Петдневната потрага по 85-годишниот Томе Божиновски заврши несреќно. Како што соопшти неговото семејство, вчера пронајдено е неговото безживотно тело.

Драги соседи, пријатели, познаници огромна благодарност што изминатите 5 дена бевте овде со нас, не бевме сами сите кој го баравме неуморно. Денес на 02.08.24 Нашиот родител, сопруг, ваш пријател и сограѓанин Томе Божиновски беше пронајдено неговото безживотно тело, се вели во објавата од семејството.

Божиновски, кој боледувал од деменција, излегол од домот од Тафталиџе рано утрото на 29 јули од кога и се трагаше по него.

The post Тажна вест: Исчезнатиот Божиновски пронајден мртов appeared first on Република.

Александар Глигоријевиќ од Србија исчезнал минатата недела во Аја Напа, Кипар, споделија неговите пријатели на социјалните мрежи.

Како што се наведува на мрежите, тој сам отпатувал за Кипар каде пристигнал во четвртокот на 18 јули и бил сместен во хостел кој има соби со 7-8 кревети.

Доколку сте го виделе или слушнале, ве молиме контактирајте ме веднаш или јавете се во полиција. Последен пат разговарав со него минатата недела на 21 јули на WhatsApp, а тој подоцна го посети барот каде што работам. Беше здрав и среќен. Денеска бев контактиран од неговата мајка од Србија, која изјавила дека го пријавила за исчезнат, се наведува во соопштението.

Мајката на Александар последен пат разговарала со синот на 24 јули, кога тој ѝ кажал дека е болен и има вирус, пишува Блиц.

По тој повик, неговиот телефон стана недостапен и никој не може да стапи во контакт со него. Семејството е многу загрижено. Неговите работи биле оставени во хотелот откако тој излегол во петокот вечерта на 26-ти јули на забава. Ако некој го видел или слушнал , ве молам испратете ми порака за да се обидеме итно да го најдеме.

The post Млад Србин исчезна на Кипар, кога последен пат се чул со мајка си ѝ кажал дека е болен appeared first on Република.

На единствениот број за итни повици 112 во ЦУК, вчера во 21.30 часот од страна на рекреативен риболовец беше пријавено дека е забележано безживотно човечко тело на вливот на реката Тополка во река Вардар. Конкретно, тоа било во близина на мостот на околу петнаесетина метри од брегот на попречни шипки во речната надојдена вода.

Од Секторот за операции и координација во Центарот за управување со кризи (ЦУК) веднаш биле известени сите субјекти од Системот за управување со кризи за безживотното човечко тело за да се постапи според итниот случај (МВР, ДЗС, ТППЕ Велес, лицето за контакт во Општината Велес како и тимот спасители на вода од Доброволното друштво „Македонски спасител“, за безбедност на вода и планина од Велес). Но, истите не интервенираа вечерта заради опасноста, по учесниците во акцијата, од надојдената вода во Вардар и брзото речно корито. Акцијата координирана на терен од СВР Велес продолжи утрово, велат од ЦУК.

Безживотното човечко телото е извлечено од речната вода денеска, по 10.00 часот, од страна на Единицата за специјални задачи при МВР, а потоа е идентификувано од страна на синот, којшто вчера во 08.30 часот во СВР Велес го пријавил за исчезнат неговиот татко.

The post Телото на маж пријавен за исчезнат пронајдено во река appeared first on Република.

The post Исчезнал во Црна Гора а го запишале дека е убиен во Сребреница appeared first on Република.

Во текот на вчерашната вечер, по добиена пријава во 21.11 часот од страна на 76-годишна жена, според која нејзиниот 78-годишен сопруг, кој имал здравствени проблеми, во 13.00 часот излегол од нивниот дом во Битола и не се вратил дома, од страна на полициски службеници од СВР Битола веднаш се преземени мерки за негово пронаоѓање.

Во текот на потрагата извршено е пребарување на поширок периметар во и околу Битола и за два и пол часа од добиената пријава, поточно во 23.45 часот, на патот Битола - Пелистер, поконкретно на патот за с.Нижеполе, лицето е пронајдено во добра здравствена состојба и безбедно вратено во домот, соопштија оттаму.

The post Повозрасно исчезнато лице со брза реакција пронајдено на патот за Пелистер appeared first on Република.

Исчезнатото лице од каменичкото село Дулица по кое се трагаше во текот на вчерашниот ден е пронајдено мртво. Информацијата ја потврдија од СВР Штип од каде информираа дека безживотното тело на лицето Т.А (50) било пронајдено од страна на каменичката полиција во близина на неговиот дом.

На 26.04.2023 во село Дулица, општина Македонска Каменица, во близина на неговиот дом бил пронајден починат Т.А.(50) од село Дулица, за кого неговиот брат Ј.А. на 25.04.2023 пријави дека се оддалечил од домот. Смрт без траги на насилство констатирал лекар од Итна медицинска помош, информираше портпаролката на СВР Штип, Гордана Панајотова.

Оттаму додаваат дека по наредба на јавен обвинител телото на починатиот било дадено на семејството.

Претходно граѓани се организираа во потрага по изчезнатиот жител на Дулица со активно учество на Ловни здруженија од Делчево и Македонска Каменица, како и Доброволни противпожарни друштва од Македонска Каменица и регионот.

