Долниот дом на чешкиот Парламент вчера го отфрли барањето за легализирање на истополовите бракови, јави ДПА.

Истополовите двојки во земјата со 10,5 милиони жители можеа да регистрираат граѓанско партнерство од 2006 година. Сепак, паровите не можат заеднички да посвојуваат деца, да поседуваат заеднички имот или да добиваат пензии за вдовци или вдовици.

Пратениците вчера се согласија да дозволат заедничко посвојување само доколку еден од партнерите е биолошки родител.

Групата „Ние сме фер“ („Jsme Fer“), која води кампања за истополови бракови, на „Х“ напиша дека тоа е „тажен ден за правдата и еднаквоста во земјата“.

Во истражувањето на 834 учесници, спроведено од Институтот за истражување ЦВВМ минатата година, 58 отсто од испитаниците биле за воведување брак за сите, 38 отсто биле против, а четири отсто биле неопределени.

Во Европската унија, многу земји-членки сега дозволуваат истополови бракови. Претходно во февруари, грчкиот Парламент со големо мнозинство го одобри граѓанскиот брак за истополовите парови, со што стана првата мнозинска христијанска православна земја што го направи тоа.

The post Чешкa нe дозволи легализација на истополовите бракови appeared first on Република.

Лидерот на СИРИЗА Стефанос Каселакис заедно со неговиот сопруг, доцна синоќа во ЛГБТ+ клуб во Атина го прослави изгласувањето на законот за истополовите бракови во Грција и на присутните им порача да бидат горди на себе, јави дописничката на МИА од Атина.

Каселакис, кој во октомври минатата година стапи во цивилен брак во САД со неговиот партнер Тејлор Макбет, преку социјалните мрежи соопшти дека ќе присуствува на најавената забава за легализацијата на истополовите бракови, коментирајќи дека тоа „не е мислење, тоа е нашиот живот“, додека пак во текот на вечерта им се обрати на присутните.

Браво за вас, браво за нас што сме на вистинскиот пат. Продолжуваме натаму, современо општество, современа Грција. Бидете горди на себе, порача Каселакис.

Претходно при пристигнувањето во клубот изјави дека без поддршката од СИРИЗА, законот немаше да биде изгласан.

Грчкиот Парламент кусо пред полноќ со 176 гласа „за“ од пратениците на владејачката Нова демократија и опозициските СИРИЗА, ПАСОК, Нова левица и Курс на слобода гоизгласан законот, со што Грција стана 16-та земја во ЕУ, 37-ма во светот, но и прва православна земја што ги легализира истополовите бракови.

Од вкупно 300 пратеници колку што брои Парламентот, отсутни беа 46, односно гласаа 254, од кои 76 беа „против“, двајца „воздржани“, а останатите го поддржаа законот.

Меѓу оние кои беа отсутни или против имаше пратеници од Нова демократија, СИРИЗА и ПАСОК, кои решија да отстапат од партиската линија.

Од Нова демократија, гласале „за“ 107 од 158 пратеници, односно една третина од пратеничката група не го поддржа законот.

Веднаш по соопштувањето на резултатите, грчкиот премиер Кирјакос Мицотакис преку Х истакна дека „Грција е горда што стана 16-та земја од ЕУ која ја легализираше брачната еднаквост“ но и дека ја отсликува денешната Грција: „прогресивна и демократска земја, посветена на европските вредности“.

The post Каселакис во ЛГБТ клуб прослави што Грција стана прва православна земја која ги легализираше истополовите бракови appeared first on Република.

Грција стана првата земја со мнозинство православни христијани што ги легализираше истополовите бракови, пишува Асошиејтед прес. Истополовите парови ќе можат да посвојуваат и деца.

Грчкиот премиер Киријакос Мицотакис рече дека новиот закон „храбро ќе стави крај на сериозната нееднаквост“. Законот, сепак, жестоко ја подели земјата.

