловни објекти и гаснење на пожарот на јахтите во Медулин, Хрватска.

Сопствениците на јахтите скокале во морето да ги спасат пловилата.Штетите предизвикани од пожарот се огромни и материјално и емотивно.

The post Сопствениците скокаа во морето да си ги спасат јахтите appeared first on Република.

Најмалку 30 јахти изгореа во голем пожар што избувна во пристаништето во Медулин на хрватското крајбрежје, јави хрватската национална телевизија ХРТ, повикувајќи се на информации од полицијата во Истра.

Полицијата добила дојава за пожар во пристаништето утрово во 03:55 часот. Досега изгореа 30 пловила, а неколку од нив потонаа. Пожарот се уште беснее, се слушаат и експлозии, јави ХРТ

Пожарот се шири од една на друга јахта. Засега нема информации за жртви во пожарот.
Медиумот јави дека просечната цена на една јахта усидрена во тоа пристаниште е околу 150.000 евра.

The post Над 30 јахти изгореа во пожар на хрватско пристаниште appeared first on Република.

Против Република Хрватска е поднесена тужба вредна над 35 милиони евра поради заплена на јахтата „Кралска романса“ („Royal Romance“) во сопственост на компанијата „Ланелија холдингс“ (Lanelia holdings) на рускиот претприемач со недвижности Алексеј Инкин.

Јахтата е блокирана во пристаништето Трогир на барање на украинското обвинителство. Тоа ја поврзува со Виктор Медведчук, моќен руски тајкун против кого во Украина се води предистражна постапка. Блокадата на јахтата е побарана за да се врати наводната штета предизвикана од Медведчук.

Адвокатите на Инкин дека јахтата „Кралската романса“ била задржана во Хрватска како дел од процесот против Медведчук.

Украинското обвинителство, наведуваат понатаму адвокатите, го товари за велепредавство, поточно за склучување скапи договори за откуп на јаглен уште во 2015 година. Иако оваа истрага трае од 2016 година, судењето сè уште не е одржано, а во 2022 година украинското обвинителство издаде барање за блокирање на луксузната јахта, која повеќе не е на Медведчук, туку на Инкин.

Јахтата е во пристаништето Трогир веќе речиси две години, а Инкин тврди дека Хрватска немала апсолутно никаква причина да му го конфискува луксузниот брод. Тој смета дека за овие две години е оштетен за повеќе од 35 милиони евра откако незаконски му се ограничува сопственоста. Тој морал да ја одржува јахтата чија вредност се проценува на околу 130 милиони евра и да плати за укотвување во марината Трогир, но не можел бидејќи планирал да заработи со изнајмување.

Пред неколку дена, Жупанискиот суд во Сплит одлучи да ја продолжи наредбата за конфискација на јахтата од компанијата на Инкин, која е формален сопственик, и да и ја предаде на украинската Агенција за управување со имотот стекнат со корупција и други кривични дела.

Сепак, оваа одлука сè уште не е конечна, па јахтата не е предадена на украинските власти.

The post Руски бизнисмен ја тужи Хрватска поради заплена на јахта, бара отштета над 35 милиони евра appeared first on Република.

Јахтата на која Дијана, принцезата од Велс, помина дел од своето последно лето потона во Медитеранот.

Се верува дека јахтата „Куџо“, некогашна сопственост на Доди ал-Фајед, удрила во неидентификуван објект во близина на Болие-сур-Мер на француската ривиера.

Седум лица на бродот биле евакуирани со гумени чамци на надувување, но јахтата потонала и завршила на длабочина од најмалку 2.430 метри и покрај обидите за спасување, пишува магазинот „Тајмс“.

Последниот сопственик на јахтата бил Италијанец со куќа на францускиот брег. Во моментот кога се случила несреќата тој се обидел и не успеал да ја испумпа водата, јавуваат француските медиуми. Втор обид бил направен со влечење, кое било испратено на местото на настанот, но безуспешно.

„Куџо“ се најде на насловните страници во летото 1997 година кога принцезата Дијана беше фотографирана на тој брод во друштво на Ал-Фајед. Неколку недели подоцна тие загинаа во сообраќајна несреќа во Париз кога нивниот автомобил управуван од шофер удри во столб во тунелот „Алма“ додека бегаа од папараците.

