Општина Гази Баба објави јавни повици за субвенционирање на граѓаните за набавка на високоефикасни инвертер клима уреди и за набавка на печки на пелети за граѓаните за 2023 година.

Право на учество на јавните повици имаат жителите на oпштина Гази Баба кои ќе купат високоефикасен клима уред за затоплување на своето домаќинство (станбен објект), односно кои ќе купат печка на пелети за затоплување на своето домаќинство (станбен објект) од денот на објавувањето на Јавниот повик до денот на завршувањето на повикот и ќе поднесат барање за надоместување на дел од трошоците за купување на високоефикасни инвертер клима уреди.

Оваа мерка за субвенционирање на граѓаните е уште една во низата проекти кои се реализираат во општина Гази Баба во насока на заштита на животната средина.

Од локалната самоуправа ги повикуваат граѓаните да ја искористат можноста и да аплицираат на јавните повици и да ја искористат можноста за субвенциии кои ги доделува општината.

Јавните повици ќе траат до 30.11.2023 година, односно се до исцрпување на финансиски средства наменети за оваа цел од буџетот на Општина Гази Баба.

The post Субвенции од општина Гази Баба за инвертери и печки за пелети appeared first on Република.

По спроведен јавен повик и постапка од комисија за реализација на јавниот повик денес градоначалникот Бобан Стефковски на 59 граѓани на општина Гази Баба им додели решенијата за користење субвенции за купени инвертер клима уреди.

Во општина Гази Баба за 2022 година средствата предвидени за субвенционирање на граѓаните кои ќе купат инвертер клима уреди ги зголемивме од 1.500.000 денари на 3.000.000 денари. Имајќи го предвид интересот од оваа година на граѓаните, ќе се потрудиме да обезбедиме услови за следната година да го зголемиме предвидениот Буџет и субвенции за да добијат поголем број од граѓаните – информираат од општина Гази Баба.

The post Стефковски на 59 граѓани на општина Гази Баба им ги врачи решенијата за субвенции за инвертер клима уреди appeared first on Република.