„Луѓето кои беа невидливи конечно ќе бидат видливи околу нас, а со нив многу деца конечно ќе го најдат своето вистинско место. Реформата го прави животот подобар за неколку наши сограѓани, без да им одземе ништо од животите на многумина“ , рече Мицотакис.

The post Грција ги легализираше истополовите бракови appeared first on Република.

А зошто да не распишеме референдум за народот директно да каже?, се запраша поглаварот на Грчката православна црква, архиепископот Јеронимос во однос на истополовите бракови во Грција, потенцирајќи дека тоа не е негов предлог, по што следеше одговор од владиниот портпарол Павлос Маринакис кој порача дека „прашањата поврзани со правата не се решаваат со референдуми“, јави дописничката на МИА од Атина.

Поглаварот на ГПЦ објасни дека неговиот предлог е „логично и правилно да одлучиме какво семејство сакаме во иднина“, потсети дека во вторник Светиот Синод ќе одржи вонреден состанок за конкретното прашање и како што рече, тогаш официјално ќе се слушне ставот на црквата.

Грчкиот премиер Кирјакос Мицотакис, утрово, во интервју за „Блумберг“ најави забрзување на процедурите за предлог-законот за истополовите бракови, откривајќи дека следната седмица ќе биде презентиран на владина седница, потоа ќе биде ставен на јавна консултација, по што ќе биде доставен во Парламентот.

-Многу сум оптимист дека во првите две седмици од февруари ќе биде изгласан закон, рече Мицотакис.

The post Јеронимос предлага референдум за истополовите бракови во Грција, владата ја отфрла таквата можност appeared first on Република.

Предлог-закон со 16 посебни членови достави во грчкиот Парламент пратеничката група на СИРИЗА за „отстранување на половата дискриминација во семејното право, обезбедување на правото на брак за сите лица“, додека пак Владата се очекува утре да ги објасни своите позиции за истополовите бракови, јави дописничката на МИА од Атина.

Во објаснувањето на предлог-законот на опозициската партија се наведува дека правата на ЛГБТ+ заедницата се човекови права, согласно резолуцијата на Европскиот парламент, а „ако бракот се земе предвид како индивидуално право, тогаш со родовите ограничувања на ЛГБТ+ луѓето, тие не можат да го уживаат ова право“.

Браковите меѓу истополовите двојки веќе се признати во 14 земји-членки на Европската унија и во 18 земји-членки на Советот на Европа, објаснуваат од СИРИЗА.

Доставувањето на предлог-законот го најави лидерот на СИРИЗА Стефанос Каселакис минатата седмица, кога од грчкиот премиер побара да се изјасни дали поддржува брачна еднаквост.

Господине Мицотакис, правите да се чувствуваме како граѓани од втор ред. Кога еден човек е жеден за еднаквост и инклузија, не му велиш „чекај да објаснам“, како што изјавивте вчера. Нема што да му се „објасни“ на народот во врска со бракот за сите. Исто како што немаше што да им објаснат на општества лидерите кои во нивното време го укинаа ропството, ги воведоа правото на глас на жените, родовата еднаквост, граѓанскиот брак, граѓанското партнерство. Општествата никогаш не се подготвени, ако нивните лидери не се подготвени. Вие не можете, можеме ние. Вие се плашите, ние не, напиша на социјалните мрежи лидерот на СИРИЗА во петокот.

Портпаролот на грчката Влада, Павлос Маринакис, на вчерашниот брифинг со новинарите објасни дека премиерот Кирјакос Мицотакис, в среда, во интервју за државната телевизија ЕРТ ќе излезе со повеќе информации за конкретната легислатива, односно за тоа кој е владиниот план, како ќе започне оваа дискусија итн.

The post Се чувствуваме како граѓани од втор ред: СИРИЗА достави предлог-закон за истополовите бракови appeared first on Република.

