На 26.11.2024 во 15.30 часот во СВР Охрид, 47-годишник од Охрид пријавил дека бил измамен од едно лице за сума од околу 6.000 евра.

Според пријавеното, пред извесно време на една апликација отворил негов електронски паричник и уплатил 100 евра, но парите му пропаднале и не пријавил затоа што се работело за помала сума. Како што е пријавено, на 20.11.2024 на социјална мрежа забележал објава со понуда за враќање на украдени пари и се регистрирал, а по неколку дена му се јавило лицето и тој го запознал со неговиот проблем.

Исто така, според пријавеното, по неколку дена лицето повторно му се јавило и го известило дека на негоавта сметка во Народна банка имал заглавени 15.630 долари и за да можат да ја извршат уплатата ќе треба да инсталира една апликација и да го зголеми лимитот во неговата банка на приближно иста сума колку што треба да му биде исплатено.

Откако сторил како што му било кажано, забележал дека од неговата сметка биле направени две трансакции од 6.000 евра. Се преземаат мерки за расчистување на случајот.

The post Се регистрирал на „сајт за враќање украдени пари“ па од сметката што ја внел му исчезнале 6.000 евра appeared first on Република.

На 26.11.2024 во 11.00 часот во СВР Охрид, 54-годишник од Охрид пријавил дека бил измамен од едно лице за сума од околу 730.000 денари.

Според пријавеното, лицето му се јавило на 15.11.2024 и се претставило како претставник на фирма која работи со биткоини и дека е добитник на 15.000 долари како нивен корисник, а потоа му кажало дека за да ги подигне ќе треба да инсталира апликација преку која ќе се изврши наплатата, но дека прво ќе треба да изврши уплата на одредена сума на пари.

Како што е пријавено, во два наврати тој ги уплатил парите, за што подигнал и брз кредит од финансиско друштво. Исто така, според пријавеното, на 24.11.2024 им пишал на нивната електронска адреса со барање за информација кога ќе ги добие парите, а откако го известиле дека биле заглавени во Народна банка, пишал и на официјалната електронска адреса на банката, од каде што добил известување дека тие не се нивни уплатници и дека најверојатно се работи за измама.

Се преземаат мерки за расчистување на случајот.

The post Му се јавиле дека добил 15.000 долари во биткоини, па платил за да му ги префрлат: Охриѓанец останал и без пари и без биткоини appeared first on Република.

Уште една измама, втор случај за една недела во Куманово со биткоини, евидентира кумановската полиција. Педесет и деветгодишна кумановка пријавила дека била измамена од лице за сума од 88.338 денари, информираше денеска СВР Куманово.

Таа вчера го пријавила случајот во СВР Куманово, а претходно зела брз кредит за да ја добие ветената сума од наводната добивка од биткоините.

Според пријавеното, лицето и се претставило дека е од „агенција за биткоини“ и ѝ кажало дека на нејзината сметка има биткоини во вредност од 900.000 денари и побарало од неа да му го даде бројот од нејзината трансакциска сметка за да ѝ ги префрли парите. Како што е пријавено, за да може да и ги префрли парите требало да има одредена сума пари на сметката, а откако пријавителката подигнала брз кредит парите и биле повлечени од сметката, но не добила надомест за биткоините, соопшти полицијата.

СВР Куманово презема мерки за расчистување на случајот.

Претходно, на 15 ноември, четириесет и петгодишен маж од Куманово пријави дека бил измамен за сума од 200.000 денари, измамникот го информирал дека има 14.500 долари од сметката на биткоини. И тој, како што тогаш соопшти полицијата, зел брз кредит за да ги уплати парите. И нему му се претставило лицето дека е од „агенција за биткоини“, и му кажало дека на неговата сметка има биткоини во вредност од 14.500 долари по што му побарало да му го даде бројот од неговата трансакциска сметка за да му ги префрли доспеаните парични средства. Како што беше пријавено, за да може да му ги префрли парите требало да има 200.000 денари на сметката, а откако пријавувачот подигнал брз кредит парите му биле повлечени од сметката, но не добил надомест за биткоините.

The post Втора измама со биткоини за една недела: 59-годишна кумановка зела брз кредит за да добие ветена сума од наводната добивка appeared first on Република.

На 18.11. во 13.45 часот во СВР Битола, 60-годишна жена од Битола пријавилa дека била измамена од едно лице за сума од 10.000 евра.

Според пријавеното, пред околу четири месеци на фејсбук стапила во контакт со лицето, кое се претставило дека е со македонско потекло, дека е вработен во армијата на САД, а моментално на мисија во Сирија и дека сака да ја прекине мисијата.

Како што е пријавено, лицето ја известило дека мора да уплати 10.000 евра доколку сака да ја прекине мисијата и побарало од неа да ги пушти парите на лице во Турција преку брз трансфер на пари, затоа што додека бил на мисија немал пристап до неговата банкарска сметка.

