Грчките власти ја обвинија претседателката Гордана Силјановска-Давкова дека со тоа што на свечената заклетва изговорила „Македонија“ а не „Република Ceверна Македонија“ го прекршила Договорот од Преспа.

Изговорањето на „Македонија“ на свечената изјава не е никакво прекршување на преспанскиот договор. Тој текст не е променет и членот 123 од важечкиот Изборен законик кој го изговара секој новоизбран претседател го содржи текстот на свечената изјава што претседателката го изговори.

Претседателката во кампањата јасно кажа и си остана на зборот дека нема да го применува новото име но оти ќе го почитува.

Според тоа, претседателката само се држела до законите.

Реагирањето на грчките власти е резултат на Договорот од Преспа од 2018 година. Со него беше променето уставното име на земјата и двете страни презедоа обврски.

Македонија исполни досега речиси сѐ, па дури и повеќе од договореното. Иако никој не го бараше,владата на Заев почна со преименување на сите институции кои го носат предзнакот „македонски“, како филхармонија, опера и балет, телевизија.

Во однос на важноста на веќе постоечките документи власта на СДСМ повторно одеше пред роковите предвидени во договорот.

Издавањето  документи требаше да започне при отворањето на секое поглавје на релевантното поле во преговорите со Европската Унија и ќе биде финализирано во рок од пет години оттогаш.

Кои преговори ги почна Македонија?

Што исполни досега Грција

Речиси  ништо.Почнувајќи од најбаналните како што се паткоази на кои стои ФИРОМ или „Скопија“ па до ратификација на меморандуми во Парламентот.

Договорот со кој Грција го „чува“ македонското небо не е потпишан во Парламентот кај грчките авиони летаат над нас на „диво“.

Во грчкиот парламент веќе пет години се чуваат три меморандуми кои произлегуваат од Преспанскиот договор, а се однесуваат за забрзување на процесот на интеграција на Македонија во ЕУ, за формирање на координативен комитет за економска соработка и техничка спогодба за надгледување на летовите.

The post Грција досега не исполни речиси ништо од Договорот од Преспа, власта на СДСМ и повеќе од договoреното appeared first on Република.

И на Управен суд проф. Гордана Силјановска Давкова ќе го брани ставот дека Академијата за судии го прекршува Изборниот законик со тоа што во моментов води постапка за вработување на 130 слушатели за идни обвинители и судии.

ДКСК едногласно го поддржа нејзиниот приговор, но АСЈО поднесе жалба до Управниот суд, кој најкасно до недела мора да се произнесе за предметот.

Судечки совет на овој случај ќе бидат Дитурије Елези Незири, Ана Герасимовска и Даниела Антовска, судии во Управниотсуд.

Од страна на Академијата за судии претставник ќе биде директорката Габер Дамјановска.

Рочиштето се одржува денес во 14.30 во Управниот суд, Скопје.

The post Проф. Силјановска Давкова на суд во одбрана на законот appeared first on Република.

Државната изборна комисија (ДИК) денеска на седница донесе одлуки за објавување на описите на избирачките места и за измена и дополнувањена роковниците за изборни дејствија за претседателските и за парламентарните избори согласно измените на Изборниот законик, а беа акредитирани и дополнителен број набљудувачи на двата вида избори на 24 април и 8 мај.

Потпретседателката на ДИК Дитмире Шеху информираше дека измените се однесуваат на неколку точки од Изборниот законик. За изборите за претседател и за пратеници тоа се однесува на финансиските извештаи за донации, додека за парламентарните избори и за тоа дека од моментот на потврдување на кандидатски листи до моментот на почеток на кампњата не смее да се трошат средства од трансакциската сметка и дека учесникот на изборите во тој период има право да организира само еден јавен настап.

За двојните избори ДИК одобри дополнително 31 набљудувач на ОБСЕ/ОДИХР и две лица од Центарот за континуирани обуки во избори од Молдавија. Амбасадата на Албанија имаше барање за акредитирање на три лица, додека Центар за безбедносни истражувања бараше акредитација на 29 лица.

-Секој овластен набљудувач мора да го почитува Кодексот за набљудување на ДИК, истакна членот на ДИК Бобан Стојковски.

The post ДИК донесе измени и дополнувања на роковниците за изборите согласно Изборниот законик appeared first on Република.

Во пресрет на претседателските избори на 24 април, парламентарните на 8 мај и стартот на предизборната капања, Изборниот законик предивидува предизборни ограничувања за функционерите, јавните претпријатија и буџетските трошоци.

Во периодот од 20 дена пред отпочнување на изборната кампања се до завршување на изборот на претседател и пратеници во Собранието и изборот на Владата, не може да се одржуваат јавни настани по повод започнување на изградба или пуштање во употреба на објекти изградени со средства од Буџетот или од јавни фондови, или со средства на јавни претпријатија или други правни лица што располагаат со државен капитал.

Под забрана за одржување на јавни настани не се подразбира давање на јавна изјава на носител на јавна функција или кандидат за носител на јавна функција на митинг, интервју на медиум, дебата на медиум или одговор на новинарско прашање.

