Породилната и детската болница во Малатија и болницата Инајет Топчу во Газиантеп ги преживеаја силните земјотреси благодарение на сеизмичкиот изолатор поставен на нивните катови, јави Анадолија.

Пензионираниот професор по геофизичко инженерство на Универзитетот Докуз Ејлул, д-р Мустафа Акѓун, кој ги гледаше видеата снимени во двете болници за време на земјотресот, рече дека снимките откриле колку е важна употребата на изолатори.

На снимката од болницата во Малатија, земјата и зградата се движат поинаку благодарение на изолаторот. Снимката снимена во болницата Газиантеп Инајет Топчу го покажува ефектот на овој систем во внатрешноста на зградата. Тоа спречи зградата премногу да се затресе. Така, медицинските сестри можеа да стојат и да ги држат инкубаторите, рече тој.

Професорот Акѓун нафгласи дека овој систем обезбедува заштита доколку се направи правилно а додаде и дека системот може да се инсталира и на згради што веќе се изградени, но ќе чини многу повеќе бидејќи столбовите ќе бидат исечени и изолаторите ќе бидат поставени меѓу столбовите.

Според него, системот за рано предупредување е исто така важен.

Сеизмичките изолатори го контролираат однесувањето на зградата за време на земјотрес, но има и системи за рано предупредување од земјотрес. Такви системи се имплементирани во Мексико. Ги има и во Италија и САД. Пред разурнувачки земјотресен бран да ја погоди вашата област, вие ќе биде информиран 20 секунди однапред, во зависност од растојанието и предупредувања. Достигнувањата во светот треба да се спроведат и во Турција. Тоа го има во Јапонија и Мексико. Мексико го употреби при последниот голем земјотрес и беа спречени многу жртви, рече професорот Акѓун.

The post Две државни болници неоштетени го преживеаја земјотресот во Турција appeared first on Република.

Комисијата за заразни болести на состанок ја анализирала актуелната состојбата поврзана со појавата на сомнителен случај на мајмунски сипаници во земјава. На состанокот било констатирано дека сите надлежни институции се активно вклучени во процесот на епидемилошка анализа, лабораториска потврда и изолација на суспектниот случај.

Комисијата за заразни болести притоа препорача воведување мерки изолација/карантин и тоа изолација во домашни или болнички услови на сомнителните случаи за мајмунски сипаници до нивно тестирање, изолација на потврдени случаи во домашни или болнички услови до завршување на болеста или зацелување на крастите, како и секојдневно епидемиолошко следење на контакти на потврдени случаи со мајмунски сипаници за време на траење на инкубацискиот период од 21 ден.

Комисијата за заразни болести ја реафирмира препораката до Министерството за здравство да се преземат сите неопходни превентивни мерки.

Во меѓувреме Институтот за јавно здравје треба да го провери примерокот за тестирање на сомнителен случај на мајмунски сипаници.

Пациентот е од Кичево, во добра здравствена состојба и нема потреба од хоспитализација. Пациентот е лоциран. Контактиран е од надлежниот епидемиолог во Битола и првичната епидемиолошка анкета е завршена. Имаме достапни тестови и во ИЈЗ треба да имаме одговор дали се работи за мајмунски сипаници - соопшти претседателот на Комисијата за заразни болести Александар Петличковски.

Пациентот од Кичево пред неколку дена добил осип на телото, што е еден од симптомите на мајмунски сипаници

The post Карантин за сомнителните случаи: Комисијата за заразни болести препорача превентивни мерки за заштита од мајмунски сипаници appeared first on Република.

Познатата музичка ѕвезда, која беше водителка на Евровизија, е во изолација поради коронавирусот.

Пред само шест дена, таа беше во контакт со речиси сите делегации на земјите кои учествуваа на фестивалот. Веста дека е позитивна на вирусот ја потврди и преку Инстаграм.

Сите се сеќаваме дека за време на гласањето Лаура ја немаше, која била позади сцената да одмори малку. Сепак, се покажало дека тоа биле првите симптоми на коронавирус.

The post Лаура Паусини во изолација поради коронавирус: Пред само шест дена на Евровизија беше во контакт со сите делегации appeared first on Република.

Владата ја укина мерката за задолжителна изолација на лица што имале блиски контакти со случаи позитивни на Ковид-19.

Од Владата информираа дека за нив останува мерката за носење заштитна маска во затворен простор во период од 7 дена од последниот контакт со лица со потврден Ковид.

Владата на денешната седница донесе одлука за укинување на мерката за задолжително носење маски во затворeни простории. Исклучок ќе има во здравствените домови, аптеките, јавните превозни средства (автобус, воз, авион, такси), установите за згрижување стари лица и лица со посебни потреби.

