Владата ќе излезе во пресрет на потребите на ЈСП-Скопје доколку не успее тендерот за набавка на нафта, вели министерот за животна средина и просторно планирање Изет Меџити.

Целта на оваа Влада е децентрализација и тоа се покажува и со средствата што се издвоени – оваа година 100 милиони евра за општините, наредната 250 милиони евра, повторно за општините за зајакнување на децентрализацијата. Но, кога не можат општините тука е Владата, бидејќи најбитни ни се граѓаните. Значи и кога не е наша обврска Владата ќе излезе во пресрет…Ние би сакале општините да се јаки и добро изменаџирани, но кога не можат побитни ни се граѓаните, а посебно Скопје кој што е главен град - рече Меџити прашан за коментар со оглед на последните информации дека досега никој не се пријавил на тенедерот за нафта на ЈСП, и дали доколку пропадне тенедерот Владата и понатаму има можност да му помага на ЈСП.

Во однос на набавката на 120 електрични автобуси, тој потврди дека се разговара за тоа и дека никој не спори оти е потребна мерка, а дали можело порано ова да се реализирам, вели подобро подоцна отколку никогаш.

Владата, минатата недела на вонредна седница донесе одлука да додели 250.000 литри нафта како позајмица од државните резерви за ЈСП со цел да се надмине колапсот во јавниот транспорт во Скопје, откако поголем дел од автобусите на јавното сообраќајно претпријатеие останаа во гаражите поради немање гориво. Состојбата е нормализирана, со интервентите колични, но таа е доволна за 10-тина дена, а на барање на раководството на JCП Бирото за јавни набавки одговори позитивно за спроведување итна постапка за набавка на нафта со преговарање.

Во однос на состојбата со општините Виница, Зрновци и Чешиново-Облешево кои нема каде да го одложуваат отпадот откако граѓаните на Кочани го блокираа пристапот до градската депонија во таа општина, Меџити рече дека проблемот бил од финансиска природа и дека Владата излегла во пресрет и на ова барање за да се реши краткорочно проблемот.

Финансиски обврските ќе ги преземе Владата и пак ќе се вратат на истата депонија, како досега. Проблемот беше финансиски бидејќи не можеше да се носи со тоа Општина Кочани, и ние одлучивме да им излеземе во пресрет да ги помогнеме финансиски за да се реши овој проблем краткорочно или среднорочно. Бидејќи работиме интензивно со проектот од Европската банка за развој, кредитот што е преземен од Министерството за животна средина 55 милиони евра за регионалните депонии - рече Меџити.

The post Меџити: Владата повторно ќе излезе во пресрет на потребите на ЈСП-Скопје доколку не успее тендерот за нафта appeared first on Република.

Во однос на изјавата на премиерот Христијан Мицкоски за поддршка од повеќе земји членки на идејата за уставни измени со одложено дејство, и дали во Владата се разговара околу тоа, Меџити рече, дека тоа е потврда дека Владата е европски ориентирана и е во врвот на приоритетите.

-   Секојдневно работиме во таа насока. Јас сум оптимист дека сме на прав пат, изјави Меџити

The post Meџити го поддржува Мицкоски за уставни измени со одложено дејство appeared first on Република.

Изет Меџити со одговор до ДУИ да не се измешаат работите, бидејќи тоа што имало унапредување во употребата на албанскиот јазик никој тоа не го негира.

- Дека членовите на Уставниот суд се избрани од вас и ова е факт, дека законот сте го испратиле во Венецијанската комисија и ова е факт. Јавните изјави од вашите министри во последните четири години беа во таа линија дека ќе се апсолвираат забелешките на Венецијанската комисија и за овие забелешки, каде што ги спомнавме и дека не беа спроведени, иако во тој Закон немаше банкноти и тие работи што беа проблематични и униформите немаше спроведување на овој Закон. Околу балансерот вашите министри дадоа мислење и тие се идентични со овие уставни судии, кои се на иста линија, вели Меџити.

Тој посочи дека не може да бараат нешто да се реши за три месеци, кога не е решено 20 години.

-Не може нешто да се реши кога Владата беше зависна од вас, особено последната власт, мандатот го потрошивте за да не ја унапредите употребата на албанскиот јазик, туку мандатот го потрошивте за оној кој ја водеше Владата за развој на казино и другите бизнис, а правдата и судот ќе го кажат своето, изјави Меџити.

The post Изет Меџити до ДУИ: Вие го испративте Законот за јазици во Венецијанската комисија и ова е факт appeared first on Република.

До Нова година ќе се донесе нов Закон за игрите на среќи, којшто ќе биде многу радикален, строг и ќе ги порправи вашите грешки, истакна денеска од собраниската говорница, вицепремиерот и министер за животна средина и просторно планирање Изет Меџити, кој одговараше на пратеничко прашање поставено од пратеничката, Рина Ајдари од ДУИ, а која истакна дека нема ништо од затварањата на казината, кои оваа власт го најавиле.

Меџити во својот одговор истакна дека и птиците знаат кој направил во секоја населба или маало да има казино.

-Оваа Влада има објавено војна на овој бизнис и на првите владини седници ние побаравме автентично толкување и вие почитувани пратеници ќе ни потврдите дека претходната влада, заменик премиерот од претходната Влада на незаконит начин ги потпишал тие договори за казина во Република Македонија. Имајќи го предвид автентичното толкување, донесовме одлука за затворање на тие казина, онлајн казина и од Нова година ќе се донесе Закон за игрите на среќа, вели Меџити.

