Одложените локални избори во Јабланица ќе се одржат в недела, на 3 ноември 2024 година, се наведува во соопштението на Централната изборна комисија (ЦИК) на БиХ.

Во сабота, на 2 ноември 2024 година, од 07:00 часот наутро ќе започне изборниот молк, кој ќе трае до затворањето на избирачките места во недела, 3 ноември 2024 година, во 19:00 часот.

Изборите ќе се спроведат на 22 избирачки места, од кои едно е мобилен тим, а право на глас имаат 8.828 регистрирани гласачи, од кои 33 гласачи гласаат во отсуство за други општини/градови.

Изборите во Јабланица беа одложени поради катастрофалните поплави.

The post Локалните избори во Јабланица ќе се одржат на 3 ноември appeared first on Република.

Претседателката на Европската комисија, Урсула фон дер Лајен денеска најави поддршка за Босна и Херцеговина во санирањето на последиците од поплавите и свлечиштата во кои загинаа 27 лица, а беа уништени голем број семејни куќи, комерцијални објекти и инфраструктура.

Фон дер Лајен ја посети Долна Јабланица, која беше најтешко погодена од поплави и одрони.

- Речиси немаше никаква прилика ниту можност да се спаси населението од овој дел. Велам, навистина е неверојатно да се види сето ова од прва рака …, рече претседателката на Европската комисија.

Таа им изрази сочувство на семејствата на жртвите, а на Босна и Херцеговина и најави поддршка од Европската унија во санирањето на последиците од поплавите и одроните.

- Европската унија е секако тука со вас, не само во овој краткорочен период на првиот одговор, туку секако и во подолготрајниот период во рехабилитација и реконструкција, односно враќање на животот во овие области, истакна таа.

Претставници на општина Јабланица истакнаа дека штетата само во оваа општина е проценета на 25 милиони евра. Претходно, претседавачот на Советот на министри на Босна и Херцеговина, Борјана Кришто, која беше во Долна Јабланица заедно со претседателката на Европската комисија, Урсула фон дер Лајен, најави дека Босна и Херцеговина ќе аплицира за Фондот за солидарност на Европската унија за санирање на последиците од поплавите и одроните. Босна и Херцеговина има можност да го стори тоа со оглед на тоа што е земја кандидат за ЕУ.

Во поплавите и свлечиштата во Босна и Херцеговина на почетокот на октомври загинаа 27 лица, а штетите се проценуваат до 100 милиони евра.

The post Фон дер Лајен од Скопје во Јабланица appeared first on Република.

Во Долна Јабланица, местото кое е најпогодено од поплавите во БиХ, се појави ново свлечиште на магистралниот пат М-17.

Патот е делумно оштетен, а возилата го заобиколуваат преку паркинг, јавува „Аваз“. Во истата област, спасувачите продолжуваат со потрагата по преживеани, користејќи тешка механизација за да ги отстранат големите наноси од земја, кал и камења.

По повлекувањето на водата, местото изгледа целосно опустошено.

Според последните информации, најмалку 20 лица го загубиле животот во катастрофалните поплави во БиХ. Поплавите и свлечиштата, исто така, предизвика и огромни материјални штети во регионот.

https://republika.mk/vesti/balkan/gi-odnese-vodata-dete-vo-bosna-vo-ist-den-ostana-bez-roditelite/

Локалното население е евакуирани од нивните домови, а спасувачките екипи работат ден и ноќ за да им помогнат на погодените.

Началникот на општина Јабланица, Дамир Шабановиќ, прогласи Ден на жалост, кој ќе трае до 8 октомври

The post Нов проблем во Јабланица-се појави свлечиште appeared first on Република.

Условите за пребарување на теренот во Доња Јабланица денеска се нешто подобри, дождот престана да врне, па спасувачите со полн капацитет ја продолжуваат потрагата по настраданите од страшната поплава и одрон на ова место.

