Холандскиот владин кабинет до Парламентот во Хаг ја испрати владината оценка на извештајот на ЕК за Македонија во кој, меѓу другото, се нагласува:

Сепак, извештајот дава мрачна слика за случувањата во областите на кластерот Основи. Развојот на настаните во Судскиот совет, политичкото влијание врз назначувањата во судството и злоупотребата на скратените процедури за носење закони предизвикуваат голема загриженост. Владата ја споделува сериозната загриженост на Комисијата за измените на Кривичниот законик со нивните далекусежни последици за тековните случаи на корупција. Во блиска иднина, Македонија ќе мора да покаже политичка волја за справување со корупцијата на високо ниво и за борба против организираниот криминал.

The post Оценка на холандската влада за Македонија: Мрачна слика на политичко влијание во судството и злоупотреба на кратките законски процедури appeared first on Република.

Се моли министерот Mеџити да не чита само еден збор од извештајот на ЕК, туку да го чита во целост - оценката за здравство е во катастрофална состојба и извештајот констатира основна негрижа и невидено назадување во јавното здравство, велат од Комисијата за здравство на ВМРО-ДПМНЕ и додаваат:

Кога Меџити се дрзнува да го толкува Извештајот на Европската комисија за здравство, а притоа се фаќа само за еден збор за да тера пиар без да преземе било што за подобрување на состојбите, добро е да се потсети истиот тој Меџити и надлежните за трансплантација дека:

1️⃣Македонија е далеку од членство во Еуротрансплант, а целокупната негрижа за јавното здравство, со акцент на негрижата за кадарот јасно е нотирана во истиот извештај на Европска комисија кој Меџити се дрзнува да го коментира. За да се биде член на Еуротрансплант потребни се критериуми за кои што Македонија треба прецизно да потврди, а тоа се некомерцијализација на донацијата на органи, акредитирани центри за трансплантација наместо затворен центар за трансплантација на Клиника за урологија, јасно дефинирани процедури и безбедност на податоците.
2️⃣Искрени честитки до сите здравствени работници вклучени во трансплантацијата на црн дроб, но системските пропусти генерално за процесот на трансплантација остануваат огромен предизвик за јавното здравство!
3️⃣ Неинвестирање во кадарот и недостигот на едукации е исто така дел од истиот извештај на Европската комисија кој Меџити и неговите советници за трансплантација не се заинтересирани да го прочитаат, а уште помалку да преземат нешто.
4️⃣Потврда за системската негрижа за процесот трансплантација се и информациите од здруженијата на пациенти кои работат на оваа проблематика и се директно засегнати во овој процес.
➡️Според здружението на пациенти Нефрон во 2023год се извршени само 4 кадаверични трансплантации на бубрези и според ова Здружение кадаверичната трансплантација не може да ги задоволи потребите на пациентите кои се на листите на чекање.
5️⃣Под знак прашање е и изработката на листите на чекање за трансплантација на ткива и органи
6️⃣Истиот извештај покажува и дека нема следственост и нема информации за квалитетот на животот на овие пациенти по трансплантацијата. Досега не е објавен ниту еден извештај за преживувањето на трансплантираните органи како и за преживувањето на пациентите.
7️⃣Огромен предизвик е кадарот и континуитетот на негова едукација за целиот процес од медико-легален и клинички аспект
8️⃣ВМРО-ДПМНЕ има кадар и потенцијал и се обрзуваме дека токму трансплантацијата од сите можни аспекти и со конкретни мерки и чекори е со висок приоритет во нашата програма.

✔️За таа цел, Комисијата за здравство на ВМРО-ДПМНЕ во соработка со нашите и врвните европски и светски експерти од обаста ќе направи анализа и ревидирање на фактичката состојба и соодветно на тоа ќе предложи решенија согласно најдобрите светски и европски пракси.

The post Mеџити да не чита само еден збор од извештајот на ЕК, туку да го чита во целост – оценката за здравство е во катастрофална состојба appeared first on Република.

Прескапиот проект „Бектел и Енка“ претрпе сериозни критики во извештајот на ЕК за напредокот на Македонија. За изградбата на двата коридори досега се дадени околу 200 милиони евра, а не е изграден ниту еден метар, ниту пак има проект за изградба.

Во извештајот Европската комисија се наведуваат неколку оценки за сомнеж за криминал и корупција. За експертите на Европската комисија, прескапиот проект вреден најмалку 1,3 милијарди евра е доделен на американско – турскиот конзорциумот без јавна набавка што е во директна спротивставеност со правила на ЕУ и пазарната економија.

За ЕУ е проблематично и тоа што при усвојување на проектот во Собранието тој е донесен со злоупотреба на ЕУ знаменце.

ЕУ нема дилема дека проектот е спротивен на меѓународни обврски и правна рамка.Во делот на финансиските последоци според ЕУ Бехтел и Енка ги зголемува ризиците од негативен развој во фискалната консолидација.

The post ЕК го критикува проектот „Бектел и Енка“: Доделен е без јавна набавка и со злоупотреба на европското знаменце appeared first on Република.

Демократската унија за интеграција го поздрави извештајот на Европската комисија, кој, поред нив, потврдува дека „и покрај опструкциите и блокадите од опозицијата, како и енергетските, безбедносните и финансиските кризи, Република Cеверна Македонија ги исполнува условите да го продолжи патот кон членството во Европската Унија“.

Според извештајот на ЕК, постигнат е напредок до 81% од поглавјата и нема назадување во ниту едно поглавје, а што се однесува до подготвеноста на поглавјата има соодветно ниво на подготвеност до 90%. Демократската унија за интеграција оценува дека извештајот на Европската комисија јасно покажува дека главните пречки за напредок се токму опозициските партии кои ги блокираат уставните измени и европскиот пат на земјата. Забележан е голем напредок и поради фактот што Европската Унија го објави пакетот за проширување на унијата и планот за раст на економиите на Западен Балкан и со овој план нашата земја има една милијарда евра на располагање и продолжува со реформите и процесот на интеграција, по пет месеци ќе го имаме првиот трансфер од овој нов Пакет. Демократската унија за интеграција и во оваа прилика апелира до сите политички чинители, академскиот свет, граѓанското општество и медиумите да придонесат земјата успешно да го заврши новиот најголем предизвик од независноста, бидејќи нема друга алтернатива за да има поперспективен живот за сите нас, велат од ДУИ.

The post ДУИ: Извештајот на ЕК ја докажува нашата посветеност на патот кон ЕУ appeared first on Република.

Поранешниот претседател на Собранието Трајко Вељаноски направи споредба во извештаите за Македонија во времето на таканаречениот режим, и последниот кој Европската комисија го објави пред неколку дена, а во кој се забележани најлоши резултати досега.

