Вчера во 16.00 часот во Велес, полициски службеници од СВР Велес го лишиле од слобода Ѓ.П.(57) од Валандово, кој бил баран по три централни потерници врз основа на судски наредби за издржување вкупна казна затвор од две години и шест месеци за сторени кривични дела „измама“. Исто така, лицето било барано и по неколку локални расписи, исто така, поради сомнение за извршени кривични дела „измама“.

Ѓ.П. бил спроведен во Казнено - поправната установа Затвор Гевгелија за издржување на затворската казна, соопштија од МВР.

The post Измамник баран со три потерници и бројни расписи конечно фатен во Велес appeared first on Република.

Денеска на ул.”Охридска” во Битола, Оперативен тим Потраги го лиши од слобода Д.Р.(65) од с.Кривогаштани, прилепско. Тој се барал по 2 централни потерници врз основа на наредба од Основен кривичен суд Скопје, во врска со сторени кривични дела по чл.394 и чл.279 од Кривичниот законик, како и согласно наредба од Основен кривичен суд Прилеп, каде бил осуден на казна затвор во времетраење од 2 години, во врска со чл.252 од Кривичниот законик.

Лицето е предадено во СВР Битола за понатамошна постапка, по што ќе биде спроведено во надлежната казнено-поправна установа.

The post Приведен измамник од прилепско, баран со две потерници поради бегство од затвор appeared first on Република.

Во Скопје вчера околу 09.30 часот полициски службеници од Полициската станица Чаир го лишиле од слобода Х.З.(45) од скопското село Крушопек.

Од МВР денеска информираа дека тој се сомничи дека одзел лична карта на лице од скопско село и во филијала на финансиско друштво на подрачје на Бутел се обидел да земе кредит, претставувајќи се дека е лицето, но од вработените бил забележан дека лажно се претставува.

Тој бил приведен во полициска станица и по целосно документирање на случајот, во координација со јавен обвинител, против него ќе биде поднесена соодветна пријава, соопштија од МВР.

The post Приведен измамник во Скопје appeared first on Република.

Претседателот на Алијансата за иднината на Косово, Рамуш Харадинај, им порача на Албанците во Македонија дека не треба да му веруваат на „измамникот Албин Курти“, пренесува Косово онлајн.

Вака Харадинај реагираше на обраќањето на Курти при вчерашната посета на Тетово, каде рече дека патот Призрен-Тетово, како регионален проект, е многу важен и дека придонесува за развојот и на Косово и на Македонија.

Харадинај, на својот Фејсбук профил, објави дека сите проекти и патишта на Косово се блокирани.

Не му верувајте на измамникот Албин Курти. Сите патишта и проекти се блокирани во Косово, вклучително и патот Плав. Бидејќи веќе не може да ги лаже граѓаните на Косово, дојде да ве излаже, зборувајќи за патот Тетово – Призрен. Истото го пробал и во Албанија, но не му поверувале и го избркале. Не потпаѓајте на неговите трикови, напиша Харадинај на Фејсбук.

The post Не му верувајте на измамникот Курти, им порача Харадинај на Албанците во Македонија appeared first on Република.

Полициски службеници од криминалистичката полиција при СВР Битола денеска извршиле службен разговор со В.М.(46) од Битола, кој се сомничи дека во повеќе наврати на неколку лица им ветувал дека ќе им посредува во извршување на различни услуги и за тоа од нив барал надомест. Како што е пријавено, тие му ги дале парите, но услугите не биле завршени и потоа не им се јавувал на повиците. Тој ги признал делата и по целосно документирање на случаите, против него ќе биде поднесена соодветна пријава.

The post Битолчанец признал дека мамел сограѓани: Им ги земал парите за ветеното, па исчезнувал appeared first on Република.

Дејан, доктор Дејан, Дејан Николовски. Ова се некои од идентитетите на измамникот кој крадел од десетици угостители во Скопје. Закажувал лажни прослави, нарачувал скапи пијалаци и го снемувало. Овие случаи се само дел од оние за кои објави „А1он“, а се случувале изминатиот период. Засега мистериозниот човек, за кои угостители сведочат дека звучел сериозно, како зрел маж, а барал услуги за примамлив број на луѓе, има разработена шема како освен да ги измами со лажни прослави, од нив да изнуди и пари.

Последниот од настаните се случил вчера. Лицето кое се претставило како доктор Дејан Николовски, се јавил во еден кетеринг сервис во Скопје. Нарачал услуга за 90 лица, за кои кажал дека треба да гледаат фудбал во кругот на Марков Манастир. Му било побарано однапред да плати за услугата преку уплата на сметка, а измамникот кажал дека е сабота и поради фактот што банките се затворени, не може да го направи тоа и сакал да плати во готово. Тоа му било овозможено. И тука почнала сагата со нарачката на пијалаци и тоа скапи шишиња шампањ, пишува А1он.

„На 26.11.2022 во 18.30 часот во Полициската станица Аеродром 33-годишен маж од Скопје пријавил дека околу 11.00 часот на телефон му се јавило лице кое се претставило дека се вика Д.Н. и му побарал да му донесе 10 шишиња шампањ на место лоцирано до Марков манастир. Околу 12:25 часот повторно му се јавило лицето и му рекло дека ако одел кон населбата Аеродром да се сретне со друго лице кое било задолжено околу украсување на просторот и да му даде 11.500 денари. Потоа околу 13:30 часот на бул. „Јане Сандански“ пријавителот се сретнал со лицето на кое требало да му ги даде парите и откако се сретнале, му ги дал парите, по што си заминал. Пријавителот ги подготвил 10-те нарачани шишиња со шампањ и се упатил кон Марков манастир, каде во близина на местото му ѕвонел на телефон на Д.Н. за да му појасни каде точно да ја однесе нарачката, но на лицето му бил исклучен телефонот. Исто така заѕвонил и на телефонскиот број на лицето на кое му дал 11.500 денари за украсување, но и неговиот телефон бил исклучен. Се преземаат мерки за расчистување на случајот“, велат од МВР за „А1он“.

The post Измамник лажно се претставувал како д-р Дејан и крадел од десетици угостители appeared first on Република.

Тетовската полиција поднесе кривична пријава против В.А.(36) од тетовско село, поради постоење основи на сомнение за сторено кривично дело „измама“.

„На 07.06.2020, пријавениот преку апликација на мобилен телефон се слушнал со оштетената, претставувајќи се како претставник на хуманитарно здружение, при што ѝ понудил да земе стан во Скопје. По ова, оштетената заедно со нејзиниот брат отишле во Скопје и се сретнале со пријавениот и со уште едно лице. Притоа, пријавениот ветил дека веднаш ќе им даде клуч од станот доколку му дадат 2700 евра. Откако ги зел парите ја прекинал комуникацијата со оштетената“, информираа од МВР.

The post Веднаш ќе ви дадам клуч од станот ако ми дадете 2.700 еврa: Фатен измамник од Тетово appeared first on Република.