Директорот на Државниот пазарен инспекторат, Горан Трајковски, ги повика трговците веднаш да ги прилагодат цените на училишниот прибор согласно одлуката на Владата за ограничување на профитните маржи.

„Од утре инспекторите ќе бидат на терен и ќе вршат контроли за да се утврди дали трговците постапиле во согласност со оваа Одлука. Инспекторите ќе постапуваат во рамки на нивните надлежности кои произлегуват од Одлуката, а согласно тоа и според Законот за трговија.

Напоменувам дека Државниот пазарен инспекторат ќе постапува исклучиво по однос на контрола на цените утврдени со Одлуката, но нема надлежност да постапува, ниту пак да влијае врз формирање на цени во трговијата на големо и трговијата на мало.

Како што постапувавме претходно, така и сега, нема да има компромис за никого, законот ќе важи еднакво за сите и сите трговци опфатени со Одлуката имаат обврска да ја почитуваат!“, порача Трајковски.

Тој ги повика и потрошувачите доколку забележат неправилности да пријават во пазарниот инспекторат на 191 или на службената веб-страница.

The post Пазарна инспекција од утре на терен ќе проверува дали училишниот прибор се продава со ограничена маржа appeared first on Република.

Инспекција ќе влезе во Кошаркарската федерација. Ова денеска го најави министерот за спорт Борко Ристовски одговарајќи на новинарско прашање за коментар во врска со случувањата во КФСМ, односно обвинувањата од селекторот Горан Андреевски кои вчера излегоа во јавност, а објави „Спорт1“.

Она што можеме да го кажеме е дека изјавите на селекторот се доста загрижувачки и ќе направиме се што е во наша моќ, во најбрзо време, можеби и идната недела да испратиме инспекција во федерацијата за да ги провериме тврдењата на селекторот дали се точни и дали се потрошени сите средства кои ги добиваат федерациите од државата, на вистинско место, истакна Ристовски.

Посочи дека како министерство не планираат да се мешаат во внатрешните работи на ниту една федерација и немаат намера да учествуваат во било какви дебати со било кој од засегнатите страни.

Доколку се утврди било каков пропуст од КФСМ, Ристовски верува дека тие ќе бидат санкционирани.

Инаку, по вчерашните обвинувања од Андреевски за условите, демант пристигна од КФСМ и од хотелот „Континентал“ каде биле сместени младите репрезентативци.

The post Инспекција идната недела ќе влезе во Кошаркарската федерација appeared first on Република.

Во екот на главната туристичка сезона, Туристичката инспекција во рамки на Одделението за инспекциски надзор при Општина Охрид има зголемен обем на работа и покрај редовната контрола на туристичките објекти, редовно се контролираат и туристичките водичи, кои водат организирани групи гости.

Во последниот период, како дел од теренските активности, во повеќе наврати туристичките инспектори констатирале непочитување на Законот за туристичка дејност и нелиценцирани туристички водичи, кои водат групи на разглед во Охрид, информираат од Општина Охрид.

Со цел да се спречи ваквата појава и да се избегне изрекување на казни, се упатува апел до сите странски туроператори, домашни туристички агенции, сместувачки капацитети и други туристички чинители, кои носат туристички групи на разглед на археолошките локалитети и другите знаменитости во Охрид, задолжително да користат услуга од лиценциран туристички водич, потенцираат.

Посочуваат дека очекуваат од сите вклучени во туристичките дејности да работат согласно законските прописи со цел да се зачува имиџот на Охрид како атрактивна туристичка дестинација.

The post Туристичката инспекција апелира да се користат лиценцирани туристички водичи appeared first on Република.

Ќе се проверуваат само вакцините за ДиТеПер. Оваа одлука доаѓа по барањето на Комисијата за заразни болести до министерството за здравство да ги потврди мерките невакцинирани деца да не одат во градинка. Министерството за здравство му одобри на ДСЗИ да врши вонредни надозори.

Пет деца се хоспитализарани станува збор за четири деца под една година и едно до четири години. Според возраста се движи до 40 години, а најголем број случаи се од возрасните групи деца од 10 до 14 години.

The post Oд утре стартува инспекцискиот надзор во градинките дали децата се вакцинирани appeared first on Република.

