Романците денеска избираат нов претседател од 13 кандидати, а најголеми шанси имаат премиерот Марсел Чолаку, кој е поддржан од најголемата романска партија – Социјалдемократската партија и лидерот на десничарската Алијанса за обединување на Романците, Џорџ Симион.

Право на глас имаат нешто повеќе од 18 милиони Романци, а во странство живеат над 989.000 гласачи. Гласањето во странство почна завчера.

Најмладиот кандидат за претседател на Романија има 37 години, најстариот – 66.

Меѓу нив има искусни политичари и претставници од различни професии – ветеринари, новинари и адвокати, поранешен генерал и поранешен офицер.

Главен фаворит на претседателските избори е актуелниот премиер Чолаку.

Гласањето ќе заврши во 21 часот по локално време

The post Романија бира претседател appeared first on Република.

Социјалдемократската партија на Германија (СПД) и Христијанско-демократската унија ЦДУ/ЦСУ постигнаа договор за датумот за предвремени парламентарни избори, кои треба да се одржат на 23 февруари следната година, јавуваат германските агенции.

Пратеничките групи на владејачките партии СПД, Зелените и Либералите, заедно со опозициската Унија ЦДУ/ЦСУ, се договорија да се одржат предвремени избори на 23 февруари. Германскиот канцелар Олаф Шолц (СПД) планира да го постави прашањето за довербата во Бундестагот на 16 декември, објавија германските медиуми, повикувајќи се на извори блиски до раководството на партијата. Овој датум, 23 февруари, му е предложен на германскиот претседател Франк-Валтер Штајнмаер, кој треба и официјално да го потврди.

Претходната среда, канцеларот Шолц го разреши министерот за финансии Кристијан Линднер (Либерално-демократската партија, ФДП), што доведе до колапс на неговата коалициска влада составена од СПД, Зелените и ФДП. Со ова се отвори дискусија за можно гласање доверба на владата во Бундестагот и датум за предвремени избори.

Шолц првично најави дека ќе побара гласање за доверба во средината на јануари, што претставниците на демохристијанската опозиција го сметаа за предоцна, барајќи тој да го постави прашањето порано.

Последните анкети спроведени по распадот на коалицијата покажуваат дека Унијата ЦДУ/ЦСУ би освоила најмногу гласови со 32 отсто поддршка, додека Алтернативата за Германија (АфД) би добила 19 отсто од гласовите. СПД во моментов има поддршка од 15 отсто од гласачите, додека Зелените бележат 11 отсто.

The post Предвремените избори во Германија закажани за 23 февруари appeared first on Република.

Премиерот Христијан Мицкоски денеска зборуваше за можноста да се оди на предвремени парламентарни избори, заедно со локалните во 2025 година.

„ВМРО-ДПМНЕ е подготвено да оди на избори утре, но не е тоа проблемот. Опциите се дали треба да трошиме парите на граѓаните, да застане системот за уште еднаш СДСМ се соочи со уште еден поголем пораз, или да избереме опција да работиме четири години. Јас би ја одбрал втората опција. Мандатот на оваа влада е четири години. Дали сме подготвени, да подгтвени сме нема никаков проблем, но носиме одлуки во интерес на граѓаните, а не во интерес на љубители на естрада. Би посакал двете опозициски партии во својата опозициска коалиција, програмски се освежат, кадровски и тоа да го покажат на следните локални избори“, рече Мицкоски.

The post Мицкоски: ВМРО-ДПМНЕ е подготвено уште утре да оди на избори, а СДСМ ќе се соочи со поголем пораз appeared first on Република.

Претседателските избори во САД во 2024 година, кои се одржуваат денеска, се очекува да станат најскапи во историјата, со вкупно 15,9 милијарди долари собрани во донации. Оваа сума, која ги опфаќа и конгресните избори, го надминува рекордот од 15,1 милијарда потрошени во 2020 година и е повеќе од двојно зголемена во однос на 2016 година, кога беа потрошени 6,5 милијарди, според непрофитната организација OpenSecrets.

Во жестоката претседателска трка, потпретседателката Камала Харис се истакна како лидер по собирање на средства. Нејзината кампања директно собрала над една милијарда долари, од кои 40 отсто доаѓаат од мали донатори, со дополнителни 586 милиони долари од политички комитети кои ја поддржуваат.

Кампањата на Доналд Трамп, пак, собрала 382 милиони долари директно, со 28 отсто од мали донатори, додека соодветни комитети донирале уште 694 милиони долари.

Најголемиот донатор е 82-годишниот наследник Тимоти Мелон, кој донирал 197 милиони долари за Трамп и републиканските цели. Меѓу другите главни поддржувачи на Републиканците се Ричард и Елизабет Вилхен од индустријата за пакување, казинскиот магнат Миријам Аделсон, извршниот директор на Tesla и SpaceX, Илон Маск, и инвеститорот Кенет Грифин – сите со донации над 100 милиони долари.

