По настаните поврзани со изјавата на Министерството за надворешни работи за македонскиот јазик, што предизвика вистинска бура од институционални реакции во јавноста поради нејзината содржина за просторно и временско ограничување и дијалектните форми, на повидок  нов скандал. Овојпат кај историчарите и членовите на македонскиот дел од заедничката мешовита комисија со Бугарија, дознава „Пресинг ТВ.

Советот на Институтот, како највисоко тело на институцијата, протоколите со Бугарија ги оцени како штетни, но неговиот директор, проф.Драги Ѓоргиев се уште молчи и се нема изјаснето за нивната содржина. Министерот за надворешни работи Бујар Османи за денеска најави средба со членовите на комисијата.

Советот на Институтот за национална историја, најстарата научна установа во Македонија, со реакција за билатералниот спор со Бугарија укажува на важноста на јазичните, културните и историските наративи, како за дефинирање на нацијата, така и за нејзиното препознавање како различна од „другите“.

Советот на Институтот за национална историја – Скопје како орган на управување, на својата редовна седница, одржана на 25 јули одлучи да се произнесе во врска со билатералните протоколи со Република Бугарија.

Поаѓајќи од фактот што Институтот за национална историја е најстара научна установа во земјата, основана со уредба од 20 јули 1948 година, поради „големото значење на националната историја на македонскиот народ“, а повикувајќи се на актуелниот Закон за научно-истражувачка дејност, кој во член 3 ги дефинира начелата на „слобода и автономност на истражувањата и творештвото, – поврзаност со образовниот систем, – етичност, – неповредливост и заштита на личноста и достоинството на човекот, разновидност на мислења, методи, теории и доктрини“, како и утврдените цели во член 4, меѓу кои и „афирмацијата на националниот идентитет“, што го вклучува и членот 5 со кој како јавен интерес за државата, меѓу другото се дефинира истражувањето во „областа на историскиот и културниот идентитет на македонскиот народ“, Советот е должен да укаже на штетноста на Билатералните протоколи со Бугарија, кои можат да доведат до ситуација во која општествените наративи ќе бидат во колизија со сознанијата на македонската и поголемиот дел од светската наука.

The post За Институтот за национална историја протоколите со Бугарија се штетни, но зошто директорот Ѓоргиев молчи? appeared first on Република.

Институтот за национална историја денеска со почеток во 11.30 часот, ќе одржи промоција на најновото издание на Меѓународното научно списание „Гласник“ на (Двоброј за 2021 година).

Промотор на изданието е проф. д-р Наташа Котлар – Трајкова.

На платото пред влезот на Институтот за национална историја ќе се одржи и промоција на Зборникот на трудови од Mеѓународниот научен симпозиум одржан по повод 70 години од основањето на Институтот за национална историја – Скопје „Балканската историографија и современите предизвици.

За ова издание промотивна реч ќе одржи проф. д-р Драги Ѓоргиев.

The post Промоција на две нови изданија на Институтот за национална историја appeared first on Република.