По добиена пријава од граѓанската иницијатива Охрид СОС дека на охридското крајбрежје на потегот од Струга кон Радожда се изведуваат градежни активности, Државниот инспекторат за животна средина денеска соопшти дека на терен излегле виш инспектор за заштита на природата, државниот инспектор за животна средина од канцеларија Охрид и овластени инспектори од општина Струга за животна средина и градежништво, како и инспектори од ОВР Струга.

На едната локација имаше градежни активности за изградба на ѕид највероватно од бетон за што имаше поставено шаловани оплати, кои не беа во езерото.
На лице место немаше присутни лица, кои ги изведуваат градежните активности, исто така немаше градежна механизација, стои во информацијата на Државниот инспекторат за животна средина.

Постапката, како што наведуваат, треба да продолжи од општина Струга, согласно законските овластувања.

Општина Струга е одговорна за одржување, чување, почитување и правилно користење на природното и културното наследство, како и за превземање мерки
за правилно користење на светското природно наследство согласно Законот за управување со светското природно и културно наследство на Охридскиот регион,
појаснува Инспекторатот.

На истата локација на охридското крајбрежје на потегот кон селото Радожда, Државниот инспекторат за животна средина постапувал и претходно во текот на годинава при што била покрената кривична постапка со доставено барање до ОЈО Струга. Кривична пријава до ОЈО Струга била доставена и претходно за идентичната локација.

Фото ДИЖС

The post Вонреден инспекциски надзор на Охридското крајбрежје во струшко, констатирани градежни активности appeared first on Република.

Градежни активности изведени од камен за оградување на парцели меѓу Охридското Езеро и патот село Радожда–Струга констатирале инспекторите при вчерашниот вонреден надзор.

По добиена пријава од граѓанската иницијатива Охрид СОС дека на охридското крајбрежје на потегот од Струга кон Радожда се изведуваат градежни активности, Државниот инспекторат за животна средина денеска соопшти дека на терен излегле виш инспектор за заштита на природата, државниот инспектор за животна средина од канцеларија Охрид и овластени инспектори од општина Струга за животна средина и градежништво, како и инспектори од ОВР Струга.

На едната локација имаше градежни активности за изградба на ѕид најверојатно од бетон за што имаше поставено шаловани оплати, кои не беа во езерото. На лице место немаше присутни лица, кои ги изведуваат градежните активности, исто така немаше градежна механизација, стои во информацијата на Државниот инспекторат за животна средина.

Постапката, како што наведуваат, треба да продолжи од Општина Струга, согласно законските овластувања.

Општина Струга е одговорна за одржување, чување, почитување и правилно користење на природното и културното наследство, како и за преземање мерки за правилно користење на светското природно наследство согласно Законот за управување со светското природно и културно наследство на охридскиот регион, појаснува Инспекторатот.

На истата локација на охридското крајбрежје на потегот кон селото Радожда, Државниот инспекторат за животна средина постапувал и претходно во текот на годинава при што била покрената кривична постапка со доставено барање до ОЈО Струга. Кривична пријава до ОЈО Струга била доставена и претходно за идентичната локација.

The post Вонредна инспекциja во Струшко, некој си гради нелегално на државно земјиште appeared first on Република.

При редовна обиколка на територијата на Општина Ѓорче Петров од oвластен инспектор за животна средина при Општина Ѓорче Петров лоцирано е одлагање згура од преработка на акумулаторски батерии во близина на село Орман, во количина од проценети околу 500 до 600 тони.
Како што е објавено на фејсбук страната на Државниот инспекторат за животна средина, отпадот бил лоциран минатата недела.

– Според затекнатата состојба на теренот, а според Листата на видови на отпад (Сл.Весник на РМ бр.100/2005) се работи за отпад со шифра 10 04 – Отпад од пирометалургија на олово,10 04 01*- троски од примарно и секундарно производство, која според класификацијата спаѓа во класата на опасен отпад, информираат од Инспекторатот.

Од таму посочуваат дека според затекнатата состојба на теренот и проценка за ризикот, овластениот инспектор за животна средина по службена должност започнал инспекциска постапка и при тоа издал решение со кое им се наредува на сопствениците на земјиштето дислокација на опасниот отпад од катастарските парцели во село Орман на соодветна за тоа локација во рок од 30 дена од денот на приемот на решението.