Од страна на Демократите, Мајкл Блумберг се истакнува како најголем донатор, со околу 93 милиони долари донации, додека Џорџ Сорос донирал 56 милиони долари преку својот политички комитет.

Во целина, 10,5 милијарди долари се потрошени на реклами за трки од претседателско до локално ниво, според податоци од компанијата за следење реклами AdImpact.

Кампањите на Харис и Трамп потрошиле 2,6 милијарди долари на реклами од март до 1 ноември. Демократите потрошиле 1,6 милијарди, додека Републиканците вложиле 993 милиони долари. Темите на Харис биле даноците, правото на абортус, економијата и здравството. Трамп се фокусирал на имиграцијата, инфлацијата, криминалот и економијата.

Пенсилванија води со најмногу вложени средства во кампањата со 264 милиони долари, следена од Мичиген со 151 милион и Џорџија со 137 милиони долари. Вкупно, Пенсилванија е на врвот со 1,2 милијарди долари потрошени на сите изборни трки, вклучително и локални.

И покрај преминот на дигитална забавна содржина, дигиталните платформи добиле 419 милиони долари за претседателски реклами, што е само 17 проценти од вкупното трошење.

На платформите на Meta (Facebook и Instagram), Демократите потрошиле повеќе од Републиканците, 132,4 милиони долари наспроти 24,7 милиони, додека на платформата Икс (X), Републиканците предничат со 1,1 милион долари наспроти 150.000 долари на Демократите, според AdImpact.

The post Републиканците и Демократите потрошија 16 милијарди долари во кампањи, кој ќе ги фрли парите во ветер? appeared first on Република.

 - Традиционалниот прв изборен резултат на претседателските избори во САД во 2024 година е од малото село Диксвил Ноч, во северниот дел на Њу Хемпшир, јавија американските медиуми.
Резултатот е т.н. мртва трка: три гласа за Камала Харис и три за Доналд Трамп.

За само 12 минути беа пребројани и потврдени гласовите на шестмина жители на таа мала заедница во близина на канадската граница, кои со децении гласаат на полноќ на денот на изборите.

Резултатот означува значително поместување од пред четири години, кога сите пет гласови му припаднаа на Џо Бајден.

Диксвил Ноч, во Белите Планини, го започна своето рано гласање во 1960 година.

Традицијата потекнува од блискиот град Хартс Локација за да се сместат железничарите кои морале да бидат на работа пред вообичаеното време за гласање.

Иако пребројувањето на градот не секогаш го предвидува крајниот победник - во 2016 година, Хилари Клинтон го победи Трамп со четири гласа против два - овој пат резултатот се совпаѓа со она што повеќето анкети велат дека се екстремно блиски избори и рамномерно поделен електорат.

„Ова е нормално“, изјави 79-годишниот Том Тилотсон за Њујорк тајмс

The post И се гласа и се брои: Eве кој води на изборите во САД appeared first on Република.

Традиционалниот прв изборен резултат на претседателските избори во САД во 2024 година е од малото село Диксвил Ноч, во северниот дел на Њу Хемпшир, јавија американските медиуми.
Резултатот е т.н. мртва трка: три гласа за Камала Харис и три за Доналд Трамп.

За само 12 минути беа пребројани и потврдени гласовите на шестмина жители на таа мала заедница во близина на канадската граница, кои со децении гласаат на полноќ на денот на изборите.

The line at this polling place in Delaware County, PA keeps getting longer. Polls have only been open for 20 min pic.twitter.com/5NGU2UjkWB

— Mairead Elordi (@JohnsonHildy) November 5, 2024

Резултатот означува значително поместување од пред четири години, кога сите пет гласови му припаднаа на Џо Бајден.

Диксвил Ноч, во Белите Планини, го започна своето рано гласање во 1960 година.

Традицијата потекнува од блискиот град Хартс Локација за да се сместат железничарите кои морале да бидат на работа пред вообичаеното време за гласање.

Иако пребројувањето на градот не секогаш го предвидува крајниот победник - во 2016 година, Хилари Клинтон го победи Трамп со четири гласа против два - овој пат резултатот се совпаѓа со она што повеќето анкети велат дека се екстремно блиски избори и рамномерно поделен електорат.

„Ова е нормално“, изјави 79-годишниот Том Тилотсон за Њујорк тајмс.

The post Редици за гласање во САД, кому тоа одговара? appeared first on Република.