Сето нотирано погоре, меѓу останатото, резултираше со, за жал, најлошиот и најнегативниот Извештај на ЕУ за напредокот на Република Македонија во историјата, во делот на функционирањето на законодавната власт и работењето на Собранието на Република Македонија!, потенцира Вељаноски.

The post Вељаноски: Вака беше за време на „режимот“, а ова доведе до најлошиот извештај досега! appeared first on Република.

Поранешниот претседател на Собранието на Република Македонија Трајко Вељаноски вели дека Собранието го добило најлошиот и најнегативниот Извештај од ЕУ. Тој прави споредба на времето на „режимот“ до 2027 година и за време на „животот“ од 2027 до денес.

За време на “режимот“ до 2017 година:

За време на “режимот“ законите со ЕВРОПСКО ЗНАМЕНЦЕ беа закони со кореспондентни табели и никогаш Комисијата за европски прашања не беше матично тело, туку заинтерсирано тело и даваше само мислење.

Никому му нема паднато на ум, а камо ли да се дрзне и да го злоупотреби европското знаменце, да го девалвира и да го прави предмет на потсмев.

ИЗВЕШТАИ на НЕЗАВИСНИТЕ РЕГУЛАТОРНИ ТЕЛА беа разгледувани на пленарна седница веднаш откако ќе беа добиени и беа гласани со соодветни заклучоци.

ЗАКОНИ ПРЕДЛОЖЕНИ од ОПОЗИЦИЈАТА беа разгледувани на пленарна седница, во деловничкиот рок, најдоцна до месец дена.

ИНФОРМАЦИИ ПРЕДЛОЖЕНИ од ОПОЗИЦИЈАТА беа ставани на Дневен ред, дискутирани и разгледувани на секоја втора седница.

На редовната понеделничка КООРДИНАЦИЈА се договараше неделен распоред за пленарни седници и комисии, како придобивка од Вестминстер проектот.

ИЗВЕШТАЈОТ на ЕУ за НАПРЕДОКОТ на РЕПБЛИКА МАКЕДОНИЈА беше дочекуван со најголема сериозност, разгледуван на пленарна седница и со консензус гласани Заклучоци предложени од Националниот Совет.

Е-Парламентот, за пример на светско ниво, целосно функционален, со стенографски белешки од пленарните седници од 1990 година, со видео записи од пленарните седници од 2002 година.

За време на мандатните периоди од 2008-2016 НЕЗАВРШЕНИ СЕДНИЦИ - 12 и НЕЗАВРШЕНИ ТОЧКИ - 20.

За време на хибридниот режим од 2017 година до денес
Злоупотребата на закони со европско знаменце е измислица на оваа власт.

Злоупотребата на европското знаменце започна од почетокот на 2018 година со вонделовничко донесување на Законот за употреба на јазиците.

По што на секој проблематичен закон му лепеа европско знаменце и Комисијата за европски прашања противуставно ја направија втор законодавен дом.

Извештаите на независните регулаторни тела или воопшто не се разгледуваат или се ставаат а разгледување после две години кога истите се беспредметни за расправа.

Закони предложени од опозицијата (колку и да беа) воопшто не се разгледани, вонделовнички стојат ’замрзнати’ во собранискиот фрижидер.
Колку ИНТЕРПЕЛАЦИИ доживеаја прекршување на деловничките рокови и процеури!?

Информации предложени од опозиција (колку и да беа) воопшто не се разгледувани.

Нема никаков договор на понеделничката Координација.

Извештајот на ЕУ за напредок на РМ или не е разгледуван или со година дена задоцнување и без усогласени Заклучоци од Националниот Совет.
Е-парламент нефукционален, со стенографски белешки и видео записи од 2008 година, со неприфатливо и неиздржано оправдување за процес на мигрирање на податоци кој необјасниво трае повеќе од година дена.
За време на мандатниот период 2017-2023 незавршени седници - 58 и незавршени точки  - 479.
Сето нотирано погоре, меѓу останатото, резултираше со, за жал, НАЈЛОШИОТ, НАЈНЕГАТИВНИОТ Извештај на ЕУ за напредокот на Република Македонија во историјата, во делот на функционирањето на законодавната власт и работењето на Собранието на Република Македонија!

The post Трајко Вељаноски: Собранието го доби најлошиот и најнегативниот Извештај од ЕУ appeared first on Република.

Според власта Македонија е единствена држава во светот каде опозицијата е виновна за лошото работење на власта. Но, извештаите на Европската комисија за секоја држава која е кандидат за членство во ЕУ се однесуваат на работата на власта на сите сегменти на власта всушност таков е и овој извештај, рече потпретседателот на ВМРО-ДПМНЕ Александар Николоски во гостување во вестите на Канал 5 Телевизија.

Овој извештај го констатира тоа што ние го знаеме, ја констатира реалноста, а тоа е дека во Македонија економијата тоне а корупцијата цвета, практично нема сектор во кој не се назадува, особено во делот на борба со организираниот криминал и корупција, судските реформи, функционирањето на судството и обвинителството, нешто што го гледаат граѓаните секојдневно и што е основна причина да ја напуштат државата и да има едно вака масовно иселување. Ако во минатото иселувањето беше првенствено од економски причини, сега е затоа што нема ред во државата. Така што тоа е тоа што го констатира извештајот, а во однос на политичката поларизација, да, ние правиме политичка поларизација со овие лоши и коруптивни практики на власта и секако дека не можеме да поддржиме коруптивни практики на власта, рече Николоски.

Потпретседателот продолжи и додаде дека точно е тоа дека се судриле со власта за кривичниот законик каде јасно тоа го констатира Европската комисија дека истиот е донесен нетранспарентно со злоупотреба на европското знаменце.

Точно е дека се судривме за изградбата на коридорите 8 и 10 од кои абер нема како што гледате за кои исто така Европската комисија констатира дека се донесени во несоодветна постапка и со злоупотреба на европското знаменце и дека сите овие практики кои ги прави власта ја зголемуваат недовербата на граѓаните и ги зголемуваат сомнежите за корупција, кажа Николоски.

Потпретседателот додаде дека извештајот е најдобра потврда на она што тој лично и партијата со години го зборуваат, а тоа е дека основната причина зошто Македонија не почнува преговори за членство со Европската Унија не е Бугарија туку е високото ниво на криминал и корупција.

„Неколку големи земји членки на Европската Унија сметаат дека државата не е спремна за почеток на преговори пред се заради големото ниво на криминал и корупција. Затоа што да беше обратно ќе извршеа притисок врз Бугарија и проблемот со Бугарија ќе се решеше за едно претпладне или попладне, но самото тоа што не вршат притисок врз Бугарија покажува дека тие го делат мислењето дека Македонија не заслужува почеток на преговори. Да го реши Македонија проблемот со криминалот и корупцијата кои пред се внатрешно нас ни е потребен, верувајте проблемот со Бугарија ќе биде решен многу едноставно со еден дипломатски притисок од страна на главните градови на најголемите земји членки на ЕУ“, заклучи Николоски.

