Премиерот Христијан Мицкоски ќе се сретне со министерот за надворешни работи, Тимчо Муцунски за да разговараат за најавените промени во составот на комисијата за историски прашања.

Има некои идеи и размисли. На следната владина седница или по неа ќе помине новиот состав на комисијата која преговара со нашиот источен сосед, па и со нашиот јужен“, рече Мицкоски одгоаварајќи на новинарско прашање.

Премиерот претходно најави нов состав на комисијата. Според него, актуелните членови од македонската страна не ги оправдале очекувањата и не ги штителе националните интереси.

Комисијата беше формирана во 2017 година по потпишувањето на Договорот за добрососедство со Бугарија. Досега се усвоени препораки за заедничко чествување на Кирил и Методиј, , Климент и Наум Охридски и Цар Самуил и пет препораки за измени во учебници во Македонија и во Бугарија.

The post Мицкоски за измените во составот на историската комисија: Има некои идеи, ќе поминат на владина седница appeared first on Република.

Законот за измена на Законот пензии ќе биде донесен откако ќе помине ребалансот на Буџетот, рече вечерва премиерот Христијан Мицкоски.

Во вечерашното гостување на „Топ тема“, Мицкоски повтори дека во Буџетот недостигаат 200 милинои евра и за тоа, најави, ќе има одговорност. Се осврна и на средствата од ЕУ кои се предвидуваат за земјава со Планот за раст, истакнувајќи дека министрите Муртезани, Муцунски, Божиновска, Андоновски, Кочовска Димитриевска и Николоски за две недели го имаат завршено досието на државата, нешто што претходната власт две години не го направила.

Премиерот е дециден дека нема да потроши 550 милиони евра за пруга која завршува, како што рече, во слепа улица на половина тунел. Според него, тие пари е добро да се реализираат за модернизација на пругата на Коридорот 10.

Нека помине ребалансот, веднаш потоа почнуваме со процедурата за законските измени за пензиите. Тие ќе важат не само за сега, туку и за март следната година зашто два пати се нивелираат пензиите, и во септември и во март. Во првите девет месеци го испорачуваме ветувањето, истакна Мицкоски.

Во врска со 500-те милиони евра, Мицкоски рече дека очекува со вакви средства да се финансира интерконекторот со Грција, наместо да се бара ретендерирање или пролонгирање, бидејќи тоа може само да ја поскапи цената на чинење.

Имавме проблем со некои од обврските за кои знаевме дека не можеме да ги исполниме. Нашето досие е затворено и чекаме сега одобрување од страна на Европската комисија, зашто дел од проектите кои ги преземала претходната влада, на памет не ми паѓа да продолжам да ги реализирам. На памет не ми паѓа како премиер на оваа влада да потрошам 550 милиони евра за пруга која завршува во слепа улица на половина тунел, без предвидлива иднина како ќе биде понатаму до Црното Море, на основа на црвен фидик, што значи со пенали може да дојде до 750 милиони евра. Ги замолувам тие пари да ги потрошиме во модернизација на пругата на коридорот 10 и возовите наместо 30 на час да возат 100 на час и наместо три пати да биде намален буџетот на јавното претпријатие Македонски железници – Инфраструктура, да може три пати да биде зголемен и наместо после две години прв пат да имаме една оперативна локомотива, да купиме 5 нови и да имаме повеќе композиции на вагони кои ќе поминуваат во државата, нагласи премиерот.

The post Измените на Законот за пензии по ребалансот на Буџетот appeared first on Република.

Во Собранието беа изгласани измените и дополнувањата на Законот за организација и работа на органите на државната управа, со што се создаваат услови за формирање на нова влада која треба да биде предводена од мандатарот и лидер на ВМРО-ДПМНЕ Христијан Мицкоски.

ВМРО-ДПМНЕ го оствари и првото ветување за реформски закон за распоред и организација на Владата кој беше ветуван во изборите.