Предлог-закон со 16 посебни членови достави во грчкиот Парламент пратеничката група на СИРИЗА за „отстранување на половата дискриминација во семејното право, обезбедување на правото на брак за сите лица“, додека пак Владата се очекува утре да ги објасни своите позиции за истополовите бракови, јави дописничката на МИА од Атина.

Во објаснувањето на предлог-законот на опозициската партија се наведува дека правата на ЛГБТ+ заедницата се човекови права, согласно резолуцијата на Европскиот парламент, а „ако бракот се земе предвид како индивидуално право, тогаш со родовите ограничувања на ЛГБТ+ луѓето, тие не можат да го уживаат ова право“.

Браковите меѓу истополовите двојки веќе се признати во 14 земји-членки на Европската унија и во 18 земји-членки на Советот на Европа, објаснуваат од СИРИЗА.

Доставувањето на предлог-законот го најави лидерот на СИРИЗА Стефанос Каселакис минатата седмица, кога од грчкиот премиер побара да се изјасни дали поддржува брачна еднаквост.

Господине Мицотакис, правите да се чувствуваме како граѓани од втор ред. Кога еден човек е жеден за еднаквост и инклузија, не му велиш „чекај да објаснам“, како што изјавивте вчера. Нема што да му се „објасни“ на народот во врска со бракот за сите. Исто како што немаше што да им објаснат на општества лидерите кои во нивното време го укинаа ропството, ги воведоа правото на глас на жените, родовата еднаквост, граѓанскиот брак, граѓанското партнерство. Општествата никогаш не се подготвени, ако нивните лидери не се подготвени. Вие не можете, можеме ние. Вие се плашите, ние не, напиша на социјалните мрежи лидерот на СИРИЗА во петокот.

Портпаролот на грчката Влада, Павлос Маринакис, на вчерашниот брифинг со новинарите објасни дека премиерот Кирјакос Мицотакис, в среда, во интервју за државната телевизија ЕРТ ќе излезе со повеќе информации за конкретната легислатива, односно за тоа кој е владиниот план, како ќе започне оваа дискусија итн.

The post СИРИЗА поднесе предлог-закон за легализација на истополовите бракови во Грција appeared first on Република.

Лидерот на СИРИЗА Стефанос Каселакис побарал од претседателот на пратеничка група Сократис Фамелос, штом се отвори Парламентот, одново да биде доставен нивниот предлог-закон за истополовите бракови, јави дописничката на МИА од Атина.

Каселакис на социјалните мрежи утрово објави дека од Фамелос побарал доставување на законот, бидејќи како што напиша, „по вчерашната одлука на премиерот да го одложи неговиот предлог-закон“, ова е неговата единствена опција.

Грчкиот премиер Кирјакос Мицотакис, синоќа, по заклетвата на новите министри, во разговор со новинарите за тоа кога ќе биде доставен законот за еднополовите бракови рекол дека прво треба да објаснат што планираат, а потоа ќе говорат за временски рок.

По ова, Каселакис најави доставување на нивниот закон и паралелно побара од Мицотакис да се изјасни дали поддржува брачна еднаквост.

Господине Мицотакис, правите да се чувствуваме како граѓани од втор ред. Кога еден човек е жеден за еднаквост и инклузија, не му велиш „чекај да објаснам“, како што изјавивте вчера. Нема што да му се „објасни“ на народот во врска со бракот за сите. Исто како што немаше што да им објаснат на општества лидерите кои во нивното време го укинаа ропството, ги воведоа правото на глас на жените, родовата еднаквост, граѓанскиот брак, граѓанското партнерство. Општествата никогаш не се подготвени, ако нивните лидери не се подготвени. Вие не можете, можеме ние. Вие се плашите, ние не, напиша на социјалните мрежи лидерот на СИРИЗА.

The post СИРИЗА ќе достави предлог-закон за истополовите бракови appeared first on Република.

Поглаварот на Македонската Православна Црква - Охридска Архиепископија г.г. Стефан денеска во обраќањето по повод големиот христијански празник во манастирот „Успение на Пресвета Богородица“ на Матка рече дека сите оние кои се загрижени за третманот и правата на жената, се непознавачи на нејзиното вистинско место во христијанството.