The post Николоски: ЕК го потврди високото ниво на криминал и корупција, токму тоа е причина зошто Македонија не почнува преговори со ЕУ appeared first on Република.

Извештајот на Европската комисија е јасен прогрес има во 81% од поглавјата, нема назадување во ниту едно поглавје, се вели во соопштението на СДСМ.

Во однос на подготвеност на поглавјата, во 90% има соодветно ниво на подготвеност. Нема повеќе делови во Извештајот како во времето на ДПМНЕ од 2015 или 2016 година за заробена држава, нема мешање во судската власт, нема уназадување.

ЕУ го објави пакетот за проширување на унијата и планот за раст на економиите на Западен Балкан.

Само со овој план на Македонија на располагање и стојат милијарда евра, велат од СДСМ.

Со продолжување со реформите и со процесот на интеграција, првиот трансфер од новиот пакет ќе го имаме за пет месеци од сега, сметаат од СДСМ.

The post СДСМ: Имаме напредок во 81 отсто од поглавјата appeared first on Република.

Претседателката на Државната комисија за спречување на корупција Билјана Ивановска, вели дека многупати досега сме прочитале дека нема напредок во извештајот и не треба да сме изненадени од лошите оцени на меѓународната заедница.

– Прашувам зошто сите се изненадуваме кога меѓународната заедница ќе ни даде лоши оценки дотолку повеќе што ние постојано укажуваме на тоа. Значи, ДКСК дава препораки, невладините укажуваат, сите укажуваме и тогаш сите се глуви. Сега кога ќе дојде меѓународната заедница да ни ги каже вистинските оценки тогаш наеднаш сите се чудиме. Ама власта не ги гледа оценките, изјави Ивановска во емисијата Анализа 24.

Според Ивановска, власта не ги гледа реално оценките какви се и што се.

–   Мене сево ова ми личи на едно мало тврдоглаво дете коe не сака да послуша ништо што му се кажува… За жал, тоа е зрелоста на нашето општество, ништо повеќе од тоа, вели Ивановска.

Холандскиот амбасадор, посочи Ивановска, неколку пати отворено ни кажува дека ова е се до нашиот менталитет, дека човечкиот потенцијал е таков и дека власта се изразува декларативно во борбата против корупција,

– Значи, ако е се’ до менталитетот и до човечкиот фактор тоа значи дека треба тука да имаме зреење, односно детето да порасне. Значи, без разлика колку и да формираме работни тела, комисии, било што – епилогот ќе биде дали имаме желба, вистинска волја тоа да се заврши или, пак, ќе ја замајуваме јавноста, вели Ивановска.

Ивановска, посочи дека ДКСК во нејзиниот мандат досега има 50 иницијативи за кривично гонење и уште 50 иницијативи за разрешување на директори и раководители.

–  Бар нешто од тоа да се применеше, ќе ја променеше климата во државата, изјави Ивановска.

Уште од 2019 година, нагласи Ивановска, Комисијата излегла со сериозни наоди коишто го поткопуваат ова општество – прашањата со кронизмот, непотизмот, клиентелизмот.

Во тоа време беа опфатени повеќе јавни претпријатија, дадовме иницијативи за разрешување на директорите во тие јавни претпријатија – никој не беше разрешен. Единствено си отиде директорот Драган Миневски од ЕСМ, мислам, и мислам дека тој повеќе си замина поради својот личен интегритет отколку што некој побра да си оди – тоа е мое лично мислење, не знам можеби не е така, не е битно. Но, сите управни одбори одговорија дека не гледаат одговорност кај директорите коишто по пат на политичко влијание ги одбрале тие, изјави Ивановска.

Според Ивановска, добро е што ЕК позитивно ја оценува работата на ДКСК, со оглед дека половина мандат го поминале со исти ресурси.

The post Ивановска: Власта не ги гледа реално оценките на ЕК, се однесува како тврдоглаво дете appeared first on Република.

„Кога власта има потреба да направи некој криминал, тогаш прави маневар во јавноста дека се носи супер закон со европско знаменце, но не е тоа така. Кривичниот законик знаете како брзоплето се донесе да не се зборува ништо во еден ден, да помине брзо на комисија за да се спаси некој. А кој се спаси, пример ќе ви кажам зошто си го правеа сето ова за да се спаси еден градоначалник од Струга и 14 кривични пријави да му паднат, тоа е целта. Зошто се носи лотарија со европско знаменце, зошто? За да има некој интерес и ќар“, вели потпретседателот на ВМРО-ДПМНЕ Владо Мисајловски на денешната трибина Дебати за Македонија- „Извештајот на ЕУ за Македонија- одраз на реалноста“.

Потпретседателот додаде дека случајот со „Бехтел и Енка“ кој е донесен со европско знаменце е нотиран во извештајот од ЕК.

„Сега во овој момент се префрлаат стотици милион евра на компанија што не започнала со ништо а нема потреба да постојат закони за овој проект, зошто е тоа така направено. Како направија со европско знаменце да се одбере компанија без да има учество за други компании да се пријават па да се дебатира. Видете што е сржта на овој проект, некој да стави подизведувачи, а кога велам некој тоа се СДС и ДУИ, тука е проблемот во Република Македонија кај овие две партии пред се затоа што они бараат како да го наполнат џебот. Сржта е криминалот и корупцијата“, истакна Мисајловски.

Потпретседателот Мисајловски изјави дека тоа што ВМРО-ДПМНЕ го говореле во минатото за злоупотреба на европското знаменце е нотирано и потврдено во извештајот.

„Нема да гледате дека ако некој ставил европско знаменце дека некој закон ќе се подобри бидејќи европската комисија или Европската Унија го бара тоа, да најголем дел од тие закони ќе бидат подобрени ако имаме чесна Влада. Ние имаме чесен пристап и бевме против овие закони и сеуште сме против овие закони, а не сме против изградба на патишта. На овој начин со европско знаменце може да видиме сите оние што го говоревме во минатото дека се е нотирано во извештајот. Значи ние сме зборувале сите нешто што навистина вреди за Европа, односно за европскиот пат“, рече Мисајловски.

Потпретседателот истакна дека треба заедничко сплотување и победа за да има огромна одговорност.