The post Детектиран опасен отпад во близина на скопското село Орман appeared first on Република.

Министерството за труд и социјална политика во врска со настанот за наводно исчезнување на дете од градинката „Детска Радост“ во општина Гази Баба информира дека е контактирано со директорката на градинката и дека на негувателката и е издадена писмена опомена.

Министерството за труд и социјална политика во врска со настанот за кои пишуваат медиумите, за наводно исчезнување на дете од ЈОУДГ „Детска Радост“, Општина Гази Баба, а во насока на целосна и точна информација и расветлување за настанот, информира дека е запознаено со случајот и од комуникацијата со директорката на предучилишната установа, информираме дека истата изјави дека веднаш по дознавањето на настанот ги повикала одговорните вработени и раководителката на објектот „Темјанушка“ при што било изјавено дека детето било излезено во дворот на градинката и вратено веднаш од родител во згрижувачката група, наведува МТСП во денешното соопштение.

Согласно ингеренциите на директорката на градинката, како што е посочено во соопштението, веднаш бил повикан стручниот тим, инволвираните вработени и раководителката на објектот.

Следствено на извршениот разговор веднаш на вработената негователка од групата каде престојувало детето и е издадена писмена опомена, а веќе е формирана и Комисија за утврдување на дисциплинска одговорност за инволвираните вработени и одговорни за згрижување на детето, велат од МТСП.

Оттаму посочуваат дека инспекциските служби на МТСП ќе извршат вонреден инспекциски надзор согласно нивните ингеренции, за утврдување на фактичката состојба за настанот.

The post Вонреден инспекциски надзор откако двегодишно дете излегло само од градинката „Детска радост“ appeared first on Република.

Oткако Агенцијата за филм информираше за поднесената кривична пријава против Милчо Манчевски, денеска со реакција се јави и „Банана филм“ кои во писмениот демант велат дека ја пријавиле Агенцијата за филм за корупција, која им поднела кривична пријава иако инспекцијата заклучила дека продуцентот „Банана филм“ работел чесно.

Од Министерството за култура, пак велат дека „до Секторот за управен и инспекциски надзор во Министерството за култура била поднесена Иницијативата од Агенцијата за филм на РСМ, Скопје, со барање за вршење вонреден инспекциски надзор во Друштвото за филмска продукција Банана филм ДООЕЛ – Скопје за реализацијата на филмските проекти „Мајки“ и „Врба“, во режија на Милчо Манчевски“.

Во однос на реализацијата на проектот „Врба“, од страна на инспектор за култура е извршен вонреден инспекциски надзор во Банана филм – Скопје, од аспект на Законот за филмската дејност, за што е составен Записник ИП 1 бр. 56-27 од 04.04.2023 г., со којшто, во делот од наводите во Иницијативата, не е утврдено ненаменско користење на средствата или користење на средствата добиени од Агенцијата за филм спротивно на Договорот, од причини што корисникот на средствата се придржувал кон Финансискиот и оперативен план за реализација на проектот, како составен дел од Договорот.

Додека во однос на филмскиот проект ,,Мајки“ (за којшто поранешната НУ Филмски фонд, Скопје, во 2009 г. склучила Догoвор за финансирање со Банана филм – Скопје), Агенцијата за филм е известена дека не постои основа да биде извршен инспекциски надзор врз основа на Законот за филмски фонд на РМ, имајќи предвид дека Законот не е во сила, односно престанал да важи уште од 1 јануари 2014 г., со денот на применувањето на постојниот Закон за филмската дејност.

Со оглед на тоа што во Иницијативата од Агенцијата за филм, меѓу другото, е наведено дека од страна на Агенцијата „констатирани се пропусти, незаконитости и неисполнети обврски за филмскиот проект „Мајки“ од страна на продуцентот, кои се од важност за сите други проекти кои овој продуцент ги реализирал со правниот следбеник на Филмскиот фонд на РМ, сега АФ“, инспекторот за култура немал основа да врши инспекциски надзор за реализација на филмскиот проект „Мајки“, Записникот од извршениот вонреден инспекциски надзор, заедно со Иницијативата од Агенцијата за филм, се доставени до Министерството за финансии, Управа за финансиска полиција, на запознавање и евентуално натамошно постапување доколку Управата процени дека има основа за тоа, велат од Министерство за култура.

