Претседателката на словенечката партија на Социјални демократи Тања Фајон ќе ја напушти функцијата пратеник во Европскиот парламент (ЕП) и ќе биде претседателка на Парламентот или министерка во Владата на Словенија, неофицијално дознава весникот Данас од дипломатски кругови.

Додека други словенечките медиуми објавија дека Фајон може да биде новата министерка за надворешни работи.

Сè уште не е познато кој ќе ја наследи Фајон во ЕП, каде што таа е пратеник од 2009 година. Фајон беше и претставник на ЕП во меѓупартискиот дијалог за изборните услови во Србија.

На словенечките парламентарни избори, одржани во неделата, партијата на Фајон освои 6,66 отсто од гласовите и седум од 90 пратенички места.

По изборите Фајон најави дека Социјални демократи ќе коалицираат со Движењето за слобода на Роберт Голоб, кое ќе има 41 пратеник во новиот парламент.

The post За високо место во словенечката изврша власт, Тања Фајон го напушта Европарламентот appeared first on Република.

Партијата Движење за слобода предводена од Роберт Голоб е релативен победник на парламентарните избори во Словенија со најмногу добиени гласови, а на второ место е Словенечката демократска партија (СДС) на актуелниот премиер Јанез Јанша, според излезната анкета објавена во 19 часот.

По затворањето на избирачките места, Голоб им се заблагодари на граѓаните кои излегоа да гласаат и посебно за оние кои му ја донесоа изборната победа.

Луѓето навистина веруваат дека ние сме единствените кои можеме да донесеме промени. Денеска луѓето танцуваат, утре започнува нов ден и утре ќе почнеме да се обидуваме да ја оправдаме таа доверба, рече Голоб, целиот трогнат и повика: Ајде да танцуваме!

Според излезната анкета на агенцијата Медина која ја објави Словенeчката телевизија по затворањето на избирачките места, Движењето за слобода доби 35,8 отсто од гласовите, а партијата СДС на Јанша 22,5 отсто.

Според излезната анкета, на трето место е демохристијанската Нова Словенија (НСИ) со 6,8 отсто од гласовите, а по неа се социјалдемократите (СД) на Тања Фајон со 6,6 отсто и Левицата (Л) на Лука Месец со 4,4 отсто.

Државната изборна комисија ги објави и првите делумни официјални резултати. По преброени 10 отсто од гласовите, Движењето за слобода има 30,15 отсто, а СДС на Јанша 27,54 отсто од гласовите.

The post Голоб по изборната победа во Словенија: Денеска танцувајте, утре е нов ден appeared first on Република.

Според резултатите од излезните анкети што Медијана ги спроведе за РТВ Словенија и Поп ТВ, убедливо слави партијата Движење на слободата на чело со Роберт Голоб. Таа доби најмногу гласови, 35,8 отсто, потоа Словенечката демократска партија на Јанез Јанша со 22,5 отсто и Нова Словенија, која доби 6,8 отсто од гласовите.

Пратеничкиот праг би го преминале и партијата на Тања Фајон од СД со 6,6 отсто од гласовите и партијата Левица на Лука Месеца, која доби 4,4 отсто од гласовите.

На изборите во 2016 година Јанез Јанша освои релативно мнозинство со својата партија, но поради недостаток на коалициски партнери не успеа да формира влада. Во тоа време, левичарската коалициска влада ја формираше Марјан Шарец, иако тој имаше двојно помалку пратеници во парламентот од 26-те на Јанша. Меѓутоа, владата на Шарц падна по две години и беше наследен од сегашниот Јанша.

Државната изборна комисија на својата веб-страница околу 20.30 часот ќе почне да ги објавува првите официјални делумни резултати од анкетите, како и проекции за тоа колку пратенички места би можела да има секоја партија во новиот парламентарен состав.

Aplavz v volilnem štabu @Gibanje_Svoboda ob razglasitvi rezultatov vzporednih volitev na #odločitev2022, ki so stranki Roberta Goloba pokazali 35,8 odstotka glasov. @24ur_com pic.twitter.com/9ce0vAdBtw

— Tina Hacler (@TinaHacler) April 24, 2022

The post Со 35,8% од гласовите победник на изборите во Словенија е Движењето на слободата на Роберт Голоб appeared first on Република.

На парламентарните избори, кои се одржуваат денеска во Словенија, до 16 часот или три часа пред затворањето на гласачките места гласале 49,3 отсто од близу 1,7 милиони регистрирани избирачи, соопшти Државната изборна комисија.

Излезноста е многу поголема отколку на изборите во 2018 година, кога до 16 часот гласаа 34,32 отсто од гласачите и кога вкупниот одѕив на крајот беше помал од 53 отсто, пренесува Хина.

Според резултатите од излезните анкети што Медијана ги спроведе за РТВ Словенија и Поп ТВ, убедливо слави партијата Движење за слобода на чело со Роберт Голоб. Според проектираните резултати, оваа партија доби најмногу гласови, 35,8 отсто, потоа Словенечката демократска партија на Јанез Јанша со 22,5 отсто и Нова Словенија која доби 6,8 отсто од гласовите.

Цензусот за влез во Парламентот би го минала и партијата СД со 6,6 отсто од гласовите и партијата Левица која доби 4,4 отсто од гласовите.

На изборите во 2016 година Јанез Јанша освои релативно мнозинство со својата партија, но поради неуспехот на коалициски партнери не успеа да формира влада. Во тоа време, левичарската коалициска влада ја формираше Марјан Шарец, иако имаше двојно помалку пратеници во парламентот од 26-те на Јанша. Меѓутоа, владата на Шарц падна по две години и беше наследен од Јанша.