The post Меџити: До Нова година ќе се донесе нов Закон за игри на среќа appeared first on Република.

Првиот заменик претседател на Владата и министер за животна средина и просторно планирање Изет Меџити, денес учевствуваше и имаше обраќање на меѓународната конференција на тема „Народните правобранители и националните институции за човекови права и животната средина“ која ќе им овозможи на народните правобранители и националните институции за човекови права од целиот регион и пошироко да споделат сознанија и стратегии за зачувување на човековите права во услови на загрозување на животната средина.

На отварањето на Конференцијата, првиот заменик претседател на Владата Меџити нагласи дека во Република Македонија, правото на здрава животна средина како основно човеково право е загарантирано со Устав, наведувајќи дека кај нас еколошкото право опфаќа широк спектар на правна регулатива во областа на животната средина, пред се националното законодавство, меѓународната правна регулатива, односно меѓународните конвенции и други правни договори и документи во меѓународната сфера, како и законодавството на Европската Унија.

Како Влада сериозно сме посветени на креирање и имплементација на политики за намалување на притисокот кој човекот го прави врз животната средина, заштита и унапредување на квалитетот на човековата околина, но и обезбедување на заштита на самата природа и биодиверзитетот,  додавајќи дека од друга страна, тоа подразбира и обезбедување на социјален сегмент преку учество на јавноста во носењето на одлуките, но и преку одржливо користење на природните ресурси заради зелена трансформација на економскиот систем и зголемување на можностите за таканаречените зелени работни места.

Меџити истакна дека Министерство за животна средина и просторно планирање ги има воспоставено механизмите за пристап на јавноста до информации и за учество на јавноста при донесување на одлуки, но потребно е да се унапредат механизмите за обезбедување на пристап до еколошката правда. Според него, од особено значење е зајакнувањето на улогата на народниот правобранител во обезбедување на еколошката правда во земјава, како и зајакнување на способноста на националните институци за човекови права да одговорат на еколошките предизвици преку заедничко учење и заеднички иницијативи, осигурувајќи дека тие ќе бидат подготвени и опремени за решавање на новите прашања.

Армен Григорјан, постојаниот претставник на Прогармата за развој на Обединетите Нации рече дека мораме да ја поврземе заштитата на животната средина со унапредувањето на правдата, почитувањето на владеењето на правото и заштитата на човековите права. „Во тек на политичките преговори што се водат на мултилатерално ниво, вклучително и на Климатскиот самит на Обединетите Нации во Азербејџан и оној за биолошка разновидност во Колумбија, се е поголемо чувство дека дискусиите не се доволни. Сведоци сме и на еколошките предизвици со кои се соочува македонското општество во моментов. Борбата за спас на нашата планета не е само политичка, туку и правна, заснована на норми, стандарди и принципи за човекови права и токму во тој контекст мораме да ги поддржиме националните институции за човекови права и народните правобранители да ги исполнат своите улоги, особено во унапредувањето на правото на чиста, здрава и одржлива животна средина. Нивните улоги во промовирањето на еколошката правда ќе стануваат се поважни во годините што следат, во време кога ресурсите и капацитетите се веќе на граница на искористеност. Но добрата вест е дека се поставуваат основите за еколошката правда“.

Народниот правобранител Насер Зибери се осврна на предизвиците со кои се соочува светот од аспект на животната средина и на разурнувачките ефекти од недоволната грижа. Тој ја изрази својата загриженост дека состојбите со животната средина во Република Македонија и реалноста не одат во прилог на уставната заложба на здрава животна средина утврдена со член 43 од Уставот.

„Сепак драго ми е дека на оваа конференција имаме претставници на Врховниот суд и народни правобранители од повеќе земји со чиј придонес ќе ги зајакнеме капацитетите“ изјави Зибери велејќи дека околу 40 претставки се стигнати до Народниот правобранител во врска со животната средина заклучно со октомври оваа година.

Меѓународната конференцијата се одржува од 20 до 21 ноември во Скопје и е организирана во рамки на проектот „Зголемување на улогата на Народниот правобранител во еколошката правда“ што е финансиран од Норвешкото министерство за надворешни работи, а се спроведува во соработка со Програмата за развој на Обединетите нации – УНДП и Канцеларијата на Високиот комесар за човекови права на ОН во Скопје.

The post Меџити: Сериозно сме посветени на унапредување на механизмите за обезбедување на пристап до еколошката правда appeared first on Република.

 Првиот вицепремиер и министер за животна средина и просторно планирање, Изет Меџити по денешната меѓувладина седница во Приштина истакна дека во Македонија не постои Закон за албанскиот јазик за да може да се каже дека се укинува. Потенцира дека во подготовка е посебен закон за соодветна застапеност на Албанците во Македонија.

