Полицијата откри неколку предмети што се верува дека ѝ припаѓале на 43-годишната Лидија Трајковска, која исчезна пред два дена.

Според информации од Министерството за внатрешни работи, утврдено е дека Лидија тргнала од Јурумлери кон Драчево, а предметите, меѓу кои кутија од цигари, запалка и џемпер, биле најдени во близина на мостот на реката Вардар.

Сопругот на Лидија потврдил дека кутијата од цигари и запалката ѝ припаѓаат на неговата жена, додека за џемперот рекол дека не е нејзин.

Полицијата, заедно со роднини и волонтери, продолжи со пребарување на теренот, а извршени се и обиколки по течението на реката Вардар. Пребарана е пошироката околина, вклучувајќи и напуштени објекти, а потрагата продолжува со помош на дрон, кој ги надлетува бреговите на реката во должина од пет километри.

Претходно, семејството откри дека добило закани за изнуда.

https://republika.mk/vesti/crna-hronika/kriminalets-se-javil-kaj-semejstvoto-vo-obid-da-iznudi-pari-tret-den-se-traga-po-43-godishnata-lidija/

The post Полицијата пронајде неколку предмети, се верува дека се на исчезнатата Лидија Трајковска appeared first on Република.

Полицијата ја продолжува потрагата по 43-годишната Лидија Трајковска од скопско Јурумлери, која трет ден се води за исчезната. Според семејството, трагата ѝ се губи во Лисиче кога оди кон Вардар, информација која ја добиваат по преглед на камерите. Велат никогаш не се качила во автобус, тргнала пешки.

Семејството посочува дека е семејна жена, која немала никакви здравствени проблеми. За медиумите посочија дека била одговорна и не била конфликтна личност. Засега ниту тие не можат ни да претпостават што се случило со Лидија.

Познато е само дека освен теренска обиколка, информативни разговори, преглед на камери – пребарувано е и со дронови.

https://republika.mk/zivot/servisi/dushata-moja-majche-moja-ochite-moi-tret-den-ni-traga-ni-glas-od-lidija/

Имало и обид за изнуда на пари од семејството. Им пристигнала порака во која се бараат 500 евра во замена за информација за тоа каде се наоѓа Лидија. Според информациите на „24 инфо“, полицијата веднаш открила за кого се работи со вештачење на телефонот и откриваат дека се работи за човек со криминално досие, затвореник за убиство, меѓу останатите кривични дела.

Лидија ја нема од петокот наутро, 8 ноември. На себе имала зелен дуксер со црни шари, бели фармерки и црни чизми.

Семејството ги повикува сите граѓани кои евентуално ја забележале или имаат информации кои би помогнале да се расветли случајот, да го контактираат нив на бројот 071 345 208 или полицијата.

The post Криминалец се јавил кај семејството во обид да изнуди пари – трет ден се трага по 43-годишната Лидија appeared first on Република.

Мартина Трајковска на социјалните мрежи апелира за било каква информација за нејзината мајка.

Исчезната е мајками последен пат видена на автобуска на Јурумлери носи зелен дуксер со црни шари бели фармерки и црни чизми доколку некој ја види ве молам јавете се 071345208

The post Исчезна жена, последен пат видена на автобуска во Јурумлери appeared first on Република.

Во Полициското одделение Теарце вчера било пријавено дека на место викано „Караџица“, атар на с.Јелошник, биле пронајдени човечки коски.

Увидна екипа на СВР Тетово и јавен обвинител извршиле увид, при што било констатирано дека најверојатно се работи за О.Д.(81) која имала здравствени проблеми, а за која на 11.08.2024 во Полициското одделение Теарце нејзината ќерка Т.Г. пријавила дека се оддалечила од домот и според описот во пријавата се совпаѓа облеката и предметите пронајдени кај телото, соопшти СВР Тетово.

По наредба на обвинителот деловите од телото биле предадени на обдукција.

80-годишната Олгица Димитровска, која боледувала од деменција, за викендот 10,11 август престојувала во шарпланинското село Јелошник, Општина Теарце.

Нејзината ќерка забележала дека ја нема од околу 8 часот утрото, а по неколку часовна безуспешна потрага низ селото било пријавено и во полицијата. Семејството побара помош за нејзино наоѓање и преку социјалните мрежи и медиумите. Неколку дена во атарот на селото Јелошник беа организирани повеќе неуспешни потраги во кои учествуваа специјални единици на МВР, планинари, алпинисти, пожарникари и граѓани.

https://republika.mk/vesti/crna-hronika/se-bara-80-godishnata-olgitsa-dimitrovska/

The post Исчезнатата Олгица по два месеца пронајдена почината appeared first on Република.

Вчера во 14:12 часот во водите на Стара река, кај местото Захват систем за наводнување на ЗЗ „Петрушка река“ била пронајдена удавена И.Д. (33) од село Миравци, Гевгелиско, која еден час претходно била пријавена дека се оддалечила од нејзиниот дом, соопштија попладнево од СВР Струмица.

Лекар констатирал смрт, а по наредба на јавен обвинител телото на удавената жена било предадено на обдукција.

The post Исчезнатата 33-годишна жена од Миравци е најдена удавена во река appeared first on Република.

Изгубена е баба Сашка, алармира семејството. Станува збор за реон Центар, Тафталиџе, Карпош, но може да е било каде во Скопје!

Баба Сашка има 80 години и дијагностицирана деменција. Облечена е во црно со црн плик-ташна.

Го напуштила својот дом денес во 13 и 30 часот.

Ве молам споделете, доколку некој ја забележи пријавтете во полиција Беко или јавете се на следниот телефонски број 070789169

The post Денеска во Скопје изгубена е баба Сашка appeared first on Република.

