Утрово во центарот на Минхен, во близина на Нацистичкиот центар за документација и Генералниот конзулат на Израел, дошло до пукање, при што едно лице било убиено.

„Во областа Каролиненплац, полициските сили пукаа кон сомнително лице и лицето беше погодено“, извести полицијата на социјалната мрежа Икс.

Не е познат идентитетот на убиениот. Полицијата соопшти дека полицајците на терен забележале лице кое изгледало дека носи оружје. Имало пукање во кое едно лице е убиено. Полицајците не се повредени.

Засега нема информации за можни други осомничени. Полицијата ги повика граѓаните да ја избегнуваат областа. Сообраќајот е блокиран на местото на настанот.

На социјалните мрежи е објавено видео на кое се слушаат бројни истрели.

Schüsse vor dem israelischen Generalkonsulat in München. Das NS-Dokuzentrum ist direkt nebenan. pic.twitter.com/k1r819o9Rj

— Ronen Steinke (@RonenSteinke) September 5, 2024

The post Пукање пред израелската амбасада во Минхен, напаѓачот е убиен appeared first on Република.

Српскиот министер за внатрешни работи Ивица Дачиќ денеска изјави дека црногорската полиција извршила разговор со сопругата на мажот кој во саботата рани жандарм пред израелската амбасада во Белград, а телефонот и е одземен и ќе биде испратен на вештачење во Србија.

Дачиќ во изјава за белградски медиуми нагласи дека нејзиното сведочење потврдило дека се работи за терористички чин, пренесе Бета.

Таа вели дека... добила видео порака. Нејзиниот сопруг бил во јавен превоз и рекол дека автобусот го носи во рај. Спомнал Израелци кои убиваат муслимани, рече Дачиќ.

Припадникот на Жандармеријата М.Ј. во саботата беше застрелан со самострел во вратот пред израелската амбасада во Белград. Тој пукал во напаѓачот, кој починал од здобиените рани.

По нападот МВР на Србија ги подигна безбедносни мерки на територијата на цела држава.

https://republika.mk/vesti/makedonija/mvr-guzhvite-na-tabanovtse-poradi-proglasenoto-tsrveno-nivo-na-bezbednosen-rizik-od-terorizam-vo-srbija/

Претседателот на Србија, Александар Вучиќ, вчера изјави дека црвената безбедносна тревога најверојатно ќе важи до вторник.

The post Вахабистот терорист од Белград ѝ пратил порака на сопругата од автобус, ѝ рекол дека го носи во рај appeared first on Република.

По министерот за внатрешни работи, Ивица Дачиќ, во посета на полицаецот, кој вчера беше повреден со самострел пред амбасадата на Израел во Белград, беше и српскиот претседател Александар Вучиќ. Во разговор со него, Вучиќ вети опсежна акција против „терористите“ и, посебно, за инволвираните во инцидентот кој и од српски и од израелски официјални лица беше оквалификуван како терористички.

Полицаецот, кој го смртно застрела напаѓачот, е во стабилна состојба по операцијата во Ургентниот центар во Белград. Портпаролот на израелското Министерство за надворешни работи изјави дека амбасадата е затворена и ниту еден вработен во амбасадата не е повреден.

The post Ќе немаме милост за тероризмот во Србија – Вучиќ го посети повредениот полицаец пред амбасадата на Израел во Белград appeared first on Република.

Амбасадорот на Израел во Србија Јахел Вилан денеска изјави дека нема оправдување за терористичкиот акт што се случи вчера во Белград, како и за какви било други напади, врз кое било население во кое било време и каде било во светот, јави дописникот на МИА од Белград.

По посетата на Ургентниот центар, заедно со потпретседателот на Владата на Србија и министерот за внатрешни работи Ивица Дачиќ, на повредениот припадник на жандармеријата Милош Јевремовиќ кој вчера беше застрелан во вратот пред Амбасадата на Израел во Белград, Вилан рече дека многу добро знае и разбира какви закани доаѓаат од тероризмот.

Тој истакна дека за него е исклучително важно да го посети повредениот жандарм и да изрази искрена благодарност во негово име, неговото семејство, вработените во амбасадата, како и Владата на Израел и народот на Израел, бидејќи како што додаде, сите тие многу добро знаат што значи тероризам.

Тој им се заблагодари на Владата на Србија, Министерството за внатрешни работи и полицијата што го обезбедуваат животот на сите граѓани и овозможуваат да се чувствуваат безбедно и сигурно 24 часа на ден, седум дена во неделата.