-Прво, ќе се поврзам со одговорот на премиерот Курти кој рече дека во Македонија не постоел Закон за албанскиот јазик, па сега тој сега се укинува или прекршува. И второ, не се оспорува од Владата на Република Македонија, туку има иницијатива во Уставниот суд каде деветте судии избрани од Владата на СДСМ-ДУИ и проблемот го прават тие судии на Уставен суд со мандат од минатото мнозинство. Денеска сме тука да ја продлабочиме соработката меѓу двете влади и да им го олесниме животот на граѓаните во нашите две земји. Гарантираме дека албанскиот јазик ќе напредува во Република Македонија, исто како што најдовме решение и се формираше експертска група од партнерите во Владата кои работат на балансерот, кој беше само механизам, а сега зема димензии на законско решение или посебен закон за соодветна застапеност на Албанците во Македонија, рече Меџити.

Но новинарско прашање што ќе направат како политичка партија на Албанците доколку Уставниот суд го оспори албанскиот јазик, Меџити нагласи дека Уставниот суд има побарано мислење од Венецијанската комисија и од каде добиле забелешки за три члена од Законот за употреба на јазиците во Република Македонија.

-Уставниот суд не го оспорува албанскиот јазик затоа што нема закон за албанскиот јазик. Уставниот суд, на барање на Владата на СДСМ-ДУИ, има побарано мислење од Венецијанската комисија и тие дале забелешки за три члена од тој Закон за употреба на јазиците во Република Македонија, а тоа се само за тие три члена. Правиме се од себе да ги задржиме позициите на јазикот и да го унапредиме во иднина, рече тој.

The post Меџити: Не постои Закон за албански јазик за да може да се каже дека се укинува appeared first on Република.

Првиот заменик-премиер Изет Меџити вели дека утре утрешната првата заедничка меѓувладина седница во Косово, , покрај протоколарниот дел и усогласената агенда меѓу двете влади околу прашањата за кои ќе се дискутира и договорите што ќе се потпишат, претставува и континуитет на нашата посветеност за зајакнување на регионалната соработка и за третирање на Република Косово како еднаков партнер во сите регионални иницијативи и активности.

Тој на социјалните мрежи напиша дека Владата доаѓа во Приштина со проактивен пристап и искрен интерес за да ги разгледа сите прашања од интерес за нашите две земји.

„Независно од проблемите кои новата Влада ги наследи од претходните влади, независно од оркестрираните тенденции да се обвини новата Влада за секој неуспех оставен во наследство од минатото, духот на меѓудржавната соработка ќе се зајакне и меѓусебната доверба меѓу Македонија и Косово ќе се зголемува континуирано и ќе се гради, бидејќи ова е наша заедничка обврска пред нашите граѓани.

Нашите политички партнери, пријатели и сите други општествени актери во Република Косово сакам да ги информирам дека Владата на Македонија е решена и непоколеблива да работи Западен Балкан да се трансформира во развиен и интегриран регион со модерни институции и услуги и со гарантирање на слободата на изразување, слободата на движење и слободата на организирање за секој поединец или група, без разлика на нивната припадност“, напиша Меџити.

The post Меџити: Ќе одиме во Приштина за да го зајакнеме духот на меѓудржавната соработка appeared first on Република.

Првиот заменик претседател на Владата и министер за животна средина и просторно планирање Изет Меџити и пратеникот во Собранието на Република Македонија Миле Цеков, по тригодишен застој, денеска го пуштија повторно во функција Хидросистемот „Спас за Дојранското Езеро“ со кој од бунарите во Ѓавато, богданско, се врши дотур на вода во Дојранското Езеро.

Имено, на предлог на Министерството за животна средина и просторно планирање, неодамна Владата ја усвои информацијата за ставање во функција на овој хидросистем и после речиси три години застој во работата, водите на Дојранското Езеро повторно ќе се надополнуваат.

-Владата и Министерството за животна средина и просторно планирање ќе се залагаат да се изнајде решение за финансиските средства за во блиска идина да се реконструира целосно овој хидросистем, изјави Меџити нагласувајќи дека за повторно функционирање на хидросистемот е потребна реконструкција на самиот цевковод и набавка на неколку нови потопни пумпи.

Пратеникот Миле Цеков изјави дека претходната Влада и сегашната општинската власт скоро три години не нашле решение за овој проблем, за кој новата Влада најде решение за помалку од половина година.

-Благодарност до министерот Изет Меџити што поднесе Предлог - одлука до Владата, за решавање на овој наследен предизвик кој не беше решен скоро три години, изјави Цеков.

На Бунарско подрачје Ѓавато моментално има технички исправни три потопни пумпи-пумпите 3, 7 и 8 кои се ставија во функција, а за останатите е потребна реконструкција.

Заради сушата и неработењето на хидросистемот во изминатиот период, нивото на водостојот на Дојранското Езеро е 76 сантиметри под дозволениот минимум и доколку продолжи ваквиот тренд нивото може и дополнително да се намали со оглед дека и хидролошка состојба е неповолна.

The post По тригодишен застој пуштен во функција хидросистемот Ѓавато appeared first on Република.

Заменик-премиерот Изет Меџити во „Пик Подкаст“ ја нарече неоснована барањето на албанската опозиција за нови избори, бидејќи според него, актуелната влада за првпат има мнозинство од ⅔ од гласовите.