Согласно членот 8а од Изборниот законик, од денот на донесување на одлуката за распишување на избори до завршување на изборот на претседател и пратеници во Собранието и изборот на Владата, не може да се започне со изградба со средства од буџетот или од јавни фондови или со средства на јавни претпријатија и други правни лица што располагаат со државен капитал на нови објекти во инфраструктурата како патишта, водоводи, далноводи, канализација, спортски игралишта и други објекти или објекти за општествени дејности како училишта, градинки и други објекти, освен ако за таа намена претходно се обезбедени средства од буџетот, односно се работи за реализација на програма донесена врз основа на закон во тековната година.

Исто така не може да се вршат исплати на надоместоци од буџетски средства или од средства на јавните фондови кои не се редовни месечни исплати, ниту да се отуѓува државен капитал или да се потпишуваат колективни договори. Нема да може да се започне постапка за вработување на нови лица или постапка за престанок на работен однос во државни и јавни институции, а започнатите постапки се ставаат во мирување, освен во случаи на итни и неодложни работи.

До завршување на изборот на претседател и пратеници, Министерството за финансии е должно сите буџетски исплати, освен редовни плати, пензии и комунални трошоци, да ги објавува јавно на интернет страна во посебна база за буџетски трошоци во изборен период.

Министерството за финансии две недели по распишување на изборите поднесува предизборен финансиски извештај со преглед на сите планирани и реализирани приходи и расходи од Буџетот по ставки, во периодот од почетокот на фискалната година до денот на поднесување на извештајот.

Јавните фондови, јавните претпријатија и сите други правни лица што располагаат со државен капитал, во рок од десет дена од денот на донесувањето на одлуката за распишување на избори за претседател и пратеници во Собранието, беа должни до Државната комисија за спречување на корупцијата да достават податоци за бројот, видот, регистарската таблица и возната состојба на моторните возила со кои располагаат. Податоците се доставуваат во електронска форма на образец кој на предлог на ДКСК го пропишува ДИК.

ДКСК на својата веб-страница го објавува регистарот на службени моторни возила на јавните фондови, јавните претпријатија и сите други правни лица што располагаат со државен капитал. Доколку правните лица не достават податоци, ДКСК покренува прекршочна постапка во рок од 15 дена од истекот на рокот за доставување на податоците.

Седмите претседателски избори во земјава треба да се одржат на 24 април, а 11-те парламентарни на 8 мај заедно за евентулниот втор круг од претседателските избори.

Според роковникот што го усвои ДИК, изборната кампања започнува 20 дена пред денот на изборите и во првиот и во вториот круг на гласање, и не смее да трае 24 часа пред денот на изборите и на денот на изборите.

Изборната кампања за претседателските избори, започнува на 4 април во 00:00 часот и ќе трае до 24:00 часот на 22 април. Кампања за парламентарните избори, пак, ќе биде од 18 април до 6 мај.

The post Лопатите да одморат: Што смеат, а што не функционерите во следниот предизборен период appeared first on Република.

При посетата на Виена, претседателот на ВМРО-ДПМНЕ, Христијан Мицкоски, одговарајќи на новинарско прашање во однос на изборите и тоа што постоеше можност околу 100 илјади граѓани да не гласаат воопшто бидејќи имаат неважечки документи, истакна дека на иницијатива на пратеничката група на ВМРО-ДПМНЕ и претходните предупредувања на министерот за внатрешни работи, Панче Тошковски, се донесе изборниот законик и на 100 илјади граѓани им се овозможи уставно гарантираното право да гласаат на парламентарните и претседателските избори.

Најпрво дозволете да го изразам моето задоволство што конечно нешто што можеше да биде проблем во изборниот процес нема да биде проблем, и тоа огромна благодарност на пратеничката група на ВМРО-ДПМНЕ и коалицијата во рамките на парламентот што жестоко се бореше изминатите недели и месеци би рекол за да можеме да дојдеме до оваа ситуација во која што дојдовме, да се усвои изборниот законик, а со усвојувањето на изборниот законик практично на сите оние граѓани во Македонија кои што немаат нови документи да имаат можност на следните парламентарни и претседателски избори, да учествуваат, впрочем тоа е и основното уставно право, дека секој граѓанин на Македонија секој оној кој што е државјанин на Македонија има уставно загарантирано право да учествува во изборен процес.

 

Огромна честитка и благодарност до пратеничката група на ВМРО-ДПМНЕ и коалицијата и сега сите оние 100 илјади граѓани за кои што министерот Тошковски претходно предупреди сега ќе можат слободно да излезат на избори и на еден слободен начин да ја изразат својата волја, нема да зборувам за опструкциите кои што се случуваа за време на тие преговори од страна на коалицијата СДСМ и ДУИ тоа ќе го оставам во некои други времиња, а сега да гледаме позитивно на сето ова, да се бориме за Македонија секаде каде што можеме, нив да ги оставиме во нивната темна, мрачна, црна, ад хомине кампања, а ние да направиме нешто што можеме повеќе само за да Македонија може да има една светла иднина, предвидлива иднина и перспектива за младите луѓе“, нагласи Мицкоски.

