Затворен е предметот за бонусите на екс обвинителите од СЈО. Од Обвинителството за гонење на организиран криминал и корупција со кое раководи Ислам Абази за Канал 5 ги потврдиле пишувањата на Сведок мк. Кривичната пријава поднесена од ВМРО ДПМНЕ беше поднесена во јануари 2021, а решението за отфрлање било донесено во декември 2023. Според пријавата екс специјалната обвинителка Катица Јанева неосновано исплатила 4,6 милиони евра бонуси на обвинителите кои се движеле од 70 до 100 илјади евра, како и за вработените и соработниците на тогашното СЈО.

-Не се констатирани отстапувања помеѓу обезбедените парични средства предвидени во финансиските планови што биле одобрени со Буџетот на ова обвинителство и реализираните парични средства во тековното работење во анализираниот период.- велат од ОЈО ГОКК.

Стои во објаснувањето од Обвинителството од каде додаваат дека надлежниот обвинител ги деклафицирал ревизорските извештаи и правилниците кои ги донела Јанева а било извршено и детално економско – финансиско вештачење. Финансиските извештаи на СЈО, велат дека биле разгледувани и од Советот на ЈО и од Собранието.

Сепак, како што пишува Сведок.мк, шефот на ОЈО ГОКК Ислам Абази, го донел решението за отфрлање на кривичната, откако и го одзел предметот на обвинителката Наташа Поп Трајкова која го работела и подолго време го одбивала неговото барање да го затвори поради серозноста и висината на сумата. Од ова обвинителство во врска со ова велат дека:

Наводите во споменатиот текст се целосно невистинити.

Од севкупната постапка произлезе дека дејствијата преземени од Јавниот обвинител на ова обвинителство(СЈО)....како и исплатата на додатоци на плати и надоместоци по основ на наведените акти, не претставуваат дејствие на извршување на пријавените кривични дела, ниту на други кривични дела што се гонат по службена должнос велат од ОЈО ГОКК.

Но нема одговор на прашањата на Сведок мк и Канал 5 од Обвинителството со кое раководи Абази, дали и зошто и бил одземен предметот на обвинителката Поп Трајкова особено ако се има предвид Законот за јавното обвинителство според кој обвинителството е организирано според принципите на хиерархија и субординација, но нивното почитување, пишува во членот 3, не смее да ја загрози самостојноста и одговорноста на секој јавен обвинител во вршењето на функцијата. Канал 5 побарале став и од Советот на јавните обвинители од каде велат дека не се детално запознаени со наводите иако разбрале од медиумите. Советот на ЈО, велат, не смее да се меша во работата на обвинителствата, но доколку добијат претставка ќе постапат согласно своите надлежности.

https://republika.mk/vesti/makedonija/obvinitelkite-ne-se-vinovni-shto-dobile-ekstra-pari-islam-abazi-ja-otfrli-krivichnata-prijava-za-bonusite-vo-sjo/

https://republika.mk/vesti/makedonija/javnoto-obvinitelstvo-tvrdi-rodninska-vrska-ne-vlijaeshe-vrz-odlukata-za-bonusite-vo-sjo/

The post Во декември бил затворен предметот за бонусите на екс специјалните обвинители appeared first on Република.

Јавното обвинителство не гледа ништо спорно ниту незаконски во милионскиот бонус што си го поделија обвинителите од некогашното СЈО на чело со Катица Јанева.

„Република“ побара коментар од Републичкото јавно обвинителство за отфрлањето на пријавата што ја поднесе ВМРО-ДПМНЕ а која Ислам Абази, обвинителот за гонење организиран криминал ја отфрли како неоснована.

Од ЈО за „Република“ објаснуваат дека била прибавена обемна документација и ги декласифицирале ревизорските извештаи и правилниците што беа донесени од страна на тогашната јавна обвинителка Катица Јанева, а било извршено и детално економско - финансиско вештачење.

Од вештиот наод и целокупните материјални докази произлезе дека тогашното Специјално јавно обвинителство, за целокупното работење вклучително и за финансиските активности изготвувало извештаи, што согласно закон биле разгледувани од Советот на јавните обвинители и од Собранието. Не се констатирани отстапувања помеѓу обезбедените парични средства предвидени во финансиските планови што биле одобрени со Буџетот на ова обвинителство и реализираните парични средства во тековното работење во анализираниот период-велат од ЈО.

Оттаму додаваат дека дејствијата преземени од  Јанева во врска со носењето на правилници за додатоци на платите и одлуките за почитување на принципот на тајност во врска со материјалите од незаконското следење на комуникациите, како и исплатата на додатоци на плати и надоместоци по основ на наведените акти, не претставуваат дејствие на извршување на пријавените кривични дела, ниту на други кривични дела што се гонат по службена должност.