Треба да се сте сигурен дека овие седум години позади нас, ниту јас, ниту било кој од нас ќе ги заборави. Бидете сигурен дека нема да бидеме како вас, нема да влегуваме со специјалци во два часот наутро и да апсиме… Ќе влеземе и ќе им ставиме лисици на тие што седум години ја ограбуваа државата и ќе одговараат. Нема потреба од маски. Казната ќе биде жестока. Измените на Кривичниот законик нема да ви помогнат. Верувајте стотици се - му порача премиерот Христијан Мицкоски на лидерот на СДСМ, Венко Филипче, одговарајќи на првите пратенички прашања во Собранието.

Немојте да мислите дека со вакво прашање, ќе не засрамите или ќе добиете некој поен. Ако сакате да водите лидерска политика во опозиција, не дозволувајте тие околу вас да ве санкаат и да ве однесат во длабоко, додаде Мицкоски во својот одговор до неговиот политички ривал.

Премиерот обелодени дека „дипломати во Брисел му порачале дека тие за нас се бореле повеќе од нашето (претходно) водство“.

Не можам да се изначудам на лековерноста на која нашите политичари се обиделе да постапуваат. Мој совет е ако отидеш во длабокото, нема враќање назад…

Сигурен сте дека се лаги и клевети ова што го кажав? И сигурен сте дека не се плашите? Во ред. Изгледа сте храбар човек. Добро знаете во себе дека се што кажав е вистина, а таа ќе излезе, порано или подоцна - додаде претседателот на Владата.

Мицкоски во својот говор од собраниската говорница говореше и дека „ќе дојде денот да се зборува за многу работи“.

Ако сакате да одиме на избори, да се провериме. Заедно со локалните (избори), може да одиме. Ако сакате, одма сега да ја договориме работата. Но да не се удавите во длабокото, каде што ве носат - кажа премиерот.

The post Мицкоски ја фрли ракавицата: Ако сакате избори и сте силни, ајде на избори! appeared first on Република.

Одложените локални избори во Јабланица ќе се одржат в недела, на 3 ноември 2024 година, се наведува во соопштението на Централната изборна комисија (ЦИК) на БиХ.

Во сабота, на 2 ноември 2024 година, од 07:00 часот наутро ќе започне изборниот молк, кој ќе трае до затворањето на избирачките места во недела, 3 ноември 2024 година, во 19:00 часот.

Изборите ќе се спроведат на 22 избирачки места, од кои едно е мобилен тим, а право на глас имаат 8.828 регистрирани гласачи, од кои 33 гласачи гласаат во отсуство за други општини/градови.

Изборите во Јабланица беа одложени поради катастрофалните поплави.

The post Локалните избори во Јабланица ќе се одржат на 3 ноември appeared first on Република.

Премиерот Христијан Мицкоски очекува Бугарија да формира нова влада по последните парламентарни избори. Сепак, не одговори на новинарско прашање дали му честитал на лидерот на ГЕРБ, Бојко Борисов со оглед дека неговата партија освои најмногу гласови и би требало да ја формира новата влада.

Ние сме од исто семејство – ЕНП. Таму гледам дека девет партии и коалиции ќе влезат во Парламентот. Интересен мозаик ќе има во бугарскиот Парламент. Очекувам влада од три партнери. Без тие две не може да се направи влада (ГЕРБ-СДС и Продолжуваат промените-Демократска Бугарија). Ќе видиме како ќе се развиваат работите. Се надеваме дека ќе има Влада и дека нема да има осми избори по ред и дека ќе можеме да седнеме и да најдеме решение да го одблокираме патот на Македонија во ЕУ - кажа премиерот по извршување надзор во работата на автопатската делница Гостивар – Букојчани.

The post Мицкоски за победата на ГЕРБ: Интересен мозаик во бугарскиот Парламент, се надевам нема да има осми избори по ред appeared first on Република.

И владејачката партија во Грузија и прозападната опозиција прогласија победа на денешните парламентарни избори, кои треба да одредат дали поранешната советска република ќе се движи кон Запад или ќе се сврти кон Русија.

Ривалските излезни анкети дадоа различни проекции за изборните резултати. Една анкета покажа дека владејачката партија Грузиски сон, која се сврте кон проруска реторика, има удобно водство, а две други анкети покажаа дека опозицијата ќе освои мнозинство.

Излезната анкета на ТВ каналот Имеди, кој го поддржува Грузискиот сон, покажа дека владејачката партија освоила 56 отсто.

Но, излезните анкети на проопозициските канали Формула и Мтавари Арки укажуваат на победа на прозападниот опозициски блок.

Сите три телевизиски канали ги прикажаа кандидатите како плескаат и ја слават својата победа.

Биџина Иванишвили, основачот на владејачката партија, прогласи победа.

Ве уверувам, нашата партија ќе постигне голем успех во следните четири години, рече тој.

На власт од 2012 година, Грузиски сон се сврте кон проруска реторика во изминатите две години.

Опозицијата исто така прогласи победа и рече дека е на пат да освои мнозинство.