Албанската опозиција, која беше долго време на власт, никако не може да се помири со фактот дека не е дел од оваа влада. Во демократијата постои правило дека првите 100 дена и се даваат шанса на новата влада додека се позиционира и етаблира, а потоа започнува поострата кампања, нешто што овие не го почитуваат. Од 90-тите години до денес не сме имале влада со 78 пратеници, која наскоро ќе има и над 80. Знаете дека минатите 4 години владата беше на стаклени нозе со 61 пратеник и не падна, па како сега би паднало мнозинство со ⅔ од бројот на пратениците, изјави Меџити.

ДУИ ги лаже своите членови за да не си заминат

Заменик-премиерот Изет Меџити во „Пик Подкаст“ ги коментираше случувањата во ДУИ, каде што, како што вели тој, раководството постојано ги лаже своите членови како механизам за да не се распаднат.

ДУИ користи механизам на лажење на широкото членство за да не си заминат. Кажуваат дека ќе се вратат за еден месец, за два месеци, дека ќе организираат протести. Потоа, кога ќе видат дека немаат поддршка за протести, велат дека ќе организираат средби со граѓаните, а кога тие средби се одржуваат, ги држат со партиските структури, кои патуваат од Куманово до Ликово и обратно, лажат едни други, изјави Меџити.

Работната група работи на правно решение за правична и соодветна застапеност

Заменик-премиерот Изет Меџити во емисијата „ОРА 24“ изјави дека правичната и соодветната застапеност на Албанците е уставна категорија.

Формиравме работна група од експерти и претставници на политичките партии во владата. Јас и Арбен Фетаи како заменик-премиер сме дел од оваа група. Имавме неколку состаноци, има предлози од другата страна, ги анализираме и веруваме дека наскоро ќе дојдеме до решение кое ќе ја зачува оваа уставна категорија и нема да и дозволи на Уставниот суд повторно да го поништи овој закон, изјави Меџити.

Како што гарантираше Меџити, политичкиот договор ќе важи за одржување на етничката застапеност при вработувањата.

На 18 ноември ќе се одржи заедничка седница со владата на Косово

Заменик-премиерот Изет Меџити во „Пик Подкаст“ на „Ора 24“ најави дека на 18 ноември ќе се одржи заедничка седница на владите на Македонија и Косово во Приштина.

На 18 ноември ќе има заедничка седница на владите на Македонија и Косово во Приштина, со неколку теми. Првата тема ќе биде „One Stop Shop“ на граничните премини Блаце и Јажинце, која ќе го олесни движењето на граѓаните и стоките. Втората тема ќе биде енергетската соработка меѓу двете земји. Тема ќе биде и патот Тетово-Призрен, кој значително ќе го олесни сообраќајот во овој правец.

Имаме акционен план за намалување на загадувањето на воздухот

Заменик-премиерот и министер за животна средина, Изет Меџити, коментираше и за планот за намалување на загадувањето на воздухот преку акционен план на владата.

Имаме акционен план за намалување на загадувањето на воздухот. Еден од проектите е гасификација на урбаните центри, иако неколку пати не успеал, треба да се проба повторно бидејќи има заинтересирани компании кои би го спровеле ова преку јавно-приватно партнерство, рече Меџити во „Пик Подкаст“.

Од јануари ќе се одвојат дополнителни 250 милиони евра за општински проекти

Коментирајќи ги владините инвестиции за проекти на општините, заменик-премиерот Изет Меџити соопшти дека владата од 1 јануари ќе додели дополнителни 250 милиони евра за општински проекти.

Бидејќи е половина година, беа одвоени 100 милиони евра, а од 1 јануари ќе се одвојат уште 250 милиони евра, повторно за комунални проекти, за витални проекти. Не можеме да зборуваме за европски фронтови, за Европската Унија, да претендираме Европа кога имаме проблеми со канализацијата, водоводот, со елементарните прашања на граѓаните, изјави Меџити во подкастот „Пик“ на Ора 24.

Според Меџити, граѓаните не заминуваат во дијаспората само поради вработување, туку заминуваат и поради основните услови за живот, безбедност и слично.

Ќе се реализираат проекти во секоја општина како никогаш досега во изминатите 20 години

Првиот заменик-премиер на владата, Изет Меџити, вети дека во рок од еден месец граѓаните ќе го почувствуваат владиното вложување во секоја општина како никогаш досега во изминатите 20 години.

Мислам дека граѓаните ќе го видат ефектот од инвестициите на владата во рок од еден месец во секоја општина, со проекти какви што немало во изминатите 20 години, без разлика за која општина станува збор, што ќе биде значаен поттик за претпријатијата и локалната економија, рече Меџити.

The post Меџити: Не падна влада со 61 пратеник, како би можело да падне мнозинство со две третини од пратениците appeared first on Република.

Премиерот Христијан Мицкоски, директорот на Европската инвестициска банка Габриел Бјорн и првиот вицепремиер и министер за животна средина и просторно планирање Изет Меџити денеска одржаа информативна средба со 58 градоначалници, кои беа информирани за финансискиот договор во износ од 50 милиони евра. Средствата се обезбедени преку Европската инвестициска банка (ЕИБ), а ги доделува Владата преку Министерството за животна средина и просторно планирање.

Како што информира владината прес-служба, оваа средба е во насока на зајакнување и подобрување на ефикасноста и координацијата во користењето на средствата наменети за подобрување на водната инфраструктура на општините. Средствата се обезбедени од Европската инвестициска банка, а ќе се доделуваат преку Министерството за животна средина и просторно планирање, како неповратни средства на општините.