Партијата покажа капацитет за двотретинско мнозинство, и досега е партија која обединува најголем број на гласови во Собранието за структурални и важни прашања. Законските измени и дополнувања беа изгласани со 88 гласа „за“ и 22 „против“.

Поддршка за измените на законот дадоа и пратеници од ДУИ кои гласаа без било какви условувања или предлози што никогаш не беше случај претходно. Одлуката на ДУИ и Европскиот фронт ја образложи координаторот на пратеничката група на ДУИ Блерим Беџети.

Предлогот на мандатарот Мицкоски е пренесување на надлежност од една во друга институција и може да има логика за ефикасност. Цениме дека еден ваков упад треба да има сериозно разгледување, но ова ќе го оставиме на времето дали ќе биде постигната таква ефикасност, рече Беџети.

Од Вреди се огласија денеска истакнувајќи дека добро е што дел од ДУИ на прашањето за реорганизација на министерствата покажа дека може да биде и конструктивна опозиција.

Новата организација на Владата ќе овозможи поголем степен на ефикасност во реализација на заедничките програмски цели, што е во интерес на сите граѓани на Македонија, се вели во соопштението.

ВМРО ДПМНЕ покажа дека работи на агендата Македонија повторно твоја. Носењето на измените и дополнувањата на Законот за организација и работа на органите на државната управа се вовед во формирањето нова влада меѓу коалицијата предводена од ВМРО-ДПМНЕ, Вреди и ЗНАМ.

Мандатарот Христијан Мицкоски, кој исто така е и предлагач на измените, најави дека нова влада би можело да биде формирана пред истекувањето на дваесетдневниот рок што започна да тече во четвртокот на 6 јуни.

The post Oстварено првото изборно ветување на ВМРО-ДПМНЕ за измените на Законот за организација на министерствата appeared first on Република.

Пред изборите кои поминаа ветивме функционална и ефикасна влада која ќе спроведе реформи и ќе донесе подобар живот. Суштината на овој предлог е реформи во администрацијата, а со цел да ги решиме реалните проблеми на граѓаните со ефикасни политики со одлуки кои ќе донесат подобар животен стандард, повисоки плати, повисоки пензии, подобро образование, ефикасна социјална заштита, развиена економија и земјоделие. За да го направиме ова ни треба добра организација на владата и затоа поднесувам предлог на Законот за измени на законот за организација и работа на органите во државната управа по скратена постапка - рече пратеникот и претседател на ВМРО-ДПМНЕ, Христијан Мицкоски кој даде образложение на измените на Законот за организација и работа на органите во државната управа кој во Собрание по скратена постапка.

Мицкоски ја побара поддршката од сите пратеници.

Ова го правам во име на огромната поддршка која ја добивме на изборите и во име на реформите кои мора да ги направиме. Се обврзавме да преземе активности со цел преиспитување и рационализација на поставеноста на органите на државната управа со можност за спојување или укинување на одредени државни органи - кажа Мицкоски.

Според него „на овој начин доаѓа до реорганизација на министерствата во самата влада, реорганизација во која дел министерства ќе бидат нови, а агенциите ќе бидат укинати, дел од министерствата прегрупирани односно ќе бидат пренесени надлежностите со цел да се одговори на потребите на граѓаните“.

Мицкоски објасни кои се клучните поенти или што содржи овој закон.

Министерството за труд и социјална политика продолжува да работи како Министерство за социјална политика, демографија и млади. Или Агенцијата за млади и спорт се укинува, а работите од нејзината надлежност преминуваат во Министерството за спорт и во Министерството за социјална политика, демографија и млади - рече Мицкоски.

Според него предложените измени на Законот се формира ново Министерство за енергетика или дел од надлежностите кои ги имаше досега Министерството за економија во делот на рударството и енергетиката ќе бидат дел од надлежностите на новото формирано министерство, а тоа е Министерство за енергетика, рударство и минерални суровини.

