The post Италија ја одбрани титулата во Дејвис Купот appeared first on Република.

Во Италија од 1 јануари до 18 ноември годинава се убиени 99 жени, се наведува во извештајот на Институтот за економски и социјални истражувања „Еурес“.

Во извештајот се наведува дека повеќе од една третина од овие жени, 37 отсто, имале над 65 години и дека во повеќето случаи тие биле убиени од брачниот другар или некое од нивните деца, пренесе италијанската новинска агенција АНСА.

Според извештајот, бројот на странски жртви на фемицид во Италија се зголемил од 17 минатата година на 24, што е речиси четвртина од вкупниот број (24,2 отсто).

Бројот на сторители на фемицид кои не се Италијанци се намали од 23 на 16, што е намалување за 30,4 отсто, соопшти агенцијата.

The post Во Италија од почетокот на годинава убиени се 99 жени, повеќе од една третина од нив постари од 65 години appeared first on Република.

Авион на италијанското воено воздухопловство полета со повеќе од 15 тони хуманитарна помош што треба да биде доставена до населението на Појасот Газа, соопштени италијанското Министерството за одбрана.

Помошта во авионот „Ц-130J Супер Херкулес“, кој полета од централниот италијански град Пиза, беше собрана од добротворната група „Confederazione Nazionale delle Misericordie d'Italia“, се вели во соопштението.

Италија прави и ќе продолжи да прави се што е можно за да ги ублажи страдањата на цивилното население во Газа, рече министерот за одбрана Гидо Крозето.

Тој додаде дека Италија не ги заборава страдањата и е посветена на деескалација на конфликтот.

Авионот ќе слета на аеродромот Ларнака на Кипар, по што сите материјали што ги носи ќе бидат префрлени во Газа.

Претходно оваа година, Италија покрена водечка иницијатива наречена „Храна за Газа“ за да му помогне на тамошното цивилно население и испрати неколку пратки со помош на погодените од војната што ја пустоши палестинската енклава.

The post Италија испрати над 15 тони хуманитарна помош во Појасот Газа appeared first on Република.

Израелскиот Мосад наводно е вмешан во шпионски скандал против италијанската премиерка Џорџа Мелони и високи функционери, објави весникот „Једиот Ахронот“.

Извештајот тврди дека Мосад соработувал со приватна истражна фирма со седиште во Милано, во која работеле поранешни членови на безбедносните служби, кои наводно ги украле личните податоци на политичари и јавни личности за потенцијална изнуда.

Биле извршени четири апсења, а десетици се под истрага. Сајбер експертите сугерираат дека серверите на италијанското Министерство за внатрешни работи можеби биле хакирани.

Италијанските медиуми, скандалот го нарекуваат „заговор на високо ниво“ во кој се вклучени мафијаши и разузнавачи.

Мелони го осуди заговорот како „закана за демократијата“, додека министерот за одбрана Гидо Крозето повика на итна парламентарна истрага за можната компромитираност на државните тајни.

The post Израелски Мосад наводно е вемешан во шпионски скандал против италијанската премиерка appeared first on Република.

Сите мерки што италијанската Влада ги презема во управувањето со миграцијата мора да бидат во согласност со законодавството на ЕУ, изјави портпаролката на Европската комисија Анита Хипер.

Италија воспостави центар за азиланти во Албанија, каде што тие чекаат на исходот од нивните барања за азил. Сепак, веќе на почетокот, спроведувањето на договорот со Албанија се соочи со проблеми, откако суд во Рим нареди враќање на првите 12 мигранти од Албанија, бидејќи нивните земји на потекло, Египет и Бангладеш, не се сметаат за безбедни.

Италијанската влада најави нов закон со листа на безбедни земји кој ќе биде во согласност со правото на ЕУ.

Хипер изјави дека сите мерки што ги преземаат италијанските власти мора да бидат во целосна согласност со правото на ЕУ и додаде дека на ниво на ЕУ не постои листа на безбедни земји и дека земјите членки работат на свои национални листи.

The post ЕУ ја предупредува Италија да го почитува правото на ЕУ во управувањето со миграцијата appeared first on Република.