„Законот за либерализација на железничкиот систем е подолго време во мојата матична комисија и често пати баравме да се објасни на граѓаните што точно значи за да видиме која е визијата. Со овој закон што сакаат да направат, прво што направиле отишле по сите европски институции да пренесат дека ВМРО-ДПМНЕ ја кочи европската иднина, па да слушнеме од комитетот за транспорт дека ВМРО-ДПМНЕ кочи, па потоа од инфраструктурната заедница дека повторно ВМРО-ДПМНЕ кочи европски закон. Овој закон се однесува за либерализација на патниот и товарниот сообраќај односно да може да се добиваат лиценци да може да се вози по македонските пруги. Ние како држава и партија не сме против европски закон, јас кога бев министер овој закон не се носеше поради една причина, поради тоа што сакавме да вложиме премногу средства во железницата со нови товарни вагони, возови, локомотиви, подобрување на самите пруги. Се започна со Битола – Каменица, почнаа нови инвестиции, почна кон Бугарија поактивно да се работи иако тоа е проблем на сите Влади, но сега СДСМ го протнува овој закон без да има никаква визија што ќе се случува во иднина. Наместо да велат дека ВМРО-ДПМНЕ го кочи, ние оставивме простор да се дебатира бидејќи ако не го ставевме на комисија, ќе го ставеа со европско знаменце. Ние многу пати велиме ако некој закон е со европска регулатива како овој ајде да го дебатираме, но кога ќе ги соочиме аргументите и фактите, тогаш нема аргументи и факти, туку само прават како власт нешто да чекираат дека нешто направиле а во позадина што се крие? Дали се крие позади секој еден ваков закон корупција? Верувајте дека се крие, тоа е заштитен знак на оваа власт, ако на ВМРО-ДПМНЕ заштитен знак беа бројките и што повеќе проекти да има во Македонија, овде имаме голем и државен проблем со криминалци и бандити што сакаат да ја ограбат Македонија“, потенцираше Мисајловски.

Мисајловски истакна дека ВМРО-ДПМНЕ има визија и и' порача на власта колку и да го менуваат кривичниот законик пак ќе одговараат.

„Треба целокупен рестарт во целото општество. Нема сектор каде не треба буквално реформа, прашањето е дали со овој потег што го направија со „Бехтел и Енка“ и толку многу вложување како најскап проект во историјата дали Македонија ќе има доволно средства за многу идни проекти, тоа е многу важно прашање, дали ќе имаме доволно средства за нови капитални проекти, никој не размислува, но ние како ВМРО-ДПМНЕ ќе размислуваме за визија, за како до Унгарија и до Солун да има брза железница, најмодерна и најубава, тоа е визија за напред, наместо да не заобиколуваат кон Бугарија ние да донесеме развојна програма како да ги подобруваме сите овие процеси. Наместо ние да зборуваме дека буџетот има толку големи дупки и да бараме начин како да го пополниме, додека зборувам јас во Собранието стигна закон, верувале или не државата до крајот на годината се задолжи со нови 500 милиони евра и знаете како ќе се достават овие закони, со европско знаменце. Прв пат во историјата на Македонија нема да идат тие закони да се гледаат во комисијата за финансирање и буџет бидејќи ја претседава пратеник од ВМРО-ДПМНЕ, Бојан Стојаноски туку со европско знаменце задолжувања за трошоците и парите што треба да се дадат на „Бехтел и Енка“ и останати, затоа нас ни треба рестарт“, дециден е Мисајловски.

Мисајловски додаде дека власта носи закон со кој сака да си се спасат од криминалот и корупцијата.

„Ако зборуваме за јавната администрација, немаат донесено закон за јавна администрација со години, целиот нивни мандат и сега на крајот од мандатот сакаат да протнат некој решенија и верувајте тоа решение ќе биде исклучиво како да се заштитат нивните вработувања, односно тие луѓе што ги имаат поставено. Оваа Влада носи закони за еден ден за да се спасат од криминал  и корупција“, заклучи Мисајловски.

The post Мисајловски: Европската комисија нотира дека владата на СДС и ДУИ ги злоупотребува процедурите и европското знаменце appeared first on Република.

Потпретседателката на СДСМ и директорка на УЈП, Сања Лукаревска беше гостинка во „Клик Плус“ на ТВ21.

Лукаревска го коментираше извештајот на Европската комисија.

Се создава перцепција за лош извештај, што не би се согласила затоа што има и други поенти позитивни кои треба да се споделуваат, и нормално треба да ги детерминираме слабостите и предностите. Јавноста знае дека во 2015/2016 година бевме заробена држава, а сега веќе можеме слободно да делуваме. Во тој дел имаме голем напредок, и тоа не смееме да го заборавиме. Треба да имаме во предвид еден важен момент во рамките на тој извештај дека Владата и администрацијата мобилизираа драстични ресурси и активно учествува во скрининг процесот. Ова значи дека сме ја завршиле работата, но има уште многу да работиме… Она кое во рамки на извршната власт е да носи реформи и да прави резови онаму каде што е потребно и каде има ингеренции. Во судската власт не смее да се меша, и таму треба да има реформи, дури имало соодветни инсистирања од наша страна за реформи, изјави Лукаревска.

The post Лукаревска: Не би се согласила дека е лош извештајот од Европската комисија appeared first on Република.

Поранешната министерка за правда Репната Дескоска го коментира Извештајот на ЕК во смисла да ги истакне политиките што ги спроведувала во времето кога била министерка. Дескоска на Фејсбук прави споредба на последните пет извештаи.

„Искрено се надевам дека секој следен извештај ќе биде подобар од претходниот или барем ќе покаже дека има напредок, дека нема стагнација во реформите, дека одиме напред. За жал, тоа не се случува во судството. Ако ги споредиме извештаите од 2019 година до денес, можеме да ги прочитаме следните оценки за реформите во правосудството:
2019 година – добар напредок
2020 година – добар напредок
2021 година – одреден напредок
2022 година – одреден напредок
2023 година – нема напредок“, напиша Дескоска.

Поранешната министерка Дескоска во објавата додава дека Извештајот на ЕК треба да го вклучи алармот во Министерството за правда и во Судскиот совет. Таа ги повикува актуелните креатори на политиките да ја остават настрана суетата, бидејќи според неа, на овој простор „битката за ситни политички поени“ собрани преку преписки и јавни измами може да биде фатална.

На нејзиниот коментар реагираше актуелниот министер за правда, Кренар Лога, кој практично ја посочи како еден од авторите на измените на Кривичниот законик.

„Во мрак пишуваат законски измени за да го уништат правосудниот систем, на светло држат предавања за правдата. О ТЕМПОРА; О МОРЕС!“, напиша Лога.

The post Дескоска се пофали, во нејзино време имало „добар напредок“ – Лога ѝ одговори на латински appeared first on Република.

Кога се чита Извештајот на Европската комисија за Македонија, имам впечаток дека читам извештај за африканска земја, рече Гордана Димитриеска Кочоска, потпретседателка на ВМРО-ДПМНЕ на трибина насловена како „Извештајот на ЕУ за Македонија – Одраз на реалноста“ која е во рамки на кампањата „Важно е! Од тебе зависат промените“, а се одржа вечерва во Радовиш.

Димитриеска Кочоска говорејќи за делот посветен на економијата во Извештајот посочи дека истиот е многу реален.

