Демократската унија за интеграција (ДУИ) денеска побара итна и неотповиклива оставка на министерот за внатрешни работи Панче Тошковски и на неговиот заменик Астрит Исени за, како што велат, главно одговорни за инцидентите на Денот на албанското знаме.

ДУИ бара итна и неотповиклива оставка на министерот за внатрешни работи и на заменик-министерот за внатрешни работи како главно одговорни за настанот. Ако оставката не се случува, ние деновиве во Собранието ќе покренеме интерпелација за министерот за внатрешни работи и за заменик-министерот. Најверојатно интерпелацијата ќе биде поднесена на почетокот на наредната недела. Кога нашите служби и пратеничката група ќе биде спремна, веднаш ќе биде поднесена, истакна на денешната прес-конференција потпретседателот на ДУИ, Бајрам Реџепи.

Последните случувања, како што рече Реџепи, не се само јасен показател за неуспехот на институциите, туку и вистинско огледало за правецот што оваа држава го има земено со оваа Влада.

Кога се пали албанското национално знаме и провокациите спрема Албанците поминуваат без никаква казна, додека полициското насилство спрема една традиционална манифестација завршува со казнување само на Албанците, станува јасно дека таквиот пристап е намерен за да се навредува и омаловажува една цела нација. Огорчени и загрижени од насилството и омаловажувањето на знамињата од страна на сомнителните групации кои не и посакуваат добро на оваа држава и посебно од неодговорниот, непрофесионалниот и поттикнувачкиот однос на државната полиција, ДУИ апелира до сите граѓани да бидат мирни и да избегнуваат било какви провокации во наредниот период од страна на одредени структури кои работат против мирот и стабилноста на нашата земја и на целиот регион, рече Реџепи.

Бара од институциите неселективно да ги донесат пред лицето на правдата сите одговорни на овие, како што вели, срамни и монструозни случувања.

The post ДУИ бара оставка од Тошковски и неговиот заменик Исени, најавуваат и интерпелација за нив appeared first on Република.

Со 21 гласа „за“ и 72 „против“, без ниту еден воздржан, Собранието не ја прифати интерпелацијата за претседателот на законодавниот дом, Африм Гаши. Против интерпелацијата гласаа пратениците од парламентарното мнозинство од ВМРО-ДПМНЕ, Коалицијата Вреди и Движење ЗНАМ - за наша Македонија. Поддршка дадоа иницијаторите Левица и СДСМ.

Во рамки на дебатата претседателот на Собранието Гаши, по однос на поднесената интерпелација за неговата работа, рече дека демократијата е можност да се ислушаат спротивставените мислења, но „ова не е интерпелација против Африм Гаши, туку против верската припадност на претседателот на Собранието“.

Иако интерпелацијата изгледа правно формулирана, според Гаши таа е чисто политички мотивирана и самиот текст е преполн со исламофобијата и албанофобија.

Ова не е интерпелација против Африм Гаши, туку против верската припадност на претседателот на Собранието. Ова не е интерпелација кон пречекорување на овластувањата на претседателот на Собранието во однос на безбедноста, туку против добрососедските односи и заложби за повлекување на признавањето на Косово, ова не е интерпелација за наводната повреда на Законот за јазиците, туку поради фобијата против албанскиот јазик и етничката припадност на претседателот. Ова не е интерпелација кон знамето на ЕУ и НАТО, туку интерпелација кон нашата стратешка цел, изјави Гаши.

За него, како што посочи, е најважно да остане со чист образ и чиста душа.

Јас нема да реплицирам и дебатирам. Ќе се повлечам и нема да ја водам седницата. Би сакал без никаков притисок да одлучите, како што мислите дека е најдобро за државата, изјави Гаши.

Пратеникот и лидер на „Левица“ Димитар Апасиев, образложувајќи ги причините за поднесената интерпелација, рече дека ја темелеле на седум точки, но иако во меѓувреме сторил уште три-четири скандали, за „свадба на Косово“ и пеењето „шота на 2 Август“, како што нагласи ќе остави да зборува премиерот Христијан Мицкоски.

Интерпелацијата, како што појасни Апасиев, се заснова на направена повреда на начелото на секуларност – со верскиот обред на исламската заедница во Собранието, на дипломатските правила за обезбедување на ВИП личности – со инцидентот на скопскиот аеродром со косовската претседателка, на употребата на македонскиот јазик – при давањето на свечената изјава, на правилата за употреба на државното знаме, грб и химна, на начелото на инкомпатибилност на функциите – со неконстатирање на престанок на мандат на пратеникот Талат Џафери, на законските и етичките одредби за антинепотизам – присуството на сопругата на Гаши во државната делегација во Вашингтон и за повреда на деловничките одредби за нормална работа на пратениците.

За разлика од вашиот претходник Талат Џафери, кој беше мајстор за скандали, Вие го надминавме и практично за 100 дена направивте рафал од скандали и станавте можеби велемајстор, изјави Апасиев.

Пратеникот Бојан Стојаноски изнесувајќи го ставот на ВМРО-ДПМНЕ, кажа дека интерпелацијата нема никаква допирна точка со реалноста и прекршувањето на собраниските процедури, туку, вели е „очајнички коалициски производ на новата коалиција која што ја сочинуваат СДС, Левица и ДУИ“.

ВМРО-ДПМНЕ нема да ја поддржи оваа иницијатива најмалку од три причини. Првата е бидејќи нема прекршување во рамките на надлежностите претседател на Собранието водејќи ја институцијата Собрание на Република Македонија. Второ, кога ќе ги видите оние седум причини сите сторители на дела кои што одат во насока на непочитување на законите во МВР како прв пат досега се пронајдени и санкционирани и има за нив постапка. Трето, заради тоа што е несериозна и глупава, затоа што во точка седум и под точките в, г, д има напишано замислете и основ за интерпелација за паркинг, изјави Стојаноски.