Согласно сите утврдени факти, решение за отфрлање на кривичната пријава е донесено во декември 2023 година, односно неколку месеци пред Љупчо Коцевски да стапи на функцијата. Јавните обвинители Љупчо Коцевски и Ленче Ристоска не се во никаква ниту поблиска, ниту подалечна роднинска врска-објаснуваат од Обвинителството.

Од парите кои ги добивале обвинителите на „славното“ СЈО на обичниот човек може да му се сврти во главата.

Па така,Јанева сама на себе си доделила 157.000 евра.

Лиле Стефанова зела надоместоци од 93.000 евра а Рустеми 90.000. Фатиме Фетаи зела 87.000 , Бубевски 86.000 а Ленче Ристоска 84.000.

https://republika.mk/vesti/makedonija/obvinitelkite-ne-se-vinovni-shto-dobile-ekstra-pari-islam-abazi-ja-otfrli-krivichnata-prijava-za-bonusite-vo-sjo/

https://republika.mk/vesti/makedonija/bonus-kesh-deleneto-eden-milion-evra-od-rakavot-na-janeva-za-abazi-e-normalno/

The post Jaвното обвинителство тврди: Роднинска врска не влијаеше врз одлуката за бонусите во СЈО appeared first on Република.

Податоците на базата „Отворени финансии“ на Министерството за финансии покажала дека обвинителите на СЈО добиле приближно еден милион евра надоместоци.

Но, ова не беше повод Ислам Абази, обвинителот за гонење организиран криминал да ја прифати кривичната пријава што ја поднесе ВМРО-ДПМНЕ.Напротив, тој ја одби и со тоа го затвори овој случај.

[caption id="attachment_571420" align="alignnone" width="640"] (фото: МИА)[/caption]

Како што вчера објави „Сведок.мк“ Абази подолго време барал од Поп Трајкова да го затвори предметот, а откако таа одбила и наводно му рекла дека „не е подготвена да оди во затвор за тој предмет“, алудирајќи на сериозноста и содржината на предметот како и на висината на сумата, Ислам Абази го донел решението, претходно одбивајќи да ја изземе обвинителката Поп Трајкова и предметот да го даде на друг обвинител.

Освен надоместоците, обвинителите добивале основна плата и плус додатоци од 35 %.

Oбвинителите во просек добивале  од 70.000  до 107.000 евра, покажуваат податоците од алатката „Отворени финансии“. Па така,Јанева сама на себе си доделила 157.000 евра.

Лиле Стефанова зела надоместоци од 93.000 евра а Рустеми 90.000. Фатиме Фетаи зела 87.000 , Бубевски 86.000 а Ленче Ристоска 84.000.

The post Бонус „кеш“: Делењето еден милион евра од ракавот на Јанева за Абази е нормално appeared first on Република.

Ислам Абази, Јавниот обвинител за гонење организиран криминал и корупција донел решение со кое ја отфрлил кривичната пријава на ВМРО ДПМНЕ против екс обвинителите на СЈО, на кои Катица Јанева им подели по илјадници евра бонуси за доверливост надвор од платата, со што, според пријавата на партијата бил оштетен Буџетот за над 4,5 милиони евра, објави „Сведок.мк“.

СВЕДОК дознава дека Ислам Абази го затворил предметот со бонусите и хонорарите во екс Специјалното јавно обвинителство, иако тој не го работел предметот, туку струмичката обвинителка Наташа Поп Трајкова.

Наши извори од ОЈО ГОКК тврдат дека Ислам Абази подолго време барал од Поп Трајкова да го затвори предметот, а откако таа одбила и наводно му рекла дека „не е подготвена да оди во затвор за тој предмет“, алудирајќи на сериозноста и содржината на предметот како и на висината на сумата, Ислам Абази го донел решението, претходно одбивајќи да ја изземе обвинителката Поп Трајкова и предметот да го даде на друг обвинител.

„Република“ побара објаснување од Јавно обвинителство за овој случај, но не добивме одговор.

Извор: Сведок.мк

The post Обвинителките не се виновни што добиле екстра пари: Ислам Абази ја отфрли кривичната пријава за бонусите во СЈО appeared first on Република.