Лидерот на грузиското опозициско Обединето национално движење, Тина Бокучава, за Ројтерс изјави дека владејачката партија Грузиски сон загубила.

Повеќето луѓе со голема кофа сол ќе ги сфатат тврдењата на Биџина Иванишвили за владиното мнозинство, вели Бокучава.

Грузиската прозападна претседателка Саломе Зурабишвили на Х рече дека „европска Грузија освојува 52 отсто и покрај обидите за фалсификување избори и без дијаспората“.

The post И власта и опозицијата прогласија победа на изборите во Грузија appeared first on Република.

Бугарите в недела ќе излезат на гласање на седмите предвремени избори во последните четири години, додека поделените политички партии во земјата се борат да формираат стабилна коалиција, а гласачите стануваат сè поапатични за исходот.

Бугарија, најсиромашната членка на Европската унија и една од нејзините најкорумпирани држави, се бори со ротирачките влади откако антикорупциските протести во 2020 година помогнаа да се собори коалицијата предводена од централнодесничарската партија ГЕРБ.

Последните анкети објавени денеска покажуваат дека нема јасен победник и очигледни опции за солидна коалиција. Одѕивот на гласачите, кој се проценува на околу 30 отсто, се очекува да биде најнизок од падот на комунизмот.

Гласањето завршува во 20 часот, а благодарение на излезните анкети, резултатите треба да бидат познати во исто време. Конечните резултати ќе пристигнат за неколку дена.

Доколку не се очекува неочекувано политичко партнерство или ненадејно појавување на силен лидер кој би можел да обедини коалиција, повеќето аналитичари предвидуваат дека земјата повторно ќе гласа на почетокот на следната година.

Кризата на политичкиот систем е длабока, вели Огњан Минчев, професор по политички науки на Универзитетот во Софија.

Ваквата дисфункција е загрижувачка за Бугарија, балканска земја која граничи со Црното Море со 6,4 милиони жители. Нејзиното пристапување во ЕУ во 2007 година отвори период на оптимизам обележан со пораст на животниот стандард и брз економски раст. Но, глобалната финансиска криза, пандемијата на коронавирус и војната во Украина ги намалија странските инвестиции.

Сега на оваа земја и е многу потребен период на стабилна влада за да го забрза протокот на средства од ЕУ во нејзината прилично слаба инфраструктура и да ја турка кон воведување на еврото.

Претседателот Румен Радев го даде мандатот за формирање влада на ГЕРБ по последните избори во јуни, на кои партијата освои најмногу гласови и обезбеди 68 места во 240-члениот парламент. Сепак, мнозинската коалиција не успеа да формира. Мандатот потоа беше понуден на други партии, но ниту тој потег не вроди со плод, поради што беше одлучено да се организира прегласување.

Анкетата што денеска ја објави Алфа Рисрч покажа дека ГЕРБ води со 26,5 отсто од гласовите. Реформистичката партија Продолжуваме со промени (ПП) има 14,9 отсто, а ултранационалистичката проруска преродба има 14,2 отсто.

Расколот во Движењето за права и слободи, кое главно го претставува големото бугарско етничко турско малцинство и имаше солиден гласачки блок на неодамнешните избори, го отежнува формирањето коалиција, велат аналитичарите.

Според Алфа Рисрч, одѕивот се очекува да биде помеѓу 30 и 32 отсто, што е намалување од повеќе од 75 отсто во 1990-тите и околу 50 отсто пред само три години. Многу луѓе со кои Ројтерс разговараше рекоа дека немаат намера да излезат на гласање и да гласаат. Но, некои сметаат дека изборите се единствениот излез од политичката бездна.

The post Бугарите викендов одат на предвремени избори, седми во последните четири години appeared first on Република.

Околу 2,4 милиони луѓе денеска ќе гласаат за новиот состав на Парламентот (Сеимас) на Литванија. Седумдесет пратеници ќе бидат избрани од партиските листи и ќе им се придружат на тие во едномандатните изборни единици кои освоиле повеќе од 50 отсто од гласовите. Вториот круг од парламентарните избори ќе се одржи на 27 октомври, каде поголемиот број од едночлените изборни единици ќе гласаат за еден од водечките кандидати.

Според анкетите Социјалдемократската партија предводена од Вилија Блинкевичиуте, на би добила 18 отсто од гласовите, додека Татковинската заедница на актуелната премиерка Ингрида Шимоните би добила девет проценти, додека за Нова партија би гласале 12 отсто од граѓаните.

Литванија има двоцифрен годишен раст на личниот доход и има една од најниските стапки на инфлација во ЕУ, но граѓаните не се задоволни од конзервативната Влада на премиерката Шимоните. Таа се соочи со критики за строгите мерки за време на пандемијата, при што многумина се жалат дека нејзината влада не направила доволно за да им помогне на компаниите за време на карантинот и дека илјадници луѓе немаат соодветен пристап до здравствените услуги. Шимоните, исто така, беше критикуванa за справувањето со мигрантите кои пристигнуваат од Белорусија. Литванија ги обвини Минск и Москва дека ги организирале мигрантите.

