Попладнево избил пожар во близина на трговскиот центар „Ист гејт“ во Скопје, информираат од Центарот за управување со кризи.

Според првичните информации, гори ѓубриште зад трговскиот центар, при што се забележува чад.

Екипите на Противпожарната бригада се на терен.

Дополнителни информации се очекуваат наскоро.

The post Клетвата не стивнува – пожар кај „Ист гејт“ appeared first on Република.

Две противпожарни возила со шест пожарникари сѐ уште го гасат пожарот што утринава изби во напуштена куќа зад хотелот „Вип“, во близина на трговскиот центар „Ист гејт“, информира командирот на Противпожарна бригада на град Скопје Звонко Томески.

Пријавата била добиена околу 8 часот, а пожарот, како што изјави Томески за МИА, се проширил на покривната конструкција. Засега нема информации за повредени лица.

Ова е напуштена куќа во која ние неколку пати досега сме гаселе пожари. Најверојатно во неа престојуваат бездомни лица кои користат хартија за затоплување поради што дошло до опожарувањето – рече Томески.

The post Изби пожар во напуштена куќа во близина на „Ист гејт“ appeared first on Република.

Пожар кај Вип Хотел близу трговскиот центар Ист Гејт, објави утрово Сител.

На видоето кое што е објавено од телевизијата може да се види дека веќе интервенираат екипи на противпожарната служба.

Не се познати деталите како настанал пожарот.

The post Пожар кај „Вип Хотел“, во близина на Ист Гејт appeared first on Република.

Трговскиот центар „Ист гејт“ денеска продолжи со работа од 13:00 часот. Делот за брза храна ќе биде затворен за посетители и деловна дејност, информираа во соопштение од трговскиот центар, по пожарот што избувна утрото на најгорниот кат, во делот на рестораните каде се подготвува храна.

Во пожарот нема повредени и е причинета материјална штета. Веќе е завршен увидот за причините од страна на надлежните органи.

Трговскиот центар ќе продолжи со редовно работно време, до 22:00 часот.

Како што информираа од Територијална противпожарна бригада на Град Скопје за МИА, во гаснењето на пожарот е интервенирано со 15 пожарникари и пет возила.

The post Делот за брза храна во „Ист гејт“ засега ќе остане затворен за посетители appeared first on Република.

Пожар избувнал утрово во трговскиот центар Ист Гејт во Скопје на најгорниот кат, во делот на рестораните каде се подготвува храна, а противпожарните екипи се уште се на терен. Нема повредени, само има материјална штета.

Се запалил вентилациски канал кој ја спроведува пареата. Пожараникарите се уште интервенираат. На терен се 15 пожарникари со пет противпожарни возила, изјави за МИА командантот на Територијалната противпожарна единица на Град Скопје Звонко Томески.

Пожарникарите добиле дојава од вработените во трговскиот.

На посетителите се уште не им е дозволен влез.

The post Во „Ист гејт“ горел вентилациски канал appeared first on Република.

Алармот за пожар утрово ги вознемири вработените и посетителите во трговскиот центар „Ист гејт“ во Скопје.

Според неофицијалните информации на „Плусинфо“, пожарот избувнал во еден од рестораните во објектот и наводно се запалила вентилацијата.

Во моментов интервенира екипи на скопската противпожарна бригада по што ќе се знаат повеќе детали.

Видео тука

The post Проколнат ли е? Сега пожар во „Ист гејт“ appeared first on Република.

Пожар утрово избувнал во трговскиот центар Ист Гејт.

Според неофицијални информации се запалила вентилација во еден од рестораните.На терен биле испратени три противпожарни возила кои веднаш интервенирале.

Се очекуваат повеќе детали во текот на денот.

The post Пожар избувна во Ист Гејт appeared first on Република.