Полицијата соопшти дека се преземаат мерки за расчистување на случајот.

The post „Американски војник со македонско потекло“ на фејсбук и побарал пари за да си замине од Сирија: Битолчанка измамена за 10.000 евра appeared first on Република.

Кумановец пријавил во кумановската полиција дека бил измамен од лице за 200.000 денари.

Измамникот, кој се претставил како претставник на агенцијата Биткоин, ја побарал предметната сума во замена за биткоини, за кои рекол дека вредат 14.500 долари.

Кумановари дал 200.000 денари, но не ги добил биткоините.

„На 14.11.2024 година во 14,30 часот на СПБ Куманово, 45-годишен маж пријавил дека бил измамен од лице за сума од 200.000 денари. Според пријавата, претставувајќи се како лице од „Агенција Биткоин“, лицето му кажало дека на сметката има биткоини во вредност од 14.500 долари и побарал од него да му го даде бројот на банкарската сметка за да му префрли пари. Како што е соопштено, за да може да му ги префрли средствата морал во сметката да има 200.000 денари, а откако декларантот подигнал брз кредит парите му биле подигнати од сметката, но не добил надомест за биткоините“, соопшти Министерството за внатрешни работи.

Од таму додаваат дека се преземаат мерки за расчистување на случајот.

The post Кумановец платил 200.000 денари за биткоин и не добил ништо appeared first on Република.

Осумдесет и петгодишен маж од Скопје вчера во СВР-Скопје пријавил дека бил измамен од едно лице за сума од 50.000 денари.

Како што соопшти денеска МВР, според пријавеното, измамата се случила на 1 ноември 2024 година кога лицето се претставило како вработено во МВР и му кажало дека ќе му помогне да го излечи неговиот син, а потоа и да го вработи, за што му ги побарал парите.

Оштетениот откако ги дал парите, забележал дека телефонот на лицето не бил достапен, по што сфатил дека е измамен.

Полицијата презема мерки за расчистување на случајот.

The post Имамен старец: Дај ми 50.000 денари, работам во МВР ќе ти завршам работа за болниот син appeared first on Република.

Вчера во 15.20 часот во СВР Тетово, А.И.(80) од тетовско пријавил дека во текот на 2017 година без негово присуство во Основен суд Тетово била донесена пресуда со лажно прикажување на факти и докази.

Според пријавеното, во судот биле приложени лажни докази дека тој бил починат, а воедно од адвокат биле поднесени лажни докази - фалсификувано полномошно дека бил негов застапник и застапник на неговата ќерка.

Како што е пријавено, по донесувањето на пресудата со лажните докази Н.Ш. од истото село ја
доставил пресудата во Агенција за катастар на недвижности-Тетово и неговиот имот бил префрлен на името на Н.Ш..

Од СВР Тетово преземаат мерки за расчистување на случајот.

The post Го „умреле“ за да му го земат имотот appeared first on Република.

Во СВР Скопје, 68-годишна жена од Скопје пријавила дека во периодот од 07.10.2024 до 20.10.2024 била измамена за сума од 215.497 денари.

Според пријавеното, измамата е направена преку социјална мрежа, за наводно инвестирање во крипто валути, при што во наведениот период оштетената ги уплатила парите на жиро сметка која претходно и била дадена од едно лице.

Се преземаат мерки за расчистување на случајот, велат од МВР.

The post 68-годишна скопјанка измамена со крипто валути appeared first on Република.

На 22.10.2024 во 15 часот во СВР Скопје, 68-годишна жена од Скопје пријавила дека во периодот од 07.10.2024 до 20.10.2024 била измамена за сума од 215.497 денари, соопшти МВР.

Според пријавеното во полиција, измамата е направена преку социјална мрежа, за наводно инвестирање во крипто валути, при што во наведениот период оштетената ги уплатила парите на жиро сметка која претходно и била дадена од едно лице.

Се преземаат мерки за расчистување на случајот.

The post Баба (68) „копала“ крипто валути, измамена за 215.497 денари appeared first on Република.

Основното јавно обвинителство Скопје поднесе Обвинителен предлог против 22-годишна жителка на Богданци која во периодот од 15 јули до 29 септември годинава измамила седум лица во Скопје, со намера за себе да прибави противправна имотна корист.

Кривичното дело – Измама согласно член 247 од Кривичниот законик обвинетата го сторила со лажно прикажување на факти дека ќе им изнајми сопствен стан во Скопје на оштетените и со тоа ги навела однапред да и исплатат во готово одреден паричен износ.

The post Им давала лажни клучеви од становите кои ги „издавала“: 22-годишна жена обвинета за измама appeared first on Република.

