За само два дена во Хрватска исчезнаа три момчиња на иста возраст. Сите три момчиња се родени во 2009 година. Двајца од нив исчезнале во Загреб, додека на третиот му се губи секаква трага во Риека.

Според податоците во националниот регистар на исчезнати лица, четиринаесетгодишниот Иван Шнајдер исчезнал во саботата на 7 јануари во Загреб. Тој е висок 162 сантиметри, има кафена коса и сини очи, а во моментот на исчезнувањето носел спортски панталони и бела маица.

Ден подоцна, исто така во Загреб, исчезнал Патрик Гек, кој исто така има 14 години. Тој е висок 175 сантиметри, кафена коса и кафени очи, а во моментот на исчезнувањето носел црни панталони и портокалов дуксер со качулка. Имал и црна јакна и патики на нозете.

Истиот ден во Риека исчезна Лукас Кираљ Јеремиќ. Како и двете момчиња кои исчезнаа во Загреб, Лукас е роден во 2009 година.

Доколку имате информации за ова лице, известете ја најблиската полициска станица или јавете се на 192. Информациите можете да ги доставите и на е-маил адресата: nestali@nestali.hr“, велат од полицијата.

The post Три 14-годишни момчиња исчезнале за два дена во Хрватска appeared first on Република.

Десет ракометари на Бурунди исчезнале во Риека, за време на Светското првенство за играчи до 19 години, известува локалната полиција.

Репрезентативците на оваа африканска земја, последно биле видени вчера, но потоа им се загубила трагата.

По досегашните сознанија, станува збор за десет млади личности од машки пол, родени во 2006 година, кои вчера околу 15.30 часот се оддалечиле во непознат правец од студентскиот центар во Риека, каде што беа сместени за време на првенството“, наведуваат од полицијата.

Ракометарите не одговарале ниту на телефонски повици од својот табор.

The post Десет ракометари на Бурунди исчезнале во Хрватска, за време на СП appeared first on Република.

Две мајки синоќа пријавиле дека исчезнале нивните ќерки во Скопско, односно во Тетовско. Во првиот случај станува збор за малолетно девојче со здравствени проблеми, кое и претходно се оддалечувало од дома, според информациите од МВР.

На 7.4.2023 во 23.30 часот во Полициската станица Драчево, М.М.(44) од село Драчевица, Скопско, пријавила дека од домот се оддалечила нејзината ќерка И.М.(14), која имала здравствени проблеми, а која и претходно се оддалечувала. На 7.4.2023 во 22.40 во Полициското одделение Групчин, С.Б.(45) од Село Церово, Тетовско, пријавила дека од домот се оддалечила нејзината ќерка А.Б.(23) – се вели во соопштението од МВР.

Полицијата презема мерки за пронаоѓање на исчезнатите девојки.

The post Две мајки пријавиле во полиција дека ќерките им исчезнале appeared first on Република.