На 14.10.2024 во 12:00 часот во Полициската станица Карпош, од Јавната установа за згрижување деца било пријавено дека од установата се оддалечил нивниот штитеник И.И.(14) од Битола, кој и претходно се оддалечувал и бил враќан.

На 14.10.2024 во 15:10 часот во Полициското одделение Шуто Оризари, Н.Ј.(37) од Скопје пријавил дека од домот се оддалечил неговиот внук М.Ш.(15), кој и претходно се оддалечувал и бил враќан.

На 15.10.2024 во 02:30 часот во СВР Скопје, Е.Т.(36) од Скопје пријавил дека од домот се оддалечила неговата ќерка А.Т.(16).

Се преземаат мерки за пронаоѓање на лицата.

The post Тројца малолетници пријавени за исчезнати appeared first on Република.

По потонувањето на луксузната јахта вчера во бура кај Сицилија се трага по шестмина исчезнати меѓу кои се британскиот технолошки претприемач Мајк Линч (59) и неговата ќерка Хана (18), претседателот на банката Morgan Stanley International Џонатан Блумер и адвокатот Крис Морвило.

Ова го соопшти цивилната заштита на Сицилија додавајќи дека на луксузната 56-метарска едрилица имало 22 лица, државјани на САД, Велика Британија и Канада. Спасени се 15 лица, а потврдено е дека е пронајдено телото на готвачот.

Сведоци за италијанската новинска агенција Анса изјавиле дека сидрото на едрилицата било спуштено кога ја погодило невремето, поради што јарболот се скршил, а бродот изгубил рамнотежа и потонал. Потонатиот брод лежи на морското дно на длабочина од 50 метри, а нуркачите се подготвуваат да ја продолжат потрагата по исчезнатите.

Мајк Линч, еден од исчезнатите патници „е британскиот Бил Гејтс“. Тој е коосновач на софтверската компанија Autonomy, а во 2011 година ја продаде на американскиот компјутерски гигант Hewlett-Packard (HP) за 11 милијарди долари. Во јуни, тој беше ослободен во САД од повеќе обвиненија за измама, поради кои му се закануваше казна од 20 години затвор.

Јахтата потона истиот ден кога Стивен Чембрлен кој беше обвинет со Линч во случајот со измама, почина откако го удри автомобил.

Луксузната едрилица може да прими до 12 гости во шест апартмани. Сопственичката е Анџела Бакарес, сопругата на Линч, која е една од 15-те спасени луѓе. Преживеале и мајка и нејзиното едногодишно бебе од Велика Британија. Жената раскажала дека го држела своето бебе над површината на морето за да го спаси од давење.

Таа за италијанскиот весник „Ла Република“ изјави дека нејзиното семејство преживеало бидејќи биле на палубата кога потонала јахтата.

- Не разбудија громови, молњи и бранови. Се чувствувавме како да доаѓа крајот на светот. На две секунди ја изгубив ќерка ми во морето, а потоа брзо ја прегрнав, ја цитира весникот. Преживеаните раскажуваат дека патувањето го организирал Линч за неговите колеги од работа.

Брод кој пловел под холандско знаме во близина ги спасил преживеаните додека не пристигнала итната помош. Откако невремето поминало, капетанот Карстен Борнер рече дека неговиот екипаж забележал дека јахтата зад нив исчезнала.

„Видовме црвен факел, па јас и мојот прв офицер отидовме на позицијата и најдовме чамец за спасување со 15 преживеани, од кои тројца беа тешко повредени, изјави тој.

Осуммина од спасените се пренесени во болница, соопшти италијанската крајбрежна стража.

The post Сè уште се трага по исчезнатите од јахтата во која се наоѓаше и „британскиот Бил Гејтс“, Мајк Линч appeared first on Република.

Шест лица исчезнале за време на скијање на швајцарските Алпи, објавија француските медиуми, повикувајќи се на полицијата.

Таа пријавила дека туристите се исчезнати од вчера. Потрагата по нив е отежната поради многу лошите временски услови во областа во југозападниот швајцарски кантон Вале.

Полицијата не соопштува детали за идентитетот на исчезнатите туристи.

The post Шест лица исчезнаа на скијање на швајцарските Алпи appeared first on Република.

Двајца малолетнци, штитеници од Установа за згрижување деца, исчезнале. ОД МВР велат дека од вчера, откако е пријавено дека ги нема, се преземаат мерки за нивно пронаоѓање.

Вчера околу 11.30 часот во СВР Скопје, од Јавна установа за згрижување деца било пријавено дека од организационата единица се оддалечиле нивните штитеници Р.Џ.М.(16) од Куманово и Р.Н.(17) од Крива Паланка, кои и претходно се оддалечувале од установата и биле враќани назад, извести МВР.