Од Брисел во Извештајот велат дека во јавните набавки имаме лимитиран напредок или јас би рекла за да не кажат немате никаков напредок велат треба обука на сите дури и на компаниите кои се дел од тендерите. Велат треба ефективни мерки или контрола, односно велат има корупција и криминал на сите нивоа во цела постапка на тендерите, рече Димитриеска Кочоска осврнувајќи се на Извештајот и забелешките, а кои се во контекст на спорниот договор за изградба на делници од Коридорот 8 и 10д.

Димитриеска Кочоска укажа дека нема зошто ЕУ да ни кажува што да направиме, кога нели ние одиме натаму, одиме кон ЕУ и тоа треба да го знаеме и не само тоа туку и да го правиме. Потпретседателката ги спомена и другите забелешки наведени во Извештајот на ЕК.

Велат да се внимава на критериумите при тендерите и на она што значи конфликт на интереси, а тоа е случај со Коридорите 8 и 10д. Она што го читаме во Извештајот е нешто што ВМРО-ДПМНЕ го кажува како забелешка, го повторува во континуитет какви и кои пропусти се прават и во континуитет ги објавува, рече Димитриеска Кочоска.

Според Димитриеска Кочоска кога е хаос најлесно е да има криминал и корупција, бидејќи во хаосот никој ништо не гледа.

Ако ги спроведуваат правилата полесно е да се воочи кој не ги почитува, затоа нема усогласување на правото со европското законодавство, туку има само злоупотреба на европското знаменце при предлагање на законите, кажа Димитриеска Кочоска.

Потпретседателката Димитриеска Кочоска сумираше и кои се клучни пропусти кои ги прават надлежните, а треба да се надминат.

Извештајот забележува на реализација на капитални инвестиции и укажува дека нема контрола, дека планот е огромен за овие инвестиции, а реализацијата мала. Ако има правилна реализација на капитални инвестиции, тоа е начин да постигнеме поголем економски раст. Катастрофални сме во делот на човечки ресурси и се вели дека нема практичари, потоа нема инфраструктура во енергетика, нема ништо и во делот на реформа на УЈП, нема никакви иновации или Фондот за иновации не работи како што треба, изјави Димитриеска Кочоска.

Димитриеска Кочоска заклучи дека по промена на власта прво треба борба против корупција и криминал, а потоа политики за здрав економски раст.

The post Димитриеска – Кочоска: Кога се чита Извештајот на ЕК за Македонија, имам впечаток дека читам извештај за африканска земја appeared first on Република.

Координаторот на пратеничкта група на ВМРО-ДПМНЕ Никола Мицески на денешната прес-конференција истакна дека земјава годинава го добила историски најлошиот извештај од Европската комисија.

На почетокот можам да констатирам дека Македонија го доби историски најлошиот извештај од Европската комисија. Извештајот од 2023 година констатира дека нема напредок во делот на прашањето по однос на активната блокада. Задоволен сум што тоа, е нотирано затоа што ние како пратеничка група со таканаречената активна блокада која ја спроведувавме во Собранието во ниту еден момент не ги спречивме битните процеси и закони кои беа во корист на граѓаните и тоа е нотирано во самиот извештај на ЕК. Активната блокада беше еден вид на реакција од страна на пратениќчката група кон Владата и парламентарното мнозинство  и имаше за цел да го спречи носењето на криминалните закони кои беа меѓукоалициски пазар на партиите од власта, потенцира Мицески.

Целта на активната блокада, спроед Мицески, била да се спречи носењето на закони во скратена постапка со коешто, како што рече, „власта сакаше да ја заобилколи демократската процедура за дебата за битни законски решенија“.

Во овој извештај имаме зголемување на процентот на донесени закони по скратена постапка од 38 на 58 проценти. Од 165 закони од јануари 2022 до јануари 2023 година, 86 закони се по скратена постапка, само 51 во редовна постапка. Имаме 28 нотификации на меѓународни договори. Преку оваа активна блокада сметам дека успеавме, рече координаторот на пратеничкта група на ВМРО-ДПМНЕ.

Мицески нагласи дека како пратеничка група сакале да го насочат вниманието кон меѓународните институции за злоупотребата на европското знаменце на закони кои немаат никаква врска со европската регулатива.

Сакавме да го насочиме вниманието посебно на меѓународните институции за злоупотребата на европското знаменце на закони кои немаат никаква врска со европската регулатива и читајќи го извештајот, забелешките на Европската унија на оваа тема можам да кажам дека сепак се нотирани и преку оваа блокада ваквите малверзации станаа повидливи за меѓународните преставници. Дополнително, сакаме да ја потсетиме власта дека ветуваше инклузија на опозицијата  во сите процеси, но од тоа нема ништо. Факт е дека јас од 2022 година се уште не учествувам на редовните координации кои се одржуваат во Собрание. Ние како пратеничка група која што е нотирано во Извештајот учествуваме во работата на сите битни процеси кои беа во корист на граѓаните, а не на коруптивно-криминалната власт, рече Мицески

The post Мицески: Годинaшниот Извештај на ЕК е историски најлошиот appeared first on Република.

Да не беше ваков геополитичкиот контекст, се стекнува впечаток дека Европската комисија ќе нотираше и назадување во клучните области, но како и да е, Извештајот го потврдува тоа што македонските граѓани добро го знаат - царот е гол, колку и да се пeрчи! Ова за ДВ го изјави поранешниот министер за надворешни работи, Никола Димитров, по вчера објавениот Извештај на ЕК за напредокот на Македонија.

Суштината на Извештајот е буквално во првите две реченици на комуникацијата на ЕК, кој е еден од документите во пакетот: македонските власти постојано зборуваат дека членството во ЕУим е стратешка цел, ама крајно време е да почнат да испорачуваат, посебно во најважните области - судството, борбата против корупцијата, јавната администрација, јавните финансии и јавните набавки, посочува поранешниот шеф на дипломатијата.

Вели дека Извештајот е дециден оти нема никаков напредок ниту во судските реформи, ниту во борбата против корупцијата, а во судството на тапет сосема логично е ставен Судскиот совет.

The post Димитров: Извештајот го потврдува тоа што македонските граѓани добро го знаат – царот е гол, колку и да се пeрчи! appeared first on Република.

Шефот на делегацијата на Европската Унија во земјава Дејвид Гир денеска во Владата му го врачи Извештајот на Европската комисија за Република Македонија за 2023 година на вицепремиерот за европски прашања Бојан Маричиќ.