- Денеска испративме силна и јасна порака дека нашата Влада искрено се залага за зајакнување на општините низ целата држава, се наведува во соопштението од Владата.

The post Мицкоски и Меџити на средба со директорот на ЕИБ Бјорн: Владата се залага за зајакнување на општините низ целата држава appeared first on Република.

Првиот вицепремиер и министер за животна средина и просторно планирање, Изет Меџити, денеска заедно со премиерот Христијан Мицкоски и директорот на Европската инвестициска банка, Габриел Бјорн, одржаа информативна средба со 58 градоначалници, кои беа информирани за финансискиот договор во износ од 50 милиони евра, средства обезбедени преку Европската инвестициска банка (ЕИБ), а кои ги доделува Владата преку Министерството за животна средина и просторно планирање.

Меџити рече дека средбата била во насока на зајакнување и подобрување на ефикасноста и координацијата во користењето на средствата наменети за „Подобрување на водната инфраструктура на општините во Македонија“, обезбедени од Европската инвестициска банка и Владата на Република Македонија, и кои ќе се доделуваат преку Министерството за животна средина и просторно планирање, како неповратни средства на општините.

“Со доплонителните 50 милиони евра правиме, уште еден чекор напред за зајакнување и подобрување на условите за живот на сите граѓани на нашата држава, без исклучок. Како што направивме и минатиот пат, со 100-те милиони евра, не се залагаме истите да одат во одредени општини, туку да се распределат за сите локални самоуправи”, рече Меџити, додавајќи дека досега средствата не се искористени и не се распределувале меѓу општините, но процесот е веќе започнат и откако оваа Влада стапи на функција, постигната е реализација на 15 отсто од вредноста на средствата. Тоа ни овозможи да ги започнеме процедурите за реализација на овие грант средства со интензивна реализација на општинските проекти.

Средствата, како што информира Меџити, Република Македонија ги враќа од централниот буџет, а истите ќе се распределуваат според методологија и се неповратни дотации од Владата до општините.

„Проектите за водна инфраструктура во општините кои се финансирани од Европската инвестициска банка се однесуваат на водоснабдителните системи, фекална и атмосферска канализација, вода за пиење и третман на отпадни води, како и заштита од поплави“, изјави првиот вицепремиер Меџити пред медиумите.

Меџити рече дека тимот на Министерството за животна средина и просторно планирање и Проектната единица за реализација работат и на контрола на проектната документација испратена од општините, како и на изработка на документацијата за набавка за реализација на проектите.

До сега се одобрени вкупно 9 проекти со вкупна вредност од 7,33 милиони евра, одобрени од Европската инвестициска банка, од кои ЕИБ финансира 6,56 милиони евра.

The post Меџити со апел до општините: Аплицирајте со проекти, уште 50 милиони евра на располагање на општините appeared first on Република.

Вицепремиерот Изет Меџити е против предвремени парламентарни избори заедно со локалните.

Одговарајќи на новинарско прашање рече дека од осамостојувањето на државата досега немало постабилна Влада од оваа.

Од 90-тите години досега немало постабилна Влада и поголемо мнозинство од ова, 78 пратеници, и тоа расте. Сигурно за кратко време расте и до 80. Тоа е две третини од Собрание. Тоа е доволен коментар - рече Меџити појаснувајќи дека изјавата на премиерот Мицкоски само дел од дебата во Собранието.

Според него, никому не му е во прилог да се одржат предвремени парламентарни избори и тоа ќе биде само непотребен трошок и непотребно губење време.

За државата и граѓаните, кога имаш мнозинство од 80 пратеници е непотребно да се размислува бидејќи тоа е трошок за државата и непотребно губење време бидејќи секое прогласување на избори шест месеци пред и по изборите запираат сите постапки, сите јавни набавки, вработувања и тоа влијае многу на економијата. Прво нема да бидат среќни тие што сакаат да работат, бизнисот во оваа држава - рече Меџити.

The post Меџити: Никогаш немало постабилна Влада, предвремени избори се непотребно губење време appeared first on Република.

Првиот вицепремиер и Министер за животна средина и просторно планирање, Изет Меџити, ја посети Дирекцијата за заштита и спасување, каде што беше пречекан од директорот Џеват Селами.

Директорот Селами на состанокот, на кој присуствуваше раководството на дирекцијата, информираше за секојдневните активности што ги презема оваа институција.

Меџити ја пофали работата на оваа дирекција, за која изјави дека одигрува многу важна улога во брзите и ефективни одговори на различните кризи кои ја погодија државата, ја има и ќе ја има континуираната поддршка од Владата и Министерството за животна средина и просторно планирање.

Спроведувањето на мерки за заштита на граѓаните од природни и вештачки ризици, идентификување и анализа на ризици кои можат да влијаат на безбедноста на граѓаните и инфраструктурата, се дел од главните задачи на оваа дирекција, и овие активности се превземаат многу успешно“, рече Меџити.

Тој додаде дека нивната реализација бара координација на активностите и тесна соработка со централните и локалните институции, како и со релевантните организации за да се обезбеди ефективен одговор на кризите.

Меџити изјави дека Дирекцијата за заштита и спасување започнала сериозна агенда за реформирање на сегашниот систем, со цел подобрување на ефикасноста и ефективноста на својата дејност, со целосна посветеност да им служи на граѓаните.