The post Мицкоски: Огромна благодарност до пратеничката група на ВМРО-ДПМНЕ и коалицијата што се донесе изборниот законик и над 100 илјади граѓани сега ќе можат слободно да излезат на избори и да гласаат appeared first on Република.

Власта и опозицијата најдоа заеднички јазик за повеќе од 100.000 граѓани кои немаат валидни документи да може да гласаат на претседателските и парламентарните избори. Пратениците со 84 гласа за 2 воздржани и ниту еден против ги изгласаа измените на Изборниот законик по скратена постапка со што преку преодна одредба им се овозможува на сите полнолетни граѓани со лична карта или пасош чија што важност истекла во периодот од 9 месеци до денот на одржување на изборите да си го остварат своето право на глас.

Во членот 38 од законските измени стои дека оваа одредба ќе важи само за претстојните избори.

Измените на Изборниот законик ги поднесоа координаторите на пратеничките групи на СДСМ, ВМРО-ДПМНЕ, Алијанса за Албанците и од ДУИ, иако техничкиот премиер од оваа партија, Џафери, вчера се изјасни против предлогот на ДИК за граѓаните да можат да гласаат со стари важечки документи.

Друга позначајна измена во Изборниот законик е дека избирачко право ќе добијат и лицата кои ќе наполнат 18 години до денот на одржување на било кој круг од гласањето и меѓу двата изборни круга, наместо како досегашното решение кое важеше само за оние кои станале полнолетни до првиот круг од претседателските избори.

Преку законските измени се имплементираат препораките на ОБСЕ/ОДИХР нотирани во извештаите за изборите во државата во изминативе години. Се воведува Центар за континуирана едукација во ДИК за обука за изборната администрација, гласачите, како и сите учесници во изборниот процес. Собранието по скратена постапка ги донесе и законските измени за високот образование со кој се унифицираат платите на сите државни универзитети, а вработените во сите универзитети ќе имаат ист статус.

The post Со 84 гласа „за“, 2 воздржани Собранието ги донесе измените на Изборниот законик: Изгласани законските измени за граѓаните чии документи истекле пред 9 месеци appeared first on Република.

Работната група што ја формираше Министерството за правда ги подготвила измените на Изборниот законик во кој се внесени препораките на ОБСЕ/ОДИХР.

Како што информираат од Министерството за правда, министерот Кренар Лога го поддржува предлогот на работната група, платеното политичко рекламирање да не биде повеќе на товар на државата.

Со оглед на тоа што на лидерска средба е договорено овој законик да оди во Собранието преку пратеници, Министерството за правда ќе ја достави работната верзија до сите парламентарни политички партии. Одговорноста за донесувањето и содржината на Изборниот законик ќе биде на пратениците во Собранието, стои во соопштението од МП.

Оттаму дополнуваат дека Предлогот на Изборниот законик содржи 58 члена кои ќе придонесат кон зајакнување на улогата на институциите одговорни за спроведување на одредбите од овој Законик.

The post Министерството за правда ги подготви измените на Изборниот законик appeared first on Република.

Во Клубот на пратениците денеска ќе се одржи конститутивна седница на работната група за изборни реформи формирана од Министерството за правда, која ќе треба да ги имплементира препораките на ОБСЕ/ОДИХР, а паралелно да работи и на нов Изборен законик.

Претседателот на работната група, адвокат и поранешен претседател на Државната изборна комисија Александар Новаковски минатата недела за МИА изјави дека приоритетите за работа треба да ги утврдат сите членови заедно.

- Приоритетите кои се ќе треба да ги утврдиме заедно сите. Јас само ќе ја предводам таа работна група, транспарентно мислам да се работи, за да се дојде до одредени усогласувања, прво со забелешките на ОБСЕ/ОДИХР, кои се провлекуваа низ изборни циклуси и многу се исти, но секако не се превземаат навреме промени за да се усогласат. Исто така таму има и една забелешка во која се бара да се размисли и да се направи нов изборен законик, вели Новаковски.

Тој нагласува дека работата ќе ја извршува најодговорно и транспаретно, но и дека во оваа група ќе делува само како експерт.

Организацијата за безбедност и соработка во Европа (ОБСЕ) соопшти дека драстично го намалила бројот на набљудувачи кои ќе ги следат претседателските избори во САД поради пандемијата со новиот

Од Канцеларијата на ОБСЕ во Скопје во пишана изјава за МИА изразија задоволство што, како што посочуваат, изгледа дека постои консензус меѓу сите политички чинители во земјата за потребата и подготвеноста за вклучување на техничките препораки на ОБСЕ/ОДИХР.

- Организацијата за безбедност и соработка во Европа (ОБСЕ) е посветена на демократски, фер и инклузивни избори, и ние континуирано ја поддржуваме Македонија во подобрувањето на законодавната рамка и во зајакнувањето на капацитетите на Државната изборна комисија и другите релевантни институции. Мисијата на ОБСЕ во Скопје е задоволна што изгледа дека постои консензус меѓу сите политички чинители во земјата за потребата и подготвеноста за вклучување на техничките препораки на ОБСЕ/ОДИХР насочени кон создавање изборен систем во согласност со меѓународните стандарди. ОБСЕ останува посветена на обезбедување релевантна поддршка во тековниот процес, се наведува во писмената изјава за МИА од Канцеларијата на ОБСЕ во Скопје.