На состанокот се дискутираше за Извештајот, планирањето на следните чекори за реализирање на стратешката цел за приклучување кон ЕУ, планот за раст и реформскиот план за Македонија и Западен Балкан. Вицепремиерот Маричиќ се заблагодари на амбасадорот Гир и Европската Унија за будното следење и излегување во пресрет на нашите барања, по што следува детална анализа за извештајот од страна на Владата и заложување за продолжување на процесот и успешна реализација на заедничките планови. На средбата беше посветено посебно внимание на следните чекори за Планот за раст (на економиите) на Западниот Балкан со заклучок дека извештајот на Европската комисија за нашата земја е рефлексија на нашата секојдневна борба за унапредување на општеството, соопшти  Секретаријатот за европски прашања.

Маричиќ истакна дека Република Македонија продолжува со црвста заложба за спроведување на реформските процеси поддржувајќи го Планот за Раст за Западен Балкан.

- Планот за раст е резултат на наше барање, со што можеме да користиме привилегии и можности од зачленувањето во ЕУ пред време, односно додека траат преговорите. ЕУ со конкретен план подготвува 6 милијарди евра за Западен Балкан, од кои 1 милијарда евра може да ги искористи Македонија. Со Планот за раст се овозможува пристап до европскиот заеднички пазар, што ќе значи силен економски напредок. Тоа значи дека нашите производи и услуги може да се пласираат на „Единствениот Европски пазар“, информираат од СЕП.

Целта на ЕУ е до март 2024 година да направи прв трансфер на средства кон Македонија и другите земји во регионот на Западен Балкан.

- Владата и администрацијата мобилизираа значајни ресурси и активно учествуваа во скрининг процесот. Ова не значи дека сме ја завршиле работата. Напротив, скрининг процесот ни ја дава основата за дефинирање на идните реформски приоритети од ЕУ агендата, кои треба да се спроведуваат и за кои неминовно е потребен широк општествен консензус. Во таа насока работиме на подготовка на патоказите за владеење на право, реформите во администрацијата и функционирањето на демократските институции. Маричиќ посочи дека нашата иднина ја гледаме во стратешката цел на Владата, да станеме полноправна членка на Европската Унија. Свесни за предизвиците кои претстојат, наша цел е обезбедување европска иднина на Македонија а со тоа и стабилност, безбедност и просперитет на земјата и на регионот. Следејќи го Планот за раст можеме да се фокусираме на реформите со кои ќе обезбедиме повеќе инвестиции и поголем прогрес на земјата, се наведува во соопштението од СЕП.

вроамбасадорот Дејвид Гир денеска му го презентира на претседателот Стево Пендаровски Извештајот на Европската Комисија за напредокот на Република Македонија за 2023 година.

- Извештајот, кој го нотира сработеното од првата фаза за почеток на преговорите со скринингот, прикажува и детална слика за состојбите во македонското општество, а дава патоказ за натамошната работа на институциите, како и областите во кои треба да посветиме внимание, објави Пендаровски на фејсбук.

Евроамбасадорот Гир претходно им го врачи Извештајот на ЕК и на претседателот на Собранието Талат Џафери и на вицепремиерот за европски прашања Бојан Маричиќ.

По повод објавувањето на Извештајот на ЕК за напредокот на Република Македонија за 2023, Маричиќ и Гир утре ќе одржат прес-конференција во Медија центарот на Владата.

The post Евроамбасадорот им го предаде извештајот на Маричиќ и Пендаровски во кој нема ниту една пофалба appeared first on Република.

Извештајот на ЕК за 2023 година е доказ дека лажни се изјавите на власта на СДС и ДУИ дека се фокусирани на европската агенда, рече портпаролката на ВМРО-ДПМНЕ Марија Митева, коментирајќи го извештајот на Европската комисија, кој покажа влошување на состојбите во Македонија. Митева посочи дека ова е извештај кој е одраз на тажната реалност, одраз на состојбата на стагнација и во одреден дел назадување во која се наоѓа Македонија. Потенцираше дека денес нема да ја слушнете власта како зборува за извештајот, нема да го слушнете ниту Ковачевски, Груби, Маричиќ, Османи и останатите да се нарекуваат европски фронт затоа што извештајот ја обелоденува нивната непосветеност кон системско имплементирање на препораките.

https://republika.mk/vesti/makedonija/izveshtaj-na-ek-nema-napredok-vo-sudstvoto-i-borbata-protiv-koruptsijata-vo-makedonija/

Да одиме со ред:

Во кластер 1, делот на основите, фундаментите на ЕУ се забележани низа забелешки и тоа:

Не е постигнат напредок во текот на извештајниот период, тоа е од минатата година до денес, за да се адресираат и имплементираат исклучителните препораки од Канцеларијата за демократски институции и човекови права на ОБСЕ (ОДИХР) и Венецијанската комисија. А, замислете, го имате Османи кој не престана да се моделира како прв и единствен претседавач на ОБСЕ и воедно потроши или ќе потроши 1 милион евра за два дена за рент а кар возила, а притоа е дел од власта која не ги имплементира препораките од ОБСЕ. Класична хипокризија!

Понатаму, во делот на Собранието – се нотира недостаток на соодветно планирање, прекумерна употреба на брзи процедури, вклучително и несоодветна употреба на „европското знаменце“. Изрично е наведено дека „Знамето на ЕУ“ треба да се користи кога е директно поврзано со усвојување на закони чија главна цел е усогласување со правото на ЕУ, а не за кратка јавна дебата за важни прашања. Во однос на истото, забележано е дека властите треба да се воздржат од усвојување на ад хок мерки кои не се во согласност со правото на ЕУ и европските стандарди. И тука, власта на свое конто ги има безбројните примери, а како последни за потсетување на јавноста се законот за кривична постапка и законот за игри на среќа.

Дополнително, наведено е дека само ограничен напредок е постигнат за реформа на јавната администрација каде се вели, цитирам: И покрај тоа што Македонија го започна процесот пред 5 години, земјата сè уште не ја усвои ревидираната законска рамка за управување со човечки ресурси, која ги вклучува ревидираниот закон за административни службеници и законот за вработени во јавниот сектор и нови законски одредби за највисоко ниво на раководството. Пет години власт на СДС и ДУИ и се уште недонесени суштински и реформски закони.

Фрапантни се и анализите за судството.

Генерално се вели дека нема напредок во зајакнувањето на судската независност и подобрување на правната рамка за заштита на основните права. Внимавајте: Во извештајниот период од минатата година до денес нема напредок во областа на судството. Судскиот совет треба да се залага за заштита на интегритетот и независноста на судиите и институциите и треба да се спротивстави на секое надворешно влијание. Контроверзното разрешување на претседател на Судски совет предизвика загриженост за несоодветно политичко влијание. Усвојувањето пак на новата стратегија за реформи во правосудството доцни. Ова е судството почитувани на СДС и ДУИ кое ќе го отвореа како пупка, ова е судството за кое ветуваа генерален реизбор, а остана најголема рана на општеството и нивна алатка за политиканство, наместо за правда.

Во делот за борба против корупцијата – не е постигнат никаков напредок!