The post Исчезнале штитеници од Установа за згрижување деца appeared first on Република.

Илјадници војници и цивили се пријавени како исчезнати откако руските сили ја нападнаа Украина на крајот на февруари, изјави Аљона Вербитска, советничка на украинскиот претседател Володимир Зеленски, јави ДПА.

„Русија во моментов потврди дека заробила 3.392 Украинци, но во Украина има околу 15.000 исчезнати, од кои многу цивили“, изјави Вербичка за германскиот весник Redaktionsnetswerk Deutschland.

Ништо не се знае за судбината на тие луѓе, рече Вербитска, чија задача е да го следи почитувањето на правата на украинските војници.

Оваа нејаснотија е особено болна за роднините на овие лица, нагласи советничката.

The post Во Украина исчезнале околу 15.000 луѓе од почетокот на војната appeared first on Република.

Грчкиот медиум „Ворија“ објави дека на еден од бродовите со кои се врши потрагата по исчезнатите се наоѓаат татко и брат на едно од момчињата.

Потрагата по исчезнатите момчиња на Халкидики продолжува, а во акцијата учествуваат бродови на крајбрежната служба, како и останати приватни чамци, но и еден хеликоптер.

Вчерашната акција не даде резултат, односно немаше трага од двете исчезнати момчиња, додека едно момче од Македонија беше спасено и испратено во болница.

Од Крајбрежната служба на Грција за дописничката на МИА од Атина вчера потврдија дека спасениот е од Македонија и станува збор за 25-годишно момче, кое е во добра здравствена состојба.

The post Нови детали: Во потрагата на Халкидики се вклучени татко и брат на едно од исчезнатите момчиња appeared first on Република.

Во Јапонија пронајдени се десет од вкупно 26 лица кои исчезнаа вчера откако туристичкиот брод КАЗУ 1 испрати сигнали за потонување.

Лицата се пронајдени во близина на брегот на северниот остров Хокаидо област каде се случи и исчезнувањето на бројот, а повикувајќи се на потврда од јапонската крајбрежна стража ТВ каналот НХК објави дека десетте лица кои беа пронајдени се мртви.

Според информациите кои се објавени, три од пронајдените тела се жени, а седуммина мажи. Претходно беше соопштено дека пронајдените се во бессознание. КАЗУ 1 во саботата попладне испратил сигнал дека почнува да тоне, по што била прекината комуникацијата со бродот.

На бродот имало 24 туристи, меѓу кои и две деца, како и двајца членови на екипажот – капетанот и неговиот помошник.

Во потрагата по останатите 16 лица се вклучени и крајбрежната стража и војската,а како што пишуваат медиумите, шансите некој да преживеал се мали со оглед на студените води со дневни температури од 2-3 степени.

The post 10 патници се пронајдени мртви, а 16 се исчезнати, откако потона туристички брод во Јапонија appeared first on Република.

Украинскиот омбудсман за човекови права Људмила Денисова денеска изјави дека повеќе од 400 жители на градот Хостомел се водат како исчезнати, по 35 дена окупација од страна на руските сили и се повика на изјавите на сведоците кои тврдат дека некои од нив биле убиени.

Повеќе од 400 луѓе исчезнаа за време на 35-те дена окупација во Хостомел. Сведоци тврдат дека некои се убиени, а се уште не се знае каде се“, изјави Денисова.

Таа не кажа колку луѓе можеби биле убиени во Хостомел, во близина на главниот град Киев, и не даде директни докази за нејзините тврдења, како и на кого се повикуваат сведоците и други детали.

Руските сили го зазедоа Хостомел, лоциран во близина на аеродромот, веднаш по инвазијата на Украина на 24 февруари, а украинските власти истражуваат други извештаи за наводни руски злосторства, вклучително и во градот Буча, во близина на главниот град Киев.

Кремљ соопшти дека обвинувањата дека руските сили извршиле воени злосторства убивајќи цивили во Украина, вклучително и во Буча, се „монструозен фалсификат“ со цел да се клевети руската војска

The post Украинскиот омбудсман за човекови права Људмила Денисова: Повеќе од 400 жители на градот Хостомел се водат како исчезнати appeared first on Република.

Во петокот, во 15.50 часот од полициски службеници од СВР Скопје на автобуска постојка во село Сушица пронајдени се Б.С.(15) од с.Марино и Д.Т.(15) од с.Мралино, за кои на 07.02., односно на 09.02. било пријавено дека се оддалечиле од дома.

Лицата се предадени на родителите.

The post По пет дена пронајдени двајца исчезнати тинејџери appeared first on Република.