Во Белгија денеска се одржуваа локални избори на кои треба да бидат избрани членовите на 10 провинциски и 583 општински совети, со што ќе се заокружи формирањето на новите органи на власта на сите нивоа на власта по националните и регионалните избори одржани во јуни годинава. Основна карактеристика на локалните органи на власта во Белгија е што партиската соработка во провинциите и општините често отстапува од националните и регионалните рамки, како во врска со креирањето политики, така и во формирањето коалиции. Во пресрет на изборите останува прашањето дали ќе продолжи досегашната доминација на левицата на локално ниво во Фландрија и Брисел, имајќи пред вид дека на јунските избори во овие два региона најмногу гласови освои либералното Реформско движење (МР), а значаен пробив оствари и центристичката партија Посветените (ЛЕ). Во Фландрија, пак, каде во претходните изборни циклуси доминираше десницата, во јуни раст на освоените гласови во споредба со 2019 година забележаа социјалдемократската партија Напред (Ворујт) и екстремно левичарската Работничка партија на Белгија (ПВДА).

Во Брисел, каде Социјалистичката партија (ПС) има шест од 19-те општински градоначалници и учествува во власта во над половина од општините, социјалистите се соочуваат со сериозен предизвик од либералите, Работничката партија и независната листа на Фуад Ахидар. Актуелниот бриселски градоначалник, социјалистот Филип Клоз се бори за реизбор, но ќе има сериозна конкуренција во кандидатот на МР, Давид Вејцман, кој има за цел на либералите да има ја врати градоначалничката функција во Брисел што ја загубија во 2000 година. Либералите, кои сега имаат само два градоначалници во Брисел, очекуваат значително зголемување на нивниот број на денешните избори. Пред сериозен предизвик е и бриселската регионална центристичка партија Независни федералистички демократи (ДЕФИ), која има градоначалници во три бриселски општини, но имаше слаби изборни резултати во јуни. Екологистите, кои не поминаа премногу славно на јунските избори, особено франкофонската Еколо, се надеваат да опоравување на денешното гласање. Досега, Еколо имаше три градоначалници во Брисел, шест во Валонија и учествуваше во власта во 75 општини во двата региони. Партијата ја зголеми својата популарност во минатата деценија додека беше во опозиција, но нејзиното учество во федералната и регионалните влади резултираше со намалување на бројот на нејзините поддржувачи.

На ниво на Валонија, ПС има 78 градоначалници и учествува во локалната власта во 140 од вкупно 261-та општина, но нејзините позиции се очекува да бидат сериозно загрозени од МР и ЛЕ. Во Фландрија се проценува дека доминацијата ќе ја задржи десничарската Нова фламанска алијанса (Н-ВА) на кандидатот за нов белгиски премиер и градоначалник на Андерлехт, Барт Де Вевер, но нејзините позиции можат сериозно да бидат поткопани од екстремно десничарската партија Фламански интерес (ВБ), која се очекува да победи во источниот дел на фламанскиот регион.По дебаклот на изборите во јуни, партијата Отворени фламански либерали и демократи (Опен ВЛД) на белгискиот премиер во заминување Александер Де Кро, се очекува „да се поврати“ на денешното гласање, имајќи предвид дека таа по правило ужива поголема поддршка на локално ниво. Локалните избори во Белгија се одржуваат на шест години и годинава се случи тие да се одржат само четири месеци по европските, националните и регионалните избори. Ваквата состојба резултираше со воздржаност на партиите околу постигнувањето договори за коалициска соработка на повисоките нивоа на власта и утврдување на програмите за работа со очекуваните непопуларни мерки за штедење, поради што се јавија предлози за измени на законодавството за локална самоуправа, со што органите на локалната власт би се бирале на пет години, заедно со федералниот и регионалните парламенти. Инаку, за денешните избори во Фландрија беше изменето законодавството со тоа што гласањето не е задолжително, како што се случај со изборите на останатите ниво.

Во другите два белгиски региони – Брисел и Валонија гласањето на овие избори останува задолжително.

Право на глас на локални избори во Белгија, покрај белгиските државјани, имаат и странци со легален регулиран престој во земјата. Со изборните измени во Фландрија, странците со право на глас веќе не се гласачи по автоматизам, туку мораа да се регистрираат доколку сакаат да гласаат. Во пресрет на денешните избори во петокот беа извршени хакерски напади врз веб-страницата на фламанскиот регионален Парламент и на неколку белгиски медиуми, меѓу кои и на државната новинска агенција Белга и на дневниот весник на холандски јазик „Стандард“.

