Машко лице, кое имало психички проблеми и избегало од неговиот дом во демиркапиското село Дрен, синоќа е пронајдено околку 21 часот во близина на селото, кај месноста „Краставец“.

Како што информира Центарот за управување со кризи (ЦУК), синоќа во 19:52 часот на единствениот број за итни случаи 112 во ЦУК било добиено известување за изгубено машко лице, кое имало психички проблеми и избегало од дома од село Дрен, Општина Демир Капија.

– Брзо беше организирана потера од роднини, месно население и полицајци од Полициската станица Неготино. Лицето беше пронајдено надвор од селото кон месноста „Краставец“, околу 21 часот, соопшти ЦУК.

Од ЦУК посочуваат дека навечер температурите паѓаат на отворен простор и оти тоа може да биде опасно по здравјето и животот на луѓето, особено ако не носат соодветна облека според надворешната температура.

The post Пронајдено лицето од Дрен, демиркаписко, кое било пријавено за исчезнато appeared first on Република.

Во ЦУК е добиена пријава за исчезнато лице Трпкоски Кирил на 80-годишна возраст со адреса на живеење ул. „Маршал Тито“ бр 417.

Лицето го напуштило домот во цело Лазаровци, Општина Кичево во 7 часот утрово и последен пат е виден во црквата во селото.

Се работи за изразито висок и слаб човек кој на себе има сива блуза и темни пантолони, известуваат од ЦУК.

The post Исчезнат е Кирил Трпкоски на 80-годишна возраст од село Лазоровци, Општина Кичево appeared first on Република.