Забелешките на ОБСЕ/ОДИХР се влезени и во Извештајот за напредокот на земјата на Европската комисија.

Од Министерството за правда соопштија дека процесот на работа за реформи на изборното законодавство е инклузивен и во него се вклучени претставници на политички партии, невладини организации, синдикати, министерства и надлежни органи за спроведување на изборниот процес.

Во работната група има претставници од СДСМ, ДУИ, Алијанса на Албанците, БЕСА, Алтернатива, Левица и Демократски сојуз.

Правниот тим на ВМРО-ДПМНЕ во текот на следните денови ќе го анализира новиот предлог закон за јавно обвинителство, а во текот на следната недела се очекува да биде договорен термин за средба

ВМРО-ДПМНЕ не делегира свој претставник во работната група. Пратеникот од оваа партија Антонио Милошоски вчера рече дека тие прифаќаат изборен модел со една изборна единица и ја повика власта да излезе со решение, по што најави дека опозициската партија ќе се вклучи во утврдување на конечниот текст на изборниот законик.

-Доколку власта не е подготвена за суштински измени за поголема демократизација на изборниот модел, а измените се однесуваат само на некои технички, важни, но сепак технички забелешки дадени од ОБСЕ и од ОДИХР ги поддржуваме, немаме ништо против, но не би учествувале во тој процес само за да му дадеме политички легитимитет без да имаме суштинско подобрување на изборниот модел, рече Милошоски.

Во работната група покрај претставници на партиите ќе има и членови од МВР, Министерството за труд и социјална политика, Министерството за информатичко општество и администрација, МОСТ, Цивил, Полио плус, УВМК, Државен завод за статистика, Централен регистар, Управен суд, Државна изборна комисија, Национален демократски институт, Здружение на новинари на Македонија и од Самостојниот синдикат на новинари на Македонија.

The post Конститутивна седница на работната група за изборни реформи appeared first on Република.

На 3 мај ќе се одржи конститутивна седница на работната група за изборни реформи формирана од Министерството за правда, која ќе треба да ги имплементира препораките на ОБСЕ/ОДИХР, а паралелно да работи и на нов Изборен законик. Прашање е дали оваа група ќе успее да изработи измени на Изборниот законик што би го минале со консензус собранискиот филтер најмалку шест месеци пред избори имајќи предвид дека во првата половина на следната година треба да се одржат претседателски и парламентарни избори.

Претседателот на работната група адвокатот и поранешен претседател на Државната изборна комисија Александар Новаковски за МИА изјави дека приоритетите треба да ги утврдат сите заедно.

Приоритетите кои се ќе треба да ги утврдиме заедно сите. Јас само ќе ја предводам таа работна група, транспарентно мислам да се работи, за да се дојде до одредени усогласувања, прво со забелешките на ОБСЕ/ОДИХР, кои се провлекуваа низ изборни циклуси и многу се исти, но секако не се превземаат навреме промени за да се усогласат. Исто така таму има и една забелешка во која се бара да се размисли и да се направи нов изборен законик, вели Новаковски.

Тој нагласува дека работата ќе ја извршува најодговорно и транспаретно, но и дека во оваа група ќе делува само како експерт.

Немам никакви проблеми со влијанија, бидејќи сите ќе се присутни тука и ќе може да ја следат. Најбитно е да направиме нешто конечно, за да се усогласиме со забелешките за да не се повторуваат, и тоа да се направи навремено, вели Новаковски.

Функцијата претседавач, како што е најавено во соопштение на ОБСЕ, ќе ја извршува албанскиот премиер Еди Рама.

Претседателот на работната група Новаковски смета дека приоритет за работа треба да бидат забелешките со коишто се прекршуваат Копенхашките критериуми. Но, не мисли дека меѓу приоритети ќе биде и Избирачкиот список бидејќи за него во изминатите години се направени низа промени.

Би сакал да кажам дека имаат забелешки од ОБСЕ/ОДИХР кои се многу посуштински, бидејќи Избирачкиот список се користи како алатка. Знаете веќе подолго време, и не би сакал уште од старт да се блокира со Избирачкиот список работата на Комисијата. Затоа што тука е одредено, надлежностите се превземени целосно од ДИК, капацитетите на ДИК исто така се спремни. Воведоа некоја технологија нова со фингер принтовите и сето тоа ние ќе го разговараме, но сепак треба да почнеме дел по дел, а тоа е значи суштинските забелешки кои се провлекуваат повеќе изборни циклуси. На пример има забелешки каде што сметаат дека се прекршени Копенхашки критериуми. Тоа е тешка забелешка. Значи ние подолго време не сме имале, а во последните изборни циклуси се повторува таа забелешка, а тоа е за еднаквоста на правото, на пример. Второ, размислување како да се поедностави Изборниот законик, вели Новаковски.

После толку измени на Изборниот законик, посочува, тој е тежок за разбирање во однос на тоа што многу работи се само вметнувани, вметнувани и доаѓа до различно толкување.