-Јас барем така се чувствувам четирите години колку што сум овде во секое време од денот или ноќта, нагласи Вилан и додаде дека и тоа ја потврдува храброста на жандарот Милош Јевремовиќ.

Тој ги покани сите Израелци да дојдат и да продолжат да ја посетуваат Србија, бидејќи, како што истакна, според него, Србија денес е најбезбедна земја.

Вчера шефот на израелската дипломатија Израел Кац се заблагодари на Владата на Србија за брзата реакција на „обидот за терористички акт“ врз израелската амбасада во Белград.

-Сакам да се заблагодарам на Владата на Србија и на оние кои беа вклучени во брзата реакција, за поддршката и соработката во врска со обидот за терористички напад врз израелската амбасада во Белград, при кој беше повреден српски жандар од терорист. На повредениот жандар му посакувам брзо закрепнување. Тероризмот не може да се толерира, напиша Кац на социјалната мрежа Х.

The post Израелски амбасадор во Белград: Нема оправдување за терористички чин, безбедни сме во Србија appeared first on Република.

Премиерот на Србија, Милош Вучевиќ, најостро го осуди „грозоморниот терористички напад“ денеска во Белград, пред израелската амбасада, нагласувајќи дека државата Србија ќе знае решително да одговори на заканата од тероризам и им порача на граѓаните дека можат да се чувствуваат безбедно, јави дописникот на МИА од Белград.

-Ова беше чин на лудило, кое не може да се припише на ниту една религија и ниту еден народ. Тоа е кривично дело извршено од поединец со име и презиме. Затоа, ги повикувам граѓаните да останат смирени и да не подлегнуваат на пропаганд на тие што би сакале да не поделат меѓусебно, соопшти срспкиот премиер во врска со ранувањето на припадникот на Жандармеријата пред израелската амбасада.

Тој порача дека „државата Србија ќе знае решително да одговори на заканата од тероризам“.

Припадник на Жандармеријата М.Ј (34) кој работи на обезбедување на израеласката амбасада во Белград, денеска беше нападнат и ранет од самострел од непознато лице, при што во самоодбрана употреби огнено оружје и го совлада напаѓачот, кој им подлегна на повредите.

Според министерот за внатрешни работи Ивица Дачиќ, се работи за терористички акт, зад кои постои сомнеж дека стои вахабистичко движење и дека превентивно се уапсени уште неколку лица во близина на полициските објекти.

The post Вучевиќ: Државата Србија ќе знае решително да одговори на заканата од тероризам appeared first on Република.

Српски државјанин од Младеновац е лицето кое денеска околу 11 часот нападна жандарм додека бил на безбедносна должност пред израелската амбасада на Дедиње во Белград. Како што објавува српски Курир, тој наводно ја сменил верата и отишол да живее во Нови Пазар. Утврдено е дека лицето кое го изврши терористичкиот напад е Милош Жујовиќ (25), религиозно име Салахудин. Неговото тело сѐ уште е на лице место, на Дедиње.

Бил облечен во бела маица и темно сиви панталони, имал долга брада и кратка фризура. Носел хируршка маска и капа. Со себе имал ранец и торба од која го извадил самострелот.

Полицаецот во самоодбрана го застрелал овој напаѓач, кој починал на лице место, а според неофицијални информации на местото на настанот дошол со автомобил.

Според неофицијални информации напаѓачот, живеел во стан под кирија. Соседите го виделе со жена, која најверојатно му била сопруга, но едвај се дружеле со соседите.

Последните денови не биле во станот што го изнајмиле бидејќи соседите не ги забележале.

– Искрено, тие беа тивки, ќе се поздравеа, си го живееја животот, никогаш не би помислил дека е способен да направи вакво нешто, знам дека работел во курирска служба како доставувач на храна – рекол сосед на Салахудин, кој денеска тешко рани полицаец пред израелската Амбасада во Белград.

https://republika.mk/vesti/balkan/zhandarm-zastrelan-so-strela-vo-vrat-pred-izraelskata-ambasada-dachik-otseni-deka-napadot-e-teroristichki-akt/

The post Ја сменил верата и го сменил името во Салахудин – кој е напаѓачот пред израелската амбасада во Белград appeared first on Република.

Израелското Министерство за надворешни работи го окарактеризира денешниот напад врз припадник на Жандармеријата пред израелската амбасада во Белград како „обид за терористички напад“, пренесува Тајмс оф Израел.

– Денеска имаше обид за терористички напад во близина на израелската амбасада во Белград. Амбасадата беше затворена и никој од персоналот на амбасадата не беше повреден. Повреден е локален полицаец. Околностите на инцидентот се истражуваат – се вели во соопштението на израелското Министерство.