Тој, меѓу другото, порача дека нема да биде како досега, бидејќи како што нагласи „ВМРО-ДПМНЕ не е должно кон никого“ и дека како Коалиција се должни само на граѓаните кои ги гласале.

Не е важно дали некој се вика Африм Гаши, дали е претседател на Собрание, дали се вика Бојан Стојаноски и е пратеник, дали се вика Никола Мицевски, Дафина Стојаноска, Драган Ковачки, Изет Меџити, Борислав Крмов, Димитар Апасиев, Димитар Ковачевски, Оливер Спасовски, Христијан Мицкоски, ако се огрешил ќе одговара. Ако направил грешка ќе одговара, затоа што на секој поединец може да му се случи да згреши, ама системот не смее да згреши. Системот нема да затаи. Во оваа држава веќе има систем и тој ќе функционира и во оваа држава ќе има правда за сите, изјави Стојаноски.

Пратеникот Миле Талевски од СДСМ, кој беше прв пријавен за збор на собраниската седница, рече дека пратениците на СДСМ и коалицијата ќе гласаат за интерпелацијата на претседателот на Собранието, Африм Гаши. Тој ги повика колегите од ВМРО-ДПМНЕ и тие да го сторат истото и да докажат дека остануваат на зборот кој постојано го даваа пред изборите, дека ниту еден политичар нема да биде поштеден од одговорност ако работи спротивно на законот.

Ако сакаа да си го сочуваат образот, оваа интерпелација ќе дојдеше од пратениците на ВМРО-ДПМНЕ. Каде е денеска премиерот Мицкоски повторно да порача дека никој не е над народот и дека законот важи за сите? Нели ги уверувавте граѓаните дека ниту еден политичар нема да биде поштеден од одговорност и дека секој што ќе работи спротивно на законот ќе одговара: За само два месеца има серија скандали на власта предводена од Мицкоски и ВМРО-ДПМНЕ, а одговорност нема за никого. Функционерите од ВМРО-ДПМНЕ седнаа во удобни фотелји и веднаш ја сменија плочата, станаа недоприливи. Во ништо и кај никого од власта не гледаат одговорност, истакна Талевски.

Движењето ЗНАМ се изјасни дека нема да ја поддржи интерпелацијата за работата на претседателот на Собранието Африм Гаши поднесена од Левица. Од собраниската говорница се обрати пратеникот од ЗНАМ Павле Арсовски кој истакна дека грешки во работата се можни и како партија ги апострофирале, но на интерпелацијата, рече гледаат како обид на поднесителот на интерпелацијата Левица поддржана во неформална коалиција од партијата СДСМ за собирање дневнополитички поени.

Ние од ЗНАМ сме партија која е свесна за моментот во кој се наоѓа Македонија, момент во кој после повеќедецениско раскрчмување на државата и разнишани институции ни треба стабилност. Стабилност која е предуслов за работа на секое општество. Да се фокусираме на економско зајакнување и градење на стабилен општествен поредок, а не уште на почетокот да се занимаваме со театри и испраќање на политички стрели. Заедно и власта и опозицијата, треба да се фокусираат на основните круцијални проблеми кои го засегаат секој граѓанин и да почнеме одново да градиме една економски стабилна и просперитетна држава, која нема да ги брка своите луѓе надвор од границите, туку ќе биде матица на среќни и задовони граѓани. Затоа почитувани пратеници, Движењето ЗНАМ му дава поддршка на Претседателот за Собранието за понатамошно извршување на функцијата и ќе гласа против интерпелацијата. Големото мнозинството во овој состав на Собранието во кој Движење ЗНАМ има активно учество останува обединето. Обидот истото да се дестаблизира очигледно е дека е неуспешен, заклучи Арсовски.

Парламентарната група на коалицијата на ДУИ се изјасни дека нема да ја поддржат интерпелацијата за претседателот на Собранието Гаши, бидејќи како што кажа пратеникот на ДУИ Талат Џафери на денешната седница „мотивацијата на подносителите од Левица е неговата етничка припадност“.

Претресот по интерпелацијата на работата на претседателот на Собранието почна претпладне, а се вклучија 21 пратеник.

По гласањето за интерпелацијата, продолжи работата по останатите точки од дневниот рд на 13. седница.

The post Собранието не ја прифати интерпелацијата за Африм Гаши appeared first on Република.

Движењето ЗНАМ нема да ја поддржи интерпелацијата за работата на претседателот на Собранието Африм Гаши поднесена од Левица. Мнозинството во Парламентот останува обединето, соопшти од собраниската говорница пратеникот од ЗНАМ Павле Арсовски.

Арсовски се осврна на дел од наводите во интерпелацијата, за кои сметаат дека се вредни за дискусија како давањето заклетва при преземањето на функцијата прво на албански па на официјалниот македонски јазик

При давањето свечена изјава во Собрание Движењето ЗНАМ смета дека дефинитивно е прекршен Уставот и како партија ја изрази својата загриженост преку ставот на претседателот Димитриевски и изјави на наши функционери, и во тој случај бевме доследни на тоа за што се залагавме, но за тој настан и ние пратенциите и јавноста не доби јасен одговор дали тоа се случило заради пропуст на протоколот раководен од поранешниот секретар на Собранието или тоа било намера на Гаши, па немаат ниту основ да му го припишат тоа на спикерот, рече Арсовски .

