Во штипскиот регион и денеска пожарникатите интервенирале на три пожари. Од Регионалниот ЦУК- Штип информираат  дека е пријавен пожар кај месноста „Мирјанина Црква". На терен излегле со  едно возило и тројца пожарникари. Пожарот е локализиран во 15:40 часот. Зафатена била од оган сува трева.

Втората интервенција е од 15:00 часот, во близина на фабриката Мебел, каде што вчера изгореа стари барики и пелевина, а пелевината тлее и има чад. Во соопштението на ЦУК се вели дека на терен излегле тројца пожарникари со едно возило.

- Вратени се во ТППЕ- Штип во 16:10. Во 17:00 часот сопствениците на објектот ке ангажираат багер, за да ја открие пелевината која е зафатена.Од пожарната сме известени дека таму тлее пелевината и само дими. Колку и да се истури вода нема да престане да тлее додека багер не ја открие пелевината и да се изгасне ,„тивкиот" пожар, се појаснува во соопштението на ЦУК.

Третата интервенција е од 15:45 часот кај Живинарска фарма во Штип, каде  е пријавен пожар на сува трева. На терен излегле двајца  пожарникари со едно возило . Пожарот е локализиран во 16:20 часот.

The post Штипските пожарникари попладнево на три интервенции appeared first on Република.

Во Итната медицинска помош во Скопје деновиве е зголем бројот на повици, а денеска, за разлика од другите денови, има многу интервенции на јавни места, но не само за колапси од топлото време, изјави за МИА д-р Ѓорѓи Карамановски, одговорен на смена во ИМП.

Во цела недела, како што рече, имало повеќе сообраќајни незгоди, минимум по пет до шест во текот на денот, а бројот на колапси бил од четири до пет.

-Денеска нема нешто што е екстремно, сообраќајките се помалку, од утрото има две со полесни повреди. Колапсите се стандардно колку што се секој ден. Но има многу интервеции на јавни места, и тоа не се само колапси, туку и повредени, паднати итн. Имаше превртен од трактор во село Смесница во Зелениково, епи-напад во Градски парк, рече д-р Карамановски.

Колапсите се должат, најверојатно, на топлото време и поради тоа што граѓаните не ги слушаат препораките да се избегнува излегување кога е најжешко.

На пример сега, во 13.15 часот, имаше колабирана на Зелен пазар. И тоа беше помлада госпоѓа, која очигледно не ги почитувала препораките што ги упатуваме преку јавните медиуми и во 13.15 излегла да пазари, рече одговорниот доктор на смена во ИМП.

И сообраќајките денес, во кои нема потешко повредени, според лекарот, можеби се последица и од намалена концентрација.

Повредите се полесни. Очигледно намалена концентрација, сите брзаат некаде, топлото време си го прави своето, исто како и динамичниот живот, додава докторот.

Тој укажува да се почитуваат здравствените препораки – во овој период не се излегува, се зема доволно количина течности, се носи лесна и светла облека, капи, очила за сонце.

Поради годишните одмори, Итната медицинска помош работи со редуциран број екипи на терен.

The post Итната помош во Скопје со зголемен број интервенции на јавни места appeared first on Република.