До каде ќе стигне светот со истополовите бракови и со хуруршката промена на полови? Вистинско време е самопрогласените борци за правата на жените да се запрашаат како ќе се раѓаат и воспитуваат идните поколенија? Пресвета Богородица била и останува да биде идеал за мајка. И со покажаната љубов и со трпението и со подготвеноста за страдање и подготвеноста за саможртва, рече г.г. Стефан.

Големиот христијански празник Успение на Пресвета Богородица денеска се одбележува во сите православни храмови низ државата.

Во истоимениот манастир во Матка традиционално се одржува крводарителска акција.

The post Г.г Стефан: Вистинско време е самопрогласените борци за правата на жените да се запрашаат како ќе се раѓаат и воспитуваат идните поколенија appeared first on Република.

Официјализирање на бракот за сите парови, без разлика на полот и правото да имаат деца, доколку СИРИЗА дојде на власт, најави лидерот на партијата Алексис Ципрас во неговата видео порака за време на настанот организиран од ЛГБТ+ групата во партијата, јави дописничката на МИА од Атина.

Ципрас рече дека за актуелниот грчки премиер „иако се декларира како либерален, сè уште не е дојдено времето за клучните прашања и клучните барања на ЛГБТ движењето“ и упати уверување дека со СИРИЗА на власт ова ќе се промени.

Победата на СИРИЗА- Прогресивна алијанса на изборите на 21 мај ќе го отвори патот за прогресивно владеење. А прогресивната влада предводена од СИРИЗА- Прогресивна алијанса ќе го институционализира бракот за сите парови, без разлика на полот со целосни права, вклучително и правото на потомство, рече Ципрас.

Потсети дека за време на Владата на СИРИЗА, во Парламентот беше донесен закон за граѓанско партнерство за истополовите парови.

The post Ципрас им вети на Грците истополови бракови и посвојување деца appeared first on Република.

Американскиот претседател Џо Бајден синоќа во Белата куќа, пред голем број гости, го потпиша законот за заштита на истополовите бракови на целата територија на САД.

Потпишувајќи го документот, американскиот претседател го изрази своето задоволство од „одлучниот напредок кон еднаквост, слобода и правда, не само за некои, туку и за сите“.

Ова е посебен момент за американскиот претседател, кој пред десет години, кога беше потпретседател на Барак Обама, јавно се залагаше за брак за сите.

Бајден покани во градината на Белата куќа „група парламентарни претставници“ од редовите на демократите и републиканците, како и „активистите и луѓе кои водеа правни постапки за правото на секој да се венча“. Меѓу гостите имаше музички и филмски ѕвезди.

Од 2015 година, истополовите заедници се заштитени од Врховниот суд на САД. Но, по историскиот пресврт на тој суд за абортусот во јуни, многу либерали стравуваат дека и ова право може да биде укинато.

Новиот закон ги укинува претходните закони кои го дефинираа бракот како заедница на маж и жена и им забранува на матичарите – без оглед на тоа во која сојузна држава работат – да ги дискриминираат двојките „врз основа на пол, раса, етничка припадност и потекло“.

Сите демократски претставници и 39 републикански претставници гласаа за новиот закон (Закон за почитување на бракот), а против беа 169 членови на конзервативната партија.

The post Бајден го потпиша законот за заштита на истополовите бракови appeared first on Република.

Словенечкиот парламент на денешната седница го усвои амандманот со кој се дозволуваат истополови бракови и усвојување деца во истите, по одлуката на Уставниот суд.

Словенија е првата земја во Источна Европа која усвои ваков закон, додека мнозинството земји во регионот не дозволуваат граѓански истополови заедници и бракови.

Во соседна Унгарија зборувањето за хомосексуалност пред малолетници од претходната година дури и парично се казнува.