Тоа лето Дијана беше фотографирана и на „Сокар“, јахта што тогаш беше во сопственост на таткото на Ал-Фајед, Мохамед.

„Куџо“ е изградена во Италија во 1972 година за Џон фон Нојман, бизнисмен кој своето богатство го заработил продавајќи автомобили „порше“ и „фолксваген“ во САД.

The post Потона јахтата на која принцезата Дијана го помина последниот одмор appeared first on Република.

Новак Ѓоковиќ пристигна на одмор во Дубровник, каде престојува со сопругата Јелена, синот Стефан и ќерката Тара на својата јахта наречена по ќерката.

Семејството Ѓоковиќ уживаше во аквапаркот на популарната плажа Копакабани во Дубровник.

Новак и Јелена си разменија нежности и бакнежи додека нивните деца си играа.

Српскиот тенисер одмара по Вимблдон. По финалето во Лондон дојде на Јадранот, а по Црна Гора пристигна и во Дубровник

The post Ја нарече „Тара“ по ќерката: Погледнете ја мини јахтата на Ноле appeared first on Република.

Гизел Азута (39) која веќе неколку години работи на луксузната јахта на еден милијардер, ги откри пикантните детали од својата работа.

Многумина би рекле дека ова е работа од соништата од патување на егзотични дестинации до „дружење“ со богатите, но не е баш така. Како што објасни Гизел, нејзината работа е добро платена, но често се наоѓа во многу деликатни ситуации.

Гизел признава дека ја прифатила работата бидејќи е љубител на морето и патувањата, па мислела дека ќе ја спои страста за едрење со добро платена работа. Сепак, не очекувала дека милијардерите се толку ексцентрични и дека многу често добива бизарни барања кои мора да ги исполни.

Вработените на суперјахти никогаш не смеат да го користат зборот „не“, се додека барањето не е сексуално или го загрозува здравјето или животот на екипажот. Наша должност е да го исполниме секое барање, без разлика колку е чудно или лудо – објасни таа.

Таа откри и некои од најбизарните барања од нејзините работодавци кои ги добила или лично била присутна во некои неверојатни сцени.

Во една прилика, мултимилионер гостин му предложи на член на екипажот да изврши нужда врз стаклена маса додека тој лежи под неа, а за тоа ќе му плати 10.000 долари – рекла таа.

Друг богаташ имал нешто помалку бизарно барање.

Друг гостин посака една од хостесите постојано да стои во аголот и да го гледа додека вечера. Стоеше во аголот повеќе од два часа додека тој јадеше полека, не ѝ беше дозволено да каже ништо - додала Гизел.

При вработувањето, работниците на суперлуксузните јахти исто така мора да исполнуваат одредени услови.

Се е многу површно и сопствениците на јахти најчесто бараат млади и убави луѓе како услов за работа. Сопствениците на суперјахти бараат екипажот да одговара на нивната јахта, работниците да бидат убави како нивната јахта - изјави Гизел.

Таа моментално има важна улога на суперјахтата на која работи и е задолжена за планирање и организирање на разни настани и забави, грижа за администрацијата и сметките. Според неа, овој вид на работа има свои предности.

Ова е исклучително добро платена работа. Ако исклучам понекогаш многу бизарни барања кои не сакам ни да ги спомнам, предноста е што гледате и посетувате некои неверојатни места. Глетката од палубата или зајдисонцето на отворено море е бесценета. Патувате низ светот и запознавате навистина различни луѓе и култури, престојувате на луксузни места на кои инаку се недостижни. Членовите на екипажот имаат строго дефиниран начин на однесување и справување со шефот, секое зближување е строго забрането, така што се зближувате со другите членови на екипажот кои се во иста ситуација како вас. Практично, екипажот станува ваше семејство – заклучи Гизел.

The post Вработена на јахта ги откри бизарните барања на милијардерите: Само во една ситуација смеат да кажат не appeared first on Република.

Замрзнати во времето две децении, двете суперјахти на Садам Хусеин денес лежат на сливот на реките Тигар и Еуфрат во Ирак, сведоци на лажната слава на поранешниот диктатор.

Закотвени на реката Шат ал-Араб, на само неколку стотини метри оддалеченост во градот Басра во јужен Ирак, грандиозните бродови добија многу различни судбини.

