Во „Skopje Event Center“ денеска и утре ќе се одржи втората интернационална конвенција за тетовирање „Skopje Tattoo Show 2024“.

„Skopje Tattoo Show“ ќе биде место каде што ќе се слави различноста, креативноста и уметничкото изразување преку тетовирањето - форма на уметност која има долга историја и различни културни значења низ светот. Од традиционалните тетоважи до авангардните и модерни стилови, овој настан ќе понуди по нешто за сите љубители на визуелната уметност и оние кои го препознаваат значењето на телото како платно за креативно изразување. Настанот ќе ги обедини некои од најдобрите тату артисти од регионот и пошироко, претворајќи го градот во вистинска уметничка галерија, соопштија организаторите.

Како што е најавено, освен тетовирањето, програмата ќе биде збогатена и со одржување на работилници, семинари, воркшопови, панел дискусии и демонстрации во живо, кои ќе овозможат интеракција меѓу публиката и уметниците.

Настанот е од компетитивен карактер. Исто така, на конвенцијата ќе има и музички настапи на THCF, Fire Show, Sarah Mace, Mario Arsov, Oky Doky, Soul Case, Bazel, Mongo & Omaru, Vaso, Chvare, Shorty P, Flooder и Pole People.

The post Интернационална конвенција за тетовирање „Skopje Tattoo Show 2024“ appeared first on Република.

Видендов се одржа првата интернационална конвенција за тетовирање во Скопје. Првото „ Skopje Tattoo Show 2023“ помина во најдобро светло и покажа колку нашите посетители се заинтересирани за тату индустријата.

На „Skopje Tattoo Show 2023“ присуствуваа над 50 интернационални и балкански артисти кои ја покажаа уметноста со бои во различни техники и стилови. Натпреварувачите се натпреваруваа во повеќе категории и во двата дена беа прогласени победниците во соодветните категории. Победници од првиот ден беа: Дамјан Клинчаров најдобар во категоријата мала тетоважа, најдобар во заздравена тетоважа беше Срѓан Цетник и најдобра за првиот ден беше Јоана Фаферко. Вториот ден се доделија награди за најдобра црно-бела тетоважа која замина кај Зоран Трајковски, најдобар во колор тетоважа беше Никола Стефановиќ, најдобар на денот беше Дамјан Клинчаров и наградата за најдобра тетоважа на конвенцијата ја доби Влатко Здравков.

За загревање на атмосферата се погрижија музичките уметници како бендот Shugarfree, DJ Goce и DJ Strajk, но и многу други. Свое предавање имаше и м-р Ивана Хаџиманова, психотерапевт со долгогодишно искуство во областа на менталното здравје на темата „Под површината: Психологијата и подлабокото значење на телесната уметност “, додека нашиот познат уметник Михаил Курбин имаше своја изложба.

Првата „Skopje Tattoo Show 2023“ конвенција послужи како платформа за поврзување на заедницата за тетовирање и да изгради трајни врски помеѓу учесниците. „Skopje Tattoo Show 2023“ беше и од хуманитарен карактер, каде средствата собрани од влезниците ќе бидат донирани на децата кои им е најпотребно.

The post Во Скопје се одржа првата интернационална конвенција за тетовирање appeared first on Република.