Жена е повредена во сообраќајката што се случи синоќа кај „Ист гејт“. Како што соопшти МВР, на булеварот „Гоце Делчев“ пред крстосница од ул. „Беласица“ се случила сообраќајна незгода помеѓу патничко моторно возило „ауди а3“ со скопски регистарски ознаки управувано од И.М.(48) од Скопје и патничко моторно возило „дачија сандеро“ со италијански национални ознаки управувано од Е.Л.(39) од Р. Италија.

Во незгодата со телесни повреди се здобила сопатничка од возилото „дачија сандеро“ П.Д.(66) од Р. Италија констатирани во Градската општа болница „Св.Наум Охридски“, велат од МВР.

Извршен е увид.

The post Жена е повредена во сообраќајката кај „Ист гејт“ appeared first on Република.

Поради промена на затворач ф-600 мм на крстосницата булевар „Александар Македонски“ со „16-та Македонска Бригада“ утре, недела, прекинато водоснабдување ќе имаат корисниците улиците „512“, „515“, „516“, „520“, „Ист Гејт Мол“, објектот на Топлификација, објектот на Општина Гази Баба, хотел „Континентал“, булеварот „Александар Македонски“, ул. „808“, „Скопска Пивара“, „Алкалоид“, „ЈСП“ и „Кока Кола“.

Од ЈП Водовод и Канализација информираат дека прекинот со водоснабдувањето ќе биде од 9:00 часот па се до завршување на работата.

The post Утре без вода „Ист гејт“, „Континентал“ и поголем дел околу нив appeared first on Република.

Трговскиот центар Ист Гејт Мол денеска беше евакуиран, откако претходно се вклучиле противпожарните аларми.

Од МВР за МИА информрираат дека станува збор за запалено возило „рено лагуна“ во подземниот паркинг на трговскиот и дека пожарот е изгаснат од страна на обезбедувањето

The post „Ист Гејт“ како проколнат: Се залали „Рено лагуна“, пожарот изгаснат appeared first on Република.

Излегол пешки од трговскиот центар, а автомобил за бегство, црно „ауди“ без таблички го чекал на булеварот кај зградата на општина Гази Баба. Ова се детали од истрагата за пукањето кон Раде Трајковски - Штекли и неговиот другар во трговскиот центар „Ист гејт“ кои ги дознава „Код“. Според изворите на емисијата, пукачот од заседа оставил јасни траги, меѓу кои отпечатоци и ДНК, кои се пронајдени и се анализираат.

Она што е интересно, е дека пронајдени се седум чаури од куршуми, кои повеќе од половина завршиле во целта.

Во вечерашниот „Код“ се зборува и за мотивите на новиот напад врз Штекли на истото место во преполниот трговски центар, дали инцидентот е поврзан и со обезбедување на казина.

The post Седум чаури пронајдени од пукањето во „Ист гејт“, пукачот побегнал во црно „ауди“ без таблици appeared first on Република.

Нема да побарам разрешување на министерот Спасовски поради перформансите на МВР и врвното професионално ниво на Министерството и на министерот, рече премиерот Димитар Ковачевски на собраниска седница за пратенички прашања одговарајќи му на пратеникот на ВМРО-ДПМНЕ Драган Ковачки - дали ќе го разреши министерот за внатрешни работи Оливер Спасовски.

Како што рече, доказ за перформансите и професионалната работа на МВР се справувањето со криминалот, спречување илегална миграција, инвестиции во објекти и опрема во МВР, опремување на припадниците на Министерството, обуките, зголемување на примањата на припадниците на Министерството за внатрешни работи.

Тие се на највисоко ниво. Сите бројки кои се јавно достапни во однос на идентификување криминални дејанија во државата од сите видови, коишто се на многу повисоко ниво од тоа што беа во претходните години, како и во однос со справувањето со различни видови криминал, што исто така се на многу повиско ниво од минатото, се доказ дека се работи за - и министер, и негов тим, коишто работат на врвно професионално ниво, рече Ковачевски.

