Во Полициското одделение-Групчин Ј.А.(47) од с.Желино, одговорно лице во правен субјект од с. Желино, пријавил дека вчера во непознат правец си заминале седум работници од Бангладеш, кои од 18.09.2024 година биле дојдени за работа со виза издадена од Р.Македонија, со цел да работат во нивната фирма.

Од СВР Тетово велат дека се преземаат мерки за пронаоѓање на лицата.

The post Издржаа само месец: Работници од Бангладеш избегаа од Желино appeared first on Република.

По низата на пријави на работодавците низ Македонија дека нивни работници по потекло од Непал без збор ги напуштиле работните места и престојувалишта, таква пријава стига и од Охрид.

Вчера во 11.35 часот во СВР Охрид, В.С.(43) од Охрид пријавил дека пет негови вработени лица од Непал, со привремен престој во Охрид, на возраст од 19 до 27 години, се оддалечиле од местото каде што престојувале, соопшти МВР.

Од таму преземаат мерки за пронаоѓање на лицата.

The post На Непалците не им се бендиса ни Охрид appeared first on Република.

Две малолетнички од струшкото село Мислешево се пријавени дека се оддалечиле од дома, соопшти денеска СВР Охрид.

Случајот во полиција го пријавила синоќа мајката на една од малолетничките, чија ќерка и претходно го напуштала домот.

- Во ОВР Струга, синоќа во 23 часот, Љ.П.(43) од село Мороишта, струшко, пријавила дека од семејниот дом се оддалечиле нејзината ќерка Т.П.(14) и нејзината другарка А.С(15) од селото Ложани, струшко. Малолетничките и претходно биле пријавувани дека се оддалечувале од домот и се враќале, информира портпаролот на СВР Охрид, Стефан Димоски.

Полицијата презема мерки за пронаоѓање на девојчињата, кои и пред неполн месец биле пријавени за исчезнати, но по неколку дена сами се вратиле дома. Една од малолетничките при претходното заминување украла 2.000 евра од семејниот дом.

The post Струшко е во потрага по две девојчиња другарки што побегнале од дома appeared first on Република.

Над 100.000 бегалци преминале од Судан во соседните земји за да побегнат од конфликтот што избувна во таа земја минатиот месец, изјави претставничката на Високиот комесаријат на ОН за бегалци Олга Сарадо.

Се проценува дека повеќе од 100.000 бегалци се меѓу оние кои досега преминале во соседните земји, предупреди таа на брифингот во Женева.

Десетици илјади Суданци и странци се уште се обидуваат да побегнат од земјата зафатена со конфликт, која запаѓа во хаос. Иако во текот на две недели, од првата ескалација на непријателствата меѓу воените фракции, беа објавени три примирја, ниту едно не траеше.

The post ОН: Над 100.000 бегалци избегаа од Судан за да го избегнат насилството appeared first on Република.

Затворите се решето во кое што останува само оној што нема конекции со СДС, рече на денешната прес-конференција портпаролот на ВМРО-ДПМНЕ Наум Стоилковски, кој додаде дека за тоа одговорни се затворските управи и служби поставени од СДСМ, во чија што хиерархија, како што вели тој, доминираат „луѓе од таканареченото обезбедување на партиските собири на СДС“.

Потсети дека во само еден месец најмалку три бегања се случија на територија на Скопје.

Се посочува на врски меѓу избеганите и СДС, а молкот и немањето санкции упатува на сомнеж за намерни системски пропусти. Македонија е во еден многу тежок период во којшто СДС ја втурна и период во којшто и од најмал инцидент единствен бенефит ќе има токму СДС на сметка на длабоки сериозни последици за државата. Оттука, од јавен интерес е СДС и владата да одговорат дали станува збор за смислено сценарио во коешто побегнатите се пуштени да предизвикаат инциденти во државата? Дали бегствата на човек, член на СДС, со фотоалбум со половина Влада, претседател на држава и цело раководство на СДС, како и на поранешен полицаец- насилник и наркодилер, двајцата од затворот во Шутка, што мина без никаква јавна одговорност или санкција, не се намерни пропусти, за теснопартиски интереси на СДС, дали не се побегнати за да можеби предизвикаат, исценираат или организираат инцидент на 4 февруари?
Дали бегството без последици за затворската служба и администрација, без одговорност со можност за организирање на инцидент, значи награда и за избеганите и за затворските службеници?
Уште еднаш, дали бегањата од затвор се сценарио на СДС за инциденти од што ќе профитира само СДС на штета на Македонија?, праша тој.

Стоилковски  уште еднаш укажува на сериозноста на моментот, како и на сериозноста од опасност од предизвикан инцидент, како и на јавниот интерес СДСМ да одговори на овие прашања.

МВР мора сериозно да пристапи и избеганите да ги врати зад решетки, а министерот Тупанчевски да преземе сериозни мерки и санкции во затворската администрација. СДС, Спасовски и Тупанчевски не смеат да одмолчат на овие прашања. Состојбата којашто ја креираше СДС е пресериозна за да се тераат теснопартиските интереси.

Одговорноста за спречување на инциденти има само и само власта, вели Стоилковски.

https://youtube.com/watch?v=Wa1Yz8wyQI8&feature=shares

The post Дали избеганите затвореници можеби се оставени да предизвикаат, исценираат или организираат инцидент на 4 февруари? appeared first on Република.