In Iraq, Saddam's ageing superyachts attest to legacy of excess, war.

Frozen in time for 20 years, two superyachts lie at the confluence of Iraq's Tigris and Euphrates rivers, bearing witness to the false glories of former dictator Saddam Husseinhttps://t.co/CjRbHf5YxJ pic.twitter.com/Lp6ppCGWmO

— AFP News Agency (@AFP) March 15, 2023

Јахтата „Победник“ (Ал-Мансур) лежи на нејзина страна, се преврте откако беше погодена за време на американската инвазија во 2003 година, која стави крај на децениското цврсто владеење на Садам Хусеин.

[caption id="attachment_621226" align="alignnone" width="640"] фото АП[/caption]

За разлика од неа, јахтата „Basrah Breeze“, закотвена на блискиот кеј, е опремена со базени, а во еден момент имала дури и ракетен фрлач. Денес, таа е делумно отворена за посетителите кои сакаат да се качат на овој остаток од минатото на земјата разурната од војна.

Вториот брод на Садам е оштетен

Состојбата на јахтата „Басра бриз“ е далеку подобра од „Победник“ која е полупотопена и чиј рѓосан труп штрчи од водите на Шат ал Араб.

[caption id="attachment_621227" align="alignnone" width="640"] фото АП[/caption]

Долга 120 метри и тешка повеќе од 7.000 тони, поранешната претседателска јахта беше составена во Финска и испорачана во Ирак во 1983 година, се наведува на веб-страницата на данскиот креатор Кнуд Е. Хансен.

Може да прими 32 патници и 65 членови на екипажот. Во периодот пред американската инвазија пред две децении, „Победник“ беше закотвен во Персискиот залив.

The post Имал вкус и стил: Како денеска изгледаат јахтите на Садам Хусеин appeared first on Република.

Бијонсе и Џеј Зи се закотвија кај Цавтат, Хрватска, со јахтата „Фејт“ (Faith) долга стотина метри. По Цавтат, тие продолжија кон Корчула.

Бродот е меѓу 60-те најголеми јахти во светот. Вреди речиси 20 милиони долари, а изнајмувањето за седум дена чини околу 1,5 милиони долари. Сопственик на јахтата е Лоренс Строл, сосопственик на „Астон Мартин“ во Формула 1.

Повеќекратно наградената моторна јахта од холандското бродоградилиште „Фидшип“ (Feadship) нуди флексибилно сместување за 12 гости во седум кабини и има внатрешен стил од британскиот дизајнер „Ар-даблју-ди“. Изграден во 2017 година, „Фејт“ е дизајнирана за престој од повеќе дена и може да се пофали со обемен внатрешен и надворешен простор на неколку палуби – идеални за пловење, одмор и забава.

На луксузното пловило има хелиодром, пристап за ортопедски колички, кино, спа-просторија, лифт, подводни светла и бежбалница.

Бијонсе и Џеј Зи повеќепати ја посетиле Хрватска заради патување и одмор.

The post Бијонсе и Џеј Зи изнајмија јахта вредна 20 милиони долари и дојдоа во Хрватска appeared first on Република.

Српската старлета Ана Кориќ обожава да ја предизвикува фантазијата со провокативни фотографии на социјалните мрежи, а со нова објава ги остави своите фанови без зборови.

Ана објави серија фотографии од јахта на кои позира во едноделен костим за капење на светски познат бренд, а во преден план се истурени нејзините огромни гради.

Сепак, тоа што на сите им падна во очи е скапоцениот часовник на нејзината рака, чија цена е околу 9.000 евра.

 

View this post on Instagram

 

A post shared by 🔥Ana Korać🔥 (@ana_korac)

The post Скапоцениот часовник ги засени дури и разголените гради: Ана Кораќ ги покажа своите атрибути appeared first on Република.

Се продава луксузната јахта на музичката легенда Дејвид Боуви- моторната јахта долга 39 метри што ја нарачал во 1974 година.

Денеб Стар е изграден од италијанското бродоградилиште Бенети и доставено до Боуви во 1977 година. Оттогаш, челичниот и алуминиумскиот брод е преименуван во Ел Каран и е наведен за продажба од Џулио Риџо во канцеларијата на Фрејзер во Палма за 4,85 милиони евра.