На социјалните мрежи е објавен апел за пронаоѓање на исчезната 72-годишна жена од скопското село Долно Личисе.

Станува збор за Аница Најдоска, и како што пишува нејзината внука, таа досега не излегувала од куќата без знаење на домашните.

Најдоска исчезнала на 4 април и е пријавено во полиција.

The post Исчезната е 72-годишна жена од Долно Лисиче appeared first on Република.

Милка Чалова, семејна жена од Демир Капија, без сериозни здравствени проблеми, веќе седум дена е исчезната од својот дом.

https://republika.mk/vesti/crna-hronika/pet-dena-se-traga-po-ischeznata-zhena-od-demir-kapija-semejstvoto-so-apel/

Таа е на возраст од 75 години, живеела заедно со синот, снаата и внучињата. Како што раскажува нејзиниот син Младен за „Фокус”, мајка му функционирала без проблеми, се грижела за домот, имала пријателки со кои често се гледала, одела и во берба на ореви. Никогаш не се случило да замине од дома без да им каже на блиските каде оди.

Веќе шест дена постојано ја барам со пријатели. Не сме седнати. Случајот го пријавивме во полиција на 24 јануари, кај 23 часот. Тој ден таа се однесуваше како и секогаш, се напила кафе со мојата сопруга, и излегла од дома кај 16 часот. Тоа го видовме на камерите на соседот. Самиот проверував камери насекаде, последен пат е забележана кај бензинската станица „Макпетрол“. Облечена е во сив џемпер, црни пантолони, плави чизми и ташна. Се движи со помош на штака, рече вчера вознемирениот син.

Повеќе на „Фокус“

The post „Во чантата имаше само празна ќеса“, вели синот на исчезнатата жена од Демир Капија и апелира за помош appeared first on Република.

Седми ден трае потрагата по Зојка Луковиќ, родена 1954 година, која излегла од својот дом во Драчево на 31 декември, околу 12 часот, по што ѝ се губи секаков траг.

Нејзиниот син Марјан за „Фокус” вознемирен од настанот раскажува дека мајка му немала здравствени проблеми и живееле заедно. Животот го поминала работејќи хонорарни работи, чувала стари лица, се борела да донесе парче леб како самохран родител.

Дента кога исчезнала носела црвена јакна и капа, и е ситна жена со црвена коса. Тој и се јавил на мобилниот околу 18 часот, и вели дека штом и го слушнал гласот знаел дека нешто не е во ред, па веднаш пријавил во полиција.

Мајка ми излегла од дома околу 12 часот. Се беше во ред со неа, немаше никаков проблем. Кога во 18 часот и се јавив да видам каде е и зошто не си доаѓа дома, таа не можеше да зборува на телефон. Ми одговори на повикот, кога ја прашував каде е, само нешто нејасно слушнав, сфатив дека нешто се случува и веднаш се јавив во полиција, раскажува тој.

Ова е втор случај во Драчево за девет месеци, како исчезнува жена со слична физиономија. Во март лани и се изгуби трагот на Виолета Крстевска Јаневска (60). Таа тргнала во оптика да си ги земе наочарите, и од тогаш ја нема.

Нејзината ќерка тогаш раскажа дека по неколку часа ѝ се исклучил и мобилниот телефон. Појаснуваше дека се работи за сериозна жена, која никогаш не би заминала од дома без збор, работела како сметководителка во Факултетот за безбедност, била со ситна градба, слаба, со црвена кратка коса.

https://republika.mk/vesti/crna-hronika/majka-mi-e-odgovorna-organizirana-i-zdrava-lichnost-ja-nema-vekje-8-dena-semejstvoto-vo-potraga-po-ischeznata-violeta-baraat-pomosh/

Целата сторија на Фокус

The post Втора исчезната жена за девет месеци во Драчево, со слична физиономија како првата која уште не е пронајдена appeared first on Република.

Вчера во 9 часот во Одделението за внатрешни работи во Дебар, А.М.(38) од село Могорче пријави дека од домот се оддалечила неговата сопруга В.М.(37), информираше Стефан Димоски, портпарол на Секторот за внатрешни работи-Охрид.

Тој додава дека се преземаат мерки за пронаоѓање на исчезнатото лице. Жената немала здравствени проблеми, со себе имала телефон, но не се јавувала на повици.

The post Исчезната 37-годишна жена од Могорче appeared first on Република.

Вчера после 15 часот е последен пат кога семејството ја видело Зинка Доневска, која исчезнала во околината на Стајковци. Нејзината ќерка сподели апел за помош, и замолува доколку некој има било каква информација да ја побара на телефонскиот број 070 598 754.

Доневска боледува од деменција и последен пат била видена кај скопска обиколница.

The post Од вчера ја нема Зинка Доневска, семејството моли за помош appeared first on Република.

На социјалните мрежи се шири апел за помош на наши сограѓани кои бараат жена која е исчезната на 24.07. околу 13 часот во населба Ченто, во близина на Фурна 10.

Според напишаното на ќерката на исчезната, жената последен пат била забележана облечена во портокалова маица и црни патики.

Оставен е и контакт телефон во случај ако некој ја примети или види исчезнатата.

The post Исчезна жена во Ченто, последен пат е видена во неделата appeared first on Република.

Денес е 10-ти ден откако баба Рада излегла од домот во Волково и се упатила во непознат правец.

Семејство упатува апел секој кој ќе ја види да ја информира полицијата или да ги контактира нив.

Нејзини фотографии се споделуваат и на социјалните мрежи.

The post Веќе 10 дена ја нема баба Рада од Волково appeared first on Република.