Основното јавно обвинителство Скопје во врска со синоќа пронајдените пиротехнички средства, ќе одлучува откако ќе се направи нивно вештачење. Како што информира, за настанот е известен јавен обвинител. Во зависност од фактите кои ќе бидат утврдени со вештачења на пронајдените пиротехнички средства, јавниот обвинител ќе одлучува за натамошниот тек на постапката.

https://republika.mk/vesti/crna-hronika/novi-detali-za-apseneto-na-vnukot-na-ali-ahmeti/

МВР соопшти дека синоќа во 19:50 часот на ул.„Самуилова“ во Скопје, полициски службеници запреле патничко моторно возило „ренџ ровер“ со албански регистерски таблички, управувано од Д.А. (25) од кичевското село Зајас. При преглед на возилото се пронајдени 749 пиротехнички средства. Лицето е приведено во полициска станица и по документирање на случајот ќе биде поднесен соодветен поднесок.

The post Абази, поставен во ОЈО од Ахмети, ќе вештачи за неговиот внук appeared first on Република.

Ислам Абази и Љубомир Јовевски молчат за скандалот со  изнајмувањето на простор од страна на државната Лотарија од компанија ХЕЈ, формирана пред неколку месеци, под крајно сомнителни услови. Оваа компанија  е тесно поврзана со Артан Груби и кланот Зајас.

Причината за молкот на првите луѓе на институциите на прогонот е јасна, на едниот на глава му се качени пола раководство на ДУИ, а другиот е седнат во скутот на власта, велат во ВМРО-ДПМНЕ.

Затоа при очи се прават слепи пред школскиот пример за корупција и криминал. Државната лотарија која е предводена од поранешниот шеф на кабинетот на Артан Груби, Прпарим Бајрами, изнајмила деловен простор по 21 илјада евра месечно или за десет години 2,6 милиони евра од компанија каде еден од членовите на УО на Државна Лотарија е ангажиран. Зад компанијата ХЕЈ којашто за 6 месеци се основа, купи имот и фати милионски тендер, е Армин Машовиќ од тимот партнери на Ерџан Сулкоски поврзан со семејните бизниси на кланот Зајас.

Груби и ДУИ се извор на коруптивни скандали. Но најстрашно од се е што органите на прогонот воопшто не ги ни истражуваат, а уште помалку ги санкционираат. Ниту премиерот има храброст да го истражи овој милионски скандал. Ковачевски, како и Абази и Јовески, има слика, тон нема. Ова мора да престане. Оваа корумпирана власт која се богати со народните пари мора да си замине, а потоа да одговара за секој проневерен денар, обвинува партијата.

The post Joвески, Aбази се слушаме? Скандалот од 2,6 милиони евра со Лотарија кој е школски пример за корупција appeared first on Република.

Ислам Абази и Љубомир Јовевски молчат за скандалот со изнајмувањето на простор од страна на државната Лотарија од компанија ХЕЈ, формирана пред неколку месеци, под крајно сомнителни услови. Оваа компанија е тесно поврзана со Артан Груби и кланот Зајас. Причината за молкот на првите луѓе на институциите на прогонот е јасна, на едниот на глава му се качени пола раководство на ДУИ, а другиот е седнат во скутот на власта, обвинуваат од ВМРО-ДПМНЕ.

Затоа при очи се прават слепи пред школскиот пример за корупција и криминал. Државната лотарија која е предводена од поранешниот шеф на кабинетот на Артан Груби, Прпарим Бајрами, изнајмила деловен простор по 21 илјада евра месечно или за десет години 2,6 милиони евра од компанија каде еден од членовите на УО на Државна Лотарија е ангажиран. Зад компанијата ХЕЈ којашто за 6 месеци се основа, купи имот и фати милионски тендер, е Армин Машовиќ од тимот партнери на Ерџан Сулкоски поврзан со семејните бизниси на кланот Зајас.

Груби и ДУИ се извор на коруптивни скандали. Но најстрашно од се е што органите на прогонот воопшто не ги ни истражуваат, а уште помалку ги санкционираат. Ниту премиерот има храброст да го истражи овој милионски скандал. Ковачевски, како и Абази и Јовески, има слика, тон нема. Ова мора да престане. Оваа корумпирана власт која се богати со народните пари мора да си замине, а потоа да одговара за секој проневерен денар“ – посочуваат од партијата.

The post Абази, Јовески и Ковачевски слика имаат, тон немаат, молчат за скандалот од 2,6 милиони евра со Лотарија кој е школски пример за корупција appeared first on Република.

Во текот на вчерашниот ден во организација на делегација на Основното јавно обвинителство за гонење на организиран криминал и корупција предводена од Основниот јавен обвинител Ислам Абази реализира работна посета со претставниците на Специјалното обвинителство на Република Црна Гора.

На оваа средба беа разменети околу организацијата и функционирањето на двете обвинителства и нивните надлежности. Соговорниците разменија искуства од работењето и надлежностите на двете институции искажувајќи го заедничкото задоволство од досегашната и идната соработка. Во разговорите посебен акцент ставија на потребата од зајакнување на директната комуникација во интерес на постапките и можностите за формирање на заеднички истражни тимови.