Мицкоски информираше дека Министерството за култура продолжува да работи како Министерство за култура и туризам или туризмот кој беше одделение или сектор во Министерство за економија се префрлува во Министерството за култура и туризам.

Се воведува и Министерство за дигитализација кое во суштина ќе ги наследи обврските што ги имаше досегашното Министерство за информатичка технологија и администрација.

Ова министерство е многу важно за борба против корупцијата ќе се зголеми транспарентноста на работата на државните институции - кажа Мицкоски кој укажа дека ќе имаме исто така и Министерството за администрација.

Министерството за економија и труд освен досегашниот дел на економија ги презема надлежностите од труд.

Со ова работниците и работодавачите ќе го водат дијалогот заедно на едно место и целиот процес ќе биде олеснет - рече Мицкоски.

The post Мицкоски: Измените на Законот за организација и работа на органите во државната управа се за исполнување на ветеното на изборите, за што добивме огромна поддршка appeared first on Република.

Свесно и со знаење на Министерството за земјоделство се трујат корисниците на тутун, со што се постапува спротивно на политиките на Рамковната конвенција за контрола на тутунот на Светската здравствена организација во која и нашата држава е член од 2006 година, укажуваат од Социјалистичката партија на Македонија.

Од партијата претходно објавија дека Правилникот за видот на штетните материи, како и начинот и методите за земање на примероци за утврдување на штетните материи и другите загадувачки контаминенти (физички, хемиски, и биолшки) во обработениот тутун и производите од тутун е ставен вон сила уште од 14 февруари 2024 година, укинат со Одлука на Уставниот суд, а до денес не е донесен нов или 15 дена МЗШВ и Директорот на Државниот Инспекторат за земјоделство не постапуваат по закон.

Оттука отворено се наметнува прашањето, кој врши контрола на присуство на кадмиум, жива, арсен, хром, олово, никел предвидени со поблизок пропис, но и резидиуми од активни супстанции?

Молкот на Николовски како непосреден виновник зборува многу. Одговорност за овој, како и за низата други злоупотреби во секторот за земјоделство, набрзо ќе има, нагласуваат од Социјалистичка партија на Македонија.

The post Свесно и со знаење на власта: Се трујат корисниците на тутун appeared first on Република.

Ако се водите од логиката на Артан Груби и информациите кои тој ги лиферува, стручњакот за игри на среќа и тендери, да оставиме тој да ги толкува, но најодговорно кажувам кворумот не беше направен од страна на ВМРО-ДПМНЕ, а власта треба да си ја преземе одговорноста за она што го направи, а не да лиферува такви лажни вести, изјави пратеникот и член на ИК на ВМРО-ДПМНЕ, Миле Лефков за „Само вистина“ на Канал 5 во врска со измените од Кривичен законик.

Ако имаме еден закон кој во Собрание стигна со европско знаменце и злоупотреба на европските процедури, експресно се најде на комисија за европски прашања, нашата одлука беше да ги кажеме нашите аргументи против овој закон и секако да гласаме против, рече тој.

Лефков потенцираше дека останува фактот дека самото донесување на овој Кривичен законик, начинот, постапката, целите и последиците претставуваат најнов облик на висока корупција.

Тоа што се случува во државата и со донесувањето на Кривичниот законик е висока корупција, во која се вклучени и владата и претставници во законодавниот дом, нагласи Лефков.

Лефков посочи дека тоа што власта не сака да се зборува дека со овие измени на КЗ нема да може да се гонат криминали направени од оваа власт.

Во изминатиот период за време на владата на СДС и ДУИ практично со овие измени на Кривичниот законик бришење на став 5 од член 353 кој е однесува на јавни набавки, бришење на членот 394 кој се однесува на злосторничко здружување и намалување на затворските казни до 3 години, се предизвикува кривичните дела направени од страна на оваа власт да застаруваат следната година кога ќе се промени власта, рече тој.