Извештајот јасно наведува дека корупцијата останува распространета во многу области и е загрижувачко прашање. Нотирано е и зголемување на одложувањата на судењата на случаите на корупција на високо ниво, што резултирало со истекување на рокот на застареност на некои случаи. Јасно потенциран е и Кривичниот законик кој беше изменет по забрзана собраниска постапка и истото резултира со попречување на способноста на властите да ги истражуваат и гонат таквите прекршоци во иднина. Дозволете повторно да цитирам: Ова е прашање за сериозна загриженост.

Во делот на Слободата на изразување – забележан е лимитиран напредок. И нормално, сведоци сме на загрижувачки однос кон медиумите и новинарите, еден Битиќи напушта прес конференции, а друг Ковачевски некултурно се потсмева на прашања на новинари.

Најважното од делот за економските критериуми се јавните набавки каде се забележува дека властите треба да воведат поефикасни антикорупциски мерки во текот на целиот циклус на набавки. Најскандалозниот договор кој економски ќе остави трајни последици врз Македонија е нотиран јасно и прецизно и дозволете повторно да цитирам: Директното доделување на договорот за изградба на Коридорот VIII и X-d предизвикува загриженост бидејќи го ослободува проектот од примена на законот за јавни набавки. Ова е чист доказ за злоупотребата на јавните набавки, за криминалот склучен во 4 очи на сметка на граѓаните.

Извештајот на ЕК покажува и потврдува дека власта наместо да работи и да се посвети на реформи, се насочува кон стратешки погрешни цели. И наместо владеење на правото, имаме владеење на самоволието. Наместо силна реформа имаме уназадени институции. Наместо напредок имаме порази. Власта на СДС и ДУИ е разобличена, проблемот зошто Македонија не почнува преговори, не се штетните договори или пак промената на Уставот под нечиј диктат туку затоа што државата не е средена, не е вистински реформирана и затоа што наместо право и правда владее власт заглавена во криминал и корупција!

https://youtu.be/OXRashhb-fw?si=oZQQAxPlJnto7gJi

The post Извештајот на ЕК е одраз на реалноста, со власт полна со криминал и корупција Македонија е се подалеку од ЕУ appeared first on Република.

Нема напредок во судството и во борбата со корупцијата, се наведува во најновиот извештај на ЕК за напредокот на Македонија. Во голем мера влијание на тоа имале и измените на Кривичниот законик, што беа изгласани во брза собраниска процедура, пишува во извештајот.

Нема напредок во судството минатата година. Судскиот систем останува на одредено и умерено ниво на подготовка. Судскиот советот треба да се залага за заштита на интегритетот и независноста на судиите и институциите и треба да се спротивстави на секое надворешно влијание. Загриженост за несоодветно политички влијание предизвика контроверзното разрешување на претседателката на Судскиот совет. Има застој и во усвојувањето на новата стратегија за реформи во правосудството, со кои треба да се подобри работата на институциите, се наведува меѓудругото во извештајот.

Не е постигнат напредок, ниту во борбата против корупцијата. И во овој дел „земјата е меѓу одредено и умерено ниво на подготовка во превенцијата и борба против корупцијата“.

Корупцијата преовладува во многу области и е прашање на загриженост. Се зголеми бројот на одложувања и враќање на судски предмети поврзани со висока корупција што резултираше и со застарување на дел од овие случаи. Кривичниот законик беше изменет низ брза собраниска постапка што доведе до намалување на максималните казни за специфични корупциски кривични дела, а тоа пак се одрази и на запирање, па дури и на укинување на голем број случаи на висока корупција, дел од нив почнати од поранешното СЈО. Измените, исто така, ги блокираат обидите на надлежните институции за истражување и процесирање на слични дела. Ова претставува загриженост, се вели во извештајот.

Во справувањето со организираниот криминал земјава стои подобро – се нотира дека имало некаков напредок и дека има добра соработка со државите од ЕУ и од регионот. Сепак, се очекувааат натамошни мерки во справувањето со перењето пари и слични финансии криминали.

За работата на парламентот се заклучува дека била обременета со политичка поларизација поради која, пак, било одложено усвојувањето на многу реформски закони и значајни именувања.

Процесот на преговори за пристапување во ЕУ бара широк консензус од главните политички партии. Сите партии треба да се вклучат во конструктивна и инклузивна политичка дебата за да се зајакне улогата на Парламентот. Парламентот и владата се обврзаа да започнат и да ги постигнат, како приорите, релевантните уставни измени, со цел во Уставот да се вклучат граѓани кои живеат во границите на државата и кои се дел од други народи, како Бугарите, се заклучува во извештајот на ЕК.

За јавната администрација се вели дека е умерено подготвена и дека во измината година имало ограничен напредок. За минус се зема што се уште не е усвоен ревидираниот закон за јавни службеници...

Кај слободата на изразување се констатира „ограничен напредок“ – општиот контекст дека има медиумска слобода и дека се дозволува критичко известување.

Беа забележани голем број напади, закани и застрашување кон новинари. Потребна е поголема транспарентност во однос на медиумското рекламирање од страна на државните институции и политичките партии, вели Брисел.

Во областа на контрола на разузнавачките служби се очекува зајакнување на капацитетот за парламентарна контрола.

Во делот на економските критериуми се смета дека Македонија имала „некаков напредок“ и дека има добро ниво на подготвеност во создавање функционална пазарна економија.

Извештајот дава позитивен преглед за усогласеноста на земјата со европската надворешна и безбедносна политика и дека со тоа „Македонија се покажала како сигурен партнер на меѓународно ниво“.

Првиот човек на ЕК на презентацијата на овогодишниот пакет за проширување повтори дека овој процес останува клучен приоритет на Брисел.

Проширувањето е витална политика за ЕУ и тоа го кажувам од преземањето на функцијата. Комплетирањето на нашата унија е повик на историјата и тоа е природниот хоризонт на ЕУ. Граѓаните на земјите кои сакаат да ни се приклучат се Европејци, исто како и луѓето во денешната унија. Проширувањето е и инвестиција во нашата безбедност, изјави Урсула Фон Дер Лајен, претседателка на ЕК.

Европската комисија денеска препорача почеток на преговори со Украина и Молдавија, предложи кандидатски статус за Грузија и отворање на преговори со Босна и Херцеговина штом земјата „постигне одредено ниво на усогласеност.“

The post Извештај на ЕК: Нема напредок во судството и борбата против корупцијата во Македонија appeared first on Република.

Извештајот на ЕК за 2023 година е доказ дека лажни се изјавите на власта на СДС и ДУИ дека се фокусирани на европската агенда. Ова е извештај кој е одраз на тажната реалност, одраз на состојбата на стагнација и во одреден дел назадување во која се наоѓа Македонија. Денес нема да ја слушнете власта како зборува за извештајот, нема да го слушнете ниту Ковачевски, Груби, Маричиќ, Османи и останатите да се нарекуваат европски фронт затоа што извештајот ја обелоденува нивната непосветеност кон системско имплементирање на препораките, истакна Марија Митева, портпарол и член на ИК на ВМРО-ДПМНЕ.