The post Министерство за култура: На проектот „Врба“ не е утврдено ненаменско користење на средствата, а за „Мајки“ Агенцијата за филм е известена дека не постои основа да биде извршен инспекциски надзор appeared first on Република.

Градоначалникот на Општина Центар, Горан Герасимовски, придружуван од општински градежен инспектор и припадници на полицијата, вчеравечер излегоа на терен и затворија градилиште на улица „9 Мај“, позади Универзалната сала, информираат од Општина Центар.

Инспекцијата утврди дека инвеститорот постапувал спротивно од издаденото одобрение за градење и ја искинал жолтата лента со која утринава градежен инспектор на Општина Центар му го затворил градилиштето. Мора да сфатиме дека во оваа држава постојат закони и тие важат за сите, изјави Герасимовски.

Како што е наведено во соопштението од Општина Центар, Инвеститорот Бинјапи Инжинеринг има одобрение за градење и градежен проект за заштита на градежна јама, за обезбедување на соседните парцели. Со тоа инвеститорот е обврзан да постави армирано бетонски колови, тн. шипови, за обезебедување на јамата, кои тој не ги извел и со тоа постапил спротивно одобрението за градење.

По извршениот увид од страна на градежен инспектор од Општина Центар, градилиштето вчера наутро беше затворено. Инвеститорот попладнето сам си ја отстранил заштитната инспекциска лента и продолжил со градење. По вториот извршен увид, градежен инспектор на инвеститорот му одреди рок за да го врати градилиштето во првобитна состојба и да продолжи да гради согласно издадената техничка документација, се додава во соопштението.

The post Инвеститор ја скинал инспекциската лента и продолжил да гради позади Универзална appeared first on Република.

Во акциска контрола спроведена синоќа во угостителски објекти на 272 локации приведени се лица кои поседувале оружје, а констатирани се и други прекршоци. Во контролата биле опфатени и 18 казина на подрачјето на СВР Скопје и СВР Куманово.

Министерството за внатрешни работи соопшти дека во Чаир кај триесет и едногодишниот Б.И. од Косово пронајден е нож, а во Кисела Вода е приведен О.О. (32) од Турција поради непријавен престој во државата.

На подрачјето на СВР Велес во угостителски објект констатирано е кривично дело по член 215 од Кривичниот законик при што е приведено едно лице поради присуство на малолетници во објектот, а констатиран е и прекршок по Законот за оружје кај лице кое вршело работа од областа на приватното обезбедување, а не поседувало лиценца и договор за работа поради што и ова лице е приведено.

Од страна на Управата за јавни приходи констатирано е дека објектот работи спротивно на Законот за регистрирање на готовина, а од страна на Пазарниот инспекторат ќе бидат направени дополнителни проверки за утврдување на статусот на лицата кои работеле во објектот.

The post Се носело оружје, имало малолетници и обезбедувачи без лиценца: Контроли во угостителски објекти и казина низ цела држава appeared first on Република.

Полициски службеници од Одделот за униформирана полиција на подрачјата на СВР Скопје, СВР Битола, СВР Охрид, СВР Куманово, СВР Велес и СВР Тетово, во координација со претставници на Државниот пазарен инспекторат и Управата за јавни приходи, утринава во периодот од 0:00 до 4:00 часот спроведоа акциска контрола во угостителски објекти на 185 локации.

Притоа, констатирани се пет прекршоци за присуство на малолетници после 00:00 часот, и тоа на подрачјата на СВР Скопје, СВР Битола, СВР Куманово, СВР Велес и СВР Тетово.

При контролите, како што информира МВР, бил констатиран и еден прекршок по член 80 од Законот за оружје на подрачјето на скопски Чаир, при што кај Д.Т.(25) од Скопје бил пронајден и одземен нож, како и два прекршока по Законот за лична карта на подрачјето на СВР Куманово.

Од страна на Државниот пазарен инспекторат поради констатирани неправилности запечатени се два угостителски објекта, едниот во Сарај, а другиот во село Арнакија.

The post Малолетници најдени по полноќ, во Чаир имало и гостин со нож: Контроли во угостителски објекти ширум Македонија appeared first on Република.