Лефков потсети дека не може да бидат гонети ниту преиспитувани набавките на Васко Ковачевски за РЕК Битола, спорните набавки на јаглен, не може бидат испитувани набавките на вакцини, одлуките на Онкологија кога бил ставен надвор од употреба КАТО системот.

Тоа е еден скриен бенефит кој не се говори во јавноста. Со овие измени се оневозможува гонење и водење на кривични постапки и кога Заев беше премиер, изјави Лефков.

The post Лефков: Измените во Кривичен законик се облик на висока корупција, власта направи да не може да се гонат нивни криминали appeared first on Република.

Уставни измени нема да има, СДСМ една година се грижи само за интересот на Бугарија, ги одби сите предлози кои значеа заштита на Македонските интереси, се вели во партиското соопштение на опозициската ВМРО-ДПМНЕ.

СДС една година одбива секакви предлози од ВМРО-ДПМНЕ кои значеа конструктивност, како примена на Хрватскиот модел на Устав, на кој првин самите се повикуваа, за на крај да избегаат. СДС не прифати ниту еден од двата предлога на заштита на Македонските интереси преку, 1. Одложено важење на уставните измени со приемот на Македонија во ЕУ, 2. Барање на гаранции за нашиот идентитет, јазик и историја од европските институции, барање од Бугарија да реализира 3 пресуди на ЕСЧП за правата на Македонците, барање пакет финансиска помош за државата. Се што значеше подобра позиција за Македонија беше одбиено од СДС. СДС наместо за Македонија гледаше што е подобро за Бугарија, истакнуваат од опозициската партија.

Состојбата дојде до крај, потребни се избори, за Македонија да тргне напред, со СДС тоа не е можно, порачаа од ВМРО-ДПМНЕ.

The post ВМРО-ДПМНЕ уште еднаш порачаа: Уставни измени нема да има appeared first on Република.

Потпретседателката на Бугарија, Илијана Јотова во Варна изјави дека е време за средба меѓу владите на Бугарија и Македонија побарала да се преземат посериозни мерки по последниот инцидент со граѓанин со бугарски идентитет.

Доставувањето нота до македонскиот амбасадор таа го оцени како недоволна акција, бидејќи има информации дека се подготвува текст за промена на уставот на Македонија, но во пракса нема никаков развој.

Потпретседателката Јотова повика да не заборавиме дека, покрај уставот на РСМ, треба да има измени и според потпишаните заеднички протоколи, кои зборуваат за промени во учебниците, оценување на историски датуми и личности и отворање на досиеја, но ништо од ова, како што вели, не е направено – пренесува бугарското „БНТ“

Не се осмелувам ни да помислам дека новата бугарска влада ќе отстапи од веќе воспоставената бугарска позиција, која не е само на официјалниот кабинет, туку и на претседателската институција, на Народното собрание, не се осмелувам да мислам дека ќе има чекор назад, рече потпретседателката на Бугарија, пренесува медиумот.

Денеска министерот за надворешни работи Бујар Османи изјави дека Бугарија не може да постави нови услови, бидејќи преговарачката рамка е затворена.

The post Јотова: По Уставот, измени треба да се случат и во учебниците, историјата appeared first on Република.

Претседателот на ВМРО-ДПМНЕ, Христијан Мицкоски во денешното гостување во во „Тема на денот“ во централниот Дневник на телевизија Сител истакна дека ВМРО-ДПМНЕ бара и нуди креативни решенија кои ќе обезбедат и членство во Европската Унија, а со тоа и заштитени македонски национални интереси, меѓу кои е предлогот уставните измени да бидат со одложено дејство и да стапат на сила кога уставот ќе треба да се отвора за членство во Европската унија.

Мицкоски посочи дека власта нема две третини за промена на уставот и дека ВМРО-ДПМНЕ иако се нудеше да биде дел и нудеше решенија власта ги одби и сама учествување во процесот на преговори кој резултираше со усвојување француски предлог и преговарачка рамка која предвидува промена на уставот со цел продолжување на процесот на преговори односно одржување на втората меѓувладина конференција.