-Да одиме со ред:

Во кластер 1, делот на основите, фундаментите на ЕУ се забележани низа забелешки и тоа:

Не е постигнат напредок во текот на извештајниот период, тоа е од минатата година до денес, за да се адресираат и имплементираат исклучителните препораки од Канцеларијата за демократски институции и човекови права на ОБСЕ (ОДИХР) и Венецијанската комисија. А, замислете, го имате Османи кој не престана да се моделира како прв и единствен претседавач на ОБСЕ и воедно потроши или ќе потроши 1 милион евра за два дена за рент а кар возила, а притоа е дел од власта која не ги имплементира препораките од ОБСЕ. Класична хипокризија!

Понатаму, во делот на Собранието – се нотира недостаток на соодветно планирање, прекумерна употреба на брзи процедури, вклучително и несоодветна употреба на „европското знаменце“. Изрично е наведено дека „Знамето на ЕУ“ треба да се користи кога е директно поврзано со усвојување на закони чија главна цел е усогласување со правото на ЕУ, а не за кратка јавна дебата за важни прашања. Во однос на истото, забележано е дека властите треба да се воздржат од усвојување на ад хок мерки кои не се во согласност со правото на ЕУ и европските стандарди. И тука, власта на свое конто ги има безбројните примери, а како последни за потсетување на јавноста се законот за кривична постапка и законот за игри на среќа.

Дополнително, наведено е дека само ограничен напредок е постигнат за реформа на јавната администрација каде се вели, цитирам: И покрај тоа што Македонија го започна процесот пред 5 години, земјата сè уште не ја усвои ревидираната законска рамка за управување со човечки ресурси, која ги вклучува ревидираниот закон за административни службеници и законот за вработени во јавниот сектор и нови законски одредби за највисоко ниво на раководството. Пет години власт на СДС и ДУИ и се уште недонесени суштински и реформски закони.

Фрапантни се и анализите за судството.

Генерално се вели дека нема напредок во зајакнувањето на судската независност и подобрување на правната рамка за заштита на основните права. Внимавајте: Во извештајниот период од минатата година до денес нема напредок во областа на судството. Судскиот совет треба да се залага за заштита на интегритетот и независноста на судиите и институциите и треба да се спротивстави на секое надворешно влијание. Контроверзното разрешување на претседател на Судски совет предизвика загриженост за несоодветно политичко влијание. Усвојувањето пак на новата стратегија за реформи во правосудството доцни. Ова е судството почитувани на СДС и ДУИ кое ќе го отвореа како пупка, ова е судството за кое ветуваа генерален реизбор, а остана најголема рана на општеството и нивна алатка за политиканство, наместо за правда.

Во делот за борба против корупцијата – не е постигнат никаков напредок! Извештајот јасно наведува дека корупцијата останува распространета во многу области и е загрижувачко прашање. Нотирано е и зголемување на одложувањата на судењата на случаите на корупција на високо ниво, што резултирало со истекување на рокот на застареност на некои случаи. Јасно потенциран е и Кривичниот законик кој беше изменет по забрзана собраниска постапка и истото резултира со попречување на способноста на властите да ги истражуваат и гонат таквите прекршоци во иднина. Дозволете повторно да цитирам: Ова е прашање за сериозна загриженост.

Во делот на Слободата на изразување – забележан е лимитиран напредок. И нормално, сведоци сме на загрижувачки однос кон медиумите и новинарите, еден Битиќи напушта прес конференции, а друг Ковачевски некултурно се потсмева на прашања на новинари.

Најважното од делот за економските критериуми се јавните набавки каде се забележува дека властите треба да воведат поефикасни антикорупциски мерки во текот на целиот циклус на набавки. Најскандалозниот договор кој економски ќе остави трајни последици врз Македонија е нотиран јасно и прецизно и дозволете повторно да цитирам: Директното доделување на договорот за изградба на Коридорот VIII и X-d предизвикува загриженост бидејќи го ослободува проектот од примена на законот за јавни набавки. Ова е чист доказ за злоупотребата на јавните набавки, за криминалот склучен во 4 очи на сметка на граѓаните.

Извештајот на ЕК покажува и потврдува дека власта наместо да работи и да се посвети на реформи, се насочува кон стратешки погрешни цели. И наместо владеење на правото, имаме владеење на самоволието. Наместо силна реформа имаме уназадени институции. Наместо напредок имаме порази. Власта на СДС и ДУИ е разобличена, проблемот зошто Македонија не почнува преговори, не се штетните договори или пак промената на Уставот под нечиј диктат туку затоа што државата не е средена, не е вистински реформирана и затоа што наместо право и правда владее власт заглавена во криминал и корупција!, додава Митева.

https://www.youtube.com/watch?v=OXRashhb-fw

The post Митева: Извештајот на ЕК е одраз на реалноста, со власт полна со криминал и корупција Македонија е се подалеку од ЕУ appeared first on Република.

Две различни тела на Собранието, едното предводено од власта, а другото од опозицијата, на едно место дебатираа за последниот извештај за напредокот на Европската комисија. Овој факт позитивно го истакна во својот говор евроамбасадорот Дејвид Гир, кој ги повтори критиките и оценките за извештајот. Гир ја спомена политичката поларизација во  Собранието, злоупотребата на скратените процедури за одобрување закони, застојот на Жан Моне процесот, опасноста од политички влијанија и корупција во правниот систем, во судовите и обвинителството, како и  ограничен напредок на слободата на изразување, пишува Алсат.

Заедничките и стимулативни напори на сите партии се неопходни како приоритетно прашање за зајакнување на клучната улога на Собранието, како форум за конструктивен политички дијалог, особено во реформската агенда на ЕУ, што ги надминува политичките поделби. Сакам да ја истакнам извонредната соработка меѓу коалицијата на власт и опозицијата, при донесувањето на законот за буџет. Тоа е модел што треба да се следи во европските реформи во различни сектори, и исто така во денешниот тежок економски контекст“, рече Дејвид Гир, амбасадор на ЕУ.

 Вицепремиерот Бојан Маричиќ, ги истакна позитивните оценки на извештајот, и побара поддршка од опозицијата.

Како пример, Маричиќ ја посочи Хрватска, која го забрза процесот на интеграција со одобрување иницијативи и реформи со национален консензус. Сепак, опозицијата вели дека актуелната власт е далеку од примерот на Хрватска.

Милошоски нагласи дека ова е прв извештај од сите извештаи на ЕК во кои Собранието е оценето полошо во однос на другите институции.

The post Извештајот на ЕК пред собраниските комисии, Гир ги истакна слабостите на институциите appeared first on Република.