Исто така тука е за прашањето, на пример, ефикасноста на жалбената постапка, начинот на работа, роковите, бидејќи е невозможно тие рокови, а секои се повторуваат, а невозможно е да се исполнат тие рокови. Има забелешки околу начинот на финансирање околу извештаите кои се добиваат, кој е надлежен, како е надлежен, сите тие работи се потребни. Стојат во конечниот извештај на ОБСЕ/ОДИХР и работната група треба да се ориентира на тоа, посочува Новаковски.

The post На измени на Изборниот законик ќе се работи на помалку од една година пред изборите appeared first on Република.

Министерот за правда Никола Тупанчески вели дека и без ВМРО-ДПМНЕ ќе почнат да работат на измените на Изборниот законик и дека е оптимист во однос на нивното донесување.

Не секогаш се лесни начините со коишто се стигнува до соодветно решение, меѓутоа ќе направиме се и натаму она што го ветивме пред граѓаните, она што го ветивме пред себе си да добие и своја реализација. Така што не се откажуваме, и натаму продолжуваме со активностите коишто се поврзани со донесување на нов Изборен законик - рече Тупанчески на денешниот Регионален форум на тема „Хашката конвенција 2019-Очекувања за Западен Балкан”.

Тој истакна дека и без ВМРО-ДПМНЕ ќе почнат да работат на измените на Изборниот законик.

Пративме уште еден допис до нив. Доколку не се произнесат, ние и без ВМРО-ДПМНЕ ќе почнеме да работиме на Изборниот законик. Секогаш е отворена поканата да се придружат да дадат свој предлог, своја номинација итн. Идејата е да постапиме по препораките на ОДИХР/ОБЕСЕ, меѓутоа и во однос на дефектите коишто беа констатирани при последните избори - рече Тупанчески, кој минатата недела уште еднаш упати отворена покана до опозицијата за да и се приклучи на Комисијата.

The post Тупанчески: И без ВМРО-ДПМНЕ ќе почнеме да работиме на измените на Изборниот законик appeared first on Република.

Во гостувањето во дебатната ТВ емисија министерот за правда Никола Тупанчески порача дека планот за подготовка на нов Изборен законик нема да пропадне и покрај фактот што ВМРО-ДПМНЕ и БЕСА сè уште немаат доставено предлози за свои претставници во новата работна група. Поттикнати од оваа изјава, од Социјалистичката партија на Македонија јавно го прашуваат Тупанчевски според кој критериум одлучувал која политичка партија треба да има претставник во работната група за изработка на нов Изборен законик.

Можеби еден од критериумите му бил историскиот континуитет на партиите? Или можеби нивната застапеност во Собранието на Република Македонија? Или можеби застапеноста на партиите во локалната самоуправа?

Г-дине Тупанчески, било кој критериум да сте го земале, не сте смееле да ја испуштите Социјалистичката Партија на Македонија, како најстара политичка Партија во државата, со децениски историски континуитет, од осамостојувањето постојано застапувана преку свои пратеници во Собранието на Република Македонија и застапувана со свои советници во најголемиот број на општини во РМ.

Г-дине Тупанчески вашиот партиски претседател и воедно Премиер изјави дека Изборниот законик ќе се носи со концензус помеѓу политичките партии или Вие можеби зборот „концензус“, случајно или намерно, поинаку го разбирате! Нејасно е зошто воопшто сте се впуштиле во политиката кога немате елементарен однос и почитување кон сите политички партии подеднакво?, реагираат од СПМ.

Министер Тупанчески, му се обраќаат тие, нема потреба да нè каните.

Од Вас не го ни очекуваме тоа. Должни сме само да Ви кажеме, концензус за Вашата приватна забава наречена „нов Изборен законик“ немате!

Воедно, на каков било предлог на Изборен законик, во чија изработка не сме вклучени, ќе одговориме со огромен број на амандмани и ќе се погрижиме таквиот закон да не помине, велат од СПМ.

The post СПМ: Г-не Тупанчески, според кој критериум одлучивте која партија треба да има претставник во работната група за нов Изборен законик? appeared first on Република.

Министерството за правда продолжува да ја реализира сопствената замисла за носење на нов Изборен законик во кој ќе бидат содржани правилата на изборната игра, за изборниот процес кога и да се случува, рече вечерва министерот за правда Никола Тупанвевски.

Тој, во гостувањето во емисијата „24 Анализа“ на Телевизија 24 посочи дека најголемиот дел од политичките партии номинирале свои претставници во работната група составена во Министерството за правда за носење на нов Изборен законик, освен две – ВМРО-ДПМНЕ и БЕСА. Рокот за номинирање претставници истече вчера, а министерот Тупанчевски имал и неформални разговори со лидерите на овие две партии.

Тупанчевски е оптимист дека двете партии ќе номинираат претставник, бидејќи, како што рече, тоа е најдобриот начин да ги артикулираат сопствените ставови, а претставниците во работната група ќе се обидат да го најдат најоптималното решение за македонски околности.