За настанот за одбележување на годишнината од Сребреница, меѓу другото Арсовски посочи, дека претседателот на Собранието дал објаснување дека е сплет на надворешни околности, а за инцидентот со претседателката на Косово на меѓународниот аеродромот во Скопје, рече дека Гаши можел да постапи помудро да не се инволвира, но и дека не лоцираат во него лична одговорност. Движење ЗНАМ смета дека Гаши сепак требало да најде начин да не се инволвира и како што подвлече Арсовски, овој настан беше предмет на брза интерна истрага на МВР, која имаше експресна завршница со суспензија од работа и кривична пријава против припадникот на МВР.

Грешки во работата се можни и ние како партија ЗНАМ сме ги апострофирале. Кога влеговме во оваа коалиција ветивме ќе работиме и ќе критикуваме - тоа е и основата на демократијата. Но, сметаме дека оваа и за работата на претседателот на Собранието покрај тоа што е демократска процедура, не ја гледаме никако отколку како обид на поднесителот на интерпелацијата Левица поддржана во неформална коалиција од партијата СДСМ за собирање дневнополитички поени. Ние од ЗНАМ сме партија која е свесна за моментот во кој се наоѓа Македонија, момент во кој после повеќедецениско раскрчмување на државата и разнишани институции ни треба стабилност. Стабилност која е предуслов за работа на секое општество. Да се фокусираме на економско зајакнување и градење на стабилен општествен поредок, а не уште на почетокот да се занимаваме со театри и испраќање на политички стрели, рече Арсовски.

Заедно и власта и опозицијата, додаде тој, треба да се фокусираат на основните круцијални проблеми кои го засегаат секој граѓанин и да почнеме одново да градиме една економски стабилна и просперитетна држава, која нема да ги брка своите луѓе надвор од границите, туку ќе биде матица на среќни и задовони граѓани.

Затоа почитувани пратеници, Движењето ЗНАМ му дава поддршка на Претседателот за Собранието за понатамошно извршување на функцијата и ќе гласа против интерпелацијата. Големото мнозинството во овој состав на Собранието во кој Движење ЗНАМ има активно учество останува обединето. Обидот истото да се дестаблизира очигледно е дека е неуспешен, заклучи Арсовски.

Пратеникот Амар Мециновиќ од Левица во својата реплика забележа зошто толку доцни Движењето ЗНАМ со својот став за интерпелацијата која веќе месец дена е предмет на интерес на јавноста, а изречениот став оцени дека е резултат на опортунизам и лукративни причини.

Вие велите погазен е Уставот, но сепак ја има нашата поддршка. Ова е фолирање просто. Ако сметате дека е прекршен Уставот по однос работите кои ги изнесовте, тогаш треба да ја поддржите иницијативата. Но вашето ретерирање, иако сметате дека е така, е резултат на долгогодишната соработка која ја имате со Вреди која започнува со меморандум за соработка во Општина Куманово и за делење на политичкиот плен на вработувањата во општината за вашиот градоначалник да ги подели вработувањата со Вреди. Таа политичка соработка е опортуна и едноставно сакате таа да продолжи, кажа Мециновиќ.

Арсовски одговри дека одложувањето на одлуката за тоа како ќе се позиционира партијата се должи на, вели, добро изградените внатрешни партиски процедури.

Додека Извршиот и Централниот одбор не го одлучи тоа не е официјално и тука нема никаква задна намера, рече Арсовски.

Тој додаде дека во искажаниот став дека Гаши можел повешто да се снајде во одредени ситуации не е критика само кон него туку е и самоктрика кон целата коалиција. Во однос на забелешките за Општина Куманово, Арсовски рече дека по локалните избори од страна на градоначалникот соработка им била понудена на сите партии.

The post Арсовски: Движењето ЗНАМ нема да ја поддржи интерпелацијата за Гаши appeared first on Република.

ВМРО-ДПМНЕ нема да ја поддржи интерпелацијата против претседателот на Собранието Африм Гаши, изјави пратеникот од ВМРО-ДПМНЕ, Бојан Стојаноски на денешната собраниска седница.

Според Стојаноски, интерпелацијата нема никаква допирна точка со реалноста и прекршувањето на собраниските процедури, туку, како што вели е „очајнички коалициски производ на новата коалиција која што ја сочинуваат СДС, Левица и ДУИ“.

ВМРО-ДПМНЕ нема да ја поддржи оваа иницијатива најмалку од три причини. Првата е бидејќи нема прекршување во рамките на надлежностите претседател на Собранието водејќи ја институцијата Собрание на Република Македонија. Второ, кога ќе ги видите оние седум причини сите сторители на дела кои што одат во насока на непочитување на законите во МВР како прв пат досега се пронајдени и санкционирани и има за нив постапка. Трето, заради тоа што е несериозна и глупава, затоа што во точка седум и под точките в, г, д има напишано замислете и основ за интерпелација за паркинг, изјави Стојаноски.

Интерпелацијата, Стојаноски ја спореди со, како што рече, „базен пол со кал каде неколкумина меѓусебе се фрлаат со кал и се исфлекани до гуша и тие имаат заеднички интерес, за единствениот што не е во тој базен, да го извалкаат“.

Стојаноски, меѓу другото, порача дека нема да биде како досега, бидејќи како што нагласи „ВМРО-ДПМНЕ не е должно кон никого“ и дека како Коалиција се должни само на граѓаните кои ги гласале.

Не е важно дали некој се вика Африм Гаши, дали е претседател на Собрание, дали се вика Бојан Стојаноски и е пратеник, дали се вика Никола Мицевски, Дафина Стојаноска, Драган Ковачки, Изет Меџити, Борислав Крмов, Димитар Апасиев, Димитар Ковачевски, Оливер Спасовски, Христијан Мицкоски, ако се огрешил ќе одговара. Ако направил грешка ќе одговара, затоа што на секој поединец може да му се случи да згреши, ама системот не смее да згреши. Системот нема да затаи. Во оваа држава веќе има систем и тој ќе функционира и во оваа држава ќе има правда за сите, изјави Стојаноски.

