Тренерот на Јувентус, Масимилијано Алегри ги искажа впечатоците по синоќешниот пораз од Интер (0:1) во натпреварот од 23. коло на италијанското фудбалско првенство.

https://www.youtube.com/watch?v=pL1jZla6-JA

- Знаевме дека натпреварот ќе биде тежок. Сами си постигнавме гол, потоа Влаховиќ пропушти голема шанса. По паузата играта малку се отвори, но Интер е многу опасен во транзиција. На почетокот на сезоната никој не очекуваше Јувентус да биде толку високо на табелата. Разочарани сме од поразот, но сме задоволни од нашата позиција на табелата. Секогаш сум велел дека Интер е фаворит во борбата за Скудетото и останувам на ова мислење. Меѓутоа, ако победиме на неколку натпревари и останеме блиску, тогаш се е можно. Милан е исто така во трката, а изненадувањата се секогаш можни, изјави Алегри за „Football Italia“.

Јувентус е втор на табелата во Серија А со 53 бода од 23 натпревари. Интер води со 57 бода од 22 натпревари.

The post Јувентус сам си даде гол на дербито со Интер appeared first on Република.

По возбудливата игра на стадионот „Олимпико“ во Рим, Интер синоќа победи во финалето на Купот на Италија 2021/22 совладувајќи го Јувентус со 4-2. Тренерот Симоне Инзаги го изрази своето задоволство за победата истакнувајќи дека имале „одлична претстава против силен противник“.

По натпреварот, тренерот на „нероазурите“ зборуваше за „Спортнедиасет“ за перформансите на неговата екипа.

– Навистина добро работевме во првите половина час, но малку ја загубивме формата во последните 15 минути пред полувремето. Нашиот пристап до вториот дел беше лош и пуштивме два гола. Требаше да останеме поконцентрирани, но овој тим никогаш не се откажува, како што знам. Не само оваа вечер, туку од 8 јули ги видов како го прават тоа. Сега имаме два првенствени натпревари кои треба да ги одиграме најдобро што можеме, но правилно е да уживаме во прославите вечерва со навивачите. Среќен сум за момците, клубот и навивачите, рече Инзаги.

https://www.youtube.com/watch?v=NZ4Cnv_NXTA

Тој дополни дека го прави среќен што ја споделува победата со персоналот кој, како што рече, „ми помага секој ден да се подготвам за три натпревари неделно“.

– Отидовме далеку во сè што направивме. Се пласиравме во осминафиналето во Лигата на шампионите и мислам дека Интер досега беше единствениот тим што го победи Ливерпул. Дадовме толку многу и не жалиме, дополни тој.

The post Луд меч во Рим, Интер го освои Купот (ВИДЕО) appeared first on Република.