Ел Каран претрпе неколку преправки, а последно во 2020 година, кога беше префарбан и поставена нова палуба од тиково дрво. Но, има многу уметнички процут на Боуви од неговите денови Денеб, вклучително и надреалистичката слика која виси над трпезариската маса.

The post Се продава луксузната јахта на Дејвид Боуви appeared first on Република.

Синоќа италијанската влада нареди запленување на јахта вредна околу 700 милиони долари, која е во медиумите во врска со рускиот претседател Владимир Путин.

Елегантната Шехерезада со шест палуби е на поправка во италијанското пристаниште Марина ди Карара од септември, но неодамнешните активности на пристаништето сугерираат дека екипажот можеби се подготвува да излезе на море.

Италијанското Министерство за финансии во соопштение наведе дека истрагите покажуваат дека сопственикот на бродот имал врски со „истакнати елементи на руската влада“ и со луѓе кои се цел на санкциите на Европската унија.

Поранешен член на екипажот за Тајмс изјавил дека додека работел на Шехерезада, се зборувало дека Путин е сопственик на јахтата. Американските власти во март рекоа дека суперјахтата може да му припадне на рускиот претседател, според друг извештај на Тајмс. Шехерезада има две платформи за слетување на хеликоптери и може да прими до 18 гости и 40 членови на екипажот.

Министерството за финансии не го наведе името на сопственикот, но соопшти дека побарало од Европската Унија тоа лице да се додаде на списокот со санкции и нареди јахтата да биде запленета до конечната одлука.

The post Владата на Италија ја запленува јахтата на Путин? appeared first on Република.

Германија ја заплени најголемата суперјахта на светот откако по „обемна истрага“ утврди дека е во сопственост на сестрата на санкционираниот руски олигарх Алишер Усманов.

Германската федерална полиција денеска соопшти дека ја запленила Дилбар, вредна 600 милиони долари (458 милиони фунти) откако го откри вистинскиот сопственик на јахтата.

На „црната листа“ на ЕУ се наоѓа и сестрата на Алишер Усманов, Гулбахор Исмаилова, и се оценува дека тој „индиректно и префрлил средства“, вклучително и јахтата Дилбар.

Јахтата долга 157 метри претходно се сметаше дека е под контрола на германската влада, кога беше забележана во бродоградилиштето Блом+Вос каде од октомври е на ремонт. Официјалните лица брзо ги негираа тие извештаи.

The post Германија ја заплени најголемата суперјахта во светот, сопственост на сестрата на санкциониран руски олигарх appeared first on Република.

Луксузната јахта на Виктор Медвешчук е запленета во Хрватска. Станува збор за пловило кое се наоѓа на листата на 100 најбогати јахти во светот на сите времиња.

„Royal Romance“, која моментално е закотвена во пристаништето во Риека  изградена во холандското бродоградилиште „Friendship“ во 2015 година. Бродот е придвижуван од два дизел мотори од 3.000 коњски сили, развива максимална брзина од 15 јазли, а неговиот нацрт е 3,85 m.

Луксузните погодности вклучуваат палуби од тиково дрво, теретана, лифтови кои поврзуваат вкупно пет палуби и 12-метарски базен со водопад на горната палуба.

The post Има лифтови, теретана и базен: Јахтата на кумашинот на Путин е запленета во Хрватска appeared first on Република.

Членови на јуниорскиот едриличарски клуб од Украина, кои останаа во Турција по почетокот на руско-украинскиот конфликт, се обидоа да го спречат впловувањето на луксузната јахта My Solaris во турското пристаниште Бодрум.

Јахтата му припаѓа на рускиот олигарх Роман Абрамович, истата тргна од Црна Гора кон Турција. Но, беше пречекана од украински едриличари кои се обидоа да ја запрат со мал гумен чамец, со знамето на Украина и транспарент на кој пишуваше „Не за војната“.

https://www.youtube.com/watch?v=IYjxZlZgvmI

The post Украинци со гумен чамец се обидоа да ја запрат јахтата на Абрамович во Бодрум appeared first on Република.