Одлучено е и учениците од средните училишта да следат настава со физичко присуство, без задолжително носење заштитни маски.

Владата силно ја афирмира препораката на КЗБ маски во затворен простор да носат лицата над 65 годишна возраст, хронично болните и лицата со намален имунитет.

The post Се укинува изолацијата за блиските контакти на лица заразени со ковид appeared first on Република.

СВР Тетово поднесе кривична пријава против С.Р.(32) од Тетово, поради постоење основи на сомнение за сторено кривично дело „пренесување заразна болест’’.

На 27.01.2022, полициски службеници извршиле контрола и не го пронашле пријавениот во својот дом и покрај тоа што имал решение за изолација од Државниот санитарен и здравствен инспекторат.

The post Маж од Тетово ќе одговара за пренесување заразна болест appeared first on Република.

Согласно Владината одлука за измена на начинот на достава на решенијата за изолација на лица позитивни на КОВИД-19 и на нивни контакти, од денеска е во функција платформата на која секој граѓанин кој има потреба да дојде до сопственото решение за изолација ќе има пристап единствено до своето решение без да има увид во податоците на другите граѓани на кои им е издадено решение за изолација.

Пристапот е можен преку банер на веб-страницата на Државниот здравствен и санитарен инспекторат (http://dszi.gov.mk/) кој ве носи до порталот Вакцинација.мк или директно на https://vakcinacija.mk/mk/landing.

Постапката е едноставна. Граѓаните кои до сега немаат креирано профил, ќе треба да се регистираат на Порталот со креирање профил преку кој се овозможува генерирање на решението за изолација кое е дигитално потпишано од страна на Државниот санитарен и здравствен инспекторат.

Сите лица кои до сега имаат свој профил на vakcinacija.mk, ќе може да го генерираат решението на ист начин како и сертификатите за КОВИД-19 вакцинација или за прележан КОВИД-19.

Потсетуваме дека секое лице кое се тестира за КОВИД-19 потребно е веднаш по спроведеното тестирање да биде во самоизолација, сè до добивање на резултат од истото. Доколку резултатот е позитивен, останува во изолација уште седум, односно најмалку десет денови во зависност од тоа дали развил симптоми на болеста.

The post Од денеска Ковид-19 решенијата за изолација во електронска форма преку Вакцинација.мк и со максимална заштита на приватноста appeared first on Република.

Решенијата за лицата кои треба да бидат во изолација ќе се објавуваат на веб-страницата на Државниот санитарен и здравствен инспекторат и дополнително во Службен весник во најбрз можен рок, со цел брз проток на информациите, намалување на временската разлика меѓу моментот кога е констатирана потребата од изолација, издавањето на решението за изолација и неговото објавување. Од вчера новата Комисијата за заразни болести е со нов и проширен состав, но сепак со истиот став, апелираше на масовна вакцинација за побрзо завршување на пандемијата.

Во однос на новата одлука, решенијата за изолација да се објавуваат на веб-страницата на ДСЗИ, ќе се намалуваат можностите за злоупотреба во периодот додека не се објави решението, а со тоа се намалуваат и ризиците од дополнителен број случаи позитивни на КОВИД-19 .

За овој начин на доставување на решенијата граѓаните ќе бидат претходно известени преку телефонскиот број оставен во установата каде било извршено тестирањето, а ќе постои можност да биде издадена потврда дека е издадена јавна објава за изолација на писмено барање на граѓаните, информираа вчера од Влада.

The post Решенијата за изолација отсега на страницата на ДСЗИ appeared first on Република.

Владата на денешната 10. седница одлучи решенијата за лицата кои треба да бидат во изолација да се објавуваат на веб страницата на Државниот санитарен и здравствен инспекторат и дополнително во „Службен весник“ во најбрз можен рок. Притоа, нема да бидат објавувани личните податоци на граѓаните, односно целосно ќе бидат запазени стандардите дефинирани со Законот за заштита на личните податоци.  

– Оваа измена се воведува поради зголемениот број граѓани за кои се определува мерката изолација и поради намалениот број денови за изолација, а со цел брз проток на информациите, намалување на временската разлика меѓу моментот кога е констатирана потребата од изолација, издавањето на решението за изолација и неговото објавување. Со новата методологија се намалуваат можностите за злоупотреба во периодот додека не се објави решението, а со тоа се намалуваат и ризиците од дополнителен број случаи позитивни на КОВИД-19, информираа од владината прес-служба.

