Грчката полиција трага по две деца кои биле пријавени за исчезнати на 13 јули на островот Родос.

Како што пишуваат грчките медиуми, тие биле киднапирани од нивната мајка и речиси еден месец од нив нема ни трага ни глас. Во Грција е активиран „амбер алерт“ за потрага по децата за кои се верува дека се во опасност, пишуваат грчките медиуми.

Мајката ги однела синот Јоанис Рафаел Апостолакис (8) и ќерката Агапи Апостолакис (6) во непознат правец, а полицијата го повикува секој кој ги видел децата или има некаква информација да извести во најблиската полициска станица.

Јоанис има кафени очи и кафена коса, висок е 130 сантиметри и со нормална тежина. Не е познато што носел во моментот на неговото исчезнување.

Ирини има кафени очи и кафена коса, висока е и слаба 115 сантиметри. Исто така, не е познато што носела во моментот на исчезнувањето.

Секој со каква било информација се замолува да се обрати на „Детска насмевка“ на 24-часовните телефонски броеви и на „Европската линија за исчезнати“.

The post Осум и шестгодишно дете исчезнаа во Грција appeared first on Република.

Во организација на Граѓанската организација Новинари за човекови права, во соработка со партнер организацијата ЕКПАТ-Австрија, денеска ќе се одржи завршната конференција на проектот „Пилот-проект за Систем за рано предупредување за исчезнати деца“, на која ќе биде промовирана веб-страницата на Систем за рано предупредување за исчезнати деца - najdime.org.mk. Веб-страницата ќе биде на три јазици - македонски, албански и ромски, а ќе фунционира со поддршка на Министерството за внатрешни работи.

Системот за рано предупредување ќе споделува информации за исчезнатите по претходна потврда на пријавата во МВР, по што ќе се дистрибуираат преку каналите за комуникација на партнерите, бизнисите со кои е остварена соработка: банкомати на банки, дигитални дисплеи во јавниот сообраќаен превоз, комуникациски канали на групацијата за такси превоз, хотелските услуги..., посочуваат од Новинари за човекови права.

Како што најавуваат организаторирете, на настанот ќе се обратат Јетон Шаќири, министер за образование и наука, Тони Ангеловски, помошник за односи со јавност на министерот за внатрешни работи, Јасна Стојкоска, асистент на полициско аташе при австриска Амбасада во Скопје, Харалд Фугер, Аташе на Федералното Министерство за социјални работи, здравје, грижа и заштита на потрошувачи на Австрија.

Воедно ќе бидат промовирани и останатите постигнувања од проектните активности во изминатите две и пол години, препораките до институциите, а со сите засегнати чинители, претставниците на институциите, бизнисите, експертите, ќе се дискутира и за бенефитот од размената на искуства, олеснетата меѓуинституционална размена на информации и поддршката на системот за алармирање за да се намали ризикот од исчезнување на децата и да се забрза процесот на наоѓање.

На конференцијата ќе се дискутира и за начините на интензивирање на досегашната соработка на различни засегнати страни (јавниот и приватниот сектор, граѓанските организации, медиумите) во рамки на „Пилот проект за систем за рано предупредување на исчезнати деца“ со цел непречено функципнирање и на долг рок и институционализирање на системот за алармирање.

Следејќи ги искуствата од другите земји кои имаат системи за предупредување за исчезнати деца и потпирајќи се на австрискиот пример – „Австрија ве наоѓа“, Новинари за човекови права и во соработка и под проектен менаџмент на ECPAT Австрија, го спроведува проектот во Македонија со експертска поддршка од земјава и ЕУ и ангажирање и вмрежување на повеќе чинители: јавен и приватен сектор, граѓански организации, медиуми.

Проектот, чија главна цел е да се подобрат постоечките пристапи и да се изнајдат нови методи за превенција, истрага и ублажување на трговијата со луѓе и деца, како и заштита или зајакнување на правата на засегнатите преку размена на искуства и стекнување нови знаења, се спроведува во периодот од 1 јули 2021 година до 31 декември 2023 година, со финансиска поддршка од австриското Сојузно Министерство за социјални работи, здравство, грижа и заштита на потрошувачите.

The post И Македонија добива „Најди ме“ – веб страница на Системот за рано предупредување за исчезнати деца appeared first on Република.

Двете малолетни девојчиња на возраст од 12 и 15 години кои исчезнаа пред три дена, денеска околу пладне биле пронајдени во близина на Веро во скопски Чаир.

Нивни роднини информираа дека граѓани ги виделе и ги запреле, а веднаш потоа ја известиле полицијата. Оваа вест ги израдува членовите на семејствата, но за жал поради исчезнувањето, влошена му е здравствената состојба на еден од татковците.

Енгин за ТВ 24 вели дека состојбата на неговата ќерка е добра и се вршат институционалните процедури.

Официјално дека завршила потрагата за девојчињата потврдуваат и од МВР. Полицијата ги пронајде двете исчезнати малолетнички на подрачјето на Бит Пазар.

– Денеска во 13:30 часот на ул. Џон Кенеди“ кај продажен објект во паркот од страна на полициски службеници од ЕВР Центар и Бит Пазар по деноноќната потрага се пронајдени малолетничките М.К ( 15 ) и А.А ( 12 ) за кои на 30 03 2023 во вечерните часови беше пријавено дека се одалечиле. По документирање на случајот малолетничките ќе бидат предадени на родителите.

Потрагата траеше три дена. И на социјалните мрежи имаше апели по што се вклучија и членови на навивачки групи. 15 годишната Мелиса досега неколку пати се оддалечувала од домот и повторно се враќала. Засега нема официјални информации дали двете девојчиња заедно исчезнале и имаат поврзаност двата случаи.

The post Девојчињата најдени здрави и живи, влошена здравствената состојба на еден од татковците appeared first on Република.

Навивачката група „Шверцери“ ги повика своите членови да се вклучат во потрагат по двете исчезнати девојчиња.

Ги повикуваме нашите членови од секое маало, од секоја подгрупа, од 21:30 до 22:00 часот, ве очекуваме да се сретнеме на плоштадот Скендербег, а од тука ќе излеземе во потрага по нашите сестри. Ни треба помош од сите! Аниса и Мелиса се наши ќерки и сестри!, се вели во повикот.

Полицијата од вчера трага по Аниса и Мелиса, девојчиња на возраст од 12 и 15 години чии родители вчера ги пријавија за исчезнати. Мелиса и претходно во повеќе наврати се оддалечувала од домот и била враќана назад.

The post „Шверцери“ се вклучуваат во потрагата по Аниса и Мелиса: Тие се наши ќерки и сестри appeared first on Република.

Две тинејџерки се пријавени за исчезнати вчеравечер во Полициската станица Бит Пазар.

Во 20:30 часот Е.А.(38) пријавил дека се оддалечила неговата ќерка А.А.(12), а околу 22:00 часот Ѓ.О.(39) пријавил дека се оддалечила неговата ќерка М.К.(15).

https://republika.mk/vesti/crna-hronika/semejstvoto-e-vo-agonija-devojche-ja-viknalo-anisa-srede-uchilishen-chas-vchera-i-ottogash-i-se-gubi-traga/

М.К. и претходно во повеќе наврати се оддалечувала од домот и била враќана назад.

Од МВР велат дека се преземаат мерки за пронаоѓање на лицата.

The post Покрај Аниса, се трага и по 15-годишната Мелиса appeared first on Република.