Во објава на „Телеграм“, одговорност за нападите презеде проруската хакерска група „НоНејм057“.

– Белгиската Влада наскоро ќе го разгледа предлогот за набавка и доставување на три артилериски системи „Цезар“ на Украина.

Решивме да ја посетиме русофобичната Белгија и да им покажеме како завршуваат иницијативите за поддршка на криминалниот режим во Киев, се наведува во објавата на хакерската група, при што се додава дека „в недела на 13 октомври, Белгија ќе одржи важни избори: граѓаните ќе ги изберат своите локални советници“.

Сепак, премиерот Де Кро во вторникот изјави дека според експертите за кибер безбедност, овие хакерски напади „не можат на кој било начин да влијаат на изборите“. Ова инаку беше петти хакерски напад во Белгија во периодот пред локалните избори, при што, меѓу другите, беа хакирани повеќе владини и општински сајтови и страници на компании за банкарски услуги. Цел на хакерски напад беше и сајтот на Центарот за кибер безбедност на Белгија (ЦЦБ), кој соопшти дека нападите „не се опасни“ и „претставуваат само непријатност“.

The post Парламентарни избори во Литванија, локални во Белгија appeared first on Република.

Меѓу актуелниот претседател Никос Андрулакис и градоначалник на Атина Харис Дукас, членовите на грчката опозициска ПАСОК денеска одбираат лидер во вториот круг од партиските избори, по минатонеделниот прв круг во кој имаше голем одзив и учество на над 300.000 гласачи, јави дописничката на МИА од Атина.

Гласачките места во целата земја се отворени од седум часот утрово, право на глас имаат сите оние кои гласаа минатата недела, додека првичните официјални резултати се очекува да бидат соопштени доцна вечерва.

За лидер на ПАСОК беа доставени шест кандидатури, а во првиот круг гласаа 303.223 членови и поддржувачи на Социјалистичката партија.

Актуелниот претседател Андрулакис освои 29,64 отсто од гласовите, градоначалникот на Атина Дукас 21,41 отсто, поранешниот министер Павлос Геруланос беше на третата позиција со 21,12 отсто, поранешната еврокомесарка Ана Диамантопулу освои 19,52 проценти, а поранешниот претседател на пратеничката група Михалис Катринис и пратеничката Надиа Јанакопулу добија едноцифрен број гласови.

Минатата недела имаше тесна битка за втората позиција меѓу Дукас и Геруланос, а разликата меѓу двајцата беше само 858 гласови.

Претходните избори во Социјалистичката партија, која минатиот месец прослави 50 години постоење, се одржаа во декември 2021 година, а откако актуелниот лидер пред евроизборите како цел постави партијата да биде на втората позиција, цел што не беше постигната и партијата остана зад СИРИЗА Андрулакис се соочи со силни критики од неговите сопартијци, а од состанокот на централниот комитет на крајот на јуни предложи изборите за претседател на партијата да се одржат на 6 октомври.

На парламентарните избори во јуни минатата година, ПАСОК освои 11,84 отсто од гласовите, а на евроизборите пред четири месеци, исто така беше на третата позиција зад СИРИЗА со 12,79 отсто од гласовите.

МИА

The post Втор круг од изборите за лидер на ПАСОК – битка меѓу актуелниот претседател и градоначалникот на Атина appeared first on Република.

Во Босна и Херцеговина денеска се одржуваат локални избори, осми од прогласувањето на независноста во 1992 година, на кои се избираат началници на општините и градоначалници на градовите, како и општинските и градските совети и собранија во 143 локални заедници - 111 општини, 32 града и округот Брчко, кој е посебна административна единица.

Вкупниот број на гласачи запишани во избирачкиот список на Босна и Херцеговина е 3,4 милиони.

Централната изборна комисија (ЦИК) на Босна и Херцеговина вчера одлучи поради катастрофалните поплави да ги одложи изборите во четири општини на ФБиХ - Јабланица, Коњица, Кисељак, Крешево, а денеска и во целата општина Фојница, место првично утврдените три избирачки места. Изборите во овие општини ќе се одржат кога ќе се исполнат условите, соопшти ЦИК на БиХ.

Изборниот молк во БиХ, што почна вчераутро, трае до затворањето на последното избирачко место вечерва во 19 часот.

На изборите учествуваат 110 политички партии, 386 кандидати се за началник и градоначалник. Повеќе од 25.700 кандидати ќе се борат за пратенички места во парламентите на локалните заедници.

Очекуваните трошоци за изборите се 9,7 милиони евра.

Од 386 кандидати за началници и градоначалници во БиХ, само 29 се жени или 7,5 отсто.с

The post Во БиХ се одржуваат локални избори, освен во пет општини на ФБиХ погодени од поплавите appeared first on Република.