По одговорот на неговото прашање, пратеникот Ковачки рече дека премиерот „продолжува да го брани институционализираниот криминал кој е под закрила на Оливер Спасовски и Министерството за внатрешни работи“ и дека престрелките станале секојдневие, посочувајќи на завчерашното пукање во ТЦ „Ист гејст“. Рече дека во земјава владее „принцип на неказнивост и секој може да шета со оружје“, дека МВР го изгубило капацитетот да се справува со криминалот и полицијата нема авторитет затоа што, како што рече, „криминалците имаат авторитет врз министерот за внатрешни работи и се вработува кадар со криминално минато“.

Скоро 20 убиства, само на територија на Скопје, не се расветлени од МВР во мандатот на Спасовски кој на 11 ноември ќе полни цели осум години како министер за внатрешни работи. Повторно, по којзнае кој пат, полицијата не дејствувала превентивно и воопшто не реагирала на објавите односно на најавеното убиство на социјалните медиуми. Исто како и на пријавите на жената од Кочани која цело време пријавувала дека имала закани за убиство и на крајот беше заклана пред својот дом. МВР не реагирало ни тогаш, ни сега, рече Ковачки.

The post Поради „врвното професионално ниво“ на МВР и Спасовски на Ковачевски не му паѓало на памет разрешување на министерот appeared first on Република.

Нови фотографии од пукачот кој вчера попладне пукаше во Раде Трајковски-Штекли и негоивот соработник со прекар Колумбо во трговскиот центар „Ист Гејт“ во Скопје денеска објавени во „Фокус“.

На фотографиите се гледа како лицето седи во обложувалница во трговскиот центар и воопшто не се крие од безбедносните камери.

Во меѓувреме, полицијата објави фотографија од пукачот и ги повика граѓаните доколку имаат корисна информација за лицето да пријават.

Повеќе фото на „Фокус“

The post Тој што пукаше во „Ист гејт“ лабаво во кладилница, не се ни крие appeared first on Република.

Слободното движење и безбедноста на секој што работи и нè посетува, за нас се најважни и за ова да го оствариме, постојано ги преземаме сите мерки што ги имаме на располагање, се наведува во денешното соопштение на скопскиот трговски центар „Ист гејт мол“.

Во врска со инцидентот, што вчера во попладневните часови се случи во подземните нивоа на трговскиот центар, како што се посочува во соопштението, компанијата е во комуникација со надлежните органи и соработува за што побрзо да се расветли случајот.

Целосно ја разбираме загриженоста на вработените и на посетителите и жалиме за непријатната ситуација во која што дел од нив се најдоа. Нашиот мол работи според највисоките стандарди и при секојдневното функционирање се почитуваат сите прописи за безбедност. За сигурноста на сите лица ги применуваме сите мерки што според законите ги имаме на располагање. На овој план имаме редовна соработка со надлежните органи. Овие принципи на работа ќе продолжиме да ги применуваме и ќе вложиме максимални напори, истите во иднина да бидат уште подобри и поефикасни, се истакнува во соопштението.

The post „Ист гејт мол“: Работиме според највисоките стандарди и се почитуваат сите прописи за безбедност appeared first on Република.

Министерството за внатрешни работи денеска во билтенот информира за пукањето во трговиот центар „Ист Гејт“ кое се случи вчера.

Околу 15 часот од трговскиот центар Ист Гејт во Скопје во СВР Скопје е пријавено дека било пукано кон две лица кои се здобиле со повреди и веднаш се упатени полициски екипи за расчистување на случајот. Утврдено е дека машко лице со пиштол пукало кон Р.Т. (36) и Д.Т. (23) од Скопје. На повредените им е укажана лекарска помош во ГОБ „Св.Наум Охридски“, се наведува во полицискиот билтен.

Од МВР истакнуваат дека се преземаат мерки за пронаоѓање на сторителот и расчистување на случајот.

Министерот за внатрешни работи, Оливер Спасовски денеска потврди дека вчерашното пукање во Ист Гејт е криминална пресметка.