„ Во време кога тероризмот и организираниот криминал не познаваат граници, а криминалците не бираат средства и начин да ги користат сите технолошки иновации на денешницата, нашето оружје треба да биде насочено кон наше заедничко делување, а тоа подразбира меѓународна соработка. Години наназад Јавното обвинителство на РСМ, но и Основното јавно обвинителство за гонење на организиран криминал и корупција потпишаа низа договори и меморандуми за соработка со државните јавни обвинителства од регионот и пошироко. Меѓу нив како темел и знак за нашата успешна и професионална соработка се и договорите потпишани со вашите обвинителства. “ – рече Абази.

И на оваа средба јавната обвинителка Наташа Поп Трајкова како раководител на Националната единица за сузбивање на трговија со луѓе и криумчарење миграти ја презентираше улогата на единицата и идните мерки и активности што под нејзино раководство ќе треба да се реализираат. „ Трговијата со луѓе и илегалната миграција се глобален проблем што најфлагрантно ги кршат и повредуваат човековите права и слободи. Единствен, ефикасен и ефективен одговор на овој вид криминал е сеопфатен и мултидисциплинарен пристап на сите релевантни чинители на национално и меѓународно ниво и почитување на меѓународните критериуми и стандарди. Затоа треба максимално да ги користиме можностите за јакнење на прекуграничната соработка, да разменуваме валидни информации што придонесат за спроведување ефикасни и ефективни заеднички истраги и формирање заеднички истражни тимови во оваа област. Воедно, успехот на сите нас ќе биде комплетен ако паралелно со истрагата за сите инволвирани сторители се спроведат и финансиски истраги со кои ќе се идентификуваат и замрзнат имотот и добивката стекнати на криминален начин и со примена на проширена конфискација ефективно ќе се одземат со правосилна судска пресуда. “ – истакна Поп Трајкова.

По средбата делегацијата беше на работен ручек со новоназначената Амбасадорка на Велика Британија во Црна Гора – Дон Мекен.

Билатералните средби во Црна Гора и Косово беа во организација на меѓународната организација Хемоникс.

The post Ислам Абази се фати за работа, замина во Црна Гора appeared first on Република.

Кога народот се прашува зошто нема реакција на обвинителството за скандалите на Артан Груби, тогаш одговорот е Артан Груби си ја обезбедил заштитата преку вработувањето, а потоа и трансферирањето во АЕК на снаата на Ислам Абази, велат од ВМРО-ДПМНЕ.

Ете затоа Јавното обвинителство за гонење организиран криминал нема никаква постапка за скандалот со деловниот објект на семејството Груби на улица „Македонија“, нема никаква постапка за скандалозниот тендер за надзор на изградбата на коридорите, нема никаков процес за испитување на „подареното“ Ауди и уште десетици други афери поврзани со Груби и други членови на ДУИ. Ако видовме слика на која на главата на Ислам Абази стои братот на Али Ахмети, не ни треба слика да сфатиме дека Ислам Абази е ставен во скут и на Артан Груби. Молкот на институциите се само потврда, истакнуваат од партијата.

The post Не мора слика да се види дека Ислам Абази е седнат во скутот на Груби appeared first on Република.

Ислам Абази треба да одговори: дали снаата од брат Шпреса Абази работи во АЕК, како советник за одговор на компјутерски инциденти, а претходно била во министерството на Артан Груби?Сепак, Ислам Абази, до толку не смее да отвори уста за ДУИ, што Артан Груби одговара место него дури и за неговото семејство, бара Наум Стоилковски од ВМРО-ДПМНЕ.

Груби во занес на неказнивост за криминал и корупција е во состојба да уверува дека има и двајца Ислам Абази – едниот актуелен јавен обвинител за организиран криминал, а другиот поранешен гостиварски обвинител, член на ДУИ, близок со семејството Ахмети, пријател на Невзат Бејта и неговиот зет Јеток Акику, директор на АЕК, каде работи снаата од брат на овој Ислам Абази, Шпреса Абази која била во министерството на Артан Груби.

Да не е трагично, ќе е смешно. Вака е и трагично и страшно, незнаењето на Артан Груби.

Факт е дека луѓе кога се враќаат на работно место во мирување,  за тоа не се распишува оглас.

Факт е и дека Шпреса Абази е на листата вработени кај Груби, полагала тестови, за потоа да се вработи во АЕК, на објавен оглас за работно место во АЕК, советник за одговор на компјутерски инциденти.

https://www.youtube.com/watch?v=Ezqlt2Io7Ak

Јасни се низата злоупотреби на позициите, злоупотребата на министерство како агенција за вработување на миленички, снаи, деца, новинари на ДУИ!

