За оние што сакаат брзо да се ослободат од килограмите, ги советуваме појадокот да го заменат со овој оброк кој има својство на лаксатив.

Меѓутоа, многу е важно да не го јадете овој оброк подолго од 7 дена.

Состојки:

1 шолја кефир
1 јаболко
1 лажица цимет

Приготвување:

Изрендајте едно јаболко, додајте шолја кефир и цимет. Изедете го ова наутро наместо појадок.

По неколку дена ќе забележите дека половината ви е потенка, а стомакот порамен.

Оваа каша е одличен пробиотик и совршено ги исфрла токсините од организмот. Но за да ослабете за 10 дена, мора да се храните здраво: исфрлете ги слатките, тестото и грицките!

Исто така, наша препорака е брзо одење во времетраење од половина час секој ден. Резултатот ќе ве воодушеви!

The post Појадок од кој брзо ќе ослабнете, но не смее да се јаде повеќе од 7 дена appeared first on Република.

Денес Македонската православна црква и верниците го одбележуваат Денот на светите
апостоли Петар и Павле. Овој празник е популарно познат како Петровден и голем број
обичаи и верувања се поврзани со него.
Петровден се сметаше за календарска граница на годината, како еден од клучните
датуми на летниот циклус на празници и честопати се поврзува со Иванден. Ги
означува промените во природата што ги носат следните сезони и постудено време.
Светиот апостол Петар беше рибар кој прв ја искажа својата вера во Христа и неговите
учења, тој раскажа и создаде некои од првите упоришта на новата вера. Луѓето
веруваат дека Свети Петар го чува столбот на кој се наоѓа Земјата, небесната слама
(Млечниот пат) и небесниот крст (соѕвездието на Лебедот) и дека тој ги има клучевите
во рајот.
Светиот апостол Павле беше фарисеј, но кога ги научи Христовите учења, го прифати и
стана еден од неговите најголеми проповедници и теолози. И двајцата биле погубени
во Рим од страна на императорот Нерон.
Сите девојки што го засадија житото на 7 јули денес гледаат како пораснало и, ако
пораснало така што се наведнало како прстени, сигурно ќе се венчаат оваа година.
На Петровден, не се работи на поле и не започнува тешка физичка работа.

Претходно се веруваше дека јаболката не треба да се сечат со нож до Петровден,
бидејќи може да падне град што ќе ги уништи посевите. Овој обичај е поврзан со
верувањето дека на Петровден, Свети Петар им дели јаболка на децата во другиот
свет.
Затоа, на овој ден, во некои делови на земјата, на првите соседи им се донесува
јаболка како подарок, а некои се носат во црквата за осветување. Во некои области,
децата со запалени јорговани одат од куќа до куќа и домаќините им даваат подароци.
Повеќето жени прават и колачи со јаболка. Но тоа не се било какви јаболка, туку
посебна сорта што зрее околу овој празник и се нарекува петровка.

The post Зошто на првите соседи им се подарува јаболко на Петровден? appeared first on Република.

„Едно јаболко на ден и не ви е потребен доктор“, вели народната поговорка. Но дали е така кога се работи за јаболко во кое има остатоци од неколку видови пестициди? Изјавите за квалитетот на македонските јаболка одат од една до друга крајност – од најздрави, до најштетни, па затоа РСЕ на терен провери какви се јаболката кои ги јадат македонските граѓани, истражува РСЕ.

Во Државната фитосанитарна лабораторија, на Земјоделскиот институт, РСЕ однел три примероци јаболка за да ги испитаат дали, два месеци по бербата, во нив има пестициди.

Пестицидите инаку се хемиски супстанции кои се користат за превенција, уништување, спречување или намалување на количеството штетници кај растенијата. Остатоци од нив може да се најдат и во плодовите кои секојдневно ги консумираме.

Првиот примерок го купиле од пазар, од една од тезгите,а продавачот уверувал дека се работи за вкусни и здрави македонски јаболка. Вториот примерок го набавиле од големите скопски маркети, јаболка на попуст, покрај кои стоел мал натпис дека се македонски.