Ќе разговарам со лидерите, затоа што таа е првична идеја, но идејата ќе биде и реализирана затоа што веќе е разговарано со неколку луѓе коишто би требало да ја предводат таа работна група, а ќе бидат од непартискиот блок, рече Тупанчевски, посочувајќи дека станува збор за експерти, непартиски луѓе чија потесна специјалност ќе биде изборно право и изборни системи.

Тој додаде дека разговарал со неколку луѓе и верува дека за кратко време ќе биде конституирана групата.

The post Подготовката на Изборен законик нема да пропадне, убеден сум дека ВМРО-ДПМНЕ и Беса ќе номнираат претставници appeared first on Република.

Во изминатите десет години направени се 32 интервенции на постоечкиот Изборен законик, од кои 14 се за спроведување на рекламирањето на партиите, а интересно е тоа што за носењето на ниту една измена не била организирана јавна расправа. Како што соопшти на денешната седница Катица Николовска, членка на ДКСК, и оваа изборна година беа извршени измени во Изборниот законик непосредно пред самите избори.

Поаѓајќи од многу честа промена на Изборниот законик која се случува непосредно пред започнување на изборниот процес, не поттикна да истражиме што е тоа и што се менува во Изборниот законик, посочи Николовска.

Таа констатираше дека од кога е донесен основниот текст на овој Изборен законик што е во сила од 2006 година, вкупно 32 пати се констатирани интервенции, од кои 22 измени се измени и дополнувања на законот, четири измени се врз основа на одлуки на Уставен суд со кој што се укинуваат одредени одредби, два пати измените се однесуваат на пролонгирање на рокови за одржување на избори, и четири пати се извршени само технички корекции од одредени членови.

Како што рече, најголем број промени претрпеле одредбите од спроведувањето на изборната кампања.

Дури 14 пати тоа се однесува на ракламирање, финансирање и известување, што од една страна создава несигурност и неизвесност во постапувањето на засегнатите страни на изборниот процес, а во јавноста се јавува сомнеж дека политички партии и спротиставените политички идеологии секогаш имаат ист став и заеднички интерес кога постои можност измените да овозможат доволни извори на финансирање на изборната кампања, подобра позиција и позитивен исход од изборите, додаде Николовска.

Во однос на времето кога се направени измените и датумот на одржување на изборите, членовите на ДКСК констатирале дека во последните десет години измените се вршат многу кратко време, непосредно пред донесување на решенето за распишување на изборите, а за овие последни локални избори измените беа направени 41 ден по донесување на решението за распишување на изборите од страна на претседателот на Собранието.

Ова, како што додаде Николовска, е сосема спротивно на препораките од ОБСЕ и ОДИХР, кои континуирано испраќаат порака измените во Изборниот законик да се направат најмалку шест месеци пред почетокот на изборите.

Исто така, за сите овие измени во изминативе десет години ниту еднаш не е одржана јавна расправа по однос на понудените решенија.

ДКСК на денешната седница го усвои овој извештај за утврдените злоупотреби во финансирањето на изборната кампања Локални избори 2021, и истиот утре ќе биде доставен до Собранието.

Препорака на ДКСК е кога ќе се презентира извештајот, работните тела во Собранието да се замислат на сериозните констатации од оваа анализа за перманентното менување и дополнување на Изборниот законик.

Секојдневно сме бомбардирани со информациите дека повторно Изборниот законик се менува, независно за што се зборува. Болеста наша е постојано да ги менуваме законите, да ги донесеме брзо а уште побрзо да влегуваме во измени, а потоа се отвора поле за политичка корупција од која што зависи и се понатаму во системот. Ова е добра прилика да размислат политичките партии во државата дали е ова добар момент за целосно ревидирање на законот, но не заради парцијални измени, додаде Николовска.

Таа порача целиот закон да се стави на маса и да се направи решение што ќе овозможи барем неколку изборни циклуси да не се воведуваат нови измени.

The post ДКСК: Изминативе десет години направени 32 интервенции во Изборниот законик appeared first on Република.

Деновиве повторно е актуелно барањето на помалите партии, пред се на Декократскиот сојуз за воведување на една изборна единица. Тие дури и се заканија дека ќе го преиспитаат учеството во сегашнава влада доколку за три месеци не бидат изгласани измените.

До пресврт дојде кога и ВМРО-ДПМНЕ го поддржа нивниот предлог. Но тие , наместо ова да го поздрават, најавија протест против најголемата партија во Собранието.

Дека власта, пред ДУИ и СДСМ само декларативно се залага за воведување на една, наместо шест изборни единици покажува и документот од април минатата година од владата. Во писмото потпишано од Артан Груби тоа јасно се посочува.

Во него владата го информира претседателот на Собранието Талат Џафери  дека го разгледале предлог законот за измени на Изборниот законик во пресрет на локалните избори.

Во образложението зошто не даваат позитивно мислење за измените е дека дека тие тие треба да се донесат шест месеци пред избори за да партиите имаат време да се подготват.

Премиерот Ковачевски пак смета дека од нив потекнува предлогот за една изборна единица.Тој денеска објасни дека СДСМ е прва која го поддржа предлогот на помалите политички партии за една изборна единица.