The post Mеџити: Дирекцијата за заштита и спасување се реформира со цел подобрување на ефикасноста и ефективноста appeared first on Република.

 Во новиот буџет фокусот е ставен и на финансирањето на еколошките проекти, за кои се уште се разговара и се водат консултации, вели првиот заменик претседател на Владата и министер за животна средина и просторно планирање, Изет Меџити.

Се уште разговараме, дебатираме, сме во консултации со сите министерства, сите ресори. Фокусот е ставен и на Министерство за екологија, затоа што тоа е во агендата на владата и затоа сме денеска тука на подготовки за СОР 29. Значи каде што ќе разгледаме новите можности, финансиски можности како да го решиме проблемот со загадувањето, проблемите со коишто се соочуваме. Исто така, што се однесува до определбите на ВЛЕН во текот на изборите беше и останува во фокус децентрализацијата којашто е битна за сите општини, но и за нашите оопштини. Оваа година се веќе наменети 100 милиони евра, наредната 250 милиони евра, и мислам дека тоа веќе ќе се чувствува во сите општини, бидејќи во сите општини ќе се работи на конкретни проблеми, на конкретни решенија од кои придобивки ќе добијат граѓаните во општините. Во фокусот е и образованието, не само со инвестиција што е предвидена за кампусот Мајка Тереза генерално образованието е најдобра инвестиција и ќе остане во нашите приоритети, рече Меџити прашан за коментар за буџетот за 2025 година.

Прашан има ли конкретни мерки како оваа зима да имаме помалку загаден воздух, тој најави дека е тоа комплексно прашање кое бара комплексни активности.

Тоа е комлексно прашање, значи и комплексна лепеза на активности оти не може преку ноќ да се реши. Но, добро е што трендот е на едно подобрување во однос на поранешниот период, секоја година значи периодот се скратува на загадувањето иако со тоа не треба да бидеме задоволни. Затоа работиме интензивно, секојдневно, како тоа да го решиме полека, но сигурно, значи со повеќе мерки почнувајќи и во соработка со локалната самоуправа, бидејќи и овие проекти се 40 отсто насочени во екологија, некаде за подземна инфраструктура, некаде за зелени површини. Во периодов ќе ве информираме речиси секоја недела со конкретни активности што ќе ги преземеме како Министерство, изјави Меџити кој денеска се обрати на настанот „Во пресрет на 29. Конференција на страните на Конвенцијата на ОН за климатски примени – COP29: зголемување на амбициите и овозможување акција“, организиран од УНДП. 

The post Меџити: Во новиот буџет фокусот е ставен и на финансирањето на еколошките проекти appeared first on Република.

Првиот вицепремиер и министер за животна средина и просторно планирање Изет Меџити ги отфрли обвинувањата на претседателот на ДУИ, Али Ахмети, кој пред неколку дена рече дека актуелната власт ги понижува Албанците и ја покани коалицијата ВЛЕН да излезе од Владата.

Меџити, во интервју за „Лајм“ истакнува дека Албанците од оваа Влада си го добиваат својот дел.

Албанците добиваат многу удел во буџетот. Значи, добиваат некаде околу 30 милиони евра само во оваа половина година, а тоа го добиваат и општините кои не се ВЛЕН, а се ДУИ. И да ги седнете без камери и искрено да разговарате, велат подобро ни било кога ДУИ е во опозиција отколку кога ДУИ била во Влада. Изненадени сме што немаме проекти толку колку што Владата обезбедува средства за реализација на конкретни проекти за граѓаните. Тоа е првпат една Влада да не прави разлика како во минатото, кога Чаир и Тетово не добија ниту денар од буџетот на Македонија. Ние не го правиме истото, ние ги третираме општините без оглед на припадноста, бидејќи таму се нашите граѓани, ние сме за граѓаните, и тие градоначалници се избрани од граѓаните. Не држи констатацијата на Ахмети, рече Меџити, соопштија од неговата партија Демократско движење.

The post Првпат една Влада да не прави разлика како во минатото, кога Чаир и Тетово не добија ниту денар од буџетот на Македонија appeared first on Република.

Лидерите на коалициските партии во нелегитимната Влада грубо ги злоупотребуваат државните институции и ресурси.И како член на ДУИ, и како градоначалник на општина Чаир, но и сега како член на ВЛЕН, Изет Меџити ги злоупотребува владините канцеларии за партиски состаноци и активности, обвини Алијанса за Албанците.

Ја повикуваме Државната комисија за спречување на корупцијата да отвори постапка за злоупотреба на државните институции од политички функционери за партиски цели. Го повикуваме и вицепремиерот за добро владеење да ги извршува службените должности и да ги санкционира незаконските дејствија на неговите сопартијци.

Ваквите постапки се неподносливи и сериозно законско прекршување и го откриваат вистинското лице на коалиционите партии ВЛЕН, кои државните институции ги гледаат само како алатка за партиски придобивки.

The post Алијанса за Албанците обвинува дека Изет Меџити држи партиски средби во владини канцеларии appeared first on Република.

