Радио Слободна Европа објави дека нововработен во Агенцијата за електронски комуникации е Ѓоко Бухов, син на директорката на Државниот здравствен инспекторат Иринка Сотирова Бухова, како помлад соработник за човечки ресурси.

Таа за РСЕ одговори дека нејзиниот син е вработен во АЕК минатата година, откако конкурирал на оглас. Претходно конкурирал за работа во АД Водостопанство и приватната фирма Лука Мобил, но не бил примен.

Од АЕК велат дека неговиот прв договор на определено време од една година бил склучен во април 2021, и годинава е продолжен на уште една година.

Меѓу 150-те вработени во ова регулаторно тело е и сопругата на министерот за надворешни Бујар Османи, Валбона Хаџи Османи ,која е вработена во АЕК како советник за меѓународна соработка пред четири години.

Покрај неа на списокот се и сопругите на поранешните генерални секретари на минатата влада Мартин Протуѓер и Кирил Божиновски, Христина Протоѓер и Кристина Божиновска. Едната како соработник за човечки ресурси, другата како раководител на сектор за регулатива.

Според овогодишниот буџет на Агенцијата, вкупно 1,8 милиони евра се предвидени за нето износ на плати, што значи дека во просек вработените во оваа агенција добиваат илјада евра плата.

The post Си го вдомила: Синот на Бухова се вработил во АЕК appeared first on Република.

Како што најавив и претходно дека ќе објавам еден поголем скандал, денеска во јавноста ќе откриеме голем, сомнителен случај, за незаконито работење на службите и кадрите на власта. Практично целата таа корумпираност на овој систем на власта која што ја води СДСМ се одразува на тоа да излегуваат се поголеми скандали во јавноста. Ќе поставиме денеска прашања, на кои власта мора да одговори, а јавноста заслужува да ги чуе тие одговори. Имено, според информациите до кои што дојдовме, се работи за непречено функционирање на дива болница во центарот на Скопје, благодарение и со премолчување на власта и кадрите поставени од СДСМ, изјави на денешната прес конференција, Димче Арсовски, портпарол на ВМРО-ДПМНЕ.

Тој вели дека според нивните информации, очната болница на Промедика, која е во склоп на медикал центар поликлиника Промедика и се наоѓа во строгиот центар на градот Скопје кој што не може ниту еден инспектор или било кој вработен во министерството да ја промаши, функционира и врши дејност оперативни зафати, без потребни лиценци кои што мора да ги има согласно Законот.

Свесно или не, поликлиниката медикал центар Промедика го прекршува Законот за здравствена заштита, каде што здравствена дејност во Република Македонија може да вршат и приватни установи кои работат врз основа на добиена лиценца (член 13 став 3) и кои што може да вршат услуги од областа на секундарното здравство како специјални болници (член 36), што укажува на следното дека приватни болници се основаат врз основа на утврдени критериуми, по чие што исполнување и констатирана проверка за нивната исполнетост од страна на луѓето односно фирмата која што сака да отвори приватна установа, за потоа да добие дозвола од страна на министерството за здравство за вршење на одредената дејност со точно наведена листа на здравствени услуги. Значи се исполнуваат критериуми, се врши од страна на министерството и инспекторатот проверка дали се исполнети условите и веднаш потоа се издава лиценца. Оттука, контролата врз работата на тие приватни установи болници, треба да ја врши Државниот санитарен и здравствен инспекторат како орган во состав на министерството за здравство. Според нашите информации кои што ги имаме и ги поседуваме, инспекторите од Здравствениот инспекторат уште пред неколку години донеле одлука за затворање на оваа очна болница која што работи во склоп на поликлиниката Промедика, која работи под неколку имиња или правни подсубјекти, кои што може да се видат и по рекламите дали по социјалните мрежи и медиумите. Но, корумпираноста на институциите и кадрите со кои што раководи СДСМ го спречува затворањето на болницата и овозможува нелегално и диво работење и оперирање во оваа иста болница, појасни тој.