Не очекуваме Ислам Абази да одговори, исто како што не одговара за ниедна корупција, ниту злоупотреба од ДУИ!

Очекуваме одговорност по смена на власта!

The post Ислам Абази да каже дали снаата од брат Шпреса Абази работи во АЕК, а претходно кај Груби? appeared first on Република.

Во министерството за политички систем била вработена снаата на шефот на обвинителството за гонење на организиран криминал, Ислам Абази и истата потоа била трансферирана во АЕК, една од институциите со највисоки плати во Македонија. Артан Груби должи одговори како токму снаата на Ислам Абази, Шпреса Абази била вработена, а потоа и трансферирана во АЕК, велат од ВМРО ДПМНЕ.

Да потсетиме дека Ислам Абази по опис и попис на својата должност треба да ги испитува криминалите и корупцијата на оваа власт. Но јавноста до ден денешен нема видено ниту еден отворен случај или обвинение за некој функционер. Впрочем што да се очекува од човек кој има фото албум од блиски средби со функционери на ДУИ, а со случајот на неговата снаа и поврзаност и со Артан Груби.

Јавноста очекува Абази да го гони криминалот на власта, вклучително и од функционерите на ДУИ, а не да замижува пред него и да го забошотува. Нема се уште истрага за скандалите со коридорите, нема истрага за дуќанот на семејството Груби, нема истрага за скриените имоти на владините функционери, вклучително и аудито на Груби, нема истрага за скандалот „Соравија“ и Дрин Ахмети, нема истрага за стотици други афери за оваа власт на ДУИ и СДС.

Дали фотографиите, дали блискоста, дали вработувањата, дали трансферирањата, дали нешто друго е причина не знаеме, ама видливо е дека Ислам Абази една година по изборот нема поведено никаква постапка против било кој владин функционер, а најмалку против некој од ДУИ,нагласуваат од ВМРО ДПМНЕ.

The post ВМРО-ДПМНЕ: Јавноста очекува Абази да го гони криминалот на власта, вклучително и од функционерите на ДУИ, а не да замижува пред него и да го забошотува appeared first on Република.

Во министерството за политички систем била вработена снаата на шефот на обвинителството за гонење на организиран криминал, Ислам Абази и истата потоа била трансферирана во АЕК, една од институциите со највисоки плати во Македонија. Артан Груби должи одговори како токму снаата на Ислам Абази, Шпреса Абази била вработена, а потоа и трансферирана во АЕК, прашува ВМРО-ДПМНЕ.

Да потсетиме дека Ислам Абази по опис и попис на својата должност треба да ги испитува криминалите и корупцијата на оваа власт. Но јавноста до ден денешен нема видено ниту еден отворен случај или обвинение за некој функционер. Впрочем што да се очекува од човек кој има фото албум од блиски средби со функционери на ДУИ, а со случајот на неговата снаа и поврзаност и со Артан Груби.

Јавноста очекува Абази да го гони криминалот на власта, вклучително и од функционерите на ДУИ, а не да замижува пред него и да го забошотува. Нема се уште истрага за скандалите со коридорите, нема истрага за дуќанот на семејството Груби, нема истрага за скриените имоти на владините функционери, вклучително и аудито на Груби, нема истрага за скандалот „Соравија“ и Дрин Ахмети, нема истрага за стотици други афери за оваа власт на ДУИ и СДС.

Дали фотографиите, дали блискоста, дали вработувањата, дали трансферирањата, дали нешто друго е причина не знаеме, ама видливо е дека Ислам Абази една година по изборот нема поведено никаква постапка против било кој владин функционер, а најмалку против некој од ДУИ.

The post Дали поради вработувањето на снаата, Абази нема отворено ниту еден случај за ДУИ? appeared first on Република.

Основното јавно обвинителство за гонење организиран криминал и корупција отвори предмет за истрагата за продажбата на трговскиот центар Соријавија, за која се вели дека внукот на Али Ахмети, Дрин, добил над 39 отсто од акциите без да инвестираат ниту цент, објави „Алсат“.

Обвинителството  за Алсат вели дека го отворило случајот за истрага по гласовите во јавноста. „Основното јавно обвинителство за гонење организиран криминал и корупција, „Основното јавно обвинителство за гонење организиран криминал и корупција, по информациите кои постојано се објавуваат во медиумите, минатата недела отвори предмет според гласовите во јавноста за купопродажбата на ТЦ „Соравија“.