Државниот санитарен и здравствен инспекторат (ДСЗИ) информира како течел вонредниот инспекциски надзор кој тие го извршиле по допрен глас за починат пациент од Берово после хируршка интервенција на заб. Според соопштението, пациентот првпат на лекар се јавил на 19 август, а починал 14 дена подоцна.

ДСЗИ изврши вонреден инспекциски надзор во сите здравствени установи каде се што јавил на преглед пациентот при што е констатирана следната фактичка состојба:

-Посета кај матичен стоматолог

-Од увид во индивидуалниот стоматолошки картон е утврдено дека од 10.08.2022 год д-р  Слободан Рушковски од ПЗУ Д-р.Рушковски - ординација по општа стоматологија во Берово е матичен стоматолог на пациентот Ј.Д., кога за прв пат е извршен стоматолошки преглед при што е утврдено присуство на огромен оток на десна страна без можност да се изврши орален преглед поради болка и присутен тризмус (вкочанетост на долната вилица). Веднаш е креиран спец.упат до спец. по орална хирургија при ПЗУ Д-р.Чавков – Д-р.Бајрактаров орална -специјалистичка ординација по орална хирургија во Струмица) во мој термин за 09.30 часот на 11.8.2022год, Од увидот во здравствената евиденција и електронскиот систем е констатирано дека упатот не е реализиран, односно пациентот не се јавил на преглед. Препишана антибиотска терапија од страна на матичниот стоматолог.

На 13.08.2022год пациентот Ј.Д. во 22.30 часот (сабота) поради болка и оток повторно се јавил на преглед при што како итен случај повторно е упатен до специјалист, но овој пат специјалист максилофацијален хирург при ЈЗУ КБ Штип .

-посета кај матичен лекар:

Истиот ден, на 10.08.2022  по препорака на матичниот стоматолог пациентот се јавил кај матичниот лекар Д-р.Ванчо Ременски при ПЗУ Поликлиника Биомедика при што од извршениот преглед било констатирано оток и болка во десна букална и субмандибуларна регија, при што од страна на матичниот лекар е ординиран друг антибиотик и остната супортивна терапија.

На ден 13.08.2022 пациентот Ј. Д. дошол на контролен преглед при што е констатирано и понатаму присуство на оток и болка, назначено да продолжи со препорачаната терапија.

На 19.08.2022 во индивидуалниот картон е заведен извештај (прилог кон отпусно писмо) од ЈЗУ КБ Штип-Максилофацијална хирургија од Д-р.Владимир Милошев со назначена терапија.

-Посета ВО ИМП-Берово

Од увид во амбулантскиот дневник на Итна медицинска помош Берово на 21.08.2022г во вечерните часови (не е прецизиран часот) заведен е преглед на пациентот Ј. Д кој побарал здравствена помош поради општа лоша состојба со постоечка инцизиона рана со дрен, извршена е тоалета и преврска на раната, ординирана амп. диазепам и.м, дадена оксигена терапија (кислород), препорачано земање на табл. парацетамол за дома, со напомена ако е потребно веднаш да се јави повторно на преглед на ИМП. На 22.08.2022 во 02.30 часот пациентот Ј.Д. со придружба од семејството повторно дошол во ИТМ-Берово каде поради влошена општа состојба му е ординирана терапија физиолошки р-р 500мл и амп. новалгетол 5 мл (и.м) и со возило на ИМП-Берово во придружба на мед. сестра е транспортиран до ЈЗУ КБ-Штип каде веднаш е примен

-лекување во ЈЗУ КБ Штип:

-Пациентот Ј.Д прв пат се јавил на преглед во ЈЗУ КБ Штип на ден 13.08.2022 во дежурна ургентна амбуланта каде дежурниот доктор д-р.Владимир Милошев спеијалист максилофацијален хирург извршил преглед. Ординирана терапија, направена РТГ на глава и запис за прием на болничко лекување.

По приемот на хирушко одделение со максилофацијална хирургија извршена е екстракција на забот и киретажа, но бидејќи не е воспоставено спонтано дренирање извршена е екстраорална длабока инцизија со поставување на лашва за пасивна дренажа.

Пациентот е задржан на болничко лекување до 19.08. 2022 год. од каде по подобрување на општата и локална здравствена состојба, по извршена контрола на медијастинумот со цел утврдување на дистално ширење на инфекцијата направен е контролен Ртг на бели дробови и добиен уреден наод, направени се контролни лабараториски испитувања, со препорачана терапија е испишан на домашно лекување. Закажана е контрола за 2 дена односно за 21.08.2022.