Српскиот вицепремиер и министер за внатрешни работи Ивица Дачиќ изјави дека околу 11 часот непознато лице со самострел го застрелало припадникот на Жандармеријата кој бил на безбедносна должност во Амбасадата на Израел, ранувајќи го во вратот.

Дачиќ истакна дека станува збор за терористички напад насочен против државата Србија и Жандармеријата.

Полицаецот Милош Јевремовиќ (34) употребил оружје во самоодбрана и го застрела напаѓачот, кој од здобиените повреди почина, соопшти српското МВР.

The post Став на Израел за нападот на полицаец во Белград: Обид за терористички напад appeared first on Република.

Српскиот вицепремиер и министер за внатрешни работи Ивица Дачиќ изјави дека непознато лице, чиј идентитет се утврдува, со самострел застрелало припадник на Жандармеријата кој бил на должност да ја обезбедува израелската амбасада, јави дописникот на МИА од Белград.

– Денеска околу 11 часот непознато лице, чиј идентитет се утврдува, пукало со самострел кон припадник на Жандармеријата кој бил на должност за обезбедување на израелската амбасада и го погодил во вратот – изјави Дачиќ.

Припадникот на Жандармеријата М.Ј. (1990) употребил оружје во самоодбрана и го совладал напаѓачот, кој од здобиените повреди починал.

Полицаецот во свесна состојба бил пренесен во Ургентниот центар каде во тек е операција за отстранување на стрелата од вратот.

– Во моментов се истражуваат сите околности на нападот и можните мотиви – изјави министерот Дачиќ.

Дачиќ оцени дека нападот е терористички акт. Тој се сомнева дека зад напаѓачот стои вахабистичко движење и дека превентивно се уапсени уште неколку лица во близина на полициските објекти.

Како што објави РТС, напаѓачот повеќе пати се приближувал до полициската куќа за обезбедување за да праша нешто, а потоа ја отворил вратата и го застрелал во вратот припадникот на Жандармеријата.

Жандармот отворил оган во самоодбрана и го застрелал напаѓачот кој им подлегнал на раните.

Директорот на Клиниката за ургентна хирургија КЦС проф. д-р Павле Грегориќ за РТС изјави дека операцијата за отстранување на стрелата од вратот на ранетиот припадник на Жандармеријата е во тек.

Ненад Стефановиќ, главен јавен обвинител на белградското Јавно обвинителство, изјави дека дежурниот јавен обвинител на Вишото јавно обвинителство во Белград наредил обдукција на напаѓачот и сите други неопходни дејствија со цел да се расветлат сите околности на денешниот напад врз припадникот на Жандармеријата М.Ј. (34).

The post Жандарм застрелан со стрела во врат пред израелската амбасада, Дачиќ оцени дека нападот е терористички акт appeared first on Република.

Шведската полиција приведе неколку лица и блокира голема област во Стокхолм откако патролата слушнала сомнителни истрели.

Полицијата ја блокира областа помеѓу мостот Диргарден во главниот град, Нобеловиот парк и црквата Оскар. Во оваа област е лоцирана Амбасадата на Израел.

Започната е истрага под сомнение за сериозни прекршоци со оружје.

The post Пукање кај израелската амбасада во Стокхолм appeared first on Република.

Десетици луѓе упаднаа во израелската амбасада во Јордан по експлозија во болница во Газа. Вечерва беше погодена болница во Газа. Палестинците тврдат дека се работи за израелски напад и дека загинале најмалку 500 луѓе.

Израел соопшти дека болницата била погодена од ракета истрелана од палестинскиот исламски џихад. Израелското Министерство за надворешни работи сè уште не го коментираше инцидентот.

Видеата на Твитер покажаа лута толпа која ја опкружува зградата и се обидува насилно да влезе внатре.

https://twitter.com/FadiAmun/status/1714358183702007915?ref_src=twsrc%5Etfw%7Ctwcamp%5Etweetembed%7Ctwterm%5E1714358183702007915%7Ctwgr%5E308b42260b558b674a1ffbd82c95561bd40ec98b%7Ctwcon%5Es1_&ref_url=https%3A%2F%2Flokalno.mk%2Fvideo-desetici-lugje-se-obidoa-nasilno-da-vlezat-vo-izraelskata-ambasada-vo-jordan%2F

The post Десетици луѓе се обидоа насилно да влезат во израелската амбасада во Јордан appeared first on Република.