Италијанската машка ватерполо репрезентација е суспендирана на шест месеци од Одделот за интегритет на водни спортови (AQIU) поради инцидентот во кој беа нападнати судии на Олимписките игри во Париз.

Во четврт-финалето на олимпискиот турнир, Италија загуби од Унгарија по изведувањето пенали, а еден од клучните моменти се случи на крајот на втората четвртина кога судиите го исклучија италијанскиот репрезентативец Франческо Кондеми поради груб прекршок.

Судиската одлука предизвика гневни реакции во италијанскиот табор, како и физички напад врз официјалните лица по завршување на натпреварот.

Италијанскиот селектор Сандро Кампања и дел од играчите вербално и физички ги нападнаа судиите и делегатите на паркингот пред базенот по натпреварот“, соопшти „AQIU“.

Италијанската Федерација е казнета и парично со 100.000 долари.

The post Шестмесечна суспензија за италијанската ватерполо репрезентација поради напад на судии appeared first on Република.

Суд во Рим донел одлука со која се наложува имигрантите кои пред два дена беа префрлени во кампот во Ѓадар, Албанија, да се вратат назад во Италија.

Дванаесетте имигранти донесени во Албанија мора да се вратат во Италија. Вака одлучи Судот во Рим денеска. Според одлуката двете земји од каде доаѓаат тие, Бангладеш и Египет, се сметаат за небезбедни земји и затоа имигрантите мора да останат во Италија, пренесуваат албанските медиуми, повикувајќи се на „Ла Република“.

Се подготвува нивен трансфер од кампот Ѓадр до пристаништето Валона, за да заминат во Италија.

Според медиумите таа одлука на италијанскиот суд ја нагласува важноста на заштитата на човековите права на имигрантите, особено на оние од земји кои се сметаат за небезбедни како Бангладеш и Египет.

Брод „Либра“ на италијанската крајбрежна стража пред два дена вплови во албанското пристаниште Шнѓин со првата група од 16 мигранти, 10 државјани на Бангладеш и шест Египќани кои биле спасени од чамци што пловеле од Либија.

При контролата во Шенѓин било констатирано дека двајца од имигрантите се малолетници, додека други двајца во тешка здравствена состојба и беа вратени назад. Останатите 10 беа сместени во кампот во Ѓадр.

The post Италијански суд донесе одлуката имигранти депортирани во Албанија да бидат вратени во Италија appeared first on Република.

Во Италија денеска почнува 24-часовен штрајк на вработените во железницата, а патниците поради тоа ги чека тежок викенд, јавија италијанските медиуми.

Штрајкот ќе почне вечерва во 21:00 часот по локално време и ќе трае до утре, 13 октомври, до 20:59 часот, јавува порталот Today.it.

Како што соопштија Државните железници на Италија (ФС), штрајкот би можел значително да влијае на нормалното функционирање на железничкиот сообраќај.

Прекинот на работата ќе ја опфати целата држава, а штрајкот го организираше синдикатот Цуб траспорти кој бара рамковен договор за обновување на договорите на вработените во компаниите што превезуваат патници и стока.

Штрајкот може да доведе до значително нарушување на железничкиот сообраќај, како и целосно и делумно откажување на возовите на регионалните линии Фрече, Интерсити и Трениталија, соопшти Националната железница.

Како што се додава, откажувања и одложувања може да се случат и пред почетокот на штрајкот, како и по неговото завршување.

The post Почнува 24-часовен штрајк на италијанските железничари appeared first on Република.

Триесетгодишен Албанец е уапсен под сомнение дека ја убил сопругата (24) пред очите на нивните малолетни деца во семејната куќа во Сан Феличе а Канчело, кај Казерта, Италија.

Убиството се случило утрово околу 5 часот, а полицијата во куќата затекнала грозоморна сцена.

Мртвата жена лежела на подот додека нивните деца, на возраст од четири и шест години, биле покрај неа. Според реконструкцијата на настанот, мажот за време на расправијата збеснал и со голи раце ја задавил жената пред очите на децата.

Причината за расправијата сè уште не е позната, а во тек е полициска истрага.

The post Албанец си ја задавил сопругата пред очите на децата appeared first on Република.

