Исчезнат е маж од Струга откако пред два дена отишол да бере печурки кон селото Брчево и не се вратил дома. Неговото исчезнување во СВР Струга го пријавил неговиот брат откако никако не можеле да воспостават контакт со него.

Регионалниот ЦУК Охрид, информира дека од Полициска станица Струга известиле дека има пријава на исчезнато лице од Струга, имено лицето К.М. од својот дом на 20.10.2024 год се упатил во с.Брчево (Општина Струга) на берење печурки, но до овој момент не е вратен ниту можеле да воспостават контакт со истиот. Во полициската станица Струга како исчезнат го пријавил неговиот брат Љ.М., стои во соопштението на ЦУК

The post Се трага по стружанец кој тргнал да бере печурки и не се вратил дома appeared first on Република.

Министерството за внатрешни работи апелира до граѓаните доколку имаат било каква информација за Марк Јорис (72), белгиски државјанин кој на 18.09.2024 од страна на Интерпол Брисел и амбасадата на Белгија е пријавен како исчезнат, да пријават во најблиската полициска станица или на телефонскиот број 112.

Во МВР е пријавено дека Марк Јорис е исчезнат, а, според пријавеното, тој имал планирано рута за планинарење во реонот Охрид - Струга (Вевчани) – Дебар- општина Маврово и Ростуше и на север кон Албанија. Со помош на дрон е извршена потрага и опсервација на теренот, но лицето не е пронајдено, а се преземаат и низа други мерки и активности за пронаоѓање на лицето, соопштија од МВР.

The post Се бара и со дрон: МВР апелира да се пријави било каква информација за исчезнатиот Јорис appeared first on Република.

Седумдесет и едногодишен белгиски планинар е пријавен за исчезнат. Марк Јорис последен пат бил забележан во атарот на село Лакајца, струшко, на 18 ти септември каде се движи по позната патека High Scardus Trail и очекувано е да помине низ Вевчани, Охрид и НП Галичица се до манастирот Св.Наум, каде што завршува последната етапа од патеката.

„Доколку го забележите јавете се на 112“, апелираат надлежните.

The post Се трага по Белгиец кој исчезнал на Галичица appeared first on Република.

Малолетникот по кој полицијата трагаше, откако исчезна по семејна расправија, се вратил дома.

На 29.06.2024 во 20.15 часот во Полициското одделение Петровец Б.Ц.М.(34) од с.Петровец-скопско пријавила дека дома се вратил нејзиниот малолетен син Г.Ц.(12), кој истиот ден беше пријавен дека се оддалечил од домот по семејна расправија - информира МВР.

The post Исчезнатиот малолетник од Претровец се вратил дома appeared first on Република.

Исчезнато е лицето Стефан Ангеловски од нас. Г. Оризари, Битола. Висок е 190см., тежок околу 90 кг, последен пат бил облечен со црна маица на кратки ракави, гри бермуди и бели патики Адидас.

За било каква информација може да се пише во коментар на постот на социјалните мрежи или јавете се на 192.

The post Исчезнат е Стефан Ангеловски од Битола appeared first on Република.

На Сува Планина, недалеку од палубата за набљудување кај Бојанини Води, утрово е пронајдена првата трага на Милан Ѓорѓевиќ (41), кој исчезна во понеделникот попладне. Станува збор за кутија цигари и запалка.

Полицајката нашла цигари и запалка недалеку од кривината за набљудувачката станица. Семејството на Милан потврди дека тоа се неговата запалка и цигарите што ги пушел. Потрагата сега е насочена кон набљудувачката кула и ридот под неа, вели еден од учесниците во потрагата.

Потрагата ја отежнува и тоа што се работи за многу стрмен и непристапен терен.

The post Пронајдена трага на исчезнатиот маж на Сува Планина appeared first on Република.

Иван Штрба (39) од Нови Сад, кој бил на Света Гора, според грчките медиуми, исчезнал за време на аџилак.

Во соопштението на „Лајфлајн“, веб-страница која се занимава со исчезнати лица, се наведува дека тој престојувал сам на Света Гора.

Имаше исчезнување на возрасно лице од областа Света Гора. Иван Штрба (39) исчезна од областа Света Гора на 13 мај 2024 година. Бараниот престојувал како посетител на Света Гора, од каде што заминал на 13.5.2024 година поради истекување на дозволата за престој. Оттогаш тој исчезна без трага.

GRAMMI ZOIS беше информиран од Генералниот конзулат на Република Србија дека побарал активирање на SILVER ALERTA Social Alert на 21.5.2024 година во вечерните часови и по собирањето на потребните придружни документи, беше активиран SILVER ALERT Social Alert за да се мобилизираат сите да го пронајдат. Неговиот живот може да биде во опасност, се вели во соопштението.