Луксузната јахта на рускиот милијардер Вагит Алекперов, „Галактика Супер Нова“ (The Galactica Super Nova), исчезнала од радарот, покажуваат податоците на веб-страницата „Марин трафик“.

Бродот во сопственст на газдата на рускиот нафтен гигант „Лукоил“ минатата недела бил во Порто Монтенегро во близина на Тиват во Црна Гора, но според официјалните податоци испловил од црногорската марина, објави РТВ „Будва“.

Набргу откако јахтата ја напуштила црногорската марина, автоматскиот систем за следење на јахтата, познат и како АИС, престанал да испраќа сигнали, пишуваат „Марин трафик“ и слични сајтови како „Весел фајндер“ и „Весел валју“.

https://twitter.com/diannemando/status/1501982530840547328?ref_src=twsrc%5Etfw%7Ctwcamp%5Etweetembed%7Ctwterm%5E1501982530840547328%7Ctwgr%5E%7Ctwcon%5Es1_&ref_url=https%3A%2F%2Fwww.kurir.rs%2Fregion%2Fcrna-gora%2F3889651%2Fluksuzna-jahta-ruskog-milijaredra-nestala-sa-radara-plovilo-vlasnika-ruskog-lukoila-postao-nevidljivo-po-napustanju-crne-gore

Медиумите коментираат дека луксузната јахта на рускиот милијардер „мистериозно исчезнала“ токму во моментот кога ширум Европа беа запленувани јахтите на голем број руски олигарси.

https://www.youtube.com/watch?v=-bys0Fg1so0&feature=emb_title

Според „Супер јахт“, оваа јахта има базен со стаклено дно од шест метри, какои водопад, хелиодром, лифт и голем ноќен клуб. Долга е околу 70 метри и може да прими 28 луѓе.

https://republika.mk/vesti/svet/lov-na-bogatsvo-po-luksuznite-jahti-na-ruskite-milijarderi-nekoi-izbegaa-nekoi-ostanaa-zapleneti/

The post Луксузната јахта на сопственикот на „Лукоил“ исчезна од радарот кога Западот почна да ги плени бродовите на руските милијардери appeared first on Република.

Шпанските власти привремено ја запленија јахтата на рускиот олигарх Сергеј Чемезов, сојузник на рускиот претседател Владимир Путин.

Чемезов е поранешен офицер на КГБ кој раководи со државниот конгломерат Ростек.

Суперјахтата Валери, долга 85 метри и вредна 140 милиони долари e запленета во Барселона. Бродот пловеше под знамето на Свети Винсент и Гренадини. Бродот е регистриран на поќерката на Чемезов, Анастасија Игнатова, преку компанија од Британските Девствени Острови.

Чемезов беше санкциониран од САД во 2014 година и од Велика Британија во 2020 година поради руската анексија на Крим. Американските санкции беа насочени и кон поќерката на Чемезов, како и неговата сопруга и син.
Западните земји воведоа санкции за руските милијардери, ги замрзна државните средства и отсече голем дел од рускиот корпоративен сектор од глобалната економија по руската инвазија врз Украина на 24 февруари.

The post Шпанците запленија јахта вредна 140 милиони долари на рускиот олигарх Чемезов appeared first on Република.

Суперјахтата „Соларис“, во сопственост на рускиот олигарх, Роман Абрамовиќ, впловила во црногорското пристаниште Тиват.

Бродод долг 140 метри со преку 11.000 бруто тони, проценет на 600 милиони долари, се усидрил во Тиватскиот Залив, во близина на марината Порто Монтенегро, објави британски „Мирор“, од каде додаваат дека се чини дека на овој начин, богатиотРусин се обидува да го спаси својот имот од санкциите на ЕУ и Велика Британија.

„Соларис“ пристигнал во Тиват од Барселона, од каде што испловил на 8 март, по кратка поправка. „Мирор“ пишува дека Абрамовиќ го направил тоа за да избегне бродот да остане во Западна Европа.

Ширум Европа, деновиве се води невообичаена „игра“ на потрага и скривање меѓу властите на државите кои се придружија на санциите против Русија и руските олигарси на кои им се заканува заплена на имотот, првенствено луксузните и многу скапи суперјахти.

The post Абрамовиќ си ја спасува суперјахтата со тоа што ја испрати во Црна Гора appeared first on Република.