Цивилната одбрана на Појасот Газа денеска соопшти дека повеќе од 400 луѓе се убиени од почетокот на офанзивата на израелската армија на северот од територијата на 6 октомври, чија цел се борците на палестинското движење Хамас, кои, според Израел , таму ги обновуваат своите сили.

„Најдовме повеќе од 400 мртви во различни области на северниот дел на Појасот Газа, кој го вклучува градот Џабалија и неговиот бегалски камп, градовите Беит Лахиа и Беит Ханун, од почетокот на воената операција“рече Махмуд Басал, портпарол за Цивилната одбрана.

Тој рече дека 33 загинати се додадени на бројот на загинати од 386, кој беше утврден во петокот, во израелскиот напад врз кампот Џабалија рано утринава.

„И на улиците на Џабалија има десетици тела убиени во континуираното бомбардирање“, рече Басал, додавајќи дека меѓу нив има деца, жени и постари луѓе.

Во одредени области, комуникациите и интернет мрежата се прекинати, што ја отежнува задачата на спасувачите и ги спречува жителите да контактираат со службите за итни случаи, рече Басал.

На 6 октомври, израелската армија започна нова офанзива во областа на градот и бегалскиот камп Џабалија, северно од градот Газа. Се вели дека целта е борците на Хамас кои, според војската, ги обновуваат своите сили по една година воздушни напади и жестоки борби.

Армијата посочи дека од почетокот на офанзивата се убиени „неколку десетици терористи“, што ќе доведе до нова хуманитарна криза на територијата уништена по една година војна, велат невладините организации.

The post Над 400 загинати во двонеделната израелска офанзива на северот на Појасот Газа appeared first on Република.

Најмалку 30 лица загинаа во израелски напади врз бегалскиот камп Џабалија во северниот дел на Газа, соопшти Агенцијата за цивилна заштита во Газа.

Портпаролот на Агенцијата Махмуд Басал изјави дека 12 лица, меѓу кои и жени и деца, загинале во нападот што се случил синоќа нешто пред 21:40 часот по локално време, додека 14 лица се водат како исчезнати и најверојатно се заробени под урнатините.

Пред тој инцидент, директорот на Агенцијата Ахмад ал-Кахлут рече дека 18 лица биле убиени во неколку напади, вклучително и напади врз осум училишта во кампот, кои служеле како засолништа за раселени лица.

The post Уште еден израелски напад врз бегалски камп, најмалку 30 загинати appeared first on Република.

Цивилната одбрана на Газа соопшти дека 17 лица загинале денеска во израелски напад врз бегалскиот камп во Џабалија.

Бригадите Ал-Касам, вооруженото крило на Хамас, соопштија дека еден израелски војник бил убиен во борбите во областа Ал-Тавам, северозападно од градот Газа.

Околу 20 оперативци на Хамас биле убиени изминатиот ден во нова операција на израелската војска во Џабалија, на северот од Газа, соопшти израелската армија.

Израелската војска (ИДФ) информира дека вооружаните лица биле убиени во воздушни напади и борби од близина, додека трупите на 162. дивизија дејствувале во Џабалија. Армијата исто така пронашла и уништила складиште за оружје за време на борбите, соопшти војската.

ИДФ тврди дека во изминатото деноноќие се погодени 70 локации на Хамас низ целиот Појас Газа.

Најмалку седум цивили, вклучително и жени и деца, биле убиени во опколениот камп, потврдиле извори од блиската болница Камал Адван.

The post Израел повторно нападна бегалски камп appeared first on Република.

Палестинскиот претседател Махмуд Абас го осуди Израел и неговата офанзива во Појасот Газа пред Генералното собрание на ОН. Тој ги повика другите држави да ја запрат војната.

Абас, претседателот на Палестинската власт, која управува со Западниот Брег, но не и со Појасот Газа, повика меѓународната заедница да престане да испраќа оружје во Израел.

Тој истакна дека неговата влада треба да управува со поствоена Газа како дел од независна Држава Палестина.

Палестина ќе остане наша. И ако некој треба да замине, тоа ќе бидат окупаторските узурпатори, потенцираше Абас.