Пратеникот Миле Талевски од СДСМ, кој беше прв пријавен за збор на денешната собраниска седница, рече дека пратениците на СДСМ и коалицијата ќе гласаат за интерпелацијата на претседателот на Собранието, Африм Гаши.

Парламентарната група на коалицијата на ДУИ нема да ја поддржат интерпелацијата за претседателот на Собранието Африм Гаши, бидејќи како што кажа пратеникот на ДУИ Талат Џафери на денешната седница „мотивацијата на подносителите од Левица е неговата етничка припадност“.

Пратениците денеска, во рамки на 13. седница на Собранието расправаат по интерпелацијата на Африм Гаши, поднесена од пратеничката група на Левица. Претресот по интерпелацијата на работата на претседателот на Собранието трае еден работен ден, до исцрпување на пријавените за збор – вкупно 21 пратеник.

The post ВМРО-ДПМНЕ нема да ја поддржи интерпелацијата за претседателот на Собранието, Африм Гаши appeared first on Република.

 Претседателот на Собранието Африм Гаши, по однос на поднесената интерпелација за неговата работа, рече дека демократијата е можност да се ислушаат спротивставените мислења, но „ова не е интерпелација против Африм Гаши, туку против верската припадност на претседателот на Собранието“.

Кој го има легитимитетот во нашата држава, порача Гаши од собраниската говорница, да суди кој може или не да биде претседател на Собранието, само зошто доаѓа од некоја етничка заедница.

- Парламентот е место каде треба да има отчет, а граѓаните го даваат последниот суд. Како човек сум отворен и не кријам ништо и од никого, туку сакам отворен пристап за сите прашања. Затоа јавно поставувам прашање, на кого му служи оваа интерпелација и за каква цел. Сигурен сум дека одговорот на овие прашања ја дава суштината на оваа интерпелација. Левица е партија којашто идеолошки треба да го обединува и храни народот со теоријата за еднаквост, но за жал во реалноста таа е партија што многу често се профилира екстремно десно со своите ставови – против нашата евроатлантска интеграција, нашата посветеност за добрососедски односи и нашата посветеност за меѓуетничка хармонија. Многу е лошо кога се игра на картата на национализмот, за осудување на другиот без да се слушне другата страна. Не е потребно длабоко разбирање на политиката за да се види дека тие што се против нашиот европскиот пат и ја загрозуваат нашата внатрешната етничка кохезија дека тие работата против постоењето на нашата држава, изјави Гаши.

Иако интерпелацијата изгледа правно формулирана, според Гаши таа е чисто политички мотивирана и самиот текст е преполн со исламофобијата и албанофобија.

- Ова не е интерпелација против Африм Гаши, туку против верската припадност на претседателот на Собранието. Ова не е интерпелација кон пречекорување на овластувањата на претседателот на Собранието во однос на безбедноста, туку против добрососедските односи и заложби за повлекување на признавањето на Косово, ова не е интерпелација за наводната повреда на Законот за јазиците, туку поради фобијата против албанскиот јазик и етничката припадност на претседателот. Ова не е интерпелација кон знамето на ЕУ и НАТО, туку интерпелација кон нашата стратешка цел, изјави Гаши.

За него, како што посочи, е најважно да остане со чист образ и чиста душа.

- Јас нема да реплицирам и дебатирам. Ќе се повлечам и нема да ја водам седницата. Би сакал без никаков притисок да одлучите, како што мислите дека е најдобро за државата, изјави Гаши.

Пратеникот и лидер на „Левица“ Димитар Апасиев, образложувајќи ги причините за поднесената интерпелација, рече дека ја темелеле на седум точки, но иако во меѓувреме сторил уште три-четири скандали, за „свадба на Косово“ и пеењето „шота на 2 Август“, како што нагласи ќе остави да зборува премиерот Христијан Мицкоски.

Интерпелацијата, како што појасни Апасиев, се заснова на направена повреда на начелото на секуларност – со верскиот обред на исламската заедница во Собранието, на дипломатските правила за обезбедување на ВИП личности – со инцидентот на скопскиот аеродром со косовската претседателка, на употребата на македонскиот јазик – при давањето на свечената изјава, на правилата за употреба на државното знаме, грб и химна, на начелото на инкомпатибилност на функциите – со неконстатирање на престанок на мандат на пратеникот Талат Џафери, на законските и етичките одредби за антинепотизам – присуството на сопругата на Гаши во државната делегација во Вашингтон и за повреда на деловничките одредби за нормална работа на пратениците.

-  За разлика од вашиот претходникот Талат Џафери, кој беше мајстор за скандали, Вие го надминавме и практично за 100 дена направивте рафал од скандали и станавте можеби велемајстор, изјави Апасиев.

Ќе видиме, нагласи Апасиев, дали пратениците на ВМРО-ДПМНЕ ќе Ви овозможат не казнивост денеска, потенцирајќи дека во овие 100 дена се прекршени Уставот и четири закони - Законот за спречување на корупција и судир на интереси, Законот за Собранието, Законот за пратениците и Изборниот законик.

Претресот по интерпелацијата на работата на претседателот на Собранието трае еден работен ден, до исцрпување на пријавените за збор – вкупно 21 пратеник. Денешната 13. седница на Собранието е прва пленарна седница по одморот на пратениците.

Интерпелацијата е поднесена од пратеничката група на Левица, а според најавите, поддршка ќе даде опозициската СДСМ, додека ВМРО-ДПМНЕ и коалициониот партнер „Вреди“ нема да дадат поддршка

The post Гаши: Ова е интерпелација против верската припадност на претседателот на Собранието appeared first on Република.

