Кога за првпат функција премиер има еден Албанец, тоа позитивно одекнува кај Албанците. Албанците чувствуваат дека полека и сигурно ги остваруваат правата за кои мислеле дека треба да ги имаат за да се рамноправни. Тоа се остварува со демократски средства, па секако им значи на Албанците, а верувам дека и Македонците тоа го сфаќаат како нешто нормално. Секако има и такви кои мислат дека Албанец не може да врши такви функции, но со текот на годините бројот на таквите сè повеќе се намалува и табуата се надминуваат.

Ова беше една од поентите на политичкиот аналитичар Исмет Рамадани во неговото гостување во емисијата „Студио 10“ на ТВ 24. Тој додаде дека европскиот фронт може да биде ветер во грбот оти мнозинството од граѓаните се за влегување во ЕУ.

Мора да одиме напред и да отвориме нови поглавја во политиката кон ЕУ, а не да ја враќаме државата во минатото – апострофираше Рамадани.

Според него, кај албанскиот блок е проблем што сега има осум партии кои е тешко ќе се изменаџираат во таков европски фронт, особено во ситуација кога и опозицијата е европски сојуз и е бесмислено да се става во кошот на антиевропска коалиција. Сепак, тој укажува на заедничкиот именител што би требало да го имаат сите што се проевропски ориентирани.

Ако на маса не се стават уставните измени, тогаш нема што би можело друго да се понуди оти уставните измени водат кон европскиот прогрес на државата – нагласи Рамадани.

Тој смета дека ако ВМРО-ДПМНЕ ја бојкотира техничката влада, предводена од премиер Албанец, ќе се појасни нивната вистинска слика за албанофобија.

Тоа нема да им донесе никакви позитивни промени туку, напротив, ќе ја потврдат својата стигма за националистичка и албанофобна – истакна аналитичарот.
Доколку ВМРО-ДПМНЕ продолжи да ја напаѓа ДУИ како партија, тоа само ќе оди во корист на ДУИ и само ќе придонесе оваа владејачка партија да има поголем број на гласачи, заклучи Рамадани.

The post Исмет Рамадани: Со текот на времето и за Македонците ќе стане нормално премиер да биде Албанец appeared first on Република.

Демократскиот сојуз најостро го осудува настапот на Исмет Рамадани на „Канал 5“ со кој, како што велат од партијата, неосновано, неаргументирано и клеветнички грубо го нападна новинарот Александар Видиновски со што директно ги загрозува новинарите и слободата на говорот.

Исмет Рамадани во недостаток на аргументи во одбраната на Димитар Ковачевски и Артан Груби во обидот преку Врховниот суд да ја активираат одлуката на Ѓорге Иванов за аболиција на 56 функционери и нивно ослободување од кривична одговорност, манифестираше примитивизам и говор на омраза на етничка основа. Демократскиот сојуз бара Исмет Рамадани да му се извини на новинарот на КАНАЛ 5, како и на јавноста. Ваквите дрски и неаргументирани напади нема да им помогнат на евроинтеграциските процеси, ниту ќе придонесат за јакнење на единството и заштита на виталните државни интереси. Слободата на говорот, јавното изразување и објективноста се темелни вредности на новинарската професија неопходни за развој на демократијата, велат од Демократскиот сојуз.

The post ДС: Силна осуда на настапот на советникот на Ковачевски appeared first on Република.

Градоначалникот на Општина Куманово и идејниот творец на новата политичка опција Движење ЗНАМ - За наша Македонија, Максим Димитриевски ги осудува обвинувањата и нападите на Претседателот на Евроaтланскиот sовет на Македонија, Исмет Рамадани кон „Канал 5“ телевизија во емисијата „Само вистина", за што бара извинување кон медиумот и итна оставка од челната позиција на ЕАСМ.

Обвинување на новинар во емисија за национализам и импутирање на шовинистички наратив е недозволиво особено НЕ кога тоа доаѓа од Претседател на Евроатланскиот совет на Македонија, г. Рамадани. ЕАСМ е организација која ги негува и поддржува Европските и Атлантските демократски вредности а со тоа и слободата на изразување, независно новинарство и медиуми, кои што заложби, во овој случај се косат со искажаните ставови на претседателот на организацијата г. Исмет Рамадани во емисијата „Само вистина“ на ТВ Канал 5. Покрај неопходно извинување потребна е и оставка од челната позиција на ЕАСМ г. Рамадани. Како и секогаш представниците на Владата при недостаток на аргументи за одбрана на оваа власта и сите афери кои ги следат си играат со националните чувства и оваа реторика ја репризираат како во минатото, порача Димитриевски.

The post Димитриевски бара оставка од Рамадани: Недозволиво однесување кое не му доликува на претседател на Евроатлантскиот совет appeared first on Република.

Демократскиот сојуз најостро го осудува настапот на Исмет Рамадани на КАНАЛ 5 со кој неосновано, неаргументирано и клеветнички грубо го нападна новинарот Александар Видиновски со што директно ги загрозува новинарите и слободата на говорот.

Исмет Рамадани во недостаток на аргументи во одбраната на Димитар Ковачевски и Артан Груби во обидот преку Врховниот суд да ја активираат одлуката на Ѓорге Иванов за аболиција на 56 функционери и нивно ослободување од кривична одговорност, манифестираше примитивизам и говор на омраза на етничка основа.

Демократскиот сојуз бара Исмет Рамадани да му се извини на новинарот на КАНАЛ 5, како и на јавноста.

Ваквите дрски и неаргументирани напади нема да им помогнат на евроинтеграциските процеси, ниту ќе придонесат за јакнење на единството и заштита на виталните државни интереси.

The post ДС: Силна осуда на настапот на Исмет Рамадани appeared first on Република.

Оправдан е револтот на граѓаните кон Бугарија, вели за „Детектор“ Исмет Рамадани, претседател на Евроатланскиот совет, објаснувајќи го изборот на анкетираните кои го избраа нашиот источен сосед како земја со која имаме најлоши односи. Според него, со блокадата на интегративниот пат Бугарија и не може да очекува симпатии од Македонија.

https://republika.mk/vesti/makedonija/makedontsite-i-albantsite-se-soglasuvaat-vo-edno-bugarija-ni-e-najgolem-neprijatel/

Многу јасно е дека Бугарија се постави доста лошо во однос на европските интеграции кон Македонија. Во исто време употребувајќи вето, мислам дека.... дури би рекол праведна е таа констатација односно тој однос на граѓаните од Македонија кон Бугарија. Тие со нивните настапи, со нивните политички и државни лидери се почесто во последно време имаа многу негативен став кон идентитетот и јазикот на Македонците. И кога имаш таква ситуација, такви провокации, такви ставови, се разбира дека реакцијата доаѓа од граѓаните Македонци, вели Рамадани за „Детектор“.

The post Рамадани: Бугарија и не може да очекува симпатии од Македонија appeared first on Република.