Оттаму додадоа дека за овој начин на доставување на решенијата, граѓаните ќе бидат претходно известени преку телефонскиот број оставен во установата каде било извршено тестирањето, а ќе постои можност да биде издадена потврда дека е издадена јавна објава за изолација на писмено барање на граѓаните.

– Потврда за објавено решение за самоизолација може да биде издадена и за потребите на Основното јавно обвинителство или друг јавен орган со надлежност за увид во решенијата за изолација, посочија од прес-службата на Влада. 

The post Лицата кои ќе бидат во изолација ќе бидат јавно објавувани на интернет appeared first on Република.

Македонија е единствената држава во светот во која решенија за изолација уште се издаваат во печатена хартиена форма и патуваат до пациентите и лицата кои биле во контакт подолго од нивната болест и период на изолација! пишува професорката Ана Павловска Данева на својот фејсбук профил.

Дигитализација беше приоритет на Владата или тоа не важи за Министерството за здравство и новиот коалиционен партнер?, прашува Данева.

The post Павловска-Данева: Дигитализација беше приоритет на Владата или тоа не важи за Министерството за здравство и новиот коалиционен партнер? appeared first on Република.

Главниот координативен кризен штаб синоќа ја одржа својата втора седница, на која министерот за здравство Беким Сали ја презентираше актуелната состојба со пандемијата предизвикана од КОВИД-19.

На седницата се дискутираше и се усвои препорака за кратење на периодот на изолација после позитивен ПЦР ковид тест од 10 на 7 дена.

Препораката е врз основа на предлог на Комисијата за заразни болести, поради полесната клиничка слика предизвикана од омикрон сојот.

Препораката е доставена до Владата на Република Македонија и треба да биде дискутирана на следната владина седница.

The post Втора седница на Главниот координативен кризен штаб за справување со Ковид-19: Препорака за кратење на периодот на изолација од 10 на 7 дена appeared first on Република.

Кратењето на изолацијата од 10 на 7 дена за ковид асимптоматските случаи не се најде на денешната владина седница. За предлогот на Комисијата за заразни боелсти надлежните ќе расправаат најверојатно по враќањето на министрите од Бугарија.

Во меѓувреме, додека во Македонија се уште нема одлука, во земји од соседството веќе функционираат нови правила и скратен карантин за позитивните. И изолирањето на контактите е намалено на 5 дена за разлика од кај нас каде сеуште трае дури 14 дена. Епидемиолозите не можат навреме да стигнат и да се јават кај секој новодијагностициран, а најмногу работа имаат во скопскиот центар за јавно здравје.

Епидемиолозите не можат да постигнат. На помош имаме и колеги од други здравствени сектори како и од Црвениот Крст и пак не можеме и покрај помошта навреме да се јавиме кај сите случаи - вели за Сител д-р Марија Гочевска, епидемиолог во Центар за јавн оздравје Скопје.

Според новите правилници, вакцинираните лица не подлежат на изолација и покрај контакт со заразен. Им следува карантин само доколку пријават симптоми.

Секако има исклучоци доколку се болни, имаат симптоми тогаш и покрај вакцинирањето мора да одат во изолација. Има исклучоци, невакцинираните секако одат во изолација, а вакцинираните иако не им следува тоа не значли дека не треба да с епридржуваат на мерките, да намалат контакти и да носат маска ако биле во контакт со заразен - вели д-р Гочевска.

Поради брзото ширење на Омикрон, во Македонија во моментот има повеќе од 20.000 активни случаи од кои повеќе од половината или над 11.000 се во главниот град.

The post Изолацијата на позитивните на Омикрон останува по стари правила, Владата не најде време за предлогот на Комисијата за заразни болести appeared first on Република.

Поранешниот директор на УБК, Сашо Мијалков, денеска се појави во Кривичниот суд Скопје за да присустува на  судењето за „Плацевите на Водно”. Тој отсуствуваше на минатото рочиште бидејќи се наоѓаше во изолација по позитивен тест за Ковид-19.

Пред 10 дена, на 14 јануари беше објавено дека Мијалков е позитивен на Ковид-19. Решението за изолација од државниот санитарен инспекторат е издадено на 10 јануари.

https://republika.mk/vesti/crna-hronika/mijalkov-i-advokatite-pozitiveni-na-kovid-19-sudenjeto-e-odlozeno/

Пред да влезе во судницата Мијалков беше прашан од новинарите „кој е рецептот за милионите”, алудирајќи на неговата гаранција од 11 милиони евра. Мијалков пак одговори дека нема рецепт.