На вчерашните парламентарни избори во Австрија победи ултрадесеничарската Слободарската партија (ФПО), освојувајќи околу 29 проценти од гласовите.

На изборите гласале 6,3 милиони граѓани (78 проценти), а во кампањата доминираа прашањата за миграцијата и азилот, економските проблеми и војната во Украина.

Според освоените гласови ФПО би требало да има 56 од вкупно 183 пратеници, додека конзервативците би добиле 52, а социјалдемократите 41 пратеничко место.

Но, дали ФПО ќе најде партнер за формирање на стабилна коалиција останува отворено прашање, бидејќи лидерите на партиите не се расположени за соработка со партија со наводна  нацистичка идеологија.

ФПО е формирана во 50-тите години од минатиот век од поранешни членови на СС и други нацистички ветерани, а предизборната кампања беше насочена кон странците, ветувајќи дека ќе изгради „тврдина Австрија“ за да ги спречи мигрантите.

Лидерот на ФПО, Херберт Кикл им вети на гласачите дека ако му ја дадат победата, тој ќе служи како нивен „Волксканцелар“ (Volkskanzler) или „народен канцелар“.

Иако ФПО го минимизира своето нацистичко минато и се обидува да се прикаже себеси како алтернатива против естаблишментот на мејнстрим десницата и левиот центар, таа постојано користи фашистички пароли.

Победата на ФПО наиде на воодушевување кај европските десничарски партии.

Лидерката на француската партија Национален собир, Марин Ле Пен на платформата Икс напиша:

По изборите во Италија, Холандија и Франција, овој бран, кој ја поддржува одбраната на националните интереси, зачувувањето на идентитетот и воскреснувањето на суверенитетот, насекаде го потврдува народниот триумф“.

Победата на ФПО за лидерот на германската десничарска Алтернатива за Германија (АфД), Бјерн Хоке е сензација.

Победата на ФПО не е само победа за Австрија – таа ги надминува границите на таа алпска република и е добар знак за напредок за цела Европа, објави Хоке на Икс.

Додека холандскиот националист Герт Вилдерс, чија Партија на слободата (ПВВ) ја предводи холандската Влада на Икс објави: „Ние победуваме! Времињата се менуваат! Идентитет, суверенитет и слобода. И нема повеќе илегална имиграција или азил, по што копнеат десетици милиони Европејци!“

На Фејсбук се огласи и шефот на унгарската дипломатија Петер Сијарто, кој напиша: „Каков викенд!! По Чешка, уште една победа за патриотите преку граница … Без војна, без миграција и без родова пропаганда!“.

The post На изборите во Австрија победи партија формирана од нацистите appeared first on Република.

Избирачките места за локалните избори во Подгорица, кои сочинуваат една третина од гласачкото тело во Црна Гора, се затворени.

Центарот за демократска транзиција ЦДТ објави дека, според нивните податоци, конечната излезност во Подгорица била 56,34 отсто.

Директорот на таа невладина организација Драган Копривица истакна дека се работи за податоци од 208 од вкупно 212 избирачки места, а недостигаат и податоци од институции каде се спроведуваат кривични санкции.

ЦДТ потсетува дека на локалните избори во 2022 година гласале 69,36 отсто од гласачите, дека излезноста во 2018 година била 64,43 отсто, а на парламентарните избори во 2023 година вкупната излезност била 58,68 отсто.

Покрај во Подгорица, локални избори денеска се одржуваат и во Котор, каде гласачките места исто така се навреме затворени. Општинската изборна комисија соопшти дека до затворањето на избирачките места гласале околу 55 отсто од гласачите.

Изборниот ден во Подгорица и Котор каде се одржуваат вонредните локални избори помина без безбедносни проблеми, соопштија од Управата на полицијата.

Аналитичарите посочуваат дека не се работи само за локални избори, туку дека изборите во Подгорица ќе се одразат и на статусот на владата и парламентарното мнозинство на ниво на Црна Гора, особено по годинашната реконструкција, кога во владата влезе прорускиот Демократски фронт (ДФ ) и партијата на националните Бошњаци, Бошњачката партија, која беше традиционален сојузник на Демократската партија на социјалистите (ДПС).

Ова се втори избори во Подгорица во последните две години, откако Демократската партија на социјалистите (ДПС) на Мило Ѓукановиќ ја загуби власта во главниот град по четвртина век владеење.

The post Гласачките места за локалните избори во Подгорица и Котор затворени, излезноста 56 отсто appeared first on Република.

Во Австрија денеска се одржуваат парламентарни избори.

Австриската крајнодесничарска Партија на слободата би можела за првпат да победи на парламентарните избори и да постигне историски успех доколку победи во спорната трка со владејачките конзервативци, јавуваат светските агенции.

Во последниве месеци, Партијата на слободата постојано водеше на анкетите, но водството на формацијата пред Австриската народна партија постепено речиси целосно се стопи.