Државната изборна комисија на својата веб-страница околу 20.30 часот ќе почне да ги објавува првите официјални делумни резултати, како и проекции за тоа колку пратенички места би можела да има секоја партија во новиот парламентарен состав.

The post Излезни анкети: На парламентарните избори во Словенија убедливо води партијата на Роберт Голоб appeared first on Република.

По три циклуси предвремени парламентарни избори, утре во Словенија ќе се одржат редовни избори, први по 2008 година.

За разлика од претходниот пат, овојпат битката за влез во 90-члениот парламент, ќе ја водат 20 партии, што е за пет помалку од минатите избори. Утрешното гласање се одвива во време на силна политичка поделба во земјата. Последните анкети велат дека словенечката демократска партија на актуелниот премиер Јанез Јанша цврсто работи со Движењето за Слобода, новоформираната либерално-зелена политичка партија, која е предводена од експерт образован во САД, Роберт Голоб, кој вети дека ќе ги обедини центристичките и левичарските групи во идната коалициска влада.

Се чини дека и двете партии имаат поддршка од гласачите која се движи околу 20%, но исто толку гласачи се неопределни.

Со оглед на тоа што ниту една партија веројатно нема да обезбеди доволно гласови за сама да формира влада, аналитичарите предвидуваа дека Голоб ќе има подобри шанси од Јанша да состави постизборна коалиција. Сепак, аналитичарите велат дека е невозможно да се предвиди изборниот резултат.

The post Првпат по 2008 година редовни парламентарни избори во Словенија appeared first on Република.

Речиси 1,7 милиони Словенци со право на глас в недела ќе излезат на гласање за да одлучат помеѓу политиката што ја спроведува актуелниот премиер Јанез Јанша во последните две години и алтернативата што ја ветува менаџерот Роберт Голоб, претставувајќи се како негов антипод.

Словенците в недела ќе изберат 90 пратеници во деветтиот состав на Државниот збор (парламентот) откако Словенија стана независна.

Според анкетите, Движењето за слобода кое пред изборите го формираше Роберт Голоб, истакнат менаџер кој долги години раководеше со големата државна енергетска компанија ГЕН и Словенечката демократска партија (СДС) на актуелниот премиер се во мртва трка.

Неизвесно е и која е трета насилна партија затоа што поддршката е речиси израмнета и за Левица и за Социјалдемократите.

Изборниот праг од четири отсто сигурно ќе го поминат и демохристијанската Нова Словенија, а на работ се центристичката партија „Да ја поврземе Словенија“ (ПОС) и партиите на Аленка Братушек (САБ) и на Маријан Шарец (ЛМШ).

За влез во парламентот се борат дваесетина партии и граѓански листи, а се смета дека за стабилна идна влада во коалицијата треба да има најмалку три или четири партии со околу 55 пратенички места во новиот парламентарен состав.

– Издржавме и направивме сè што требаше, одиме мирно на избори и ќе се бориме за гласови до затворање на гласачките места во недела, рече Јанша на завршната предизборна конвенција на неговата Словенечка демократска партија (СДС) која ја води речиси 30 години.

Пред своите поддржувачи и кандидатите за места во новиот парламент, Јанша зборуваше за успесите на неговата влада во спречувањето на пандемијата на Ковид-19 во последните две години, невработеноста која достигна најниско ниво од 2008 година и субвенциите што неговата влада ги дава на бизнисите и граѓаните.

– Докажавме дека сме влада која им помага на сите во криза, без да прави разлика меѓу луѓето и ќе бевме поуспешни доколку не наидевме на силен отпор, им рече Јанша на приврзаниците.

Тој го обвини Роберт Голоб, ривал за премиерската позиција и левичарската опозиција што го поддржува, за политички илузионизам. Тој го смета за експонент на „длабоката држава“ и претставник на привилегираната општествена класа, а во кампањата постојано укажуваше на енормно високата менаџерска плата на Голоб и неговата наводна поврзаност со поранешниот претседател Милан Кучан, кого Јанша го смета за „патријарх“ на словенечката левица.

Голоб, кој влезе во политиката со неговата партија Движење за слобода на почетокот на оваа година, вели дека негова цел е да создаде стабилна влада на либералниот центар и левицата која ќе владее со земјата два мандата и ќе ги направи неопходните промени во земјата и во целост одби можност за коалицирање со партијата на Јанша.

– Луѓето мора сами да одлучат дали сакаат да живеат во полициска држава која под маската дека се бори против пандемијата ја воведе актуелната влада под. Во недела гласањето не е против Јанша туку против полициската држава, рече Голоб во еден од неговите последни медиумски настапи.

Тој очекува неговата партија да освои најмалку 25 места во парламентот и да формира влада во соработка со либералниот центар и левицата, влада која во парламентот ќе има најмалку 50 гласа за поддршка.

Претпоставката е дека ако освои релативно мнозинство во новиот парламент, тој би направил коалиција со Левица, социјалдемократите САБ и ЛМШ, под услов да влезат во парламентот.

Според словенечките набљудувачи, коалицискиот потенцијал на Јанша е помал бидејќи зависи пред сè од успехот на изборите на христијанските демократи од Нова Словенија (НСИ) и од листите на десницата кои беа составени непосредно пред распишувањето на изборите, а чиј резултат е неизвесен.

Јанша, ветеран на словенечката политика, в недела се бори за својот четврти мандат како премиер. Сепак, тој само еднаш издржа цели четири години на функцијата, во мандатот од 2004 до 2008 година.

Поради специфичноста на словенечкиот изборен систем, во владејачките коалиции мора да бидат вклучени најмалку три партии, па дури и во тој случај не секогаш им се гарантира стабилност.
Извор: МИА

The post Уште два дена до парламентарни избори во Словенија, мртва трка меѓу Јанша и Голоб appeared first on Република.