Ќе дебатираме за интерпелацијата и ќе ги кажеме сите недоследности и забелешки за работењето на Гаши како претседател на Собранието, но од принципиелни причини нема да гласаме за негово разрешување, изјави Блерим Беџети од ДУИ пред почетокот на денешната собраниска седница.

Според Беџети, Гаши треба да им се извини на Албанците без разлика на нивната политичка провиниенција и да се повлече не само од претседател на Собранието, туку и од политичката сцена.

-По вчерашното интервју што кратко успеав да го следам, тој мислам дека треба да им се извини на Албанците без разлика на политичката провиниенција и не само од претседател на Собранието, туку треба да се повлече и од политичката сцена зашто такви гафови не се прават случајно. Изгледа вазалството оди до крајности и не сметаме дека е потребно веќе да дебатираме на таа тема, нагласи Беџети.

Фатмир Битиќи кусо кажа дека има спротивен став од СДСМ, а Венко Филипче, по ваквата изјава на Битиќи, прашан дали ќе гласа против интерпелацијата на Гаши, одговори дека партијата вчера го кажала ставот.

Според Илире Даути, Европскиот фронт нема намера да биде дел од сценаријата на ВМРО- ДПМНЕ и Левица и нема да гласа за интерпелацијата на Гаши.

The post Ниту ДУИ нема да гласа за разрешување на Гаши appeared first on Република.

Интерпелацијата на претседателот на Собранието Африм Гаши треба да биде разгледана на денешната прва пленарна седница по одморот на пратениците. Интерпелацијата е поднесена од пратеничката група на Левица, а според најавите, поддршка ќе даде опозициската СДСМ, додека ВМРО-ДПМНЕ и коалициониот партнер „Вреди“ нема да дадат поддршка.

Претседателот на Собранието на брифингот со новинарите на 27 август рече дека интерпелацијата ќе биде прва точка на дневен ред на седницата закажана за денеска. Интерпелацијата, како што тогаш изјави, не е политички издржана. Се надева дека на седницата ќе има соочување на аргументи и, како што рече, како ќе одлучи пленумот, така ќе постапи.

Во изјава за телевизија „Сител“ дадена вчера Гаши рече дека би сакал секој пратеник да гласа и да одлучи по свое сопствено убедување.

- Интерпелацијата е демократска алатка што ни овозможува да даваме отчет пред пратениците и пред граѓаните. Ќе ја почитувам секоја одлука што ќе ја донесе Собранието. Убаво е сите да имаме различни мислења и токму тоа е суштината на демократијата, а би било лошо да има едноумие, систем што го поминале. Среќен сум што има интерпелација за да објасниме некои работи што и беа претставени на јавноста. Ќе образложам се како што било и се надевам дека пратениците ќе одлучат според нивната совест. Имам мирна душа и чиста совест дека со ништо не сум предизвикал таква хистерија во јавноста. Во интерпелацијата во суштина нема ништо дека се прекршени принципите во работењето на Собранието или дека се скратени права на некој пратеник или пратеничка група, туку е за тривијални теми за некои медиуми кои сакаат лајкови и коментари на социјалните мрежи, рече Гаши.

The post Денеска на дневен ред интерпелацијата на спикерот Гаши appeared first on Република.

Би сакал секој пратеник да гласа и да одлучи по свое сопствено убедување и со чиста совест на утрешната седница на која на дневен ред е мојата интерпелација. Ги молам и пратениците од мојата коалиција Вреди да гласаат на таков начин, порача вечерва претседателот на Собранието Африм Гаши и нагласи дека токму тоа е суштината на демократијата.

Како што кажа во интервју за ТВ Сител, не гледа дека со нешто ги прекршил своите овластувања и додаде дека најчесно и најодговорно ја врши својата работа како што знае, а утре пратениците ќе кажат дали е така или не. Убеден е, како што рече, дека вистината ќе излезе на виделина.

- Интерпелацијата е демократска алатка што ни овозможува да даваме отчет пред пратениците и пред граѓаните. Ќе ја почитувам секој одлука што ќе ја донесе Собранието. Убаво е сите да имаме различни мислења и токму тоа е суштината на демократијата, а би било лошо да има едноумие, систем што го поминале. Среќен сум што има интерпелација за да објасниме некои работи што и беа претставени на јавноста. Ќе образложам се како што било и се надевам дека пратениците ќе одлучат според нивната совест. Имам мирна душа и чиста совест дека со ништо не сум предизвикал таква хистерија во јавноста. Во интерпелацијата во суштина нема ништо дека се прекршени принципите во работењето на Собранието или дека се скратени права на некој пратеник или пратеничка група, туку е за тривијални теми за некои медиуми кои сакаат лајкови и коментари на социјалните мрежи, рече Гаши.

За инцидентот што го предизвика неговото обезбедување на Меѓународниот аеродром во Скопје во случајот со претседателката на Косово посочи дека тој го испратил обезбедувањето како претходница бидејќи планирал и самиот да оди таму зашто имал информации дека може да се случи инцидент и сакал да ја смири ситуацијата.

-Имав информации дека може да дојде до потежок инцидент, реагирав и кога сакав да тргнам натаму слушнав дека е се решено и добро е што не дојде до поголем инцидент. Јавноста беше лошо информирана за тоа. Првата реченица која ја кажав за тој настан е дека секој што згрешил треба да одговара. Треба да се научиме дека никој не е над законот и секој кој ќе погреши, без разлика дали сум јас или кој било друг, никој никого не треба да штити, рече Гаши.

За патувањето на неговото семејство на веселба во Косово вели дека било уредно најавено два-три дена пред да се случи и дека биле побарани и скенирани нивните пасоши.

-Не е точно дека поминале граница без контрола. Сите контроли се поминати како што е по закон. Го известив моето обезбедување и сите органи на државата и МВР и МНР. Два- три дена претходно сите податоци и сите пасоши беа скенирани и испратени таму. Нема ништо спорно, посочи Гаши.