Унгарија и Италија пријавија појава на случаи на вирусот на птичји грип Х5Н1, објави Светската организација за здравје на животните.

Од организацијата прецизираа дека во Унгарија, птичјиот грип се појавил на фарма на истокот од земјата, додека италијанската епидемија се случила на фарма на североисток.

Птичјиот грип е заразна болест на птиците предизвикана од одредени видови на вирусот на грип А.

The post Унгарија и Италија пријавија појава на птичји грип appeared first on Република.

Италијанскиот претседател Серџо Матарела денеска изјави дека мирот не значи потчинување, зборувајќи за напорите за завршување на конфликтот во Украина. Оваа изјава Матарела ја даде за време на заедничката прес-конференција со германскиот колега Франк-Валтер Штајнмајер во Берлин, пренесува италијанската новинска агенција АНСА.

Нашата желба е да се стави крај на неразумните руски дејства во Украина, но мирот не значи потчинување, ниту игнорирање на принципите за зачувување на достоинството на секоја држава и на меѓународното право,потенцираше Матарела.

Штајнмајер најави дека заедно со Матарела в недела ќе присуствуваат на комеморацијата во Марцабото во чест на жртвите на нацистичкото масовно убиство за време на Втората светска војна.

The post Италија и Германија: Заеднички напори за крај на војната во Украина appeared first on Република.

23-годишна девојка почина сред операција во италијанскиот град Черињола. Кога ја чуле тажната вест нејзините роднини со боксови ги нападнале вработените во клиниката.

Педесетина луѓе упаднале во одделението, а дваесетина од нив се судриле со медицинскиот персонал. Хирургот бил удрен со тупаница во лицето и се здобил со рани. Исто така му ја скршиле раката на еден лекар. Другиот персонал успеал да се сокрие и да повика полиција.

Полицајците дошле и веднаш започнале истрага за овој инцидент.

The post Не е само на Балкан: Роднините на почината девојка во Италија ги натепале докторите appeared first on Република.

Македонската репрезентација за фудбалерки до 17 години оваа недела ќе учествува на меѓународен турнир во Италија.

Селекторот Катерина Милеска за турнирот што до 15 септември ќе се одржува во Аквилеја и Градишка д’Исонзо повика 20 фудбалерки.

Покрај домаќинот Италија, македонската селекција за противници ќе ги има Словенија и Албанија.

Турнирот во Италија е во рамки на подготовките на македонската репрезентација до 17 за ноемвриските евроквалификации против Литванија, Андора и Унгарија.

Домаќин на квалификацискиот турнир од 2 до 8 ноември ќе биде Унгарија.

The post У17: Македонските фудбалерки на меѓународен турнир во Италија appeared first on Република.

Италијанската полиција заплени пакувања со кокаин тешки 540 килограми, чија вредност се проценува на повеќе од 100 милиони евра, а пет лица се уапсени, јавува АНСА.

Осомничените биле на рибарски чамец и ја поседувале дрогата, која била спакувана во пакувања наменети за да се спречи навлегување вода и да плови на површина на морето.

Italy: Authorities, including Guardia di Finanza, seized 540 kg of cocaine from a fishing boat in open sea near Catania. The entire crew, consisting of Italians and a Serbian citizen was arrested. pic.twitter.com/y0qjVDslXg

— Crime Intel (@WorldCrimeIntel) September 6, 2024

The post Во Италија запленети кокаин вреден 100 милиони евра, уапсени пет лица appeared first on Република.

Силно невреме ја зафати Западна Италија, а како што јавуваат медиумите најлошо било во регионите Пиемонт и Лигурија каде се забележани поплави кои уништија мостови.

Во Пиемонт реки се излеаја на улиците на Торино, а реката Херардо урна мост во селото Џордани, поради што неколку околни села беа отсечени од светот, јавува државната агенција Анса.

Силен дожд со кратки, но силни налети на ветер го погоди и јадранското пристаниште Бари, предизвикувајќи поплави и прекин на патниот сообраќај. Во Венеција, пак, плимата повторно предизвика проблеми. Плоштадот Свети Марко е под вода, па се огласија сирените.

Дополнително, граѓаните добија и СМС пораки со предупредување за опасностите од поплави.