The post Србин исчезна во Грција appeared first on Република.

На 18.01.2024 во 12.00 часот во СВР Скопје, од Јавната установа за згрижување деца со воспитно социјални проблеми и нарушено поведение на подрачје на Карпош – Скопје било пријавено дека од установата се оддалечил нивниот штитеник М.А.(16), кој и претходно неколку пати се оддалечувал и бил пронаоѓан и враќан.

Се преземаат мерки за пронаоѓање на лицето.

The post Се трага по 16-годишен штитеник од Јавната установа за згрижување деца со воспитно социјални проблеми appeared first on Република.

Дваесет и деветгодишен струмичанец кој на 9-ти декември беше пријавен дека се оддалечил од семејниот дом, три дена претходно влегол во Бугарија каде што живее неговата мајка.

„Во врска со објавите на социјалните медиуми за лице М.Д.(29) од Струмица, кое се оддалечило од домот во Струмица, пријавено во Полициската станица Струмица на 09.12.2023 од страна на неговиот татко Т.Д.(64), ве известуваме дека од страна на СВР Струмица веднаш се преземени мерки и активности за негово пронаоѓање. Меѓу другото, извршени се проверки на граничните премини кон Бугарија, земја во која лицето редовно одело во посета на неговата мајка, при што е утврдено дека М.Д. остварил излез од државата на 06.12.2023 во 18.20 часот на Граничен премин Ново Село“, информираат од МВР.

Се преземаат и дополнителни мерки за расчистување на случајот.

The post Струмичанецот кој беше пријавен за исчезнат, на 6 декември влегол во Бугарија каде живее неговата мајка appeared first on Република.

Ни трага ни глас веќе една недела нема од 29-годишниот Марко Давчев од Струмица. На страницата „Струмица денес“ се споделува апелот од неговото семејство доколку имате било каква информација да пријавете во полиција.

Неговото изчезнување во полиција било пријавено на 9 декември годинава.

На 09.12.2023 година во Полициската станица Струмица Т.Д.(64) од Струмица пријави дека од нивниот дом се оддалечил неговиот син М.Д. (29), кој бил со нарушено здравје. Се преземаат мерки за пронаоѓање на лицето, стои во билтенот на МВР.

The post Една недела нема траг од Марко Давчев appeared first on Република.

Секторот за внатрешни работи-Охрид, информираше дека во Дебар е пронајдено лице-жител на долнореканското село Требиште, кое претходно било пријавено за исчезнато.

Вчера во 13.00 часот, при контрола во возило „опел“ со скопски регистарски ознаки, извршена на улицата „8 Септември“ во Дебар, полициски службеници од Одделението за внатрешни работи- Дебар го пронајдоа И.Ј.(25) од селото Требиште, општина Маврово Ростуше. Тој на 4 септември годинава беше пријавен дека се оддалечил од домот, рече Стефан Димоски, портпарол на СВР-Охрид.

Исто така информираше дека вчера пола час по полноќ во ОВР-Дебар е пријавено дека во казино на главната улица „8 Септември“ во Дебар, З.Л. од Дебар го нарушил јавниот ред и мир со агресивно однесување кон вработените и присутните гости.

По целосно документирање на настанот, против него ќе биде поднесена соодветна пријава.

The post Маж пријавен за исчезнат во септември пронајден во Дебар appeared first on Република.

Вчера во 15.45 часот во СВР Велес било пријавено дека на автопатот „Пријателство“, во правец од Скопје кон Велес, на околу 1400 метри после исклучок за езеро Младост, било пронајдено патничко возило „форд фокус“ со велешки регистарски ознаки, кое излетало надвор од коловозот.

Во несреќата, од здобиените повреди починал возачот Д.П.(59) од Велес, за кој на 06.12.2023 неговиот внук пријавил дека се оддалечил од домот, соопшти МВР.

Смрт констатирал лекар од Итна медицинска помош - Велес, а увид на местото извршиле Јавен обвинител и увидна екипа од СВР Велес.

По наредба на јавен обвинител телото е предадено на обдукција.

The post Велешанец пријавен за исчезнат пронајден починат во провалија, откако со возило излетал од пат appeared first on Република.

Пронајден е пожарникарот на ТППЕ- Штип кој исчезнал додека се гаси пожарот на планината Серта кај штипското село Селце. Пилотите кои го гаснат пожарот од воздух го забележале во непристапен терен.

Директорот на Центарот за управување со кризи, Стојанче Ангелов информира дека имало и обид со сајла да се извлече, но поради ветерот и лошата здравствена состојба на пожарникарот, оваа акција е стопирана, а со пожарникарот останал припадник на специјалната полициска единица.