Предметот е доделен на јавен обвинител кој ќе постапи и ќе ги достави соодветните поднесоци до институциите надлежни за истрага на финансиските текови (Управа за финансиска полиција, Единица за финансиски истраги при Министерството за внатрешни работи, Управа за јавни приходи итн.), се наведува во одговорот на Обвинителството.

https://republika.mk/vesti/makedonija/vnukot-na-ahmeti-ne-platil-ni-danok-za-soravija/

The post Обвинителството на Ислам Абази ќе ja истражува купопродажбата на „Соравија“ од Дрин Ахмети appeared first on Република.

Кланот од Зајас се стекна со мултимилионски бизниси, на Абази му седат на глава, а Ковачевски не смее збор да изусти, велат од ВМРО-ДПМНЕ преку соопштение.

„Внукот на Али Ахмети, Дрин, на само 25 години, без вложен денар се стекна со 39% од луксузниот деловен центар „Соравија“.

Никој во светот не отстапува некому 39% за џабе, сите знаат зошто Дрин Ахмети добива без пари 39% од „Соравија“.

Дрин Ахмети со друга своја фирма поседува и каменолом во Кичево, а со трета фирма концесија за мала хидроцентрала за чија изградба се потребни 1.2 милиони евра.

И додека Али Ахмети е лидер на ДУИ и пратеник, внукот на Ахмети влегува во мултимилионски бизниси, а институциите не смеат да преземат ништо.

Криминалците од ДУИ мора да одговараат. Одговорност ќе има“, се наведува во соопштението на опозициската партија.

The post ВМРО-ДПМНЕ: Кланот од Зајас се стекна со мултимилионски бизниси, на Абази му седат на глава, а Ковачевски не смее збор да изусти appeared first on Република.

Речиси цела недела Обвинителството за организиран криминал и корупција и главниот обвинител Ислам Абази молчат и не покренуваат истрага за младиот Дрин Ахмети, внук на Али Ахмети.На сите им е чудно како Дрин Ахмети добил 39 проценти од деловниот објект ТЦ Соравија вреден 30 милиони евра, без еден денар влог, а само на обвинителот Абази не му е чудно.

Ислам Абази кој е близок пријател на семејството Ахмети, а и често е во друштво со лидерот на ДУИ, Али Ахмети и таткото на Дрин, Фекри Ахмети, коментира ВМРО-ДПМНЕ.

Македонија е ДУИзирана. Обвинителството е ДУИзирано, а Димитар Ковачевски само за пуста фотелја и функција молчи за скандалот со внукот на неговиот коалиционен партнер, Али Ахмети.И Ковачевски и цела влада на СДС е одговорна за овој скандал исто колку што е одговорен Абази бидејќи не постапува по допрен глас, само затоа што се работи за внук на Али Ахмети.Во држава како Македонија во која криминалот и корупцијата се во секоја пора на општеството, не постои човек кој така дава дури 39 процени од деловен објект кој вреди 30 милиони евра.Институициите за овој скандал молчат и бегаат, а кланот Ахмети прави милиони.ДУИ мора да замине во опозиција час поскоро.По паѓање на криминалната влада на СДС и ДУИ следува одговорност

The post ДУИзирано обвинителство: Цела Македонија е ДУИизрана а Ковачевски молчи за пуста фотелја appeared first on Република.

Ова е фотографија во домашна атмосфера на која се сликани братот на Али Ахмети и татко на Дрин Ахмети и Ислам Абази, шеф на Јавното обвинителство за организиран криминал и корупција, изјави на денешната прес-конференција пратеникот на ВМРО-ДПМНЕ, Драган Ковачки.

Имајќи ја во предвид оваа фотографија која е направена во домашна опуштена атмосфера, може да се заклучи поврзаноста и блискоста на Ислам Абази со кланот Ахмети, и сосема е јасно зошто ЈО со денови молчи и не смее да отвори постапка како тоа внукот на Али, Дрин Ахмети, се стекнал со 39% од деловниот центар Соравиа без да плати ниту денар.

Соопштението со кое ЈО ги повикува институциите да отпочнат постапка е смешно и трагично истовремно, а уште е потрагично тоа што обвинителството потенцира дека отвора предмети по допрен глас кога има сериозен сомнеж за криминал. Па што е поочигледно од тоа внукот на Али Ахмети, политичар од кого зависи владата, да добие 39% од деловен објект вреден 30 милиони евра?

Дрин Ахмети, внук на политичарот Али Ахмети, буквално без да вложи денар, добива 12 милиони евра учество во деловна зграда. Дали тоа е нормална појава и пракса од секојдневниот живот, па за ЈО тоа воопшто не е сомнително? Или пак причината е тоа што братот на Ахмети како што гледаме и на оваа фотографија буквално му седи на глава на обвинителот Ислам Абази?

Кланот Ахмети е соголен пред целата Македонска јавност. Народот виде дека додека Али е политичар, како неговото семејство се стекна со имот вреден десетици милиони евра.