За намерата на Уставниот суд да отвори претставката за утврдување на уставноста на Законот за употреба на јазиците вели дека е убеден оти Законот е базиран на амандман на Уставот што е внесен уште во 2001 година и дека нема ништо спорно.

-Како институции треба да се однесуваме демократски. Кога знаеме дека сме во право и дека така пишува во Уставот зошто да се плашиме  дека некој ќе го интерпретира на поинаков начин, рече Гаши.

Оцени дека членството во НАТО и ЕУ се клучни за опстанокот во државата и дека се едно од најбитните сврзни ткива што ги држи сите граѓани и сите заедници заедно.

- Овој пат сме го трасирале во 90-тите години и секогаш мнозинството граѓани застанувале зад овие два процеси. На пат сме да ја оствариме и втората цел и мислам дека освен една партија никој нема против нашата држава да стане членка на ЕУ. Сакаме интеграција, но не по цена на загрозување на идентитетот, јазичен и културен на Македонците и на било која етничка заедница во државата. Сакаме да одиме во Европа со нашите идентитети и богатството на различности што го имаме, а не под услови некој да биде доведен во ситуација да биде загрозен и да не се чувствува комотно во својата идентитетска компонента да си го сака и да си го почитува македонскиот јазик, идентитет и култура, рече Гаши.

Посочи дека е реална европската перспектива на земјава и порача дека може да се преговара за се што е на маса.

- Една од алатките на интеграцијата на сите земји во Европската Унија е дијалогот. Се надевам дека со новите избори во Бугарија ќе има стабилна влада и  институции за да можеме да седнеме и да разговараме со нив. Убеден сум дека и кај нив ќе профункционира „сенсот“ дека ние сме соседни држави и дека е заеднички интерес и на нашите две држави и на регионот и на ЕУ, Република Македонија што побрзо да стане членка на Европската Унија, потенцира Гаши.

The post Гаши: Секој пратеник нека одлучи по свое сопствено убедување за интерпелацијата appeared first on Република.

Владејачката ВМРО-ДПМНЕ нема да ја поддржи иницијативата за интерпелација на собранискиот спикер, Африм Гаши, рече денеска премиерот Христијан Мицкоски. Како што додаде тој, од партијата имале голем број аргументи за донесување на таквиот став. Иницијативата ја нарече глупава и незрела.

„Ова е незрело, би рекол глупаво однесување на коалицијата СДСМ, ДУИ и Левица и дека апсолутно нема никаков основ за интерпелација на спикерот Гаши и ние нема да ја поддржиме таквата иницијатива и имаме голем број аргументи зошто тоа не треба да го направиме“, рече Мицкоски.

The post ВМРО-ДПМНЕ нема да ја поддржи интерпелацијата на Гаши appeared first on Република.

Африм Гаши – претседателот на Собранието на денешниот брифинг со новинарите рече дека на седницата на 3. септември ќе ја стави на дневен ред интерпелацијата за неговото работење, и покрај тоа што смета дека барањето не е политички издржано.

На седницата на Собранието на 3. септември ќе ја ставам на дневен ред и интерпелацијата за мене како претседател на Собранието. Мислам дека ова барање не е политички издржано, но секако ќе има расправа, рече Гаши.

Барањето за интерпелација е поради неколку причини – молитвата во Собранието, случајот со аеродромот и косовската претседателка и заминувањето на свадба во Косово.

The post Гаши: Барањето за моја интерпелација не е политички издржано appeared first on Република.

Министерот за здравство Арбен Таравари смета дека ќе биде неуспешна интерпелацијата за работата на претседателот на Собранието Африм Гаши, поднесена од политичката партија Левица, но вели дека сепак ќе биде можност за опозицијата да прави спектакл.

По тоа што слушам не верувам дека ќе помине. Поголемите партии коишто се коалициски, тие што се во Владата, во мнозинството нема да ја изгласаат. Ќе биде неуспешна, меѓутоа ќе има шанса за спектакл од тие што се во опозиција, рече Таравари во одговор на новинарско прашање по увидот во градежните работи на првиот социјален клуб за адолесценти и возрасни со аутистичен спектар во Ѓорче Петров заедно со бугарскиот амбасадор Ангел Ангелов и градоначалникот на општина Ѓорче Петров Александар Стојкоски.

Пленараната седница за интерпелација претседателот на Собранието Африм Гаши е закажана за 3 септември. Минатата недела премиерот Христијан Мицкоски изјави дека тие нема да ја поддржат интерпелацијата. Денеска лидерот на СДСМ Венко Филипче кажа дека во текот на неделата ќе има координација со пратениците во врска со ова прашање, но смета дека ВМРО-ДПМНЕ треба да го повлече Гаши после сите скандали.

The post Таравари: Не верувам дека ќе помине интерпелацијата за Гаши appeared first on Република.

The post Седницата за интерпелација на Гаши на 3 септември appeared first on Република.

СДСМ вчера побара премиерот Христијан Мицкоски итно да го смени Африм Гаши од претседател на Собранието поради инцидентот со косовската претседателка Вјоса Османи на скопскиот аеродром.

Портпаролката на СДСМ Богданка Кузеска на прес-конференција кажа дека опозицијата ќе му даде поддршка за тоа. Левица, пак, вчера во Парламентот поднесе интерпелација за работата на претседателот на Собранието Гаши поради тоа што „воведува непринципиелни политики во Собранието“.

Претседателот на Левица Димитар Апасиев на прес-конференција рече дека очекува претседателот на Собранието, Гаши, да ја стави на дневен ред на седница по летниот одмор, односно на почетокот на септември, на првата наредна седница по истекот на 10 работни дена.

