Центарот за управување со кризи (ЦУК) информира дека во последното деноноќие имало вкупно 1 769 повици на Единствениот број за итни случаи 112, од коишто „реални“ повици биле 38,10 отсто, а 61,90 проценти биле за други потреби на граѓаните што не биле итни.

Кон полиција биле упатени 49,79 отсто, кон итната медицинска помош 43,57 проценти, а кон пожарникарите 4,56 отсто од реалните повици кон 112 во ЦУК.

Инаку, 1.100 повици за итни случаи на 112, што се вкупен збир од тие што биле за комбинирано решавање од „реални“ повици 2,07 отсто со другите 57,30 проценти што се именувани како „неитни повици“, биле предмет на примање, на обработка во ЦУК, а и на директно коордирнирање за нивно решавање, велат од ЦУК.

Од ЦУК посочуваат дека пожарникарите од Бригадата за противпожарна заштита (БППЗ) на Град Скопје во период од 17:25 до 18:20 часот, со двајца пожарникара и едно противпожарно возила гаснеле запалена ниска вегетација кај село Кондово во општина Сарај.

Изминатото деноноќие две помали интервенции имале и пожарникарите од ТППЕ Кичево.

Пожарникарите од Територијалната противпожарна единица (ТППЕ) Куманово во период од 17:45 до 18:05 часот со едно противпожарно возило и тројца пожарникари интервенирале на запалена ниска вегетација покрај автопатот од Куманово во правец на бензинската пумпа на Макпетрол кон село Романовце.

The post ЦУК: Изминатото деноноќие 1. 769 повици на 112 appeared first on Република.

Изминатото деноноќие имало три пожари на отворено, вкупно 1.482 повици кон Единствениот број за итни случаи 112 во ЦУК и едно комбинирано интервенирање за пренесување на починат планинар од планината Пелистер до пристапен пат за понатамошна постапка, информираат утрово од Центарот за управување со кризи (ЦУК)

Оттаму посочуваат дека имало и задоцнети повици за санирање штета предизвикана од силен ветар во саботата.

Во Скопско, пожарникарите од БППЗ на Град Скопје од 17:30 часот до 19:00 часот со две противпожарно возила и пет пожарникари интервенирале на запалена ниска вегетација со површина од еден хектар во атарот на село Љубин во Општина Сарај. Пожарникарите од ТППЕ Кривогаштани од 16:00 до 16:30 часот со едно противпожарно возило и двајца пожарникари интервенирале на запалена ниска вегетација на површина од два хектари помеѓу селата Кривогаштани и Врбјани. Од ТППЕ Битола од 18:49 до 22:10 часот со двајца пожарникари и едно противпожарно возило интервенирале на запалена ниска вегетација кај месноста „Петилеп“ во атарот на село Беранци во Општина Могила, соопштуваат од ЦУК.

Според последниот извештај на секторот Е-112 во ЦУК кон Единствениот број за итни случаи 112 во ЦУК имало вкупно 1.482.

„Реални“ повици за итни случаи имало 37,99 отсто. Имало 62,01 отсто други, именувани како „неитни повици“, што биле за други потреби на граѓаните или едноставно не биле итни. Со примањето во ЦУК на овие други повици се растоваруваат од повици службите коишто се за итно интервенирање. Кон Полицијата биле упатени 43,03 отсто од повиците, кон Итната медицинска помош 43,03 проценти, а кон пожарникарите биле упатени 2,42 отсто. Кон ЦУК имало 11,52 отсто од итните реални повици за комбинирано решавање, што е над просекот повци, што вообичаено се движи од 3 отсто до 10 проценти што ги решава, секако заедно со 62,01 отсто други, именувани и како „неитни повици“, ги координира итните случаи чија природа на настан „бара“ комбинирано дејствување на повеќе институции или служби во државата, информираат од ЦУК.

The post ЦУК: Изминатото деноноќие три пожари на отворено, 1.482 повици на 112 appeared first on Република.

Двајца туристи од Хонк Конг се изгубиле во кањонот Матка во регонот на манастирот „Свети Никола Шишевски“ по што се пронајдени од тим од полициската станица Сарај преку Единствениот број за итни случаи 112.

Повикот за помош е примен денеска во 18:10 часот преку мобилен телефон без картичка.

На англиски јазик тие го информирале вработениот од Единствениот број за итни случаи дека се изгубени и дека имаат минимално храна и вода.

– Дежурниот оператор на Единствениот број за итни случаи 112 во ЦУК, бил подолго време во комуникација со нив и ги координирал да пронајдат нешто забележливо во нивната околина.

По пронаоѓањето на знак на патека за манастирот „Свети Никола Шишевски“ дежурниот оператор од 112 во ЦУК им посочил да останат до знакот на патеката.

Потоа веднаш координирал со МВР за нивно пронаоѓање и за извлекување на безбедно, соопшти ЦУК. Туристите се пронајдени и безбедно извлечени во 20:15 часот.

The post Двајца туристи од Хонк Конг се изгубиле во кањонот Матка, пронајдени се преку бројот 112 appeared first on Република.

Регионалниот центар за упрвување со кризи РЦУК Град Скопје известува дека при невремето што го зафати поширокото подрачје на Скопје, пропратено со силен ветер и обилен дожд, а и град  со големина на лешник на места, пристигаат дојави (пријави) од разни локации на градот при што јавувачите, покрај на 112, пријавуваат и на 195: паднати и скршени дрвја, откорнати кровови, заглавени возила, поплавени простории од куќи, згради, објекти и гаражи.