Ветровите со брзина од над 100 км/ч во Џенова и силниот дожд во западна Лигурија предизвикаа паѓање на дрвја, билборди и летниковци. Многу области се поплавени, а нивото на реките се зголемува и во Ломбардија.

Orange weather alert as the Seveso river overflowed earlier today in Milan

📌 Lombardy | Italy 🇮🇹 #flooding #floods #Milan #Italy #Sevesopic.twitter.com/4QpG12RxbE

— DISASTER TRACKER (@DisasterTrackHQ) September 5, 2024

The post Големо невреме во Италија, се излеаја реки, се урна мост appeared first on Република.

Во моментов во Италија има 24 жаришта на свински грип и оваа сложена ситуација бара крајна внимателност, изјави денеска комесарот за африканска свинска чума, Џовани Филипини.

-Во моментов имаме 18 жаришта во Ломбардија, пет во Пиемонт и едно во Емилија-Ромања. Мораме да бидеме внимателни. Ситуацијата е сложена, но да се нарече драматично би било претерување. Тоа е ситуација поврзана со бран на епидемија, изјави комесарот Филипини за АНСА.

Филипни додаде дека „е јасно дека постои голема загриженост кај земјоделските здруженија“.

The post Во Италија има 24 жаришта на свински грип appeared first on Република.

Министерот за одбрана Владо Мисајловски денеска потврди дека ќе продолжи да се спроведува Договорот за набавката на осум хеликопетри од италијанскиот производител Леонардо, склучен на ниво на држава со држава од поранешната Влада и ја повика Антикорупциската комисија да се произнесе поскоро за поднесената претставка по однос набавката.

Денеска официјално ќе имаме управна група каде што ќе има две точки за разгледување – новиот буџет за наредната година каде треба да ги испланираме сите средства и исто така да ги видиме програмските цели за наредната година. Тука се сите оние цели што НАТО ги задава како нашата обврска, но и да ги разгледаме сите потребни наши чекори како да обезбедивме средства за дополнителни финансии. Имаме потпишан договор кој чини навистина премногу со Леонардо за пристигнување осум хеликоптери. Вчера имавме состанок со амбасадорот и со новото аташе и со старото кое замина. Разговаравме за повеќе работи. Сега треба да се формираат дополнителни тимови каде што ќе започне оваа постапка за да се почитува договорот, рече Мисајловски на новинарско прашање останува ли договореното хеликоптерите Леонардо да почнат да пристигнуваат во 2026 година.

Иако имаше и една претставка од ДКСК за овој предмет, рече дека се уште немаат добиени информации.

Ја користам оваа прилика да повикам да се разгледа повторно таа преставка и да стигне до нас, бидејќи сакаме да знаеме што се случувало во минатото. Но она што е склучено по договор ние мора да продолжиме да го работиме, а тоа е една огромна набавка од преку 300 милиони евра за нови осум хеликопетри. Се очекува првиот во 2026 година, а низ годините да пристигнат останатите хеликопетри, рече Мисајловски.

Тој нагласи дека Министерството за одбрана ќе информира за сите детали околу реализацијата на оваа набавка.

Мене ми е навистина жал што во овој момент ги немаме хеликоптерите бидејќи знаете што се случува во Македонија, и навистина ни се потребни, но така одат овие набавки склучени држава со држава. И за се она што ќе се случува транспарентно максимално ќе биде објавено, за нивното пристигнување. Тие ќе имаат дополнителна инсталација за потреба во случај на пожари, рече Мисајловски по примопредавањето на опрема од Република Турција за Армијата во касарната „Илинден“.

Договори држава со држава земјата, посочи, има склучено и со Франција и со САД за страјкерите, и се она што е веќе потпишано ќе се реализира и ќе се исплаќа.

Тоа се огромни средства за МО, но ние ќе правиме се од себе за да се зголемува буџетот, оваа година ќе програмираме да биде над 2,15 проценти согласно БДП. Денеска еве го имаме тој состанок, програмираме над 2,30 проценти да биде буџетот зголемен. Да видиме што ќе се случува, а последниот збор ќе го има Министерството за финансии, изјави Мисајловски, по примопредавањето на донација во опрема од Турција за нашата Армија.