Мицкоски исто така додаде дека ако навистина сака Европската Унија да не види таму, мислам дека ова може да се направи за Македонија да може да ги почне преговорите, а измените на уставот да важат кога ќе се отвара уставот кога ќе почне ратификацијата на пристапниот протокол од земјите членки на унијата.

Ако ја гледаме преговарачката рамка ќе видиме дека таму никаде експлицитно не стои дека ние мораме да го промени уставот. Заклучоците на Советот, ако Советот има добра и чесна намера кон Македонија тоа може да биде толкувано дека не се во функција, ја завршила Македонија својата обврска, се случил оној процес на гласање, но тие не можат да бидат полноправно важечки се до моментот додека државата не биде членка на Европската Унија. Ако тие сакаат навистина да ја видат Македонија, ова е обична формалност за која што ние се бориме и цениме дека, доколку навистина некој сака Македонија да ја види таму, тогаш тоа ќе го направи - рече Мицкоски.

Инаку, додаде Мицкоски, во спротивен случај, ние ниту имаме намера, ниту пак ќе поддржиме било какви уставни измени кои што ќе значат неизвесност во процесот на преговори.

Таков тип на уставни измени ВМРО-ДПМНЕ нема да поддржи - дециден беше Мицкоски додавајќи дека доколку ова не се случи, односно додека не се променат условите, значи уставни измени под бугарски диктат нема да има.

The post Мицкоски: Власта нема две третини за промена на устав под бугарски диктат и непроменети услови, ние таква поддршка не даваме appeared first on Република.

Предлагачите на измените на Законот за културно наследство го повлекоа предлогот за кој денес требаше да се гласа во Собранието заради изградбата на коридорите 8 и 10 д. Археолозите непосредно пред почетокот на седницата преку протест предупредија дека пратениците ќе направат кривично дело доколку гласаат за измените оти со нив се озаконува уништување на културното наследство и се кршат низа домашни закони, меѓународни договори и ратификации.

Предлагачите ги повлекоа измените откако Никола Мицевски, координатор на пратеничката група на ВМРО – ДПМНЕ најави дека тие нема да гласаат за дневниот ред, ќе ја напуштат седницата и побара повлекување на сите предложени измени кои ги добиле во петокот и имале кус рок да ги разгледаат, побара јавна расправа за сите измени во која ќе се вклучат и експертите и јавноста.

Се додека пратениците се потпишуваат на овие законски решенија а не Владата која бега и на чуден начин се потргнува од одговорноста ќе провејува фактот дека сомнежите со желба за корумпирање, криминал и матни зделки ќе бидат дел од овој проект. Апелирам пратениците да не наседнуваат, замислете, на олку битни закони кои менуваат суштина на основни закони кои важат за граѓаните, не е потпишана Владата. Ако веќе проектот е најголем проект кој треба да се изведува во нашата држава, тука требаше да седат министри од Владата, да преземат одговорност, а не да се кријат зад мнозинството во ова Собрание. И да сакаме оваа држава да се развива побрзо, сакаме да успее овој проект ама сакаме да успее на јавен, транспарентен начин, а не законите да се пуштаат во петок, а во понеделник да се закажува седница. И не вие да ги потпишувате, да си дојде министер за култура, за земјоделие, за транспорт, за финансии и да застанат зад експропријациите, зад шумите, зад културното наследство и да го брани тоа што го прави. Вака излегува дека имаме пратеници експерти во ова Собрание кои можат да застанат зад олку големи закони - рече координаторот Мицевски.

И Маја Морачанин од ДОМ најави дека ќе гласа против измените оти треба да се носат на поинклузивен и потранспарентен начин со вклучување на експертката и академската фела.

По нивните забелешки претседателот на собранието Талат Џафери соопшти дека предлагачите ги повлекуваат предложените измени на Законот за заштита на културно наследство.