-Несериозно е зашто парламентарни избори имавме пред само една година, во 2020-та, кога се дефинираше комплетно легитимно парламентарно мнозинство кое сега е проширено со Алтернатива и има 64 пратеници во Собранието, рече Ковачевски, додавајќи дека СДСМ и коалициските партнери се зафатени со решавање на предизвиците претставени во владината програма  што беше изгласана овој месец и дека се работи на приоритети – прво пандемијата, потоа енергетската криза, топлинската криза во град Скопје и економските предизвици со кои се соочуваат граѓаните и стопанството.

Процесот за нов Изборен законик односно на моделот на избори, рече Ковачевски, треба да биде прво во работни групи кои ќе го дефинираат, а притоа ќе бидат вклучени експерти и стручна јавност со цел да бидат видени, како што рече, сите предвидувања како ќе изгледа изборниот процес врв основа на претпоставен нов изборен модел.

Изборниот законик секогаш се носи со консензус. ВМРО-ДПМНЕ излезе со нивни предлог како треба да изгледа една изборна единица, но нивниот коалициски партнер Алијанса имаше друг став по тоа прашање. Што се однесува на барања за промена на Уставот и за промена на број на пратеници, веднаш излегоа со барања и други политички партии што значи дека за такви барања треба да се седне  и да разговараат сите партии во однос на уставни промени. Тоа е процес кој трае подолг период и за кој е потребно да се отвори постапка што потоа поминува низ филтри на различни институции во државата и низ консултативен процес, истакна премиерот Ковачевски.

The post Еден предлог веќе им одбија: Владата ги „мафта“ помалите партии за една изборна единица appeared first on Република.

Американските и европските посредници во разговорите за измените на изборниот закон во БиХ денеска ги повикаа политичарите во земјата да постигнат договор што е можно поскоро и да постигнат компромис за изборните реформи, предупредувајќи дека времето истекува бидејќи изборите се закажани за октомври.

Специјалниот претставник на САД за изборни реформи во БиХ Метју Палмер и директорката на Службата за надворешна акција на Европската унија (ЕЕАС) Анџелина Ајхорст во Сараево започнаа нова рунда разговори со претставниците на властите на БиХ и политичките партии за да се заложат за договор за измените на изборниот закон и устав

Првиот состанок се одржа со членовите на Колегиумот на Претставничкиот дом и Домот на народите на Парламентот на БиХ, вклучувајќи ги и водачите на ХДЗ БиХ Драган Човиќ и Партијата за демократска акција (СДА) Бакир Изетбеговиќ.

По тој состанок, Човиќ им рече на новинарите дека е благодарен на САД и ЕУ што вложиле дополнителни стимулации и енергија за да се постигне конечен договор.

– Целта е да се обезбеди легитимна застапеност на конститутивните народи, но и да се спроведат ограничени измени на уставот и да се обезбеди интегритет на изборниот процес, рече Човиќ.

Јасно е дека меѓународните посредници сè уште чекаат на договор од домашните политички актери, додаде Човиќ, кој смета дека со промена на изборниот закон ќе се овозможи решавање на сите други отворени прашања во државата.

Ајхорст рече дека ЕУ и САД силно го поддржуваат територијалниот интегритет и суверенитет на БиХ како единствена држава и сакаат проблемите на земјата да се решат што е можно поскоро, вклучително и укинување на блокадата на претставниците на централната власт од страна на претставници на Република Српска од средината на минатата година.

– Актуелната политичка криза е неприфатлива за сите луѓе во БиХ, таа треба да биде неприфатлива за парламентот на БиХ и е целосно неприфатлива за ЕУ, рече таа.

ЕУ повикува на итен и безусловен прекин на блокадата на државните власти и очекува брз договор за изборните реформи бидејќи времето за договор истекува, објасни Ајхорст.

– Ние сè уште не го постигнавме тој договор и тука сме да ги поддржиме разговорите што ќе доведат до измени на изборниот закон и устав и да ги отстраниме дискриминаторските одредници и да ги подобриме техничките решенија и да спречиме изборна измама“, рече Ајхорст. Тоа ќе биде нов чекор кон пристапот на БиХ во ЕУ, рече претставничката на ЕУ.

Американскиот специјален пратеник Палмер рече дека изборните реформи се клучни за воспоставување силни и ефективни власти и изрази надеж дека може да се постигне конечен договор во наредните денови за да се обезбеди интегритет на изборниот процес

„Останува многу малку време за да се постигне договор. Исклучително е важно изборите да се одржат наесен, а промените во изборниот систем мора да се спроведат шест месеци пред изборниот процес“, потсети американскиот дипломат.

Преку серија одвоени разговори, Палмер и Ајхорст се обидуваат да тестираат дали има простор за зближување меѓу владејачката ХДЗ БиХ и СДА, како и опозициските партии од Федерацијата БиХ, без чии претставници е невозможно да се обезбедат доволно гласови во државниот парламент.

Целта на преговорите е да се обезбеди спроведување на пет пресуди на Европскиот суд за човекови права со кои е утврдена дискриминација на граѓаните на БиХ во изборниот процес врз основа на нивната етничка припадност или место на живеење, како и пресудата на Уставниот суд на БиХ во Случајот „Љубиќ“ со која во 2016 година е утврдена обврската за почитување на начелата на конститутивноста, односно легитимното претставување на народот во телата на власт.