Министерството за животна средина и просторно планирање и Владата се соочуваат со бројни предизвици во животната средина во време на енергетска криза, а тоа се децениското загадување на амбиенталниот воздух, отстранувањето на историскиот отпад, справувањето со проблемите на управувањето со отпадот, обезбедувањето на инфраструктура за водоснабдување, одведувањето на отпадни води и нивно пречистување и заштита на природните вредности и биодиверзитетот. Ова го истакна денеска првиот вицепремиер и министер за животна средина Изет Меџити на панел дискусијата „100% посветени за тебе“ што се одржа во владата.

– Нашата неприкосновена определба е обезбедување на одржлив развој и членство во ЕУ и на тој пат мора да покажеме подготвеност за имплементирање на високите европски стандарди во оваа област. Тоа бара многу работа, интерсекторска соработка и многу пари – рече Меџити.

Тој зборуваше за двата најактелни проблеми – загадувањето на воздухот и воспоставувањето на системот за регионално управување со отпад.

– За справување со аерозагадувањето делуваме во повеќе насоки, согласно дефинираните мерки што се пропишани во националните и локалните плански документи. Тоа се замена на нееколошките системи за греење, намалување на емисиите од сообраќајот, намалување на емисиите од стационарните извори, подобрување на енергетската ефикасност, заштеда на енергија и користењето на обновливи извори на енергија, како и намалувањето на емисиите од отпадот – рече Меџити.

Министерството, додаде тој, со пари од државниот буџет, од ЕУ и од други донатори активно работи на модернизација, обнова и проширување на Државниот мониторинг систем за квалитет на амбиентален воздух.

Меџити потсети дека со децентрализацијата најголемиот дел од оперативните зафати се обврска на локалните самоуправи, вклучително и справување со изворите на загадувањето. Тој истакна дека министерство ги поддржува општините во подготовките на плановите за квалитетот на воздухот, што е нивна законска обврска.

Меџити рече дека преку програмата за инвестиции во животната средина се изработени катастри на загадувачите на воздухот за 17 општини, со кои се идентифицирани изворите на аерозагадувањето и се утврдени количините на загадувачките емисии, што е предуслов за приоретизација на мерките.

– Поддршка се обезбедува и од меѓународните донатори и агенции. Во тек е изработка на планови за квалитет на воздухот за Струмица и ажурирање на плановите за Куманово, Кавадраци, Гостивар и Струга, во рамките на проектот „Справување со загадувањето на воздухот“ имплементиран од страна на УНДП. Во рамки на ИПА 3 проектот „ЕУ за чист воздух“, чија главна цел е да се намали загадувањето во четири големи градови (Скопје, Битола, Тетово и Куманово), е предвидена замена на системите за греење во 70 јавни објекти, набавка на 6 еколошки автобуси за Скопје, набавка на 6.000 садници, фзибилити студија за натамошно проширување на топлификациската мрежа во Скопје и набавка на опрема за мониторинг на воздух – рече Меџити.

За отпадот тој рече дека справувањето со овој проблем е можно исклучиво со поставување и функционирање на регионалениот систем за управување со отпад. Согласно националните политики и стратешки плански документи во државата ќе се воспостават 5 регионални системи за управување со отпад.

– Со поддршка на ЕУ, направен е исчекор напред во Источниот и Североисточниот регион и неодамна е објавен оглас за јавна набавка за изградба на централна постројка за управување со отпад и за изградба на 6 претоварни станици за овие региони. За крај ќе напоменам дека течат фазите за затварање на нестандардните депонии, а во тек е набавка на опрема за собирање на отпад и возила и за другите региони – рече Меџити.

The post Меџити со план за почист воздух: Шест екоавтобуси за Скопје, замена на греењето во 70 јавни објекти appeared first on Република.

Првиот вицепремиер и министер за животна средина и просторно планирање, Изет Меџити, пречека делегација од Црна Гора, предводена од министерот за човекови и малцинства права на Црна Гора, Фатмир Ѓека.

На средбата Меџити и Ѓека разговараа за односите меѓу Македонија и Црна Гора, кои ги оценија како одлични во сите области. Двајцата соговорници истакнаа дека по членството на двете земји во Северноатлантската алијанса, приоритет на двете влади останува целосната интеграција во Европската Унија, како единствена опција за развој на целиот регион.

Министерот Ѓека информираше дека Црна Гора успешно го изврши пописот на населението и работи на отворање нови поглавја за членство на земјата во ЕУ, за што е забележано зголемување на поддршката од граѓаните за 20 проценти.

Меџити и Ѓека се договорија да ја интензивираат комуникацијата за да се постигне поголема соработка меѓу двете земји, со акцент на проектите поврзани со еколошките предизвици.

The post Меџити го прими министерот за човекови и малцински права на Црна Гора, Фатмир Ѓека appeared first on Република.

Првиот заменик претседател на Владата и министер за животна средина и просторно планирање, Изет Меџити се согласува нацрт законот за правична застапеност да биде испратен до Венецијанската комисија пред да се донесе, за, како што вели, да се избегнат половични решенија.

-Законот, зошто да не. Добро е драфт законот да оди за да биде се чисто и на крај да не испадне како сегашните закони коишто се половични и затоа се проблематични, како Законот за јазиците, со балансерот. Немаме против тоа, а што ќе содржи не можам да кажам. Но, можам да ви кажам дека ќе има јавна дебата кај што ќе се инволвираат инклузивно и академци од сите универзитети, стручни професионалци од таа сфера се во функција да биде најдобро решение и решение кое не може утре, задутре да се оспори од некој. Значи, мора да внимаваме на уставната категорија правична застапеност, но, воедно да не дојдеме во судир со Уставот и пак утре-задутре да ни се случи оваа ситуација, вели Меџити на новинарско прашање.