The post Исчезнат маж пронајден мртов appeared first on Република.

Мојот брат се уште не е пронајден и покрај сите напори вложени од страна на полицијата и сите нас кои се ангажираме за неговото пронаоѓање, сподели сестрата на Никола Гоцев, кој излегол од дома околу пладне во средата, 16 ноември. Последен контакт со него е остварен со неговата сопруга непосредно по неговото излегување од дома, т.е. по напуштањето на аптека на ул. „Партизанска”, по што се упатил кон реката Вардар на риболов.

Како што споделува таа, неговите два телефони, на кои уште во средата бил недостапен, се лоцирани во Орман, место каде што Гоцев никогаш не бил, ниту пак некогаш во разговор го спомнал.

Нема никаква трага ниту од риболовна опрема, ниту пак пронајдено тело. Лично јас денес ги пребарав сите канали каде што одат рибари низ селата долж стариот пат до Катланово - повторно никаква трага. За жал и во куќата во Катланово нема знаци дека бил или престојувал таму за што може да посведочи и нашата сосетка во чие присуство ги отворив неговите соби во куќата. Повторно Ве замолувам сите, знајни и незнајни, бидете хумани како секогаш и споделете ја и оваа објава. Секоја информација ќе биде многу значајна за истрагата. Ви благодарам, се вели во нејзиниот апел.

Инаку, Никола на денот на исчезнувањето бил облечен во црни фармерки и истото сино елече од сфотографиите, со црвено-жолта јакна.

The post Сè уште нема траг од Никола, телефоните му ги лоцирале во Орман каде никогаш не бил appeared first on Република.

Речиси два месеци цело семејство ни живее во неизвесност, откако мојот 29-годишен брат на осми септември излезе од дома и повеќе не се врати. Сите сме вознемирени, бараме одговори, самите трагаме по него, но ни треба и помош од јавноста, доколку некој нешто знае, доколку некој го забележал… молиме за информации. Ова за „Фокус” раскажува Џани, брат на исчезнатиот Аднан Михтар од Скопје.

Исчезнувањето на братот го пријавил во полиција на 16-ти септември, но како што појаснува, неговата фотографија се уште не е објавена на страницата за исчезнати лица на МВР, а од полиција за целиот овој период само еднаш му се јавиле, да го прашаат дали брат му се вратил дома.

Многу сме разочарани од тоа како се одвива потрагата. Јас повеќе од десет пати се јавувам и одам во полиција и барам нови информации, од таму само еднаш ми се јавија да ме прашаат дали Аднан се вратил дома. Неговото исчезнување се случи на осми септември, последен пат беше забележан во Бутел, каде што живееме, во близина на џамијата. Влегол во автомобил со еден човек и заминал во непознат правец. Тоа го дознавме од камерите на соседите. Човекот беше повикан на полициски разговор, знаеме дека кажал како го оставил брат ми во хотел во Скопје. Самите отидовме во хотелот, разговаравме со сопственичката на истиот. Таа ни потврди дека бил таму, останал до 10-ти септември и потоа си заминал. Не се проверени ниту камерите, да знаеме барем со кого и со што заминал, раскажува загрижениот брат.

Додава дека кога брат му не се вратил дома, тој и родителите му ѕвонеле на мобилниот, со себе го носел мобилниот на мајка му, но не им одговарал на повиците. Му пуштиле повеќе пораки, но не добиле одговор.

На профилите на Аднан на социјалните мрежи, тој ги немал отворено пораките кои му ги пратиле, и не бил активен ниту на една мрежа од денот кога исчезнал.

Значи, контактот со него завршува на осми септември. Нема пасош, нема пари со себе… Возрасен човек е, во минатото каде и да одел, секогаш се јавувал да каже со кого е, кога ќе се врати. И во Африка да е заминат, тој на мајка ми ќе и се јави. Било што да се случило, никогаш не би го оставил семејството во ваква неизвесност, би ни кажал каде е. Нашата загриженост е оправдана, затоа што Аднан не може, а да не ни се јави, вели братот.

Раскажува дека кога последен пат бил виден, брат му носел плави шорцеви, бела маица и црни патики од марката Адидас. Со себе не понел друга облека. Немал постојано вработување, не бил оженет и нема деца.

Сите кои имаат било каква информација поврзана со случајот, можат да се јават кај неговиот брат Џани на 070 922 722 или пак во полиција.

The post Maж го оставил брат ми до скопски хотел, полицијата не прави ништо а два месеца немаме никаква трага од него! appeared first on Република.

Полицијата го пронајде 47-годишниот жител на Општина Старо Нагоричане, кој пред повеќе од еден месец беше пријавен дека се оддалечил од домот, соопшти денеска СВР Куманово.

Вчера во 20:00 часот, полициски службеници од Полициската станица Центар го пронашле Б.П. (47) од село Ругинце, општина Старо Нагоричане, за кој на 11 мај годинава беше пријавено дека се оддалечил од домот, соопшти СВР Куманово.

Лицето било предадено на семејството.

The post Полицијата го пронајде мажот кој пред месец беше пријавен за исчезнат appeared first on Република.