Израелската војска (ИДФ) соопшти дека Иран успеал да погоди израелски воздушни бази за време на ракетниот напад. Сепак, од ИДФ додадоа дека нападот бил неефикасен, објавија израелските медиуми.

Ракетите оштетија канцеларии и „области за одржување“ во базите кои не влијаат на функционирањето на израелските воздухопловни сили (ИАФ).

Ниту еден авион на ИАФ не е оштетен во нападот“, објави Тајмс оф Израел, додавајќи дека воздухопловните сили продолжиле да напаѓаат цели во Либан и Газа по иранскиот напад.

Едно лице загина на окупираниот Западен Брег од делови од пресретната ракета, а две лица се полесно ранети од шрапнели во Тел Авив. Ова се единствените познати жртви од нападот на Иран.

Утринава иранскиот бригаден генерал Азиз Насирзадех рече дека 90 отсто од иранските ракети биле способни да навлезат во израелската одбрана и дека на мета биле само воени објекти.

Израел и неговите сојузници веднаш го оценија иранскиот напад како неуспешен.

The post Израелската војска: Иран успеа да ги погоди нашите воздухопловни бази, но нападот беше неуспешен appeared first on Република.