Сабахудин Спаховиќ од Сојузната управа за цивилна заштита рече дека има многу работи кои спасувачите ќе ги паметат засекогаш, но во неговото сеќавање особено е врежана акцијата за спасување на дете веднаш по катастрофата.

Вистинско чудо е што детето ја преживеало оваа катастрофа, бидејќи го нашле под плоча тешка два тона.

Она што ќе ми остане во сеќавање до крајот на животот, нешто што никогаш нема да можам да го извадам од мојата глава, секако е пронаоѓањето на мало дете. Живо, под плоча која мора да тежела два тона. Заедно со мештаните и сите што беа присутни, успеавме да го извлечеме детето живо и да го пренесеме во првата медицинска установа. Утрово добив информација дека детето е здраво и дека се што му треба е обезбедено, додава Спаховиќ.

Според Спаховиќ, покрај членовите на ФУЦЗ, на терен се и спасувачи со кучиња и членови на тимот на ХУСАР од Хрватска. Ова е првиот тим кој беше ангажиран во Јабланица преку меѓународниот координативен механизам за цивилна заштита и Министерството за безбедност на Босна и Херцеговина.

Сега три лиценцирани кучиња работат на мртви лица на терен. Успеаа да ги откријат жртвите. На три места кучето даде сигнал и чекаме да се создадат услови, бидејќи е многу тешко да се пристапи кон тие места, да се обидеме со машини да дојдеме до потенцијални тела на жртви“, изјави Спаховиќ за „Аваз“.

Целиот регион го поврзува солидарноста, хуманоста и желбата да им се помогне на преживеаните од катастрофата во Јабланица. Со благодарност до сите што помагаат, Спаховиќ апелира дека на спасувачите во моментов им е потребна помош не во работна сила, туку во механизација.

Не ни треба помош во луѓе, потребна ни е помош во камиони, багери, се друго што ќе ни биде од корист на терен за да почнеме да ги отстрануваме тешките последици од оваа катастрофа. Во моментот кога ќе дојдеме во ситуација да започнете со расчистување на објектите и се друго што имаме овде, потоа преку медиумите и социјалните мрежи ќе апелираме да ни помогнат во работна сила. Дотогаш ги молам сите за трпение, особено да не одат по патот по сопствена иницијатива, бидејќи така ни создаваат проблеми и нам, на полицијата и на сите други“, вели Спаховиќ.

The post Во Јабланица извлечено живо дете од под плоча тешка два тона appeared first on Република.

Почетокот на мај донесе нова снежна покривка на шланината Јабланица. Обилните врнежи од дожд условија пад на температурите како и снежни внрежи на повисоките планински масиви во струшкиот предел, поточно на планината Јабланица. Охрид 1 објави фотографија од мајскиот зимски пејсаж на планината.

The post Нов снег на планината Јабланица во месец мај appeared first on Република.

Институциите ниту ја запираат сечата на дрва, ниту се заинтересирани да го реконструраат патот, се жалат жителите на планинското село Дренок, лоцирано крај границата со Албанија, на 34 километри од Струга. Локалниот пат до селото е уништен од камионите натоварени со дрва исечени по падините на Јабланица. По патот по кој не би смееле да се движат возила потешки од 5 тони, секојдневно се спуштаат огромни камиони кои со товарот тежат 30-тина тони.

Патот е изграден пред педесетина години со самопридонес на жителите на малото село и со помош на тогашната Југословенска народна армија. Војската го користела за да стаса до некогашната караула недалеку од селото, а жителите, како и оние кои за викенд се враќале во родното село биле задоволни од асфалтираниот пат.

Долги години жителите се сведоци како го снемува асфалтот од патот и како се отвораат вистински кратери кои е тешко да се заобиколат. Но, сведоци се и како се соголува убавата Јабланица, што од легална сеча на дрва, што од дрвокрадци. Луѓето се се прашуваат кога земјиштето ќе се излизга и ќе направи вистинска катастрофа.

The post Јабланица се соголува, дрвократците го уништуваат и патот до Дренок appeared first on Република.