Во моментов кон местото се упатени неколју штипски пожарникари и ловци кои го знаат теренот. МИА во петокот, на 6 октомври информираше дека има голем пожар на планината Серта и гори нискостеблеста шума во непристапен планински терен

The post Пронајден е пожарникарот кој беше исчезнат на планината Серта, сега го извлекуваат appeared first on Република.

Полицијата го пронајде 36-годишниот маж од селото Цветово кој пред два дена беше пријавен за исчезнат од страна на неговиот брат.

Од полицијата информираа дека вчера го пронашлаше мажот на врвот на планината Китка.

The post Човекот кој беше пријавен за исчезнат најден на врвот на Китка appeared first on Република.

Центарот за управување со кризи инфрормира дека и во текот на вчерашниот ден се одвивала потрагата по исчезнатото лице од село Теново, Општина Брвеница пријавено пред десет дена.

Во координација на раководителот на РЦУК Тетово беа вклучени 25 полициски службеници кои ги пребаруваат нивите, а и коритото покрај реката Вардар.

Припадници на Армијата со едно куче од армискиот Центар за обука и дресура за кучиња (ЦОДК) го пребаруваа планинскиот дел на село Теново од 09:00 до 12:10 часот, заедно со еден вработен од ДЗС Тетово и еден вработен од Општина Брвеница.

Фрлени вреќи со облека во облик на човечко тело во водата на Вардар за момент дадоа надеж дека исчезнатиот е пронајден. Конкретно, во 10 часот се препоставуваше дека исчезнатиот е пронајден во реката Вардар во с. Радиовце, но тоа беше лажна трага, бидејќи по влегувње на нуркачите од ТППЕ Тетово беше утврдено дека не е исчезнатиот, туку дека биле вреќи со алишта коишто во водата изгледале како човечко тело во облека, информира ЦУК.

Инаку, веќе подолго време трае потрагата по Иса Рушити од село Теново, Општина Брвеница кој излегол од дома во периодот помеѓу 4 и 5 август и оттогаш не се вратил дома.

Случајот бил пријавен на 6 август по што е започната потрагата во која учествуваат Центар за управување со кризи, Дирекција за заштита и спасување, МВР, Општина Брвеница како и граѓани.

Исчезнатиот сè уште не е пронајден, а се планира потрагата да продолжи и во наредните денови.

The post Вреќи со облека во Вардар налик човечко тело за момент ги измамија нуркачите, потрагата по исчезнатиот продолжува appeared first on Република.

Веќе седум дена трае потрагата по Иса Рушити од село Теново, Општина Брвеница кој излегол од дома во периодот помеѓу 4 и 5 август и оттогаш не се вратил дома.

Случајот бил пријавен на 6 август по што е започната потрагата во која учествуваат Центар за управување со кризи, Дирекција за заштита и спасување, МВР, Општина Брвеница како и граѓани.

– Денес од 10 часот во потрагата се вклучени 70 полициски службеници кои ќе го пребаруваат теренот кај нивите и шумата во атарот на село Теново. Во случај и денес ако нема траги од исчезнатото лице и не биде пронајдено, од 14.08.2023 година понеделник Регионалниот Центар за управување со кризи ќе бара до ХЕЦ Маврово да го намали испуштањето на водата, а со тоа и да се намали нивото водата на реката Вардар каде што ќе пребарува речното корито што поминува покрај самото село. Ситуацијата се координира и се следи од РЦУК Тетово и благовремено ќе известува за подетални информации, согласно развојот на потрагата, информираат денес од Центарот за управување со кризи.

Општина Брвеница упати благодарност до Зибер Зибери кој со градежна машина доброволно се вклучил во потрагата во водите на реката Вардар.

– Општина Брвеница ги повикува сите граѓани кои можеби имаат информации или сознание за евентуалното место на исчезнатото лице, да ги известат полициските органи во најблиската полициска станица, семејството Рушити или општината, се вели во известието на Општина Брвеница.

The post Седми ден се трага по исчезнат маж од село Теново appeared first on Република.

Регионалниот ЦУК Тетово и денеска спроведува активности за потрага по исчезнатото лице од село Теново, Општина Брвеница, кое за исчезнато беше пријавено во неделата.

Како што информираа оттаму, на терен биле двајца вработени во РЦУК Тетово, пет лица од ДЗС Тетово, три полицајци од ПС Жеровјане, три лица од Општина Брвеница како и градоначалникот, и едно лице-нуркач од ТППЕ Тетово.

За расчистување на дрвјата, што беа паднати во речното корито на река Вардар, беше ангажиран еден багер што е во приватна сопственост. Паднатите дрвјата беа отстранети од реката кај селото Теново, а беше интервенирано и кај браната во село Радиовце каде што е испустот за водата што беше заглавен од наноси на паднати дрвја. Два нуркача од ДЗС пребаруваа детално во реката на местото каде што беа паднатите дрвјата. Согласно досегашните податоци и информации денеска до 16.00 часот не е пронајдено исчезнатото лице, соопштија од ЦУК.