Во своето обраќање пред ОН, палестинскиот претседател посочи дека Палестинците речиси една година го трпат она што тој го опиша како едно од најтешките злосторства на нашето време.

Престанете со овој криминал. Престанете веднаш. Престанете со убивањето на децата и жените. Престанете со геноцидот. Престанете да испраќате оружје во Израел. Ова лудило не може да продолжи. Целиот свет е одговорен за тоа што им се случува на нашите луѓе во Газа и на Западниот Брег, изјави тој.

Абас додаде дека Палестинците се „подложени на еден од најгнасните злосторства на нашето време, тоа е злосторството на целосна војна, на геноцид кој го извршува Израел.“

Меѓународниот суд на правдата истражува случај поднесен од Јужноафриканската Република, кој обвинува дека Израел врши „геноцидни акти“ во својата офанзива во Газа, што е прекршување на Конвенцијата на ОН за геноцид од 1948 година. Израел силно ги отфрли овие обвинувања.

Абас истакна дека во војната се убиени повеќе од 40,000 луѓе само во Газа и ранети се десетици илјади други.

„Стотици палестински семејства се уништени,“ рече тој. „Илјадници умреа поради ширењето на болести и епидемии, како и поради недостаток на лекови и вода.“

Тој додаде дека Израел го уништил Појасот Газа „речиси целосно,“ изјавувајќи дека територијата „веќе не е погодна за живот.“

Абас, исто така, го обвини Израел за „нова агресија“ врз Либан, кој во последните денови е погоден од бранови на израелски напади.

„Ја осудуваме оваа агресија и бараме таа веднаш да престане,“ додаде тој.

Конфликтот започна откако милитантите предводени од Хамас извршија терористички напад врз Израел на 7 октомври, при што загинаа околу 1,200 луѓе и беа земени околу 250 заложници. Потоа Израел започна одмазнички напади во Газа, каде се убиени над 40 илјади луѓе.

The post Абас пред ОН: Престанете со геноцидот! Целиот свет е одговорен за она што се случува во Газа appeared first on Република.

Израелската армија вечерва објави дека во текот на денот погодила 1.300 цели на Хезболах во Либан, од чија територија оваа проиранска исламистичка организација се впушта во се поинтензивна размена на оган со еврејската држава.

Бројот на погодени цели го соопшти воениот портпарол контраадмирал Даниел Хагари на брифинг со новинарите и најави дека наредните денови ќе бидат сложени.

Претходно, израелската армија соопшти дека погодила повеќе од 1.100 цели на Хезболах во Либан во изминатите 24 часа и дека тоа се „згради, возила и инфраструктура каде што има ракети, проектили, ракетни фрлачи и беспилотни летала“ кои претставуваат закана за Израел.

Израелскиот министер за одбрана Јоав Галант објави дека ова е една од најтешките недели за Хезболах откако е основан во 1982 година, велејќи дека „десетици илјади ракети и прецизна муниција се неутрализирани“.

Размената на оган меѓу Хезболах и израелската војска се интензивираше откако пред неколку дена се случија експлозиите на комуникациските уреди на Хезболах - кои му се припишуваат на Израел.

Минатиот вторник и среда убија 39 лица, а повредија 2.931. Во петокот, израелски воздушен напад врз јужните предградија на Бејрут му зададе нов удар на Хезболах убивајќи го командантот на елитната единица Радван и 16 нејзини членови.

Командантот на либанскиот јужен фронт, Али Караки, кој беше најважната цел, не е погоден во денешниот напад на Израел врз тие предградија, соопшти Хезболах

The post Израелската армија погодила 1.300 цели во Либан appeared first on Република.

Претседателот на САД, Џо Бајден, изјави дека договор за прекин на огнот во Газа е „поблиску од кога било, но сè уште не е постигнат“, Преговорите се очекува да продолжат следната недела.

Да не кажам голем збор, но веќе има нешто конкретно. Сепак, сè уште не е конечно, истакна Бајден пред новинарите.

Многу сме поблиску до прекинот на огнот во Газа отколку што бевме пред три дена. Стискајте палци, додаде тој.