На 21.08.2022  пациентот се јавил на контрола во ЈЗУ КБ-Штип каде е извршена преврска на инцизионата рана и повторно му е закажана контрола за 23.08.2022.

На 22.08.2022г. во 04.40 часот поради влошена состојба (обилно крварење од инцизионата ектраорална рана, фебрилен, со отежнато дишење и намалена сатурација со возило на итна медицинска помош од Берово е донесен во ЈЗУ КБ-Штип.

По пристигнување во ЈЗУ КБ-Штип пациентот Ј. Д. веднаш е спроведен во операциона сала, извршена е интубација и со општа анестезија пристапено е кон оперативна интервенција (подлабоко отварање на инцизионата рана. Истовремено се земени се два бриса - не се најдени патогени бактерии според лабораторискот извештај додека резултатот од хемокултурата за време на инспекцискиот надзор сеуште е во тек.

Истовремено телефонски е побарана консулатација со професоре д-р.Даница Поповиќ спец. максиолофацијален хирург од ЈЗУ УК Максилофацијална хирургија во Скопје, која лично пристигнала во 08.30 часот на 23.08.2022г и дала насоки пациентот да не се транспортира во таква состојба во Скопје туку во наредните 24 часа да биде следена неговата состојба на одделението за интензивна нега со реанимација во ЈЗУ КБ-Штип .

На 23.08.2022г. поради влошување на здравствената состојба на пациентот Ј. Д., со болничко возило и во придружба на специјализант доктор по анестезија и главна мед.сестра на анестезија е пренесен на ЈЗУ УК-Карил во Скопје.

-прием на ЈЗУ УК ТОАРИЛУЦ – ОЕ за анестезиологија, реанимација и интензивно лекување

Пациентот е примен на ден 23.08.2022 год по претходно креиран упат од страна на др Владимир Милошев од ЈЗУ КБ Штип за понатамошно лекување.

Пациентот е примен во крајно тешка состојба со знаци за септичен шок . Веднаш се преземени сите мерки за интензивно лекување, мониторинг, иследувања и терапија .

Пациентот доаѓаа со веќе извршена дијгностичко иследување КТ на белодробие после кое заради итноста на ситуацијата е повикан торакален хирург кој по преглед на компјутерскиот наод поставува торакален дрен.

И покрај сите преземени мерки согласно протокол кај пациентот настапува смрт на ден 24.05,2022 год.

The post ДСЗИ информира како течел вонредниот инспекциски надзор за лекувањето на беровачанецот кој почина од операција на заб appeared first on Република.

Управата за финансиска полиција, Државниот пазарен инспекторат и Управата за јавни приходи заедно спроведуваат засилени и сеопфатни контроли за да се спречат евентуални манипулации во снабдувањето со храна и горива, информира Владата.

Инспекциски контроли на дистрибутивните центри кои вршат снабдување со прехранбени продукти и на правните субјекти кои вршат трговија на мало и големо со нафтени деривати на територија на целата држава се спроведуваат со цел да нема застој во снабдувањето со прехранбени производи, овошје, зеленчук, енергенси и да не се создава паника кај потрошувачите, се нагласува во соопштението.

Како што истакнуваат од владината Прес-служба, контролите се сеопфатни и затоа се делува координативно и пред сé кај дистрибутивните центри, односно трговците на големо и оние маркети кои имаат сопствени магацини и дистрибутивни центри од каде што се преземаат производите.

На овој начин ќе се надминат сомнежите дека не се дополнуваат рафтовите со производи, иако ги има на залиха и токму затоа се прават контроли во дистрибутивните центри на големо. Владата апелира дека во овие услови никој не смее да профитира на грбот на граѓаните. Владата заедно со надлежните институции информира дека со излегувањето на терен и засилените контроли веќе се нормализира состојбата. Храна, гориво и енергенси има доволно, граѓаните да не подлегнуваат на никакви шпекулации и да бидат смирени. Државата е подготвена да одговори на сите предизвици поврзани со кризата, се потенцира во соопштението.

The post Рафтовите да се дополнуваат, гориво да се точи: Институциите со засилени контроли appeared first on Република.