Оттаму информираат дека потрагата би требало да продолжи во наредните денови, при што на терен, покрај досегашните ангажирани луѓе, треба да излезат и околу 50 полицајци

The post Трескавична потрагата по исчезнатото лице од село Теново во Брвеница appeared first on Република.

Директорите на Центарот за управување со кризи (ЦУК) и на Дирекцијата за заштита и спасување (ДЗС), Стојанче Ангелов и Беким Максути, денеска беа на терен кај вештачкото езеро Глажња во општина Липково каде веќе неколку дена екипи трагаат по телото на 29-годишен локален жител кој влегол во водите на езерото по што му се губи трагата.

Потрагата по 29-годишното момче кое минатата недела исчезна во водите на вештачкото езеро Глажња продолжува и денес. Шест нуркачи од Тигрите  и осум нуркачи од Волците го пребаруваат езерското дно, а истовремено има неколку тимови на ДЗС, како и нуркачи на ДЗС. Се пребарува и под вода, но се пребарува и брегот на езерото - изјави директорот на ЦУК, Ангелов.

Тој нагласи дека полицајци од СВР Куманово асистираат при потрагата на брегот.

За жал условите и денеска се лоши, видливоста е многу слаба. На само неколку метри од брегот длабочината доаѓа до повеќе од 10 метри за на неколку метри од брегот да има длабочина поголема од 20 метри. Нашите нуркачи се обучени и нуркаат до максимум 40 метри длабочина - прецизира Ангелов.

Директорот на ДЗС Максути, пак, порача дека заедничките тимови на ДЗС и на Министерството за внатрешни работи, како и доброволни друштва и тимовите кои се дел на Дирекцијата веќе неколку дена се во потрага по исчезнатото лице.

Ќе продолжиме со потрагата с е до моментот додека не го најдеме телото. Се надевам дека денешниот ден и двата последователни денови се критични за да бидеме успешни, односно да го пронајдеме лицето кое исчезна во водите на езерото минатата недела и со тоа да ја заокружиме една хумана мисија за која сите ние сме тука за да им помогнеме на нашите граѓани - изјави Максути.

The post Продолжува потрагата по телото на исчезнатото лице во водите на Глажња, на терен директорите на ЦУК и ДЗС appeared first on Република.

Грчката полиција е во потрага по 44-годишниот Радован Јурашиќ од Србија, кој е пријавен за исчезнат од страна на неговата сопруга. Се верува дека тој исчезнал додека патувал од пристаништето Пиреја кон островот Кос во понеделникот.

Во неделата, Јурашиќ се качил во автобус од Србија за Атина со крајна дестинација на пристаништето Пиреја, а во понеделникот се качил на брод од пристаништето Пиреја кон островот Кос, oд каде ја контактирал сопругата.

ΕΞΑΦΑΝΙΣΗ ΤΟΥ ΓΙΟΥΡΑΣΙΚ ΡΑΝΤΟΒΑΝ, 44 EΤΩΝ #MissingAlerthttps://t.co/O4uetDQ4qG

— Χαμόγελο του Παιδιού (@hamogelo) May 31, 2023

„Мисинг Алерт“ биле известени за исчезнувањето на 44-годишникот во средата и веднаш продолжиле со објавување на деталите за возрасниот, по барање на неговите блиски, бидејќи веруваат дека постојат причини што го довеле неговиот живот во ризик.

Сопругата вели дека тој веќе имал работено и на Кос и во Швајцарија, Русија и Романија, а ова е првпат да биде недостапен.

The post Исчезна Србин во Грција, се трага по него appeared first on Република.

Американската крајбрежна стража и бројни агенции со денови ги пребаруваа водите на океанот кај Бахамите во потрага по млад човек, откако тој доцна вечерта скокна од крузер и исчезна.

Станува збор за 18-годишниот Камерон Робинс, кој во средата околу 23.30 часот скокнал во океанот без појас за спасување, облечен само во костум за капење поради предизвик.

На видеото се гледа како неговите соученици се во шок и се обидуваат да му помогнат со совет да се фати за бовата (пловечкиот знак), но водата го носи во друга насока и тој исчезнува во темнината.

Во моментот кога младиот човек од Луизијана скокнал во морето, бродот бил во близина на Атол, ненаселен остров кој се наоѓа североисточно од Насау. Робинс бил средношколска бејзбол ѕвезда, а на бродот ја славел својата матура со десетици други ученици од другите средни училишта во Батон Руж.

The post Матурант загина во океан откако скокна од крузер поради „Тик ток“ предизвик appeared first on Република.