Израелската армија денеска уби четворица екстремисти, кои имаа елеци со експлозив и се обидува да преминат од Либан во Израел, изјави воениот портпарол Авихаи Адраи.

На видеото од беспилотно летало објавено од армијата се гледаат екстремистите до граничниот ѕид пред да бидат погодени, што предизвика експлозија.

Ниту една либанска организација не презеде одговорност.

Минатата недела екстремистите од палестинскиот Исламски џихад во јужен Либан ја преминаа границата и се судрија со израелските војници, при што загинаа тројца, а беа повредени неколку други. Екстремистите беа елиминирани.

The post Израелската армија елиминира четворица екстремисти од Либан appeared first on Република.

Началникот на Генералштабот на израелските одбранбени сили (ИДФ), генерал-полковник Херзи Халеви, денеска им рече на резервистите во воената база Бершева во јужен Израел дека фокусот на армијата е да ги елиминира лидерите на Хамас.

Во која било област каде што знаеме дека има членови на Хамас, лидери на Хамас, дури и ако има ограничувања, ние удираме со прецизност и со голема сила, рече Халеви.

Медиумите на хебрејски јазик денеска пренесоа палестински извештаи дека израелски авиони ја нападнале куќата на таткото на воениот командант на Хамас Мухамед Деиф и ги убиле неговиот брат, внук и снаа.

Либанската новинска мрежа Ал Мајадин поврзана со екстремистичкиот проирански Хезболах јави дека била погодена куќа во Кан Јунис во јужниот дел на Појасот Газа додека роднините на командантот биле внатре и дека тие биле затрупани под урнатините.

Војната меѓу Израел и Хамас, во која од саботата наутро загинаа повеќе од 2.200 луѓе од двете страни, се очекува да ескалира.

Израелската војска соопшти дека 1.200 луѓе, вклучувајќи 155 војници, се убиени, а речиси 3.000 се ранети во Израел откако во саботата почна ракетниот напад врз јужен и централен Израел од Појасот Газа и вооружените лица на Хамас ја преминаа границата.

Министерството за здравство во Појасот Газа соопшти дека загинале 1.050 луѓе, а повеќе од 5.100 се ранети.

Палестинските екстремисти во Газа заробија и киднапираа околу 150 војници и цивили, вклучувајќи жени и деца, стари лица и странци

The post Шефот на израелската армија вели дека фокусот е на ликвидација на лидерот на Хамас appeared first on Република.