Претходно денеска, во заедничкото соопштение на Египет, Катар и САД беше наведено дека Соединетите Американски Држави претставиле нов предлог за прекин на огнот во Газа, со кој се отстрануваат преостанатите разлики во позициите. Во него се посочува дека високи претставници од земјите посредници ќе се состанат следната недела за да работат на финализирање на договорот.

Посредниците го опишуваат новиот документ како „предлог за премостување“, што укажува дека остануваат празнини, иако велат дека има некои нови „области на договор“ меѓу страните, пренесува Тајмс оф Израел.

The post Џо Бајден: Примирјето во Газа е поблиску од кога било, но сè уште не е постигнато appeared first on Република.

Израелска делегација вечерва или утре е отпатува за египетската престолнина Каиро за да учествува во преговори за прекин на огнот во Појасот Газа и за ослободување на заложниците, кои се држат таму од радикалната палестинска групација „Хамас“, се наведува во синоќешната изјава од кабинетот на израелскиот премиер Бенјамин Нетанјаху.

„Делегација за преговори за договор за заложниците ќе отпатува за Каиро во сабота навечер или в недела“, прецизираа од кабинетот на премиерот.

Во меѓувреме, израелската војска (ИДФ) соопшти дека во Појасот Газа е убиен Мухамед ал Џабари, еден од водачите на палестинскиот Исламски џихад. Покрај тоа, ИДФ уби двајца политички лидери на Хамас и тројца воени команданти во тунел под Газа.

Хамас тврди дека ИДФ за време на нападот целел на цивилни објекти. Израел го негира ова и вели дека презел чекори за ублажување на цивилната штета во нападот, вклучително и користење на воздушно набљудување и прецизно наведувана муниција.

The post Израел ќе испрати делегација на преговори во Каиро за примирје во Газа appeared first on Република.

Палестинската милитантна организација Хамас утринава соопшти дека нејзиниот лидер, Исмаил Ханија е убиен во „ционистички напад“ врз неговата резиденција во Техеран, јави ДПА.

Во изјава на Телеграм, Хамас ја оплакува смртта на Ханија „како резултат на предавничката ционистичка акција врз неговата резиденција во Техеран“.

Првично нема потврда за смртта на Ханија од израелската страна, додава ДПА.

Веста за убиството на Ханија се случи неколку часа по израелскиот воздушен напад врз предградие на Бејрут, насочен кон командантот на про-иранската милиција на Хезболах, Фуад Шук „Сајид Мухсан“.

Хезболах засега не ја потврдува неговата смрт.

Либански Хезболах е отворен сојузник и помагач на Хамас во Појасот Газа. И двете движења се сојузнички на израелскиот архи-непријател Иран, преенесува германската агенција.

Хамас соопшти дека Ханија е убиен откако присуствувал на церемонијата на инаугурација на новиот ирански претседател, Масуд Пезешијан, што беше во неделата во иранската престолнина.

The post Лидерот на Хамас, Исмаил Ханија, е убиен во Техеран appeared first on Република.

Министерството за здравство на Појасот Газа објави епидемија на детска парализа во енклавата.

Властите во Појасот Газа за епидемијата го обвинија Израел и неговата воената операција во палестинската енклава.

Израелските сили ја почнаа својата операција во Појасот Газа откако Хамас изврши напад врз Израел на 7 октомври минатата година, во кој, според израелските власти, беа убиени околу 1.200 Израелци, а речиси 250 беа земени како заложници.

Според информациите на Министерството за здравство во Газа, од почетокот на конфликтот во енклавата загинале повеќе од 39.000 Палестинци.

The post Во Појасот Газа прогласена епидемија на детска парализа appeared first on Република.

Најмалку 25 лица загинаа синоќа, а 50 се ранети во израелското гранатирање на шатори за раселените Палестинци северно од градот Рафа, соопшти Министерството за здравство на Газа и вработените во Итната помош.

Тоа е најновиот смртоносен напад врз малата палестинска енклава каде стотици илјади луѓе ги напуштија своите домови по конфликтот меѓу Израел и Хамас.

Портпаролот на цивилната одбрана во Рафа, Ахмед Радван рече дека очевидци им кажале на спасувачите за гранатирање на две локации во крајбрежна област полна со шатори, а Министерството за здравство соопшти дека многу луѓе биле убиени и ранети во нападите.

