Изминатиот викенд на граничниот премин Табановце во државата влегле и излегле над 102.000 патници, соопштија денеска од МВР. Летниот период е зголемена фреквенцијата на и онака најфреквентниот премин во државата.

На 17-ти август (сабота) влез /излез оствариле 57.579 патници, а возила околу 15-20.000, додека на 18-ти (недела) влез/излез оствариле 44.721 патник, а возила околу 14.000, без да се земат предвид товарни моторни возила Денеска, од полноќ до 09.00 часот влез оствариле 1.953, а излез оствариле 1.947 патници или вкупно 3.900 патници, информираат од МВР.

За време на работните денови граничниот премин го минуваат околу 6.500 до 7.000 возила, додека за викенд бројот се зголемува.

Во функција се ставени сите човечки и технички капацитети, со цел овозможување на побрз проток на патници со запазување на целокупните безбедносни проверки, додаваат од полицијата.

The post Викендов над 100.000 патници влегле и излегле од ГП Табановце appeared first on Република.

Министерството за внатрешни работи ги информира граѓаните на Република Македонија, дека согласно Правилникот за изменување на Правилникот за формата и содржината на образецот на барањето за издавање на пробните таблици, формата и содржината на регистарските таблици и на пробните таблици на возилата, како и начинот и постапката на нивно издавање, објавен во „Службен весник на Република Македонија“ на 12.02.2024 година, рокот за замена на регистарските таблици кои ја содржат ознаката „МК“ и на регистарските таблици кои немаат никаква ознака или ставање на налепница на која е испишана ознаката „НМК“ се продолжува најдоцна до 31 декември 2024 година.

Исто така, ги информираме оние граѓани кои ќе бидат спречени од страна на граничните полициски службеници да направат излез од државата поради тоа што поседуваат патна исправа со името “Република Македонија“, дека можат да побараат писмено известување во кое ќе бидат наведени причините поради кои се оневозможени да направат излез.

The post Доколку не ве пуштат да излезете од државата со стар пасош, можете да побарате писмено известување со наведени причини! appeared first on Република.

Израелските одбрамбени сили(ИДФ), објавија на социјалната мрежа X, мапа на Појасот Газа со две патеки кои Палестинците од северот на енклавата денеска треба да ги користат за заминување на југ, воочи на очекуваната израелска копнена офанзива.

Мапата со натпис на арапски, како и порака на тој јазик, ја објави Авичај Адрае, портпарол на ИДФ.

Последните денови апелиравме да ја напуштитe  Газа и да одите јужно од Вади(речна долина) Газа како би биле на сигурно. Би сакал да ве известам дека ИДФ ќе дозволи движење долж назначените патишта без било каква опасност по безбедноста меѓу 10 и 16 часот - навел Адрае.

Тој додал дека Палестинците поради сопствената безбедност треба да го искористат ова кратко време и да тргнат на југ од Беит Ханун до Кан Јунис.

Доколку се грижите за себе и своите најмили, тргнете на југ во склад со инструкциите. Бидете сигурни дека водачите на Хамас се погрижија за себе и дека се сокрија од нападите во регионот, напишал Адрае.

The post Палестинците добија рок и две патеки да бегаат на југот на Газа: Израелската војска објави порака на арапски, што значи дека најлошото допрва доаѓа appeared first on Република.

На граничниот премин „Богородица“ за излез од земјава се чека час и половина, а на граничниот премин „Дојран“ околу еден час, соопшти Автомото сојузот на Македонија.

На останатите гранични премини од македонска страна нема подолги задржувања за влез и излез од земјава.

The post Сите заминаа за Грција: На „Богородица“ се чека час и половина, на „Дојран“ околу еден час appeared first on Република.

На граничните премини Табановце и Пелинце за влез и излез од државата се чека околу два часа, додека на граничниот премин Богородица за излез од државата се чека околу половина час. На останатите гранични премини од македонска страна, како што информираат од АМСМ, нема подолги задржувања за влез и излез од државата.

Сообраќајот на државните патишта се одвива непречено, по претежно влажни коловози. Интензитетот на сообраќај на патните правци надвор од градските средини е зголемен.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. дма/сст/

The post На Табановце и Пелинце за влез и излез од државата се чека околу два часа appeared first on Република.

Интензитетот на сообраќај на патните правци надвор од градските средини е зголемен.

На Граничниот премин „Табановце“ времето на чекање за влез и излез од државата е повеќе од еден час, на преминот „Богородица“ за излез од државата се чека од 15 до 30 минути.

Како што информираат од Автомотосојузот на Македонија, на останатите гранични премини, од македонска страна, нема подолги задржувања за влез и излез од државата.

The post За влез и излез од Македонија најмногу се чека на „Табановце“ appeared first on Република.

Поради зголемена фреквенција на возила на ГП Табановце, времето на чекање за излез од државата е околу еден час. На останатите гранични премини, од македонска страна, нема подолги задржувања за влез и излез од државата, соопштија од АМСМ.

На патниот правец А2 Свети Николе – Миладиновци на 10 км пред Миладиновци, поради свлечиште и голем одрон, сообраќајот е пренасочен само на една коловозна лента во должина од 150 метри. На самото место е поставена соодветна сообраќајна сигнализација. На учесниците во сообраќајот им препорачуваме внимателно возење.

Сообраќајот на државните патишта се одвива непречено, по влажни коловози.Интензитетот на сообраќај на патните правци надвор од градските средини е умерен.

Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post Сите побрзаа да излезат од држава: Гужви на Табановце, се чека и по еден час appeared first on Република.