И да не покрене истрага ЈО, во што по оваа фотографија на Ахмети кој седи на главата на Абази се сомневаме, на народот му е кристално јасно дека ДУИ и СДС треба да си заминат час поскоро. А тогаш ќе има одговорност, како за криминалците од ДУИ и СДС, така и за обвинителите кои што ги штителе, вели Ковачки.

https://youtu.be/Po0iDgudNa8

The post Ковачки: Додека таткото на Дрин Ахмети е на глава на Ислам Абази, Обвинителството ќе молчи appeared first on Република.

Поранешниот охридски обвинител, а сега адвокат за кривично право Војо Димоски во објава на Фејсбук му се обраќа на републичкиот јавен обвинител Љубомир Јовески. Во објавата бара Јовески да одговори колку тој придонел да се затскријат кривични дела кои се воделе против струшкиот градоначалник Рамиз Мерко, кој се најде на црната листа на САД.

Димоски го прашува Јовевски дали го спасувал  Мерко од затвор преку Јавното обвинителство за организиран криминал и корупција, на чиешто чело денес е кадарот на ДУИ Ислам Абази.

Дали директно сте вршеле притисок предмет против Мерко кој се однесува на злоупотреби на продажба на општински имот да биде испратен во ОЈО за организиран криминал, каде што истиот потоа е „ставен на мраз”, прашува Димовски.

За Димоски соопштението на ЈОГКК е клише.

Недозволиво е сета вина да се фрла на основните обвинители во Струга во услови кога постои републички обвинител задолжен за нивна контрола, како и Вишо обвинителство во Битола кое најмалку двапати во годината ги контролирало истите обвинители, пишува Димоски.

Некој треба да го контролира и нив и нивното делување. Јас најодговорно тврдам дека во ниту еден од записниците за контрола на струшкото ЈО не се констатирани недостатоци во постапувањето во предметите против Мерко. Зошто е тоа така треба да одговорат раководителите на Вишото во Битола, а особено претходната раководителка како и координаторот за струшкото обвинителство во Вишото обвинителство во Битола, пишува Димоски.

The post Дали Јовески го спасувал Мерко преку Обвинителстовто за организиран криминал со кое раководи Ислам Абази? appeared first on Република.

Обвинителството на Ислам Абази од Зајаз, кој има тесни врски со ДУИ, треба да го години струшкиот градоначалник од ДУИ во постапките oтворени против него.

https://republika.mk/vesti/makedonija/so-site-se-gushka-i-slika-ama-se-znaat-samo-od-viduvanje-islam-abazi-se-druzi-so-celoto-rakovodstvo-na-dui/

Злоупотреба на службена должност и измама за експропријација на земјиште се главните дела за кои се води истрага за градоначалникот на Струга, Рамиз Мерко, потврдуваат од Обвинителството за гонење организиран криминал и корупција.

https://republika.mk/vesti/makedonija/abazi-e-vo-rodninska-vrska-so-inspektorot-koj-e-del-od-istragata-za-besa-trans/

Од обвинителството велат дека во моментов има 6 отворени предмети против Мерко, сите во предистрага. Дури и предметот од 2015 година.

https://republika.mk/vesti/makedonija/abazi-so-bejta-se-slikal-zoshto-majka-mu-go-poshtovala-so-bratot-na-ali-se-nashle-na-svadba-vo-zajas/

За струшкиот градоначалник Рамиз Мерко, кој од неодамна е на „црната листа“ на САД во евиденцијата на Јавното обвинителство (ЈО) има вкупно шест активни предмети покренати против него. Согласно евиденцијата на Јавното обвинителство, активни се предметите: КО бр. 107/23 , КО бр. 117/23, КО бр. 121/23, КО бр.208/15, КО бр. 15/22, и РО 55/19.

​Предметот КО бр. 107/23 е заведен по кривична пријава поднесена од повеќе Здруженија на граѓани, за кривично дело - Злоупотреба на службената положба и овластување од член 353 од КЗ.

-Пријавата е поднесена на 26.04.2023 година, постапува ОЈО Струга и презема дејствија за проверка на наводите, соопшти ЈО.

Предметот КО бр. 117/23  езаведен во ОЈО Струга против него и уште две други лица за кривични дела по член 353 и член 353-в од КЗ, а по кој има испитани лица и редовно се постапува.

Предметот КО бр. 121/23 е примен во ОЈО Струга на 19.05.2023 година и по него се проучува пријавата и предистражната постапка е на почеток.

Предметот КО бр.208/15 отворен е по пријава од УФП за кривично дело по чл.353 ст.1,2. и 5 против него и други три лица.