Точно се знае и беграундот на лицето во коешто е пукано и конфликтите што ги имате, практично тие се групи криминални, кои се разбиени во најголемиот дел и за кои јас и информирав пред некое време, во многу оперативни акции што сме ги презеле, секојдневно. Самите сте сведоци дека во последниот месец имаме приведено тројца, како дел од групите коишто беа во така наречената оперативна акција „Планина“ итн, говори за еден висок степен на ангажираност и за конфротација помеѓу тие криминални групи, коишто 30 години некој ги создавал, рече Спасовски.

https://republika.mk/vesti/makedonija/se-javi-spasovski-za-pukaneto-vo-ist-gejt-vo-grad-kako-skopje-sekako-deka-kriminalni-aktivnosti-se-sluchuvaat-sekoj-den-i-rabotata-na-politsiajta-e-da-raboti-na-podobruvane-na-bezbednosta/

Прашан како можеше да се дозволи вчерашниот инцидент, пукање во молот во Скопје и тоа втор по ред инциденти, Спасовски со одговор дека во Скопје и во други градови во земјава криминални активности се случуваат секојдневно и какошто вели работата на полицијата е да работи перманентно во подобрувањето на безбедноста и тоа не само во делот на криминалитетот, туку и во сообраќајот и во секој дел, во којашто е таргетиран безбедноста на граѓаните.

The post Познат идентитетот и на вториот ранет во пукањето во „Ист гејт“ appeared first on Република.

„Веќе активно работиме на случајот. Приклучени се форензика, одделот за организиран криминал и заеднички се прибираат податоци за да се открие сторителот“, изјави министерот за внатрешни работи Оливер Спасовски во врска со вчерашното пукање во трговскиот центар „Ист Гејт“ каде се ранети две лица.

„Во еден град како Скопје, но и во другите градови, секако дека криминални активности се случуваат секој ден и работата на полициајта е да работи на подобрување на безбедноста, не само во делот на криминалот, туку и сообраќајот. Вакви изолирани инцидени се случуваат и ќе се случуваат“, изјави Спасовски за медиумите кој присуствуваше на отворање на нов објект за форензички испитувања на МВР.

https://republika.mk/vesti/crna-hronika/shtekli-vo-belgrad-zhiveel-labavo/

Спасовски вели дека е на полицијата и е позната позадината на лицето кон кое е пукано.

„Станува збор за криминална пресметка, се знае позадината на лицето кон кое е пукано и конфликтите практично тие криминални групи што се разбиени, во многу опративни акции, самите сте сведоци дека само во последниот месец имаме приведени три лица, дел од тие групи говори за еден висок степен на ангажираност…“

The post Спасовски: Во град како Скопје, секако дека криминални активности се случуваат секој ден и работата на полициајта е да работи на подобрување на безбедноста appeared first on Република.

Министерството за внатрешни работи уште трага по идентитетот на напаѓачот кој вчера со пиштол пукаше кон Раде Трајковски Штекли и неговиот 23 годишен пријател, кои излегуваа од теретаната во трговскиот центар Ист Гејт.

На 24.10.2023 околу 15 часот од трговскиот центар Ист Гејт во Скопје во СВР Скопје е пријавено дека било пукано кон две лица кои се здобиле со повреди и веднаш се упатени полициски екипи за расчистување на случајот. Утврдено е дека машко лице со пиштол пукало кон Р.Т. (36) и Д.Т. (23) од Скопје. На повредените им е укажана лекарска помош во ГОБ “Св. Наум Охридски“. Се преземаат мерки за пронаоѓање на сторителот и расчистување на случајот, велат од МВР.

И додека полицијата ги проверува сите наводи поврзани со напаѓачот во бел блузон, црна капа и црни панталони, Штекли и Д.Т. со прострелни рани се задржани на лекување, едниот на КАРИЛ, а другиот во болницата „Св. Наум Охридски“. Според информациите и двајцата засега се во стабилна состојба, иако повредите се сериозни.

The post Полицијата се уште трага по напаѓачот кој рани две лица во „Ист гејт“ appeared first on Република.