Немам таков рецепт, рече Мијалков.

https://republika.mk/vesti/makedonija/mijalkov-se-predade-vo-ojo-bev-bolen-so-temperatura-nad-40-stepeni-nemav-namera-da-begam/

https://republika.mk/vesti/makedonija/sasho-mijalkov-pozitiven-na-kovid-19/

The post Мијалков излезе од изолација и дојде на судење: Немам рецепт за милионите appeared first on Република.

Комисијата за заразни болести препорачува изолацијата на лица позитивни од Ковид-19 од десет дена да се намали на седум дена, изјави денеска министерот за здравство Беким Сали.

На денешната седница која беше свикана по барање на министерот за здравство, членовите на Комисијата одговорија позитивно и се состанавме. На тој состанок се разговареше, и секако врз основа на следењето на трендот на одлуки кои се донесени во различни држави, кои се релевантни и се земаат за пример за споредување, и врз основа на нашиот Институт за јавно здравје кој ги добива на дневна база податоците, одлуката на Комисијата е изолацијата од десет дена да се намали на седум дена, изјави Сали за ТВ Сител.

Тој напомена дека оваа одлука не е конечна, затоа што, како што рече, во идниот период состојбата со новозарезани ќе се следи и соодветно ќе се носат препораки и одлуки.

Оваа препорака на Комисијата треба да се најде на Кризен штаб во понеделник, а во вторник веќе треба да биде на седницата на Влада.

The post Изолацијата да се скрати од десет на седум дена, препорачува Комисијата за здравство appeared first on Република.

Португалските гласачи заразени со корона вирус, како и оние кои се во изолација, ќе можe да ги напуштат своите домови за да гласаат на предвремените избори на 30 јануари, објави португалската влада.

Министерот за внатрешни работи, Франциско Ван Дунем, на прес-конференција соопшти дека гласачите во изолација треба да гласаат од 18 до 19 часот, апелирајќи да не доаѓаат први на гласање. Овие гласачи мора да носат маска и да држат дистанца, а своите домови смеат да ги напуштат само за да гласаат.

Шефицата на јавното здравствено тело, Граца Фреитас, изјави дека нема да има специјално обележани избирачки места за лицата со Ковид-19 и дека нема да се знае кој гласач има Ковид-19.

Оваа одлука за одредување временски период за гласање нема целосно да ја спречи инфекцијата, но ќе го минимизира ризикот - изјави Фрејтас.

Еден ден пред ваквата одлука, Португалија, каде што се вакцинирани речиси 90 отсто од нејзините 10 милиони луѓе, имаше рекордни 43.729 нови инфекции поради ширењето на Омикрон сојот на корона вирусот. Сепак, бројот на хоспитализирани и починати е значително помал отколку на врвовите на претходните бранови.

Изборите беа распишани откако парламентот го отфрли предлог-буџетот за 2022 година преложен од малцинската социјалистичка влада. Според анкетите, социјалистите на премиерот Антонио Кошта имаат значителна предност, но веројатно недоволна за парламентарно мнозинство.

The post Португалија одлучи заразените и тие во изолација да може да излезат на гласање на изборите на 30 јануари appeared first on Република.

Според предлог-предлогот на Министерството за здравство, Германија размислува да го скрати периодот на задолжителна самоизолација поради коронавирусот поради стравувањата дека клучните служби во земјата би можеле да престанат со работа.

Според нацрт-предлогот, работниците во клучните сектори, медицинските или енергетските работници, би можеле да бидат ослободени од задолжителен карантин по пет дена, под услов ПЦР-тестот за коронавирусот да биде негативен, пренесува „Ројтерс“.

Како што се наведува, моменталниот период на задолжителна изолација е 14 дена и важи за сите.

Исто така, како што е наведено во нацрт-документот, за општата популација периодот на изолација би се намалил на седум дена со негативен ПЦР-тест.

Институтот за заразни болести Роберт Кох денеска регистрира 58.912 нови инфекции и 346 починати, што е за 47 отсто повеќе од истиот ден пред една недела.

Министерството за здравство соопшти дека сојот омикрон предизвикува четвртина од сите нови случаи во Германија и дека најверојатно за неколку дена ќе стане доминантен вид.

Германија има ниска стапка на вакцинација во споредба со некои други западноевропски земји, 71,3 отсто од населението е целосно вакцинирано, а 39,3 отсто примиле бустер доза од вакцината, наведува британската агенција.

The post Германија размислува да го скрати периодот на самоизолација appeared first on Република.