Во саботата навечер во 21.00 часот во СВР Скопје, Ј.К.(37) од Австралија пријавил дека околу 19.40 часот во Скопје, тој и неговата сопруга влегле во такси возило, кое ги однело од трговски центар во Скопје до крстосницата помеѓу бул.„Кузман Јосифовски Питу“ и ул.„Беласица“ и за тоа на такси возачот му платиле 200 денари за еден километар.

Но, возачот им кажал дека не е доволно и од паричникот на оштетениот сам одзел околу 1700 денари, а потоа им рекол да го напуштат возилото.

Се преземаат мерки за расчистување на случајот, велат од МВР.

The post Таксист им зел 2.000 денари од „Ист гејт“ до Железничка на гости од Австралија appeared first on Република.

На 23.09.2024 во 21:00 часот во СВР Скопје, 25-годишник од Скопје пријавил дека бил измамен од женско лице за сума од околу 11.000 денари.

Според пријавеното, тој на интернет забележал оглас за работа во странска земја објавен од лицето, по што стапил во контакт и потоа во два наврати ги уплатил парите.

Како што е пријавено, откако по трет пат му било побарано да уплати пари на социјална мрежа забележал коментари дека повеќе лица биле измамени од истата личност, по што сфатил дека и тој е измамен.

Се преземаат мерки за расчистување на случајот.

The post Млад скопјанец останал без пари поради оглас за работа appeared first on Република.

На 13.09.2024 во 12:40 часот во СВР Скопје, 75-годишна жена од Скопје пријавила дека била измамена од едно лице.

Според пријавителката, лицето ја контактирало телефонски и ѝ кажало дека нејзината ќерка направила сообраќајна несреќа со смртни последици и дека е потребно да плати одредена сума за нејзината ќерка да биде ослободена.

Пријавителката ги оставила парите и личниот накит на локација која што и била претходно телефонски кажана.

Се преземаат мерки за расчистување на случајот.

The post Скопјанка жртва на голема измама: „Ќерка ви направи сообраќајка со смртни последици, платете за да не одговара“ appeared first on Република.

Основното јавно обвинителство за гонење на организиран криминал и корупција оформи предмет поради основи на сомневања за сторени кривични дела од областа на финансискиот криминал, односно „даночно затајување“, „даночна измама“ и „перење пари и други приноси од казниво дело“ на група субјекти.

Како што информираат од ОЈО, предметот е оформен по доставено известување од страна на Министерството за внатрешни работи за сознанија до кои дошла Управата за јавни приходи.

Заради докажување на основите на сомневање за сторување на наведените кривични дела, на барање на предметниот јавен обвинител, судија на претходна постапка при Основен кривичен суд Скопје издаде наредби за претрес на дом и други простории на повеќе локации во повеќе градови, велат од обвинителството.

Оттаму дополнуваат дека полициски службеници, службени лица од Управата за јавни приходи координирано со истражители од Лабораторијата за дигитална форензика при Истражниот центар на ОЈО ГОКК при претресите обезбедле бројна документација и електронски записи што ќе бидат предмет на обработка и анализа со цел обезбедување материјални докази за потребите на водењето на понатамошната кривична постапка.

- Претресите сè уште се во тек. Со оглед дека станува збор за предистражна постапка која според закон е тајна, јавноста навремено ќе биде информирана за поединости што нема да ја нарушат постапката, дополнуваат оттаму.

The post ОЈО ГОКК отвори предмет за финансиски криминал, претреси на повеќе локации appeared first on Република.

СВР Тетово поднесе кривична пријава против А.Џ.(25) и Р.Џ.(22), двајцата од Тетово, поради постоење основи на сомнение за сторени кривични дела „осигурителна измама“ и „поднесување на лажни докази“.

При вршење увид од екипа на СВР Тетово во врска со пријава за фалсификувани медицински извештаи, биле забележани медицинските извештаи од првопријавениот и второпријавената, кои не биле заведени во соодветни книги за заведување на сообраќајни незгоди, ниту во системот „Мој термин’’, а притоа истите извештаи биле предочени на лекарите чиј факсимил стоел на документот, по што лекарите се произнеле дека извештаите не се пополнети од нивна страна, ниту потписот е нивен. Од СВР Тетово била контактирана осигурителната компанија во врска со обештетувањето кое го добиле прво и второпријавените, од каде бил добиен одговор дека на 30.12.2021 преку адвокат до нив било доставено барање од прво и второпријавената за нематеријална штета, по што на двајцата им биле исплатени вкупно 160.000 денари.

Во изготвување на фалсификуваните медицински извештаи им помагало друго лице, а кое потоа им ги дало на првопријавениот и второ пријавената и на тој начин им помогнал да се стекнат со противправна имотна корист од 160.000 денари.