The post Пратениците попуштија под притисокот на археолозите: Повлечени спорните измени на Законот културно наследство appeared first on Република.

Очигледно е дека некој сѐ уште не ја разбира сериозноста на последиците кои ќе ги предизвика усвојувањето на овој Предлог-закон за изменување и дополнување на законот за игри на среќа и забавни игри, предложен од Владата. Ниту забелешките на амбасадорите на земјите членки на ЕУ не ги одвратија од нивните намери. Иако пред две седмици евроамбасадорот Дејвид Гир јавно порача дека европското знаме не смее да се злоупотребува за избегнување на дискусиите за важни прашања, Владата не се откажа од намерата да протурка скандалозни и противуставни измени на законот за игри на среќа. Испратени се во Собрание со европско знаме, реагира Асоцијацијата на приредувачи на игри на среќа (АПИС) преку соопштение.

Оттаму го повикуваат владиниот Секретаријат за европски прашања да одговори на следните дилеми на јавноста:

Која ЕУ директива предвидува затворање на легални игри на среќа? Која ЕУ директива создава предуслови за игри на среќа на црно, без државна контрола? Која ЕУ директива предвидува 10.000 луѓе да останат без своите работни места? Која ЕУ директива овозможува противуставни законски измени? Која ЕУ директива предвидува бркање странски инвеститори кои доаѓаат од земја членка на ЕУ? Апелираме до пратениците на сите политички партии да посветат особено внимание на Законот за измени и дополнување на законот за игри на среќа и забавни игри. Ниту еден пратеник не треба да наседне на лажниот популизам кои го шират противниците на легалните игри на среќа. Доволно е да си го постават реторички прашањето, кога младите се повеќе заштитени, сега кога игрите на среќа се одвиваат на легален начин или кога ќе се организираат на црно и државата ќе нема никаква контрола? Ние имаме одговорност да ги заштитиме нашите вработени и огромните инвестиции кои ги имаме направено во Македонија. Ќе се бориме до крај против неправдата со сите демократски средства. Кога надлежните институции не сакаат да ги слушнат аргументите ќе бидеме принудени да излеземе на масовни протести. Пред целата јавност ќе покажеме дека и во оваа економска гранка работат обични луѓе, меѓу кои и родители на малолетни деца кои чесно си ги заработуваат платите и не сакаат да бидат избркани од сопствената држава“, наведено е во соопштението.

The post Приредувачите на игри на среќа ќе излезат на масовни протести, се плашат дека Владата нема да се откаже од противуставните законски измени appeared first on Република.

Во моментов не може да кажеме дека имаме доволен број на пратеници за да се отвори Уставот со цел внесување на бугарска етничка заедница, тоа е, такви се бројките, изјави претседателот на Собранието на Македонија Талат Џафери. Тој ги повика партиите во парламентот, со оглед на тоа што декларативно се за членство на земјава во ЕУ, пред сѐ да работат за интересите на државата.

Поради интересот за продолжување на евроинтеграциските процеси сите пратеници и политички субјекти во Собранието треба на уставните амандмани да гледаат како на нешто што е од особен интерес на државата и за граѓаните. Да потсетам и дека партиите декларативно не се против една или повече етнички заедници да бидат вклучени во Уставот, рече Џафери.

Тој потсети дека за уставни измени се потребни најмалку 80 гласа за во парламентот и рече:

Во овој момент бројките се тоа што се, мнозинството не може да каже дека во Собранието има доволен број на пратеници кои би гласале за уставни измени, рече Џафери, одговарајќи на новинарски прашања.

The post Џафери призна: Немаме мнозинство за внесување на Бугарите во Уставот appeared first on Република.

Од идниот месец пензионерите може да ја очекуваат најновата владина поддршка доколку Собранието ги изгласа потребните законски измени, соопшти денеска премиерот Димитар Ковачевски.

