изгаснат Archives - Република

По 11 денови изгаснат пожарот на островот Мадеира

Сани — Sun, 25 Aug 2024 13:45:52 +0000

По 11 дена пожарникари успеаја да стават под контрола голем шумски пожар на португалскиот остров Мадеира, но властите денеска соопштија дека пожарникарите ќе останат на терен за да спречат евентуално повторно разгорување.

Во пожарот, што избувна на 14 август, изгореа повеќе од 5.000 хектари вегетација, главно во планинските области каде што теренот е непристапен.

Локалните власти соопштија дека во пожарот нема повредени, ниту има изгорени куќи или големи оштетувања на инфраструктурата, а ЕУ обезбеди два канадери-авиони што помогнаа во гаснењето на пожарот.

The post По 11 денови изгаснат пожарот на островот Мадеира appeared first on Република.

По тринаесет дена пожарот кај Серта е целосно изгаснат

Nena — Tue, 23 Jul 2024 16:29:19 +0000

Пожарот кај Серта е целосно изгаснат по тринаесет дена борба со огнената стихија, информираше денеска командирот на Територијалната противпожарна единица Неготино, Столе Атанасов.

Тој во објава на својот фејсбук профил изрази благодарност до сите кои доброволно придонесуваа во гаснењето на пожарот, како и до сите државни, регионални и локални институции кои беа вклучени во гаснењето на пожарот.

– Упатувам неизмерна благодарност до сите доброволци, доброволни друштва, ловно друштво, државни, регионални и локални институции кои со сите расположливи ресурси беа вклучени во акцијата. Без вас, невозможно беше да се справиме со огнените јазли кои незапирливо зафаќаа се поголеми површини, наведува Атанасов.

Благодарност упати и до локалното население кое храбро и пожртвувано заедно со нив, помогнало во совладувањето на пожарот.

– Ризиците од голема еколошка катастрофа не беа единствени, секој момент додека траеше акцијата беа загрозени безбедноста и здравјето на секој вклучен поединец, напиша тој, подвлекувајќи дека се успеало, да не настрада со посериозни повреди, ниту еден од вклучените граѓани во акцијата.

Покажавме, додаде тој, дека само сплотени може да се справиме со сите предизвици, упатувајќи апел за внимателност поради високите температури со цел избегнување на пожари.

The post По тринаесет дена пожарот кај Серта е целосно изгаснат appeared first on Република.

Изгаснат пожарот над велешкото село Мелница

Nena — Sat, 24 Feb 2024 12:27:40 +0000

Од Центарот за управување со кризи (ЦУК) денеска информираа дека пожарот над велешкото село Мелница е изгаснат. Чад има само од мал дел од опожарените трупци, но поради дождот, се очекува тие во целост да бидат изгаснати.

-Регионалниот ЦУК Велес информира дека во 10:10 часот од ЈП „Национални шуми“ – Подружница „Бабуна“ од Велес известија за пожарот над с.Мелница, кај месноста „Ливаѓе“, што гореше од 15:40 часот вчера, дека уште мал дел од опожарените трупци чадат. Но, заради дождот што во моментов врне, истите ќе се изгаснат во целост, се вели во информацијата од ЦУК.

Од ЈП „Национални шуми“ – подружница Бабуна – Велес вчера соопштија дека пожарот е на непристапен терен.

The post Изгаснат пожарот над велешкото село Мелница appeared first on Република.

Целосно изгаснат пожарот во oхридско

Сани — Tue, 09 Aug 2022 18:12:46 +0000

Целосно е изгаснат пожарот што вчера попладне избувна меѓу охридските села Вапила и Расино, соопши Центарот за управување со кризи.

Според информацијата на ЦУК, пожарот целосно бил ликвидиран до 14 часот и 50 минути.

На терен беа екипи на Територијалната противпожарна единица од Охрид, Дирекцијата за заштита и спасување, Центарот за управување со кризи, Национални шуми, општинските јавни претпријатија и доброволци.

ЦУК претходно информираше дека екипите на терен биле поделени во две групи за полесно да го локализираат пожарот, кој бил на тешко пристапен терен.

Според јавното претпријатие Национални шуми, зафатена е поголема површина нискостеблеста дабова шума, а направената штета дополнително ќе ја проценуваат.

The post Целосно изгаснат пожарот во oхридско appeared first on Република.