-Обвинителот што постапува во предметот издал Наредба за вештачење до Бирото за судски вештачења, по доставените наоди во три наврати е побарано дополнување на вештачењето. Предметниот обвинител се уште го чека постапувањето по Наредбата за дополнување издадена во февруари 2020 година, прецизираат од ЈО.

Предметот КО бр. 15/22 е отворен во ОЈОГОКК​ по кривична пријава од група адвокати против три лица, а во врска со ангажмани за адвокатски услуги, предметот е во предистрага и се постапува по него. 6.​

Предметот РО 55/19 е отврен по анонимна кривична пријава за кривични дела - Злоупотреба на службена положба и овластување и Измама против него и повеќе други лица, поврзано со експропријација на земјиште во Струга.

-По слични наводи постапувало и ОЈО Струга и ОЈОГОКК, по што двата предмети се споени, обезбеден е судскиот предмет и дел од списите кои се наведуваат во пријавата. Се наоѓа во фаза на предистражна постапка, велат од ЈО.

Меѓу пријавите кои згаснале во обвинителството е и онаа на Антикорупциска за злоупотреба со набавката на службени возила за Општина Струга, меѓу кои и луксузното ауди А6 за градоначалникот.

https://republika.mk/vesti/makedonija/vednash-da-podnesat-ostavki-sudiite-i-obvinitelite-vmeshani-vo-koruptsiskoto-samovolie-na-ramiz-merko/

Од Обвинителството велат дека крајно сериозно ги сфаќаат сознанијата на американскиот Стејт департмент за можното влијание на оваа личност врз постапки. Од тие причини, обвинителството за секој предмет веднаш ќе ја испита законитоста и брзината на дејствијата и можното влијание врз случајот. Сите обвинители за кои ќе се утврди дека постапиле ненавремено, непрофесионално и под влијание ќе бидат кривично гонети и јавноста ќе биде соодветно информирана, велат од Обвинителството.

Во меѓувреме, Судскиот совет следната недела се очекува да формира комисија од 3 члена која ќе изврши увид во Основниот суд Струга за да ги испита наодите на АСД за вмешаноста на Мерко во судските постапки. По проверките, наодите ќе бидат изнесени на седница на Советот, најавуваaт оттаму.

Исто така, додаваат, во текот на изминатите години против лицето се водени и повеќе други постапки по поднесени пријави од различни субјекти и институции.

The post Во обвинителството на Ислам Абази отворени 6 предмети за Мерко appeared first on Република.

Новата генерација јавни обвинители сакаат да работат во местото на живеење. Според списоците објавени од Советот на јавни обвинители, речиси сите побарале својата кариера да ја градат во родното место. За антикорупциската комисија тоа не е спорно иако меѓу кандидатите се деца или брачни другари на политичари и актуелни обвинители. За нив важно било новите обвинителите да не се во обвинителствата каде работат нивни блиски роднини, објави Сител.

Сепак, според антикорупционерите, притисоците и влијанијата се редовна појава, па дали новите обинители ќе останат имуни, зависи само од нивниот интегритет.
Според списоците на Советот на Јавни обвинители, синот на собранискиот претседател Џафери место бара во гостиварското обвинителство каде за три испразнети места има шестмина кандидати.. Сопругата на Абази пак обвинителската служба сака да ја извршува во Кичево.

И останатите нивни колеги побареле место во обвинителствата според местото на живеење. Антикорупциска пак смета дека е потребна анализа дали е потребно во секоја општина да има Јавно обвинителството.

Дали новите обвинители ќе добијат местото кое го посакуваат зависи од Советот на јавни обвинители. Од таму за Сител велат дека во тек се интервјуата со кандидатите, а изборот ќе случи најверојатно идниот месец. Последната генерација брои 28мина обвинители, а според испразнетите места, имаа можност да одберат место во 17 обвинителствата – сите во внатрешноста на државата.

The post Синот на Џафери и сопругата на Абази се пријавија на огласот за обвинители appeared first on Република.

Првиот човек на Обвинителството за организиран криминал и корупција, Ислам Абази, оформил предмет и делегирал јавен обвинител кој ќе го сослушува Бојан Јовановски-Боки 13 и кој ќе ги земе „бомбите“ односно аудио разговорите, видео снимките, транскриптите.

Од Обвинителството за „Макфакс“ посочуваат дека ќе ги земат сите материјали од Боки 13, а за кои осудениот посочи дека се докази за сторени кривични дела на личности од политиката, правосудниот систем и бизнис елитата.

Оттаму посочуваат дека сослушувањето не може да го прави лично шефот Абази, како што бараше Боки 13, оти тоа според Законот за јавно обвинителство, го прават избраните обвинители.

The post Абази ќе ги прегледува „бомбите“ на Боки appeared first on Република.