Кој и да победи нема да добие целосно мнозинство, покажуваат анкетите, но ќе може да води коалициска влада.

Право на учество на изборите за Националниот совет – Долниот дом на австрискиот Парламент имаат 6,346. 059 австриски граѓани на возраст над 16 години.

Првичните резултати се очекуваат неколку минути по завршувањето на изборниот ден во 17 часот.

The post Парламентарни избори во Австрија appeared first on Република.

Австријците утре ќе гласаат на парламентарните избори на кои за првпат би можела да победи крајнодесничарската опозициска Партија на слободата (ФПО).

Иако анкетите покажуваат дека изборната трка ќе биде тесна, лидерот на ФПО, Херберт Кикл, најави победа.

Партијата ФПО, фокусирана на антиимигрантската политика, има јасно водство во анкетите повеќе од една година, потпомогната од разочарувањето на гласачите од повисоката инфлација од ЕУ и нестабилната австриска економија.

На овие избори се очекува рекорден број Австријци да гласаат по пошта, соопшти Министерството за внатрешни работи.

Право на учество на изборите за Националниот совет - Долниот дом на австрискиот Парламент имаат 6.346.059 австриски граѓани на возраст над 16 години.

Според податоците на МВР, во осум часот наутро, кога ќе бидат отворени избирачките места, веќе ќе имаат завршено со гласање 1.436.240 граѓани, што претставува 22,6 отсто од гласачите. Ова е бројот на гласачки ливчиња издадени од органите за гласање по пошта.

Нивниот број е рекорден, на последните избори пред пет години беше нешто повеќе од еден милион, а во 2017 година околу 889.000.

The post Во Австрија утре парламентарни избори, ФПО најавува победа appeared first on Република.

Пратениците во македонскиот парламент денеска ги изгласаа измените во Законот за локална самоуправа со што нема да има вонредни избори за градоначалниците во општините Аеродром, Сарај и во Гостивар. Измените се изгласани со гласовите на пратениците од редовите на ВМРО – ДПМНЕ, „Вреди“ и ДУИ, а со што градоначалничката функција ќе може да продолжат да ја извршуваат в.д градоначалници. За законот гласаа 83 пратеници и 24 од помалите етнички заедници при што на владината коалиција и требаше т.н голем „Бадентер“ којшто ѝ го обезбеди ДУИ. Пратениците од СДСМ гласаа против.

Блерим Беџети истакна дека ДУИ повторно ќе гласа за закон на власта само заради како што рече да не ги ставале граѓаните во трошок за нови избори.

Со овие измени се овозможува поставување на нови градоначалници во случај кога актуелните се именувани на други функции. Промените се предложени за да се избегне одржување на предвремени избори и да се обезбеди континуитет во управувањето на општините.

Неколку општини останаа без градоначалници по парламентарните избори. Градоначалникот на Аеродром, Тимчо Муцунски, сега е министер за надворешни работи, додека Арбен Таравари од Гостивар стана министер за здравство, а Блерим Беџети од Сарај премина во парламентот како пратеник. Во овие општини се назначени вршители на должноста градоначалници, но со предложените измени на Законот за локална самоуправа, ќе се овозможи назначување нови градоначалници без потреба од предвремени избори.

Членот 4 предвидува привремено решение за спроведување постапка за избор на нов градоначалник, кое ќе важи до одржување на редовните избори за членовите на советите на општините и Советот на Град Скопје. Ова решение ќе важи и за избор на градоначалник на општина и на Град Скопје, откако законот ќе стапи на сила.

The post Нема вонредни избори во Аеродром, Сарај и Гостивар: Изгласани измените во Законот за локална самоуправа appeared first on Република.

Републиканскиот претседателски кандидат Доналд Трамп изјави дека американските еврејски гласачи ќе бидат делумно виновни доколку тој ги загуби изборите на 5 ноември од потпретседателката Камала Харис, кандидатот на демократите.

За време на Националниот самит на израелско-американскиот совет во Вашингтон, поранешниот претседател се пожали дека заостанува зад Харис меѓу американските Евреи.

Израел најверојатно ќе престане да постои во рок од две години доколку Харис победи на изборите, а Евреите ќе бидат делумно виновни за тој исход, бидејќи тие имаат тенденција да гласаат за демократски, тврди Трамп.

Ако не победам на овие избори – и еврејскиот народ навистина би имал многу влијание со тоа, затоа што ако 40 проценти, мислам, 60 проценти од луѓето гласаат за непријателот. Израел, според мое мислење, ќе престане да постои во рок од две години“, порача Трамп.

Трамп цитираше анкета која покажа дека Харис има предност од 60 отсто од гласовите меѓу американските Евреи.

The post Трамп: Ако не победам на изборите, Израел нема да постои appeared first on Република.