Селективна правда и контрола во угоститлексите објекти од страна на власта, СДСМ и ДУИ во Битола, обвинува претседателот на ОК ВМРО ДПМНЕ Битола, Пеце Милевски, по вчерашната акциска контрола во четири ноќни клубови и кабареа во Битола. Милевски прашува и кој функционер од Владата на РМ напушти објект пред контролата.

Почитувани, паниката во СДСМ е очигледна, бродот кој четири години се одржуваше со популизам и лаги започна да тони. На бродот остана само еден раштиман оркестар кој по задача треба да потоне заедно со бродот. Вашите луцидни соопштенија, пресови и деградацијата на поединци е само уште еден доказ за вашата немоќ. Во врска со вчерашната акција на Пазарниот инспекторат и полицијата можеме да заклучиме дека сите притисоци кон народот кој ве казни на избори се исцрпени и дека сте преминале на последната мерка практикување на фашизам кон оние кои ве плаќаат. Малтретирањето на својот народ, демонстрација на сила со полна борбена опрема и затворањето на бизнисите е само чекор кон докрајчување на Битола и битолчани за кое одговорноста почитувани од СДС е ваша. Почитувани од СДС прашањата кои сите си ги поставуваат:

Дали зад ваквата полициска акција се крие одмазда на министерот Спасовски поради поразот на локалните избори во Битола на СДС ?
Дали Министерот вака ревносно врши акции на целата територија на Македонија ?
Дали одредени партиски членови на СДСМ добија дојава и предвреме си заминаа од локалите каде беа вршени контролите ?
Дали Министерката за култура, Бисера Костадиновска Стојчевска напушти еден од локалите пред МВР и инспекторатот да влезат во локалот ?
Селективна е вашата правда, спроведување на закони и тенденциозна е намерата битолчани да бидат брутално малтретирани, пишува тој на Фејсбук споделувајќи фотографии од акцијата.

Битолчани денеска на социјалните мрежи се жалат дека полициските службеници влегле во објектите со автоматски пушки и целосна заштитна опрема, внесувајќи страв и несигурност кај гостите.

Меѓу приведените вчеравечер беше и пејачот Александар Тарабунов, кој вечерта имаше настап во битолското кабаре. И тој е гневен на начинот на кој било постапувано со него:

https://republika.mk/vesti/crna-hronika/so-lisici-i-so-butkanje-vo-kombe-kako-najgolem-kriminalec-tarabunov-vchera-priveden-po-nastap-vo-bitola/

Од МВР денеска соопштија дека полициски службеници од Бирото за јавна безбедност во координација со Државниот пазарен инспекторат, Управата за јавни приходи и Државниот инспекторат за труд ноќеска, меѓу 01:30 и 04:30 часот, спроведоа акциска контрола во четири ноќни клубови и кабареа во Битола. Притоа е констатирано дека 42 лица биле пуштени во четирите угостителски објекти без КОВИД-сертификат и тие се запечатени од страна на Државниот пазарен инспекторат, а ќе следат соодветни поднесоци.

При тоа, во два ноќни клуба била пронајдена дрога (прашкаста материја и марихуана) за што ќе бидат поднесени кривични пријави. Утврдено е и дека едно лице употребило лажен КОВИД-сертификат за што, исто така, ќе следува соодветна кривична пријава, велат оттаму.

Како што соопшти МВР, до надлежното обвинителство ќе биде поднесен и поднесок против сопственик на објект кој упатувал закани кон полициските службеници и инспекциските служби.

Ќе следат и соодветни поднесоци зашто во ноќен клуб е затекнат малолетник по 24 часот, а биле констатирани и прекршоци и по законот за пушење. Констатирани се и случаи на неиздавање фискална сметка, а од страна на Државниот инспекторат за труд се констатирани 27 прекршоци за работење без договор за вработување. Акциските контроли продолжуваат и во наредниот период, велат од МВР.

Акции вчера имаше и во Гостивар и Струга:

https://republika.mk/vesti/crna-hronika/akciska-kontrola-vo-gostivar-i-struga-sankcii-za-14-ugostitelski-objekti/

The post „Кој функционер од Владата напушти објект пред контролата?“: Битолчани бесни по вчерашниот упад во ноќните клубови appeared first on Република.