ХДЗ БиХ силно инсистира на модел кој ќе обезбеди Хрватите како членови на Претседателството на БиХ и членовите на Домот на народите на Федерацијата БиХ да бидат избрани од хрватските гласачи, но СДА и опозициските партии со седиште во Сараево ги отфрлаат сите предлози со кои би се воспоставила две нови етнички дефинирани изборни единици.

Палмер и Ајхорст ќе бидат во БиХ до крајот на неделата. Последната рунда разговори со лидерите на политичките партии треба да следи во Неум зад затворени врати овој викенд. Општите избори во БиХ се закажани за октомври, а Централната изборна комисија (ЦИК) треба да ги распише најдоцна на почетокот на мај. Дотогаш, во парламентот на БиХ треба да бидат усвоени сите измени на изборниот закон и устав, за кои може да се договорат на политичко ниво.

The post Странски дипломати ја предупредуваат БиХ дека истекува времето за измени на изборниот закон appeared first on Република.

Редно време е да се отвори дијалогот и оваа година може да се донесат измени или сосема нов Изборен законик, вели министерот за правда Бојан Маричиќ, меѓутоа порачува дека не може да се дојде до решение ако има условувања.

Изјавата на Маричиќ пред напуштање на министерството за правда и преселба на функцијата вицепремиер за европски прашања, доаѓа откако пет помали партии кои се дел од владејачката коалиција преку писмо побараа во најкус можен рок – до 15 април да се донесат измените на Изборниот законик или во спротивно ќе излезат од мнозинството во парламентот.

Измените, вели Маричиќ, може да се направат оваа година, но важно прашање тука е и консензусот од сите партии, пред сè од најголемите.

„Изборниот законик не е тема на која можеме лесно со еден потег или какви било условувања да најдеме решенија. Мислам дека Владата е подготвена за дијалог, сите партии се подготвени за дијалог и јас ги ценам аргументите и на Демократскиот сојуз и на сите партии кои ја поддржале таа иницијатива. Сум разговарал со нив и досега повеќе пати, се надевам дека и наредниот министер ќе има можност да ги слушне аргументите и да ги дискутираме во Влада. Мислам дека ако има добра волја може се да се постигне, меѓутоа не е само временската рамка во прашање. Во прашање е и гласањето на изборниот закон со консензус затоа што досега добрата практика укажувала на тоа дека тој закон се носи со согласност на сите партии особено на четирите поголеми партии кои имаат членови во ДИК“,

вели министерот.

Маричиќ потенцира и дека ставовите на СДСМ, кој во изминатиот период се декларираше дека поддржува една изборна единица, се познати, меѓутоа неколкупати нагласи дека мора да има консензус од сите, како што било и досега, бидејќи ако се направи преседан да се донесе без консензус тогаш тој процес на измени на Изборниот законик може да се злоупотреби во иднина.

Тој потсети дека неколку недели пред да почне кампањата за локалните избори биле правени измени – за користење на уредите за отпечатоци од прсти и за имплементација на дел од препораките на ОБСЕ/ОДИХР. Тогаш било договорено по завршувањето на изборите повторно да се отвори прашањето, како за измените кои ги бара ОБСЕ/ОДИХР така и за политичките прашања како што е воведување една изборна единица, отворени листи на пратеници …

„Кога го заклучивме процесот на преговори пред локалните избори се договоривме со политичките партии дека повторно ќе се отвори тој процес веднаш по изборите затоа што останаа голем број на препораки од ОБСЕ/ОДИХР во однос на парламентарните избори од 2020 и локалните 2021 кои треба да се имплементираат, но остана и прашањето за дискусија на политичките прашања тоа се: промена на изборниот модел, промена на начинот на избор на пратеници во смисла на изборни единици, префенцијален модел, отворени листи итн. Мислам дека треба во еден отворен дијалог со сите политички партии, така и го водевме тој процес изминатиот период, да се земе доволно време и експертиза од страна на ОБСЕ/ОДИХР и ЕУ за да дојдеме до најдобри решенија, без предрасуди“,

вели Маричиќ.

Малите партии кои испратија писмо, потсетија дека поднеле предлог измени уште лани во март, но досега за таа точна не се дискутирало на собраниска седница, па затоа поставија рок до 15 април.

„Со оглед на важноста на законот, инсистираме во најбрз можен рок да се закаже пленарна седница и да се отвори расправа по Предлог-законот. Инаку, со промените се предлага Република Македонија да биде една изборна единица, со пропорционален изборен модел и без праг“,

пишува во нивното барање до претседателот на Собранието, Талат Џафери.

Барањето е потпишано од пратениците Павле Трајанов, Маја Морачанин, Моника Зајкова, Боби Мојсоски, Љупчо Балкоски и Бејџан Иљас од партиите: Демократскиот сојуз, ДОМ, ЛДП, ВМРО Народна и Демократската партија на Турците.

The post Маричиќ: Време е да се отвори дијалогот и оваа година да се донесат измени или сосема нов Изборен законик appeared first on Република.