Нападите се случија во непосредна близина на безбедната зона одредена од Израел.

Израелската армија соопшти дека проверува што се случило во наведените координати.

Израел претходно бомбардираше локации во таканаречената хуманитарна зона во Муваси, рурална област на брегот на Средоземното Море каде во последните месеци беа подигнати шатори за раселените.

Нападите дојдоа додека Израел ја продолжува својата воена операција во Рафа, каде што повеќе од милион Палестинци избегаа од конфликтот во другите делови на Газа.

The post Израел повторно бомбардираше шатори со бегалци appeared first on Република.

Израелската армија соопшти дека денеска нападнала позиција на Хамас во училиште со кое раководат ОН на северот на Газа и протоа се убиени 17 луѓе.
Од болницата што се наоѓа во близина соопштија дека има 37 луѓе загинати.

На нападот вчера му претходеше израелски напад врз училиште на ОН во центарот на Газа, во кој загинаа најмалку 33 лица, меѓу кои 12 жени и деца, според локалните здравствени власти, иако други извештаи велат дека бројот на жртви е поголем.

Шефот на УНРВА, Филип Лазарини, рече денешниот дека нападот бил извршен „без претходно предупредување“.

https://republika.mk/vesti/svet/on-go-stavija-izrael-na-t-n-spisok-na-sramot-poradi-krshene-na-pravata-na-detsata-vo-vojna/

Тој додаде дека УНРВА „ги споделува координатите на сите свои капацитети (вклучувајќи го ова училиште) со израелската армија и другите страни во конфликтот“.

„Нападите, таргетирањето или користењето на зградите на ОН за воени цели се бесрамно непочитување на меѓународното хуманитарно право“, нагласи Лазарини.

Цел на денешниот напад беше училиштето Асма во бегалскиот камп Шати во северниот дел на Газа, со кое раководи Палестинската агенција на ОН за бегалци (УНРВА).

The post Израелската армија изврши напад врз уште едно училиште во Газа appeared first on Република.

Израел и Хамас се вклучени во таканаречениот  „Список на срамот“ на ОН, како дел од годишниот извештај на кабинетот на генералниот секретар Антонио Гутереш, во кој се документира кршењето на правата на децата во војна, објавија денеска израелските медиуми.

Ова е првпат Израел и Хамас да се најдат на списокот, на кој се наоѓаат Русија, терористичката организација ИД, Ал Каеда, Боко Харам, Авганистан, Ирак, Мјанмар, Сомалија, Јемен и Сирија.

Израелските медиуми јавуваат дека Израел е првата демократска земја на таа листа.

The post ОН го ставија Израел на т.н. „Список на срамот“ поради кршење на правата на децата во војна appeared first on Република.

Г7 денеска соопшти дека стои зад постојаниот мировен договор на американскиот претседател Џо Бајден и го повика Хамас да го прифати.

Ние, лидерите на Групата седум (Г7), целосно го поддржуваме планот на Бајден „што ќе доведе до итен прекин на огнот во Газа, ослободување на сите заложници, значително и одржливо зголемување на хуманитарната помош за дистрибуција низ Газа, и траен крај на кризата, со загарантирани безбедносни интереси на Израел и цивилна безбедност во Газа, се вели во соопштението.

The post Г7 го поддржува мировниот договор на Бајден и го повикува Хамас да го прифати appeared first on Република.

Службенчка на Стејт департментот, која поднесе оставка оваа недела, изјави дека причината за нејзиното заминување е извештајот на администрацијата до Конгресот во кој таа рече дека погрешно е наведено оти Израел не ја блокира хуманитарната помош за Појасот Газа.

Вработената Стејси Гилберт, од Бирото за население, бегалци и миграција на Стејт департментот, била експерт за извештајот, но поднесе оставка во знак на протест против политиката на претседателот Џо Бајден кон Израел.

Постои толку јасна разлика помеѓу доброто и погрешното, а она што е во овој извештај е погрешно, рече Гилберт во интервју.

ОН и организациите за хуманитарна помош долго време изразуваат загриженост за опасностите и пречките за примање и дистрибуција на помош во Појасот Газа.