Ние нашето испитување за јаболката го направиме во Државната фитосанитарна лабораторија, каде се проверува присуство на 470 резидуи, односно остатоци од пестициди. Резултатите беа готови веќе следниот ден, и ја покажаа кисело-слатката вистина за македонските јаболка. Во еден од примероците беше пронајден еден вид пестициди, во друг три вида, а во третиот коктел од дури четири пестициди меѓу кои и фосмет, кој е во широка употреба, но Европската Унија годинава го забранува за употреба. Сите беа во количина под максимално дозволената граница, што значи дека треба да се безбедни за употреба. Блиску до горната граница беше фосметот, стои во натписот на РСЕ.

The post Македонското јаболко полно пестициди – дури и оние кои Ковачевски ги подели на учениците appeared first on Република.

Неодолив колач со јаболка за секој ден и секоја пригода – содржи и крем од ванила што го прави уште помек!

Состојки: 500 г брашно * 20 г свеж квасец * 1 рамно лажиче брашно * 60 г шеќер * 60 г растопен путер * 1 јајце + 1 јајце за премачкување * малку рендана кора од лимон * околу 250 мл млеко.

За филот: 300 мл млеко * 1 пудинг од ванила* 2 лажици шеќер * 1 јаболко * 50 г суво грозје

Приготвување:

Разматете го квасецот во 100 мл топло млеко со лажиче шеќер и брашно. Оставете го да нарасне.

Соединтете ги брашното, шеќерот и солта во подлабок сад, додајте ги нараснатиот квасец, растопениот путер, јајцето, малку кора од рендан лимон и преостанатото млако млеко. Замесете мазно тесто. По потреба додајте уште малку брашно или течност. Оставете го да одмори 30 минути.

Фил:

Ставете во тенџере 200 мл млеко и оставете го да зоврие. Во преостанатото млеко разматете го пудингот, па додајте го во зовриеното млеко и продолжете со варење, со постојано мешање, додека се згусне. Покријте го со проѕирна фолија.

Прелијте го сувото грозје со лажица рум и оставете го кратко да постои. Излубете го јаболкото, исечете го на тенки парчиња и попрскајте го со малку сок од лимон.

Истенчете го тестото во правоаголна кора. Со тапата страна на ножот по ширина на тестото обележете три ленти. Намачкајте ги во средина со изладениот пудинг. Врз првите две распоредете ги јаболката, а врз третата нанесете го сувото грозје. Надворешните ленти завиткајте ги така што да се спојат на средина.

Добиениот ролат исечете го на парчиња со дебелина од 3 см. Подмачкајте тркалзен калап со путер, па распоредете ги парчињата во него обликувајќи цвет. Оставете ги да одморат 10 минути.

Печете ги во згреана рерна на 200 степени околу 40 минути.

The post Цвет со јаболка и крем од ванила appeared first on Република.

Ако првиот чекор што ќе го направите наутро е да посегнете по кафе, можеби ќе се премислите поради следните факти.

Додека будењето со кафе зависи од количината на кофеинот, јаболкото му ја дава на телото енергијата потребна заради природниот шеќер фруктоза и не остава негативни последици врз организмот, тврдат експертите.

Јаболкото е добро и поради фактот што не му паѓа тешко на стомакот, што не е случај со кафето, а исто така не влијае на притисокот. Се разбира, кофеинот во кафето ќе има подобар ефект при самото будење, но придобивките од јаболката не треба да се запоставуваат.

Таа ќе го разбуди телото на природен и лесен начин, што нема да предизвика нервоза и недостаток на сон, што може да биде последица од пиењето кафе.

Освен тоа, јаболкото е богато со витамините А, Б и Ц, но и со пектинот, кој во организмот ги апсорбира водата и отровите. Кафето подобро ќе дејствува при будењето, но со можни последици, додека јаболкото е здрав начин за будење на телото.

The post Утринското кафе заменете го со јаболко! appeared first on Република.