Арсовски посочи дека оттука произлегуваат неколку прашања и тоа поучени по примерот на претходниот случај кој што излезе во јавност со друга приватна болница, сега власта треба да одговори на следните прашања:

– Дали директорката на Здравствениот инспекторат Ирина Бухова и претходно министерството ја штитат оваа болница од затворање и прекинување на нејзиното нелегално работење и практично нелегално вршење на дејност и оперативни зафати?
– Дали оваа очна болница во склоп на Промедика работи нелегално без добиените потребни лиценци односно без потребните лиценци кои што ги нема добиено бидејќи не ги исполнува сите услови?
– Ако работи нелегално, кој би сносил одговорност доколку се случи пропуст или несреќен случај при некој од оперативните зафати?
– Многу важно прашање, дали и како наплаќа оваа очна болница на Промедика односно поликлиниката Промедика за услугите во очната болница, за оперативните зафати, од едноставна причина што доколку нема лиценца за вршење оперативни зафати, не е даночен обврзник и практично дали од тука потекнува и произлегува најтешкото економско кривично дело, затајување данок и перење пари? Бидејќи тие луѓе кои што ги користат услугите можеби не знаејќи дека оваа болница работи нелегално и диво, плаќаат за тие услуги. И како болницата ги пријавува тие пари кои што се платени за услугите за кои што не поседуваат лиценца?

Ова се прашањата кои што треба да ги одговорат институциите. Ова е криминал од огромни размери, каде што здравството уште еднаш за жал потврди дека е руинирано и нефункционално. СДСМ и власта воведоа пракса на криминал и сериозна тешка корупција и повеќе никому не му е гајле за законите. Ова не е прв случај на сериозен криминал, на сериозен скандал и на сериозна корупција во министерството за здравство. Вакви случаеви дали со помал или со било каков интензитет гледаме наназад со години откако СДСМ раководи со институциите. Свесни ли сме кој се работи по болниците, ова е најважното прашање за јавноста, а притоа не знаеме дали тие болници имаат лиценци и дали имаат законски исполнети услови? Практично оваа власт на СДСМ доведе да не знаат граѓаните каде се сѐ лечат. За овој скандал, веднаш треба оставки од луѓето кои што го штитат криминалот и треба одговорност! Никој не смее да биде над законите и никој не смее да прави што сака без разлика дали е стручен или не. Најважно е дека треба било која приватна здравствена установа да исполнува услови, а понатака институциите треба да си ја завршат својата работа. Овој случај нема да го оставиме така и потребна е одговорност, додаде портпаролот.

The post Арсовски: Дали Бухова и министерството за здравство дозволиле очната болница на Промедика да врши дејност оперативни зафати без потребни лиценци? appeared first on Република.

Директорката на државниот здравствен и санитарен инспекторат, службената картичка за гориво ја користела да полни и дизел и бензин во истата кола. Службеното возило Рено Клио 0.9 кое е задолжено на директорката Иринка Сотирова Бухова, според спецификациите на прозведувачот, како моторно гориво користи бензин, објави „Алфа“ телевизија.

Како што објави телевизијата „Алфа“, директорката во истото возило полнела и бензин и дизел. Дека Бухова се служела со ваквата пракса подолг временски период, како и дека од службената картичка таа често успевала да наполни дури и повеќе гориво од капацитетот на резервоарот, што го потвдуваат повеќе фискaлани сметки, како и други документи. Па се поставува прашањето, колку и чии возила користеле гориво платено од џебот на граѓаните, а со амин на директорката Бухова?

Наводите кои се предмет на Вашите прашања се апсолутни неосновани измислици, конструкции и предмет за внатре-партиски пресметики за задоволување на суетите и апетитите на поединци, изјави за Алфа Сотирова Бухова.

Комисија за спречување на корупција за Алфа потврдува дека против директорката веќе има отворено предмет.

До Државната комисија за спречување на корупцијата е пристигната пријава по која е оформен предмет. Од страна на Државната комисија за спречување на корупцијата се доставени барања за прибирање податоци и информации до надлежни институции со цел проверка на наводите од пријавата, велат за Алфа од омисија за спречување на корупција.

https://youtu.be/0yFeEZsg3KA

The post Скандал: Директорката на ДЗСИ Бухова со државна картичка точи и бензин и дизел во ист автомобил appeared first on Република.