ВМРО-ДПМНЕ на тоа излезе со реакција дека „за разлика од времето на СДС кога немаше одговорност, сега во време на ВМРО-ДПМНЕ има експресна акција од институциите и никој не е поштеден. Одговорност има за секој кој се огрешил пред законот“.

-Ја разбираме нервозата во СДС затоа што слични инциденти имало и во минатото кога тие биле власт, но тогаш се заташкувале и се молчело, за разлика од сега, кога има акција и одговорност за секого. Има разлика. Државата е управувана од луѓе кои работат за подобра иднина на народот, за разлика од СДС и ДУИ кои работеа за себе, одговорија од ВМРО-ДПМНЕ.

Владејачката партија не смета дека е потребна смена на собранискиот спикер, вели „одговорноста е лоцирана, институциите како никогаш до сега превземаа итни и неодлoжни мерки. Сега има кривични пријава, во минатото ваквите случаи беа ставани под тепих“

The post Опозицијата бара интерпелација за Гаши, власта е на став дека не е потребна негова смена appeared first on Република.

На собраниската седница закажана за 2 ноември ќе се расправа по Предлогот за интерпелација на државниот обвинител Љубомир Јовески, поднесен од пратеници од опозицијата.

Интерпелацијата е ставена како 13 точка на дневен ред на пленарната седница.

Пратениците ќе расправаат и за Предлог одлуката за објавување на јавен оглас за избор на претседател и членови на Антикорупциската комисија, чиј мандат истекува во февруари.

На истата седница како 15 точка е ставена и Предлог одлуката за огласување избор на член на Државната изборна комисија. По именувањето на Кренар Лога за министер за правда се испразни едно место во ДИК кое треба да биде пополнето со претставник од опозицијата.

The post Интерпелацијата на Јовески пред пратениците на 2 ноември appeared first on Република.

Албанските опозициски партии од Алтернатива, Движењето БЕСА и Демократското движење доставија интерпелација за работата на Јавниот обвинител, Љубомир Јовески.

Причина за интерпелацијата е кулминацијата на неговата неконзистентна, нетранспарентна, контроверзна работа и губењето на јавната доверба кон институцијата Јавно обвинителство што се случи со судскиот предмет за пожарот на модуларната болница во Тетово, каде трагично загинаа 14 лица.

Ние сметаме дека улогата на јавниот обвинител, Љубомир Јовески, во овој случај стана предмет на сомнеж и за тоа е потребна одговорност и јавно објаснување. Оваа интерпелација има за цел во јавна собраниска расправа да ги покрене сериозните сомнежи дека Јавното обвинителство криел факти и информации во текот на целата постапка за да заштити на тој начин некои политичари и членови на бизнис елитите, кои биле вклучени во изградбата на модуларните болници кои беа предмет на оваа трагедија, велат од трите партии.

The post Албанската опозиција поднесе интерпелација за Јовески appeared first on Република.

Иницијативата на Пратеничката група на ВМРО-ДПМНЕ за моја интерпелација како претседателка на Комисијата за прашањето на изборите и именувањата, не е ништо друго освен обид за прикривање на нивната вистинска намера, а тоа е да се предизвика уставна криза во државата, изјави денеска пратеничката Марија Георгиевска.

Пратеничката на СДСМ истакна дека таа во својство на претседателка на Комисијата го известила собранискиот претседател Талат Џафери дека ова собраниско тело со мнозинство гласови се изјаснило за изборот на двајца предложени кандидати за уставни судии и дека за нив постапка за избор може да продолжи.

– Во Комисијата за изборите и именувањата се води дискусија, односно расправа за секого поединечно и исто така и за секој предлог посебно се гласа. Пратениците на ВМРО-ДПМНЕ со месеци намерно го одолговлекуваат изборот на кандидатите, односно изборот на уставните судии, со што пратениците на ВМРО-ДПМНЕ во ова Собрание го докажуваат тоа што го прават постојано – кочење, блокирање и поттикнување на каква било криза, истакна Георгиевска.

Таа нагласи дека врз основа на нејзина проценка на она што се случува во Собранието,  доставила парцијален извештај, којшто не е целосен.

– Комисијата за прашање на избори и именувања по Деловникот не доставува извештај, туку носи одлуки и одлуките како предлог ги дава на пленумот којшто понатаму треба да одлучува. Затоа јас дадов известување до претседателот што се случува во Комисијата, дека не гледам изгледи оти таа ќе продолжи да функционира како што треба и го информирам, односно му давам предлог на пленумот за овие два предлози, за коишто веќе поединечно е завршена расправата и за нив е донесена одлука од мнозинството членови, а дека по однос на третиот кандидат за уставен судија расправата во Комисијата се уште тече и таа ќе продолжи понатаму да се работи, меѓутоа тоа не смее да претставува пречка за нефункционирањето на Уставниот суд, изјави Георгиевска.

Таа додаде дека на постојаните реакции во јавноста, сметала дека Собранието не смее да си дозволи целосна неодговорност и да се блокира работата на Уставниот суд.

– Мора да сносиме одговорност. Не можеме да дозволиме да биде блокиран Уставниот суд. Знаете дека работи на границата на донесување на одлуки. Знаете дека на уште еден судија сега на почетокот на декември му завршува мандатот. Значи, Уставниот суд нема да биде во можност да носи одлуки, додаде Георгиевска.

Во однос на доставената интерпелација за нејзината работа, Георгиевска нагласи дека очекува таа да се најде на собраниска седница и да се дискутира по неа.

– Таму ќе се утврди дали имаме противделовничко работење. А дали сум работела противуставно надлежен е токму Уставниот суд, којшто опозицијата сесрдно со месеци, година и половина се труди да не биде ставен во функција. Уставниот суд нека процени дали се работи неуставно или се работи согласно она што е Деловник во ова Собрание, додаде Георгиевска.