Прашан кога очекува да биде подготвена драфт верзијата, тој вели дека се работи на тоа.

https://republika.mk/vesti/makedonija/taravari-ne-se-nadeva-deka-noviot-zakon-shto-treba-da-go-zameni-balanserot-ke-padne-pred-venetsijanskata-komisija/

Портпаролката на Владата Марија Митева денеска изјави дека до Владата досега не е пристигнато предлог решение за правична застапеност откако Уставниот суд го укина Балансерот. Митева вели дека прашањето е отворено и дека ќе се разговара во рамки на коалицијата и ќе се отвори широка дебата. Ставот на Владата е пред да се донесе законското решение, да биде испратено до Венецијанската комисија.

-  Во овој момент нема такво решение коешто е проследено до Владата, ниту на владина седница и за истото веднаш штом се создаде можноста, јавноста ќе биде информирана. Во однос на Балансерот којшто е укинат веќе го кажавме ставот дека истиот ја заврши својата употребна вредност така што целиме кон затворање на прашањата коишто во минатото се покажале како непродуктивни и создавање на нови решенија кои ќе значат навистина правична застапеност, рече Митева на денешната прес-конференција во Владата.

По укинувањето на Балансерот, од коалицијата „Вреди“ најавија дека подготвуваат предлог-законско решение. Министерот за здравство Арбен Таравари во саботата во изјава за медиумите рече дека законот се подготвува и за оваа недела најави јавна дебата.

The post Meџити не се плаши законoт за правична застапеност да оди пред Венецијанската комисија appeared first on Република.

Првиот заменик-претседател на Владата и министер за животна средина и просторно планирање, Изет Меџити денеска во изјава за медиумите информира дека во наредните денови ќе се формира работна група составена е професори од универзитети во земјава кои ќе разговараат за моделите и предложените закони, и ќе го изнесат најдобриот закон со кој ќе се регулира прашањето за правична и соодветна застапеност на етничките заедници Македонија.

Според Меџити, суштинскиот проблем е тоа што албанските партии во минатите влади дозволиле закон или закони да се носат со две мнозинства и му овозможиле на Уставниот суд, а утре да ги укине само со просто мнозинство.

-Ќе биде во духот на тоа да се почитува уставната категорија на соодветна и правична застапеност на етничките заедници во Македонија со тоа што нема да му се даде можност на Уставниот суд во иднина да го укинува овој закон како што досега укина неколку закони. И тука доаѓаме до суштинскиот проблем што албанските партии во минатите влади ни го оставија во наследство - дозволија закон или закони кои се донесуваат со многу труд и политички вложувања да се носат со две мнозинства (со просто мнозинство и Бадентеровото мнозинство) и му овозможија на Уставниот суд утре да ги укине само со просто мнозинство. Ова е главниот дефект што го оставија оние кои денес плачат, бидејќи да беше поинаку, на седницата за балансерот тројцата судии (двајца Албанци и еден турчин) гласаа против и немаше да се укине механизмот за балансерот. Овој дефект го наследивне од ДУИ, не ги имаат решено прашањата како што треба и ние се занимаваме со неуспесите на ДУИ и другите кои беа дел од претходните Влади. Актуелната Влада има политички и демократски капацитет за да најде решение кое ќе ја почитува уставната категорија на правична и соодветна застапеност на Албанците и другите немнозински етнички заедници во јавната и државната администрација, не давајќи му никакви шанси на Уставниот суд во иднина да го укине, рече тој.

Меџити посочи дека овој проблем не е само за балансерот, туку за сето тоа што произлегува од Охридскиот договор и што има врска со идентитетот на Албанците и другите етнички заедници во Македонија кои не се мнозинство и овозможила сето  постигнато да падне во вода преку ноќ затоа што, како што рече, на почетокот не ја детектирале и не го постигнале тоа и во Судот да има Бадентер и за прашањата поврзани со идентитетот на Албанците и другите заедници да одлучува со две мнозинства.

Првиот вицепремиер потенцира дека согласни се оти рокот на балансерот поминал и неопходен е нов механизам или закон за правична и соодветна застапеност на Албанците и другите етнички заедници.

-Не ги разбирам тие што плачат, затоа што истите тие во 2023 година на седница на Владата гласаа за Стратегијата каде бараа да се укине балансерот. Ова по седницата го изјавија и премиерот Ковачевски и други функционери. На ист став сме и тогаш и денес - сметаме дека рокот за балансерот помина и на Македонија и треба нов механизам или закон за правична и соодветна застапеност на Албанците. Ги имате слушнато и изјавите на нашите партнери во Владата, почнувајќи од премиерот до министерот за јавна администрација, кои потврдуваат дека тоа е уставна категорија и дека Владата има капацитет да го заокружи ова прашање со закон кој ќе обезбеди правична и квалитетна застапеност во иднина, рече тој.

The post Изет Меџити за балансерот: Овој дефект го наследивме од ДУИ appeared first on Република.