Главна тема на муабет во Скопје е вчерашната престрелка во трговскиот центар „Ист Гејт“ каде еден од ранетите е  Раде Трајковски – Штекли дел од „Барон“ криминалната група од Чаир. Тој и уште едно лице се борат за живот а од видеото се гледа дека врз нив е пукано од зад грб додека од теретаната на молот низ подвижните скали се упатувале кон паркингот.

ЕКСКЛУЗИВНО ВИДЕО ОД ПУКАЊЕТО ВО ИСТ ГЕЈТ: Врз Раде Штекли е пукано како во див запад! (ВОЗНЕМИРУВАЧКО ВИДЕО) pic.twitter.com/3DosqGp7OR

— Курир (@KurirMK) October 24, 2023

Оваа пукотница постарите ги потсети на она што се случуваше во Белград во деведесеттите години кога секојдневно се случуваа убиства.

И ова ништо не би било чудно ако до само пред неколку дена Спасовски не нѐ убедуваше дека целосно се разбиени криминалните групи од Чаир и Грчец. Штекли доаѓа токму од чаирската група „Барон“.

Најголемите криминални групи и структури во државата во Скопје, познатите групи од Грчец, од Арачиново и од Чаир се скоро целосно разбиени и на тој начин дадовме еден сериозен одговор за тоа каква е намерата на државата да се справи со најтешките облици на криминалитет, а тоа е, секако, трговијата со дрога“,рече Спасовски.

The post Скопје наликува како Белград од деведесеттите години, а Спасовски тврди дека ги разбил криминалните групи од Чаир, Грчец и Арачиново appeared first on Република.

Едно од двете лица кои се повредени во престрелката во „Ист гејт“ е  Раде Трајковски - Штекли. Тој е познат во криминалните кругови во Скопје и се врати на местото на злосторството бидејќи пред два месеци беше ранет во истиот трговски центар во подземните гаражи.

Тогаш Штекли имаше среќа да побегне, но сега неговите противници го ранија и се наоѓа во болницата „Св.Наум Охридски“.

Но, кој и зошто е решен да го убие Штекли?

Има 38 години и е дел од т.н Барон криминална група од Чаир. Името го добила по кафуле во Чаир, а во неа воглавно се наоѓаат повратници од боиштата од Сирија и Ирак.

Раде Трајковски - Штекли се поврзуваше со убиството на младиот фудбалер Мартин Јанушев, а пред една година беше екстрадиран во  Македонија за да издржува затворска казна од шест месеци

https://republika.mk/vesti/crna-hronika/pak-pukane-vo-ist-gejt-shtekli-ranet-na-istata-lokatsija/

The post Koј е Раде Штекли ранетиот во „Ист гејт“: Дел е од „Барон“ групата од Чаир во која членуваат повратници од боиштата на Блискиот исток appeared first on Република.

Обвинителството денеска соопшти дека се собираат докази и дека се побарани снимките од повеќе локации во трговскиот центар Ист гејт и надвор од него, по вчерашното пукање на паркингот во трговскиот.

„Во врска со настанот во ТЦ Ист гејт, во текот на денот издадени повеќе наредби со цел идентификација на сторителите. Издадена е наредба за обезбедување на снимки од видео надзор на повеќе локации во и надвор од трговскиот центар. Предмет на вештачење и проверки е и возилото кое беше пронајдено опожарено. Се преземаат и други дејствија за расчистување на настанот и мотивите“, велат од Обвинителството.

Пукањето се случи вчера околу 16 часот во гаражите на трговскиот центар во Скопје.

„Едно лице кое било со патничко возило „ауди“, пукало кон Р.Т. (39) од Скопје, но не го погодило. Во возилото од кое се пукало, според пријавеното, имало уште едно лице. Повредени лица нема“, рекоа од МВР.

The post Обвинителството ги бара снимките од надзорните камери на „Ист гејт“ за вчерашното пукање appeared first on Република.