Дојавите од страна на Регионалниот центар за упрвување со кризи РЦУК Град Скопје на најбрз начин се пренесуваат до надлежните служби на нивна понатамошна реализација во рамките на своите можности, а и според прироитет да се помогне прво на загрозените луѓе.

На пример, граѓанин, од ул. Киро Крстевски бр. 3 – пријавил дека кровот од зградата на пет спрата е „летнат„ и дека на неговите родители им врне дожд директно во станот (ова е според јавувањето како најдрастичен пример), но сепак тоа е пријава од лице место на засегната страна. За ова се веќе се известени надлежните од Општина Кисела Вода и БППЗ.

Под подвозникот кај хотел Континентал имало заглавено 4 автомобили, а во едниот имало неколку дечиња. Под стоковна куќа Мост има многу вода и заглавени се неколку автомобили и едно комбе, вкупно 15 луѓе. Ним им се помага од страна на службите според приоритет, информираат од ЦУК.

The post ЦУК: Ѕвонете на 112 appeared first on Република.

Откорнати олуци, откорнати лимени покриви и оштетени фасади пријавиле жителите на Скопје на линијата за итни повици – 112, по синоќешните врнежи што го зафатија скопскиот регион.

Како што информира денеска Центарот за управување со крзи (ЦУК), граѓаните во 12:10 часот пријавиле откорнати олуци од покрив на куќа на кеј „13 Ноември“ во Маџир Маало.

Во 15:10 часот била пријавена оштетена фасада на куќа на улица „Мајаковски“ бр. 41 во Дебар Маало, општина Центар.

Во 18.40 часот од невремето на 20 август 2022 година бил откорнат лимен покрив од нивната зграда, која е на 11 ката и воедно покривот виси, со што ги доведува жителите во опасност, соопшти ЦУК.

The post Скопјани на 112 пријавиле оштетени фасади, откорнати олуци и откорнат лимен покрив од зграда appeared first on Република.

Директорот на Центарот за управување со кризи (ЦУК) Стојанче Ангелов утрово го посети Секторот 112 во рамки на ЦУК и од дежурниот сменоводител и примателите на итни повици бил запознат со тековната работа, како и со почетните проблеми со коишто се соочува новиот Сектор 112.

ЦУК информира дека во петокот, кога бројот за итни повици 112 беше пуштен во употреба, имало околу 600 повици, вчера околу 430, а во текот на ноќва до 8 часот биле примени 76 повици.

The post За два дена имало над 1.000 јавувања на бројот 112 за итни повици appeared first on Република.

Европскиот број за итни случаи 112, од денеска се пушта во употреба и за македонските граѓани, кои во итен случај, со вртење на бројот 112, во најкраток можен рок ќе ги добијат услугите на полицијата, итната медицинска помош или противпожарната бригада, од каде било во државата.

Директорот на ЦУК, Стојанче Ангелов денеска на прес конференција истакна дека граѓаните ќе можат да го користат овој број за итни случаи наместо досегашните броеви за брза помош, пожарна, полиција.

The post Пуштен во употреба европскиот број за итни случаи 112 appeared first on Република.

Европскиот број за итни случаи 112, од денеска се пушта во употреба и за македонските граѓани, кои во итен случај, со вртење на бројот 112, во најкраток можен рок ќе ги добијат услугите на полицијата, итната медицинска помош или противпожарната бригада, од каде било во државата.

Итниот број 112 е предвиден како додаток на постоечките броеви за итни случаи и како едношалтерски сервис за сите потреби на граѓаните .

Воспоставувањето на целиот систем на бројот 112 за итни случаи беше поддржано од Европската Унија со 2,3 милиони евра, вклучувајќи хардвер, софтвер, како и стручна помош. Директен корисник е Центарот за управување со кризи.

На настанот ќе се обратат премиерот Димитар Ковачевски, евроамбасадорот Дејвид Гир, директорот на Центарот за управување со кризи (ЦУК) Стојанче Ангелов, а преку видео порака и потпретседателот на бордот на „EENA“, Младен Вратоњиќ.

Воедно ќе бидат презентирани и резултатите на проектот постигнати за времетраењето на неговото спроведување во Центарот за управување со кризи.

The post Oд денеска на 112 можете да ја повикате полицијата, итната помош и пожарна appeared first on Република.

Владата ја донесе Уредбата за организацијата и функционирањето на единствениот комуникациско-информативен систем со единствен број на повикување во случај на ризици, опасности и други несреќи на целата територија на државата - Е-112.

Е-112 има за цел да обезбеди континуитет на управувањето со итни повици, како унапредување на мерките и апликациите за навремено определување на локацијата со цел брза и навремена реакција на сите служби опфатени во системот за справување со кризи.

Е-112 исто така обезбедува брзина и ефикасност во постапувањето при итни повици за итни случаи за помош и се овозможува достапност до системот на сите лица на територијата на Република Македонија, без надоместок од сите телефонски мобилни или фиксни оператори.

The post Ќе се активира бројот за итни повици 112 appeared first on Република.

Директорот на Центарот за управување со кризи (ЦУК), Стојанче Ангелов, денеска имаше работна посета за увид во тековната етапа за обука на дел од вработените од ЦУК, како и од други институци од Системот за управување со кризи, коишто ќе работат како приматели на итни повици на E112 и што ќе бидат вклучени во тој процес на работа, соопшти ЦУК.

Од Центарот додадоа дека обуката за работа на Единствениот европски број за итни повици 112 ја спроведува италијанската фирма „БЕТА 80“ во соработка со домашната компанија „ИЦС Консалтинг“

The post Како на филмови: Итни повици ќе вртиме на 112 appeared first on Република.