The post „Се лаже во извештајот за Газа“, откри службеничка од Стејт департмент и даде отказ поради тоа appeared first on Република.

Советот за безбедност на Обединетите Нации денеска ќе одржи итен состанок по смртоносниот воздушен напад на Израел во близина на Рафа во јужниот дел на Појасот Газа.

“Voi che vivete sicuri
Nelle vostre tiepide case,
Voi che trovate tornando a sera
Il cibo caldo e visi amici:
Considerate se questo è un uomo.”
L’orrore a #Rafah è disumano e intollerabile pic.twitter.com/KGTd1Aqsvg

— Barbara Collevecchio (@colvieux) May 27, 2024

Итниот состанок беше побаран од Алжир, а поддржан од Словенија, соопштија дипломати, пренесува ДПА.

Здравствените власти на Хамас во Газа соопштија дека 45 лица загинале, а десетици се повредени во воздушниот напад во неделата во кој беа погодени шатори во кои се сместени раселените луѓе.

Повеќето од жртвите на воздушниот напад се жени и деца, соопштија здравствените власти, опишувајќи го инцидентот како „масакр“.

The post Нападот на шаторите полни бегалци денеска на итна седница Советот за безбедност на ОН appeared first on Република.

Администрацијата на американскиот претсдеател Џо Бајден синоќа објави дека Израел можеби го прекршил меѓународното хуманитарно право во Газа со користење на оружје што го набавил во САД, но дека условите на војната ги спречиле американските власти со сигурност да го утврдат тоа.

Наодите на американската администрација за „разумни докази“ кои би можеле да доведат до заклучок дека нејзиниот сојузник го прекршил меѓународното право во начинот на кој се води војната, беа објавени во збирниот извештај доставен до Конгресот вчера и претставуваат досега најсилна таква изјава на администрацијата на Бајден, пренесува Бета.

Оградувањето дека не можело веднаш конкретно да се потврди користење такво американско оружје од страна на израелските сили во Газа може да ѝ даде маневарски простор на американската влада а секоја идна одлука дали да го ограничи снабдувањето на Израел со офанзивно оружје.

Наодите на администрацијата во Вашингтон, што е прва проценка од ваков вид што ја побараа Демократите на Бајден во Конгресот, следуваат по седуммесечните израелски воздушни напади, копнени борби и рестрикции во испраќање на помош во Газа, каде што загинаа речиси 35.000 Палестинци.

Бајден е на удар поради поддршката на војната на израелскиот премиер Бенјамин Нетанјаху против Хамас. Тој се соочува со растечки гнев дома и во странство поради зголемениот број загинати Палестинци и заканата од глад во Газа, предизвикани во голем дел од израелските ограничувања за доставување на храна и помош во палестинската енклава.

Американскиот претседател е во последните месеци од кампањата за реизбор против републиканецот Доналд Трамп. Тој се соочува со барања од многу демократи да го прекине снабдувањето со офанзивно оружје за Израел, но и обвинувања од републиканците дека ја ослабува поддршката за Израел во време кога тоа му е најпотребно.

The post САД: Можно е Израел да го прекршил меѓународното право со користење американско оружје appeared first on Република.

Израелските сили и покрај меѓународните предупредувања ги засилија нападите врз Рафа, од каде досега побегнаа околу 110.000 луѓе. Во тек се жестоки борби во јужниот дел на Рафа. Израелските тенкови навлегуваат подлабоко во градот.

Израелскиот премиер Бенјамин Нетанјаху рече дека Израел ја продолжува борбата против Хамас, како што наведе, „дури и ако остане и сам“.

Ако треба да стоиме сами, ќе застанеме сами. Ќе се бориме со нокти и заби. Денес сме многу посилни. Одлучни сме и обединети да го победиме нашиот непријател и оние кои сакаат да не уништат, изјави Нетанјаху.

Израелскиот воен кабинет одобри проширување на областа на операции во Рафа. Неименувани извори за американските медиуми изјавиле дека тоа ќе биде одмерено проширување, кое нема да ја премине црвената линија на американскиот претседател Џо Бајден.