Пратеничката група на ВМРО-ДПМНЕ денеска поднесе барање за интерпелација на Георгиевска во својство на претседателка на Комисијата за избори и именувања. Како што соопшти пратеникот на ВМРО-ДПМНЕ, Антонијо Милошоски барањето се поднесува поради тоа што таа „неделовнички и неуставно“ на се уште не завршена точка на дневен ред и незавршена комисиска седница, поднела парцијален извештај до претседателот на Собранието, Талат Џафери за избор на уставните судии. сп/ац/

2022-10-19 14:42:26, од Сашко Панајотов

The post Георгиевска: Иницијативата за моја интерпелација е обид да се предизвика уставна криза во државата appeared first on Република.

Ја пренесуваме интегрално изјавата за медиуми, на Антонијо Милошоски, пратеник на Пратеничката група на ВМРО-ДПМНЕ:

Пратеничката група на ВМРО-ДПМНЕ денес поднесе барање за Интерпелација на претседателката на Комисијата за избори и именувања, Марија Георгиевска од СДСМ, затоа што неделовнички и неуставно на сѐ уште не завршена точка на дневен ред и незавршена комисија, таа поднесува парцијален извештај до деспотот во Собранието, Талат Џафери за уставни судии.

Тие што им одговараат уставни судии, ги поднесуваат на гласање без да биде воопшто завршен процесот на дискусија на самата седница каде што именуваната Марија Георгиевска не ја закажуваше цели десет месеци до пред некое време.

Тоа е спротивно на членот 128 од Деловникот каде што е точно наведено дека работното тело заседава и откако ќе заврши седницата подготвува извештај и записник за тоа што се одлучило на самото работно тело, а оваа седница на Комисијата за избори и именувања не е завршена.

Вториот прекршок е членот 129 од Деловникот каде што пишува дека за известител во однос на било кои седници од работните тела најчесто е претседателот на тоа работно тело пред пленумот, а ние видовме вчера дека претседателката на Комисијата за избори и именувања Марија Георгиевска немаше дури ни храброст да се јави пред Собранието, пред пратениците да објасни зошто поднела парцијален извештај, зошто ја прекинува комисијата и пишува извештај без да биде истата завршена и барем да беше присутна и да земе збор и да каже зошто смета дека овие селективно одбрани кандидати за уставни судии заслужуваат да бидат членови на Уставниот суд.

Сметаме дека со самото вакво однесување на владејачкото мнозинство во Собранието дополнително се девалвира не само Уставниот суд како институција, дополнително се девалвира и Собранието, а најмногу довербата на граѓаните во правосудството.

Очекуваме оваа интерпелација да биде во најкус можен рок ставена на пленарна седница и се надеваме дека пратениците кои што веруваат не само во политиката како професија туку и во Деловникот како демократска процедура, ќе ја поддржат оваа интерпелација и ќе може на чело на Комисијата за избори и именувања да дојде пратеник кој ќе го почитува Деловникот кој што е начин на демократска работа во Собранието“.

The post ВМРО-ДПМНЕ поднесе интерпелација на пратеничката на СДСМ Георгиевска за уставните судии appeared first on Република.

Беса засега нема да поднесе иницијатива за интерпелација на првиот вицепремиер во Владата Артан Груби, изјави за МИА пратеникот од оваа партија Фадил Зендели, откако синоќа во јавноста се појавија вакви информации. Коментирајќи ја состојбата во Собранието Зендели се сомнева дека власта има мнозинство во Парламентот велејќи дека вината за тоа владејачките партии ја префрлаат на опозицијата.

Нема такво нешто во моментов, но не исклучувам дека во иднина како опозициска партија нема да поднесеме интерпелација за министри на ДУИ и власта генерално, изјави за МИА Зендели.

Пратеникот на Беса смета дека владејачките партии немаат мнозинство во Парламентот и дека она што се случува во ДУИ со „огнената група“ е внатрешна работа на партијата.

Немаат мнозинство. Мислам дека власта на некој начин ја префрла вината на опозициската ВМРО-ДПМНЕ и другите опозициски партии. ДУИ нè меша и нас, но во суштина проблемот е во самото мнозинство кое во Собранието нема капацитет и нема бројки односно мнозинство да ги реализира своите политики, рече Зендели.

Во изјавата за МИА тој не сакаше да ја коментира состојбата во ДУИ велејќи дека станува збор за внатрешна работа на ДУИ, како и дека пратениците кои се потписници на барањата на „огнената група“ никаде јавно не кажале дека ќе настапуваат самостојно или дека се против политиките на партијата.

The post Зендели: Немаат мнозинство, па ја префрлаат вината врз ВМРО-ДПМНЕ и опозицијата appeared first on Република.

Извори од движењето Беса информираат дека во ќе поднесат барање за интерпелација за првиот вицепремиер Артан Груби и оти интерпелацијата ќе им биде доставена на пратениците на ДУИ Изет Меџити и Мерита Коџаџику, објави ТВ 21.

Пратеникот на ДУИ Изет Меџити на 29 септември по средбата со првиот човек на ДУИ Али Ахмети изјави дека доколку опозицијата покрене интерпелација за Артан Груби, тој ќе гласа „за“.

The post БЕСА ќе поднесе интерпелација за Груби, Изет Меџити ќе гласа „за“ appeared first on Република.

Вечерва во Собранието на Македонија не беше изгласана Интерпелација за работата на претседателот на Собранието, Талат Џафери.

Вкупно гласаа 104 пратеника, „За“ гласаа 43, „Против“ гласаа 61, „Воздржани“ нема.

The post Пратениците не изгласаа недоверба на Џафери appeared first on Република.