The post Измама тешка 160 000 денари: Уапсени тетовчани поради фалсификување на медицински извештаи appeared first on Република.

Поднесена е кривична пријава за 60-годишен адвокат од Ресен, кој пред две години злоупотребил податоци на починато 94-годишно лице, за да продаде имот и на тој начин да се стекне со противправна имотна корист во износ од 2.273.965 денари.

Одделот за сузбивање на организиран и сериозен криминал поднесе кривична пријава против С.Т.(60) од Ресен поради постоење основи на сомнение за сторени кривични дела „злоупотреба на службената положба и овластување“ и „злоупотреба на исправа со невистинита содржина“.

Во текот на 2022 пријавениот, адвокат од Ресен, со свој потпис и печат заверил два договори за купопродажба на недвижен имот, кои ги употребил при солемнизација пред нотар во Тетово, а притоа се потпишал и во графата продавач, за што употребил полномошно со невистинита содржина од 94-годишно лице, кое било починато пред повеќе од два месеци пред заверката, објаснуваат од МВР.

Изготвените договори и полномошно ги искористил, наведувајќи податоци од патна исправа, издадена од странска земја на име на починатиот.

Исто така, договорот за купопродажба на недвижен имот од 14.07.2022, пријавениот го употребил за солемнизација на нотар и притоа навел податоци од патна исправа издадена од странска земја и употребил полномошно со невистинита содржина, а полномошник било починатото лице, велат од МВР.

Недвижниот имот, сопственост на наследникот на покојниот, пријавениот го отуѓил на трето лице и се здобил со противправна имотна корист во износ од 2.273.965 денари, исплатени на негова сметка.

The post Со податоци од починато лице извршил купопродажба на стан: Кривична пријава за адвокат од Ресен appeared first on Република.

Јавното сообраќајно претпријатие „Скопје“ попладнево ги информира граѓаните дека утврдена е измама со електронската картичка „скопска“ на социјалните мрежи, случајот бил пријавен во Министерството за внатрешни работи.

- ЈСП „Скопје“ утврди лажна вест со што е фалсификувано логото на електронската картичка „скопска“, објавено на социјалните мрежи од страна на група наречена „Транспортна карта на град Скопје“. Се работи за измама со лажен линк, што краде податоци од платежните картички на граѓаните, пишува на веб-страницата на претпријатието.

The post ЈСП: Измама со логото на картичката „скопска“, пријавено во МВР appeared first on Република.

Четириест и седумгодишен жител на велешко село во текот на вчерашниот ден пријавил дека бил измамен од едно лице за сума од 251.110 денари, информираат денеска од Секторот за внатрешни работи – Велес.

Според пријавеното, на 29 јули, преку мобилна апликација, лицето се договорило со него за набавка на бела техника. Како што е пријавено, договорената стока била испратена во Скопје – Чаир и била преземена од друго лице, но, парите не му биле исплатени во договорениот рок и по една недела, лицето веќе не било достапно, по што сфатил дека е измамен“, појаснуваат од СВР – Велес.

Се преземаат мерки за расчистување на случајот.

The post Велешанец измамен со 251.110 денари appeared first on Република.

Вчера во 12:30 часот во СВР Тетово, 35-годишен гостиварец пријавил дека тој и неговата сопруга биле измамени од туристичка агенција од Тетово.

Според пријавеното, тој  резервирал патување за годишен одмор во Албанија и уплатил 530 евра. Според пријавеното, на 10.08.2024 тие отишле во хотелот каде им било кажано дека нивната уплата изнесува 400 евра.

Веднаш го побарал вработениот во агенцијата, кој рекол дека ќе му бидат вратени парите кога ќе се врати од одморот, но денеска кога бил во агенцијата, истото лице му кажало дека не враќаат пари.

Од СВР Тетово велат дека се преземаат мерки за расчистување на случајот.

The post Уплатил во тетовска туристичка агенција, кога стигнал во хотелот го чекало шок appeared first on Република.

На 07.08.2024 во 17.00 часот во СВР Тетово, полномошник на правно лице од велешко пријавил дека бил измамен од сопственик на правно лице од Гостивар.

Според пријавеното, пред четири месеци во Тетово се договориле со гостиварецот да му продаде три товарни возила за цена од 70.000 евра. Како што е пријавено, откако се договориле тој му уплатил 30.000 евра и ги зел возилата, а останатиот износ требало да го плати во рок од 10 дена, но до пријавувањето не ја исплатил целата сума.

Исто така, според пријавеното, тој побарал гостиварецот да му ги врати возилата и на неговата сметка му ги вратил парите, но гостиварецот одбивал да му ги врати возилата. Се преземаат мерки за расчистување на случајот.

The post Фирма од Гостивар договорила да купи три камиончиња од велешани за 70.000, но платила само 30.000 и си ги задржала возилатаа appeared first on Република.