Финскиот претседател Саули Ниинисто вчера потврди дека неговата земја официјално ќе поднесе барање за членство во НАТО, а рускиот претседател Владимир Путин денеска предупреди на „одговор“ доколку „инфраструктурата“ на НАТО се прошири на која било земја.

Британските медиуми објавија видео кое се прошири на социјалните мрежи, а на кое наводно се гледа движењето на воените возила кон финската граница. Се верува дека тие носат ракети Искандер и се движат кон Виборг, град на помалку од 50 километри од Финска и околу 217 километри од главниот град Хелсинки.

Footage of Russia orcs moving 9K720 Iskander to the border with Finland against the backdrop of joining NATO.#PutinWarCriminal #UkraineUnderAttack pic.twitter.com/Ja9Y5D4W4g

— Anonymous Operations (@AnonOpsSE) May 16, 2022

Според „Дејли мејл“, „Искандер“ може да извршува широк спектар на улоги во зависност од боевата глава со која се опремени. Меѓу другото, тие може да имаат нуклеарно полнење за кое се смета дека е околу четири пати помоќно од бомбата што ја уништи Хирошима. Ракетите имаат дострел до околу 480 километри и најчесто се носат со патни мобилни лансери, што го отежнува нивното наоѓање и уништување.

The post Путин го праќа „Искандер“ на руско-финската граница: Британците објавија видео на Твитер appeared first on Република.

Генералштабот на вооружените сили на Украина, соопшти дека Русија распоредила мобилни ракетни системи „Искандер“ на 60 километри од украинската граница.

Непријателот го зголеми бројот на војници во регионот на Белгород со префрлање и концентрирање на дополнителни единици.

Според достапните информации, лансерите „Искандер-М“ се наоѓаат на 60 километри од границата со Украина - соопштија украинските вооружени сили, без да се наведат повеќе детали за локацијата на системот.

Нема потврда или демант на овие извештаи од Москва, ниту можат да се проверат од независен извор.

Белгород е град и административен центар на руската област Белгород, северно од границата со Украина.

„Искандер“, мобилен балистички ракетен систем со кодно име „SS-26 Stone“, го замени советскиот проектил Скад. Неговите две наведувани ракети имаат дострел до 500 километри и можат да носат конвенционални или нуклеарни боеви глави.

The post Русија во близина на Украина поставила ракетни системи кои може да носат нуклеарни боеви глави appeared first on Република.

Американските разузнавачи соопштија дека откриле балистички ракети што Русија ги истрелува кон Украина содржат мамки кои ги збунуваат радарите за противвоздушна одбрана и ги привлекуваат кон себе наведуваните ракети, пишува „Њујорк Тајмс“.

Уредите се долги околу еден метар, се во облик на стрела и се бели со портокалова опашка. Тие се ослободуваат од балистичките ракети со краток дострел „Искандер-М“ кои Русија ги испалува од мобилни фрлачи од другата страна на границата - вели американски функционер.

https://twitter.com/CAT_UXO/status/1500100071718854657?ref_src=twsrc%5Etfw%7Ctwcamp%5Etweetembed%7Ctwterm%5E1500100071718854657%7Ctwgr%5E%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F3893773%2Fmisteriozno-oruzje-rusija-ukrajina

Тој додава дека мистериозниот објект се испушта кога проектилот ќе забележи дека кон него е насочен радарски сноп од противничката противвоздушна одбрана.

Објектот е полн со електроника и произведува радиосигнали за да им пречи на непријателските радари кои се обидуваат да го лоцираат „Искандер-М“ и содржи извор на топлина за привлекување на проектилите што доаѓаат кон него - објаснува службеникот, кој не бил овластен да зборува јавно за разузнавачки работи и побарал да остане анонимен.

Пронајдените мамки би можеле да дадат одговор на прашањето зошто украинската воздушна одбрана има проблеми со пресретнувањето на руските ракети „Искандер“. Одговорот би можел да биде во овие мамки кои ја водат противвоздушната одбрана на погрешен пат.

„Искандер“ е балистички ракетен систем со краток дострел. Неговиот домет е повеќе од 400 километри.

The post Руските сили користат мистериозно оружје што ја збунува противвоздушната одбрана да ги пресретне проектилите appeared first on Република.