Нискиот сексуален нагон, и кај мажите и кај жените, се поврзува и со недостатокот од витамин Д. Според една студија од 2010 година, доволниот внес на витамин Д е поврзани со повисоки нивоа на тестостерон. Истражување од 2018 година, пак, покажа дека пиењето на додатоци со витамин Д ја зголемува сексуалната желба кај жените.

Недостатокот на витамин Д не влијае само на вашиот сексуален нагон. Вагиналното здравје, плодноста, па дури и еректилната дисфункција се поврзани со недостаток на витамин Д.

Серотонин, невротрансмитер поврзан со регулирање на расположението, се зголемува кога витаминот Д циркулира во вашиот систем. Дополнително, на функцијата на допамин влијае и недостатокот на витамин Д. Кога вашиот центар за задоволство и награда е нарушен, вашиот сексуален живот може да страда. Постои и подиректен начин на кој недостатокот на витамин Д може да влијае на вашите активности во спалната соба.

The post Еве зошто не ви е до секс: Витаминот Д е битен и за либидото appeared first on Република.

Гениталното разубавување е најновиот козметички тренд. Се прави со директно вшприцување на филери во интимните делови што, пред сè, е болно, а носи и многу ризици.

Жените и мажите (каде истото им се прави на пенисот) сакаат да изгледаат помладо насекаде, по секоја цена. Многу од жените сакаат помлада вагина или се решаваат за ова бидејќи не им се допаѓа како почнува да изгледа со текот на годините.

Иако ваквите зафати се се почести, лекарите нагласуваат дека целата работа не е толку безопасна.

Гинекологот Слободанка Петковиќ за српските медиуми вели дека тоа е чисто помодарство, кое има своја цена.

Таа работа не ја носиш на лице, па да се гледа дека е убава. Ако станува збор за подобрување на сексуалната функција, во смисла зголемување на желбата или стеснување, тоа може да се направи со конвенционалните методи, кои се веќе докажани – вазодилататори, вијагра, стеснување на проширениот отвор по раѓањето, вели д-р Петковиќ.

Ризиците на овој зафат вклучуваат болни отоци, парализа на нервите и крвавење. Дополнителен ризик постои и бидејќи на клиторисот, на големите усни и отворот на уретрата се наоѓаат голем бројот крвни садови и нерви.

Видете само што се случува со лицето на Донатела Версаче. Слично може да се случи и кај половите органи, заклучува д-р Петковиќ.

The post Сакате млада вагина? Внимавајте, по третманот може да изгледа и како лицето на Донатела Версаче appeared first on Република.

Инфлуенсерите ги охрабруваат луѓето да ги сончаат гениталиите во видеата кои стануваат вирални на „Тик ток“, но експертите предупредуваат дека тоа може да има негативни здравствени последици.

Клиповите за „сончање на перинеумот“ добиваат милиони прегледи на социјалната платформа, и во нив се тврди дека изложувањето на интимните делови на директно сонце носи многу позитивни ефекти, но експертите советуваат да не се практикува и предупредуваат дека тоа може да биде штетно за здравјето.

Д-р Дастин Портела возврати на трендот во свое видео на „Тик ток“ во кое вели дека нема апсолутно никаков доказ за тврдењата на лаиците инфлуенсери, додека науката веќе го кажала своето - не треба да ги сончате вашите навистина чувствителни места.

Еволуиравме да одиме исправено, при што до интимната област буквално не допира сонце, така што не треба да ја разголувате кон овој директен извор на светлина и топлина. Сум отстранувал толку многу тумори и рак на кожата околу анусот, вулвата и пенисот. Не сакате рак во таа област и ставајќи ги интимните делови на сонце, голема е веројатноста дека ќе изгорите и ќе го зголемите ризикот од рак на кожата, а потоа некој како мене ќе мора да забие игла таму долу, да почне да сече и реконструира за да ги „спои“ деловите повторно и да ги врати на место. Ви велам немојте да го сончате перинеумот, тоа е опасна и многу глупава идеја, вели тој.

The post Eкспертите предупредуваат: Трендот за сончање на гениталиите е опасна и многу глупава идеја appeared first on Република.