Регионалниот ЦУК Тетово ја пренесува информацијата од Територијалната противпожарна единица Тетово дека во период од 23:34 до 2:45 часот после полноќ со 11 пожарникари и 4 противпожарни возила гаснеле запалена куќа во село Стримница, Општина Желино.

Уште во текот на интервенцијата од ПС Групчин, конкретно во 0:19 часот дежурните известиле дека машкото лице на 90-годишна возраст го загубило животот во големиот пожар.

Од страна на тетовските пожарникарите починатото лице е извадено од куќата и за настанот беа известени јавен обвинител и лекар по судска медицина за понатамошна постапка, а увид на местото на пожарот извршила екипа од СВР Тетово.

РЦУК Скопје ја пренесува информацијата од Бригадата за противпожарна заштита БППЗ на Град Скопје дека во изминатото деноноќие имала две помали интервенции на отворен простор.

The post Голем пожар во село Стримница, изгоре маж appeared first on Република.

Вчера во 17.06 часот во СВР Штип, било пријавено дека во с.Лозово, настанал пожар во куќа сопственост на К.Т.Б.(59), која починала на местото на настанот.

Од страна на лекар констатирана била смрт како последица на изгореници.

Пожарот бил изгаснат од Територијалната противпожарна единица Свети Николе, а увид извршила увидна екипа на ОВР Свети Николе во присуство на инспектор од Дирекцијата за заштита и спасување.

The post Загина 59-годишна жена во пожар во куќа во село Лозово appeared first on Република.

Во големиот пожар во Пехчевско изгоре единственото возило на ДПД Пехчево објави заменик директорот на ЈП Национални Шуми Кире Михаилов. Пожарникарите се добро, објавија од пехчевската противпожарна.

За жал ни се случи голема катастрофа. Зафатено од пламените јазици ни изгоре единственото противпожарно возило на ДПД – Пехчево, за среќа колегите пожарникари се здрави и живи, се вели во објавата на социјалните мрежи.

The post При гаснење на пожар изгоре единственото возило на пожарната од Пехчево appeared first on Република.

Од 21:00 часот на патот Охрид - Кичево, кај Извор, сообраќајот беше во прекин во двата правци. Од засега непознати причини се запали автобус на патот Охрид – Кичево.

Од ТППЕ интервенираат при гасење на опожарен автобус, соопшти АМСМ.

Од СВР Охрид за Канал 5 информираат дека во несреќата нема повредени патници, зашто автобусот бил празен.

The post Изгоре автобус на „Галеб“ кај селото Извор, нема повредени appeared first on Република.

Вчера, во Скопје изгорел автомобил, а повредени лица нема.

Според извештајот на МВР пожарот настанал на улицата „Коце Металец“ во патничкото возило „Опел Корса“, со скопски регистарски ознаки кое било во сопственост на Е.Ѓ.(51).

Пожарот бил изгаснат ведаш од екипа на Бригадата за противпожарна заштита Скопје.

На местото на несреќата треба да се изврши увид во текот на денешниот ден.

The post Изгоре автомобил во Скопје appeared first on Република.

На регионалниот пат Тетово- Скопје кај Желино вчера во пожар изгоре возило мерцедес со тетовски регистарски ознаки. Огнот во возилото започнал додека автомобилот бил во движење, а при тоа возачот не бил повреден.

-Во 15 часот и 40 минути, во СВР Тетово пријавено е дека на регионалниот пат Тетово-Скопје, по кое се движело, настанал пожар во патничко моторно возило „мерцедес“ со тетовски регистарски ознаки, што го управувал Б.Ф.(18) од тетовска Палатица. Нема повредени лица, а со интервенција на тетовската Територијална противпожарна единица пожарот целосно е локализиран, информираше СВР Тетово.

Од пожарната информираа дека интервенирале две екипи со вкупно пет пожарникари.

The post Изгоре мерцедес, се запалил во движење на патот Тетово- Скопје appeared first on Република.