Договорот за набавка на нови осум транспортни хеликоптери од типот AW149 и AW169M за потребите на Армијата, вреден 249,5 милиони евра, во име на владите на двете земји беше потпишан во март, годинава, од страна на министрите за одбрана Славјанка Петровска и Гуидо Кросето. Со потпишувањето на овој договор покрај набавката на осум хеликоптери кои треба да бидат испорачани во периодот од 2026 година до крајот на 2028 година, вклучен е и пакет за логистичка поддршка односно опрема, резервни делови, тренажер, комплетна обука на летечкиот и техничкиот персонал и изградба на модерен инфраструктурен објект.

The post Мисајловски: Ќе продолжи да се спроведува набавката на хеликоптерите од Италија appeared first on Република.

Во екот на главната туристичка сезона, концесионерите кои управуваат со најголемиот дел од вкупно 7.200 плажи во Италија првпат штрајкуваа, првично само во утринските часови два и пол часа.

Италијанските влади во последните години континуирано го одложуваат спроведувањето на директивата на ЕУ, која требаше да се имплементира уште во 2006 година, а со која се предвидува дека државните концесии за плажите мора редовно да се објавуваат на јавни тендери бидејќи тоа е јавно добро.

Сепак, според сите сметки, владата на десничарскиот премиер Џорџа Мелони има намера да ги примени овие принципи на ЕУ, пренесува Дојче Веле.

Италијанскиот брег законски и припаѓа на државата – односно на сите, но повеќе од половина од плажите се доделени на приватни концесионери, често без јавен конкурс и по неверојатно ниски цени, што некои го нарекуваат непотизам, а други мафијашки бизнис.

Доколку владата на десничарскиот премиер на Италија Џорџа Мелони не преземе конкретни мерки, плажите би можеле да бидат затворени половина ден веќе во средината на август, па дури и цел ден на крајот на месецот.

The post Во ек на летната сезона: Се затвораат плажи во Италија поради штрајк appeared first on Република.

Најмалку три лица се повредени денеска, од кои едно потешко, кога гром удри на плажа на италијанскиот јадрански брег, јавуваат медиумите.

Италијанските медиуми јавуваат дека околу пладне гром ја погоди плажата кај Алба Адријатика, во регионот Абруцо, додавајќи дека бројот на повредени може да достигне до седум.

Според италијанската агенција АНСА, повредените со хеликоптер биле пренесени во блиската болница.

Цивилната заштита денеска предупреди на нестабилни временски услови во централниот дел на Италија, со можна појава на невреме и често „празнење на атмосферскиот електричен набој“

The post Гром удри на плажа во Италија, повредени најмалку три лица appeared first on Република.

Порталот „Бетвеј казино“ го открива најскапото место за изнајмување лежалки. Се работи за клубот „Ариенцо бич“ во Италија, каде што ова задоволство може да чини и до 350 евра на ден.

Анализата опфаќа над 130 популарни барови на плажа и над 60 јавни плажи ширум светот. Така, „Ариенцо бич“ се наоѓа на брегот на градот Амалфи, јужна Италија, а до него се доаѓа само со брод. На цената, се верува, влијае и туристичкото место Позитано. На топ-листата, Позитано, со островите Ли Гали во близина, го има и одморалиштето „Ла Скољера“, коешто е на второто место... Изнајмување лежалка тука чини 250 евра дневно.

На место бр. 3 е барот на плажата „Алила мареа бич“ во Калифорнија, САД, каде што лежалка чини 230 долари на ден. Амалфи го зафати и четвртото место со „Уан фајр“ - 200 евра дневно, а петти - со цена од 190 евра, е Пловечкиот бар на плажа „Јона“ во Тајланд.

Од друга страна, пак, најприфатливи, т.е. најевтини барови на плажа за изнајмување лежалки може да се најдат во Турција. Во клубовите „Ксума бич“ и „Додо бич“, на пр., се плаќаат 1,43 евра дневно за користење лежалка. Тука некаде е повторно Тајланд - со клубот „Парадајз бич“ каде што лежалка чини пет евра за еднодневно користење.

The post Лежалките се најевтини во Турција, во Италија чинат колку цел одмор appeared first on Република.