Чешката влада го скрати задолжителниот период на изолација за лицата позитивни на коронавирус од седум на пет дена, додека земјата се подготвува за омикронскиот сој на вирусот, за кој експертите проценуваат дека ќе биде доминантен во средината на јануари.

Во Чешката Република, која има 10,7 милиони жители, дневниот број на нови инфекции драстично опадна во последните недели, откако кон крајот на ноември беа забележани високи бројки на нови инфекции, пренесува Ројтерс.

Сепак, сојот омикрон веќе е потврден кај десетици луѓе, а примерите од земји како САД или Обединетото Кралство покажуваат дека сојот се шири со брза брзина.

Владата на премиерот Петар Фијала тврди дека е соодветен пократок период на изолација поради побрзото инкубација на новиот сој, но и поради неговото побрзо ширење.

Врз основа на странското искуство, неопходно е да се скрати периодот на задолжителна изолација и карантин на пет дена – рече Фијала.

Министерот за здравство Властимил Валек рече дека новата мерка ќе стапи на сила на 11-ти јануари.

Валек уште еднаш рече дека вакцинацијата е главното оружје против пандемијата на корона вирусот.

The post Нови мерки од 11 Јануари – Чешка го крати периодот за изолација на пет дена appeared first on Република.

Изолацијата за асимптоматските случаи на ковид-19 наскоро ќе се намали од 10 на 7 дена, дознава „Слободен печат“ од свои извори во Комисијата за заштита на населението од заразни болести, како и од Министерството за здравство. Деновиве ќе биде свикан состанок на Комисијата со дневен ред намалување на времетраењето на изолацијата, со оглед на тоа што омикрон варијантата на коронавирусот манифестира различни карактеристики отколку делта варијантата.

Комисијата во моментов нема да предложи измени за скратување на периодот на изолација, но за тоа ќе се зборува на следниот состанок, велат од МЗ за Слободен печат.

The post Изолацијата на асимптоматските случаи ќе се намали на 7 дена? appeared first on Република.

Д-р Нико Беќаровски од Клиниката за токсикологија се обрати до Комисијата за заштита од заразни болести, барајќи итно да ги сменат протоколите за изолација.

Почитувани членови на Комисијата за заразни болести. Ако уште утре не ги смените протоколите за изолација на контактите со Ковид болни и не го намалите времето за изолација на позитивните, НА 10.01.22 ќе нема кој да работи во државата! Сите ќе бидеме во изолација, вели Беќаровски.

Тој вели дека изолацијата треба да се намали на една недела.

Изолацијата на контактите при вака раширен Омикрон е неодржлива и без епидемиолошка оправданост. Задолжителната изолација за позитивните треба да се намали на 7 дена. Почитувани граѓани ако денес имавме 1197 позитивни со регуларно направени тестови, сигурно има уште >5000 кои се самотестирани и >25.000 недијагностицирани. Добрата вест е што до крај на февруари ќе направиме колективен имунитет и за 8ми март ќе може пак да играте чочеци, пишува д-р Беќаровски на Фејсбук.

The post Ако не ја намалите изолацијата, ќе нема кој да работи во државата appeared first on Република.

Францускиот министер за здравје Оливие Веран рече денеска дека за вакцинираните лица заразени со корона самоизолацијата е скратена од 10 на седум дена.

Француските власти го следат примерот на други земји, како САД, кои го скратија времето на изолација за да спречат прекини во работата во индустријата која и така има недостаток од работници.

The post Франција го скрати периодот на самоизолација appeared first on Република.

Во Франција, задолжителниот период на изолација на лицата заразени со корона вирусот, кои се целосно вакцинирани, ќе се скрати од 10 на седум дена, соопшти денеска министерот за здравство Оливие Веран.

Француските власти следат други земји, кои претходно оваа недела го скратија задолжителниот период на изолација, како што се САД.

– Изолацијата може да биде укината по пет дена во случај на негативен тест. Оние кои не се вакцинирани ќе мора да се изолираат 10 дена, со можност да излезат од изолација по седум дена под истите услови, рече министерот Веран за француски „Журнал ди Диманш“.

Тој, исто така, рече дека новата варијанта омикрон е премногу заразна за да се запре нејзиното ширење, освен ако повторно не се воведе „строг локдаун“.

Според официјалните податоци објавени вчера, Франција стана шестата земја во светот која пријавила повеќе од 10 милиони заразени со Ковид-19 од почетокот на пандемијата.

Француските здравствени власти вчера регистрираа 219.126 нови случаи, четврти ден по ред како во земјата се регистрираат повеќе од 200.000 случаи на новозаразени лица.

The post Франција го скрати периодот на изолација од 10 на седум дена appeared first on Република.