Агенциите за помош на Обединетите нации претходно предупредија дека намалувањето на резервите на храна и гориво може да ги запре операциите за помош во рок од неколку дена во Газа, бидејќи главните премини се затворени, што доведува до затворање на болници и дополнителна неухранетост.

Генералното собрание на Обединетите нации ја одобри резолуцијата за проширување на палестинските права во Светската организација. Резолуцијата го повикува Советот за безбедност да ја преиспита палестинската апликација за членство во Обединетите нации. САД досега го блокира секој обид со вето.

Шефот на европската дипломатија Жозеп Борељ, пак, најави дека Шпанија, Малта, Ирска и Словенија наскоро и официјално ќе ја признаат Палестина, што, како што рече, може да ги поттикне и другите членки на Унијата да го сторат истото.

Во меѓувреме, Франција го повика Израел веднаш да ја прекине воената операција во Рафах. Француското Министерство за надворешни работи го повика и на итно отворање на преминот Рафа кон Египет, кој од пред неклку дена е под израелска контрола.

Париз изрази жалење за започнувањето на израелската воена операција во Рафах и ги повика израелските власти „да направат се што е можно за да обезбедат заштита на цивилите и да гарантираат пристап до хуманитарна помош, во согласност со меѓународното право“.

The post Израел ги засили нападите врз Рафа, се заканува нова хуманитарна катастрофа appeared first on Република.

Турскиот претседател Реџеп Таип Ердоган изјави денеска дека земјата прави интензивни напори да го зголеми притисокот врз Израел да ја спроведе резолуцијата на Советот за безбедност на Обединетите нации за прекин на огнот во Појасот Газа.

Вчера го испративме осмиот хуманитарен брод во Египет со 125.000 пакети со храна кои треба да бидат доставени во Газа. Правиме се што можеме, толку колку што ни дозволуваат средствата, за да не оставиме никого без потребните намирници, истакна Ердоган

Тој посочи дека Турција ќе продолжи да им помага на Палестинците.

Нема да застанеме додека Палестинците не ја вратат својата слобода, својата окупирана земја и својата независна држава со источен Ерусалим како главен град. Турција се обидува да го помине тестот во Газа, како што го помина тестот за Сирија, тестот за Сомалија, тестот за Карабах со успех, рече Ердоган.

The post Ердоган: Нема да застанеме додека Палестинците не ја вратат својата слобода, окупирана земја и независна држава appeared first on Република.

Израел и палестинското исламистичко движење Хамас не се блиску до постигнување договор за прекин на огнот во Појасот Газа и ослободување на заложниците, изјави портпаролот на Министерството за надворешни работи на Катар, кој посредува во преговорите.

Не сме ни близу до договор, изјави портпаролот Маџед ал-Ансари на прес-конференција.

Тој додаде дека не изгледа дека двете страни се фокусирани на решавање на сегашното недоразбирање во преговорите.

Портпаролот рече дека разговорите продолжуваат.

The post Израел и Хамас не се блиску до договор за прекин на огнот во Газа appeared first on Република.

Американскиот претседател Џо Бајден синоќа изјави дека се надева дека договорот за прекин на огнот меѓу Израел и милитантната група Хамас ќе биде постигнат до светиот муслимански месец Рамазан, што почнува на 10 март.

Запрашан дали очекува договорот да биде постигнат до овој датум, Бајден кажа „се надевам дека е така. Сè уште многу работиме на тоа“, пренесе Би-Би-Си.

Сè уште не сме го постигнале тоа, им изјави тој на новинарите додека синоќа ја напушташе Белата куќа.

Изјавата на Бајден доаѓа во време на затегнати разговори за прекин на огнот и кога се зголемува притисокот врз него да помогне во смирувањето на конфликтот.

Извор запознаен со преговорите за британските меидуми изјави дека предложениот договор предвидува 40-дневна пауза во сите воени операции од почетокот на Рамазан, како и зголемен проток на помош за Газа.

Во него, исто така, наводно ќе биде  вклучен и договор за ослободување на палестинските затвореници во замена за израелски заложници во однос десет спрема еден.

The post Бајден се надева на прекин на огнот во Газа до Рамазан appeared first on Република.