И Ковачевски и министерот за економија Крешник Бектеши очекуваат дека сите пратеници ќе бидат на ниво на задачата и ќе ги усвојат измените што ќе овозможат помош за пензиоенрите и за ранливите категории граѓани, но и реализирање на сите останати мерки за справување со енергетската и ценовната криза.

Очекувам и верувам дека сите пратеници ќе бидат на ниво на задачата и ќе ги усвојат измените што значат помош за пензиоенрите и ранливите категории граѓани. За Левица не можам да потврдам, не сум сигурен, зашто ним соседните земји и ЕУ не им се партнери, истакна Ковачевски, одговорајќи на новинарски прашања по прес-конференцијата на која соопшти дека е усвоен нов пакет мерки тежок преку 350 милиони евра.

И Бектеши очекува пратениците да дадат поддршка на законите за справување со кризата.

Моите очекувања се пратениците на ВМРО-ДПМНЕ и сите други пратеници наредната недела да ги изгласаат сите закони за справување со кризата зашто законите се во интерес на граѓаните – да не се зголеми цената на водата, струјата и на топлинската енергија, подвлече Бектеши.

The post Ковачевски и Бектеши очекуваат сите пратеници да ги поддржат законските измени за спроведување на антикризните мерки appeared first on Република.

Собранието доцна вечерва со 95 гласа „за“ и без ниту еден „против“ и „воздржан“ го донесе Предлот на закон за изменување и дополнување на Законот за данокот на додадена вредност, а со 96 гласа „за“ и исто така без ниту еден „против“ и „воздржан“ и Предлогот на закон за дополнување на Законот за акцизите, и двата по скратена постапка.

Министерот за финансии Фатмир Бесими образложувајќи ги двата предлог закони, рече дека тие се дел од пакетот 26 кризни мерки на Владата, кои треба да му помогнат на стопанството во државата, која е погодена од енергетската криза и ценовниот шок на глобалните пазари.

Актуелната ситуација во домашната економија, погодена главно од цените на основните производи, од категоријата на прехранбени производи, се преземаат мерки кои ќе го заштитат животниот стандард на граѓаните од повисоките цени, особено најранливите категории од социјален аспект и домашната економија. Со цел да се надмине оваа ситуација, потребно е да се интервенира. Пакетот од 26 мерки во вредност од 400 милиони евра за економска заштита на граѓаните и компаниите, рече министерот Бесими во обраќањето.

Целта на Владата со овие измени и дополнувања е да се обезбеди намалување на највисоките малопродажни цени на бензините и другите нафтени деривати.

The post Пратаниците ги изгласаа измените на Законот за ДДВ и за акцизи appeared first on Република.

Владата на Република Македонија денеска ги испрати до Собранието измените и дополнувањата на Законот за данокот на додадена вредност и на Законот за акцизи.

Во дописот од Владата се наведува дека овие измени и дополнувања треба да бидат донесени во итна собраниска постапка за да се обезбеди намалување на највисоките малопродажни цени на бензините и другите нафтени деривати.

Овие Закони се однесуваат на повеќе мерки како што е мерката за намалување на повластената стапка на ДДВ за основните производи за човечка исхрана од 5% на 0%. Основните производи на кои ќе се однесува оваа мерка се леб; шеќер; брашно – тип 400; сончогледово масло за јадење; трајно млеко, свежо месо, ориз и јајца.

Мерките за намалување на стапката на ДДВ од 18% на 10% при промет на енергенси и за ослободување од плаќање ДДВ при увоз на енергенси се исто така опфатени, како и мерката за намалување на акцизата согласно берзанските цени. Со овие закони ќе се ублажи ценовниот шок предизвикан од високите берзански цени на нафтата и горивата.

Од седницата на Владата, на којашто се утврдени овие измени, е упатен апел до пратениците веднаш да ги усвојат, за да се обезбеди брза имплементација на вчера донесените мерки за заштита на животен стандард и ликвидност на компаниите.

The post Владата ги испрати измените на законите за ДДВ и акцизи до Собрание, побара пратениците да ги поддржат appeared first on Република.