The post Словенечкиот парламент ги дозволи браковите на истополовите двојки и усвојувањето деца од нив appeared first on Република.

Кубанците денеска на референдум ќе одлучат дали сакаат истополови бракови и сурогат мајчинство.

Повеќе од осум милини Кубанци, постари од 16 години, имаат право на глас. Кубанците првпат со гласање ќе донесат одлука за некој закон.

Со Законот за семејство треба да биде сменет Законот од 1975 година, кој го дефинира бракот како заедница помеѓу маж и жена. Додека Законот за семејство дозволува истополови бракови и сурогат мајчинство (под услов да не се плаќа), но им дозволува и на истополовите парови да посвојуваат деца и им се даваат родителски права на небиолошките родители.

Владата на Куба сакаше да го смени Уставот во 2019 година, но го повлече предлогот поради силниот отпор на црквата и конзервативците.

Кубанската Католичка црква тврди и дека „детето има право на татко и мајка“.

The post Кубанците денеска одлучуваат дали се за истополови бракови appeared first on Република.

Украинскиот претседател Володимир Зеленски синоќа побара од Владата да го анализира прашањето за легализација на истополовите бракови, но нагласи дека таква одлука не може да се донесе додека трае војната што ја започна Русија.

Киев ја зајакна поддршката за правата на ЛГБТК+ заедницата откако прозападните лидери дојдоа на власт во 2014 година. Парламентот во 2015 година донесе Закон за забрана на дискриминација на работното место, но не и за легализација на истополовите бракови.

Побарав од премиерот (Денис) Шмихал да го реши прашањето покренато во електронската петиција и да ме информира за релевантните одлуки, соопшти Зеленски како одговор на иницираната петиција.

Во современиот свет, рече Зеленски, земјата ги покажува своите демократски вредности со тоа што на сите им гарантира исти права.

Сепак, тој истакна дека украинскиот Устав го дефинира бракот како заедница на маж и жена и нагласи дека тоа не може да се промени во воено време.

Според истражувањето спроведено минатата година 47 отсто од Украинците имаат негативно мислење за ЛГБТК+ заедницата.

The post Зеленски бара легализација на истополовите бракови appeared first on Република.

Уставниот суд на Словенија ги оцени за неуставни законските одредби според кои само лица од различен пол можат да имаат деца, што, како што велат, претставува дискриминација на истополовите заедници. Според објавената пресуда на Уставниот суд, законодавецот доби рок од шест месеци да ја отстрани таа неуставност, односно да ги измени законските одредби поврзани со оваа тема.

Според оваа одлука, брачна заедница се смета за животна заедница на две лица без разлика на полот, а истополовите партнери кои живеат во партнерство можат да посвојуваат деца под исти услови како и брачните парови од различен пол.

Беше најавено дека тоа не значи дека истополовите партнери ќе имаат „апсолутно право“ да посвојуваат дете во иднина, туку дека ќе им биде дозволено да бидат вклучени во листата на кандидати за посвојување, а изборот на најпогодни кандидати ќе продолжат да прават надлежните центри за социјална работа, пренесе Хина.

The post Словенија дозволи истополовите партнери да посвојуваат деца appeared first on Република.

Чешкиот претседател Милош Земан денеска изјави дека е подготвен да стави вето на предложениот закон со кој на истополовите парови во државата ќе им се даде право за граѓански венчавки, доколку парламентот го одобри.

Предлог-законот подготвен од пратеници од целиот политички спектар денеска беше доставен до Долниот дом на чешкиот парламент, но не е одреден датум за почеток на неговата расправа.

– Би сакал да објавам дека ќе ставам вето, доколку навистина добијам за потпис таков закон, рече Земан по средбата со унгарската колешка Каталин Новак.

Земан нагласи дека Чешка веќе дозволува граѓански заедници за истополови парови, но дека „семејството е заедница само на маж и жена“.

The post Претседателот на Чешка не дозволува да помине Законот за истополови бракови- стави вето appeared first on Република.