Инфлуенсерката Роџерија Гиа од Дубаи е казнета со 1.800 евра за влез на заштитената Пинк плажа на Сардинија, пишува Гардијан.

Девојката е казнета со 1.800 евра затоа што влегла на забранетата плажа со розова нијанса на Сардинија, откако на социјалните мрежи споделила серија видеа и фотографии од овој природен рај.

Жената пристигнала на плажата позната по розовиот песок на малиот остров Будели на Сардинија, со гумен чамец, наводно игнорирајќи ги сите знаци за забрана, пишува италијанскиот печат.

Од 1990-тите, на туристите им е забрането да пешачат на оваа плажа – од која често се краде песок – и да пливаат во морето, но тие можат да го посетат островот преку ден со брод и им е дозволено да пешачат по патеката зад плажата.

Жената со бразилско потекло која живее во Дубаи, ја објави содржината на Инстаграм профил со повеќе од 35.000 следбеници. Во еден од видео клиповите, таа оди по песокот додека во позадина свири La Vie en Rose од Едит Пјаф.

Прекршокот, кој наводно се случил пред неколку дена, предизвика гнев кај жителите на Сардинија, што ги натера офицерите на крајбрежната стража на архипелагот Ла Мадалена дополнително да го истражат случајот.

Набрзо ја пронашле жената и ја известиле за казна од 1.800 евра, од кои 300 евра се за прекршување на забраната и 1.500 евра за пристигнување на брод кој немал дозвола за пристап до островот, пишува Гардијан.

The post Инфлуенсерка казнета со 1.800 евра поради фотографирање на една од најубавите плажи во светот appeared first on Република.

Тереза ​​Качуела (33), мајка на три деца и сопственичка на „Хаус оф глам“ во Ваипаху, Хаваи беше застрелана во главата од Џејсон Качуела (44) на паркингот во Центарот Перлиџ, пренесува „КИТВ“.

Нејзината ќерка била сведок на пукањето и на полицијата ѝ кажала дека нејзиниот татко го повлекол чкрапалото. Локалните медиуми објавија дека девојчето има 6 или 8 години. Џејсон, наводно, се застрелал веднаш откако побегнал од местото на настанот со сив автомобил марка „мазда“.

Полицијата го испитува трагичниот настан, кој се случи две недели откако судијата го одобри барањето на Тереза ​​Качуела за забрана за приближување.

Во деновите пред убиството, Џејсон постојано се заканувал дека ќе изврши самоубиство. Нему му беше дозволено да стапи во контакт со Тереза ​​Качуела само за старателство над детето.

Мајката на убиената рече дека пукањето можело да се спречи доколку посериозно се сфателе барањата на нејзината ќерка за полициска помош.

The post Позната инфлуенсерка убиена од сопругот пред очите на нивната ќерка appeared first on Република.

Скандал ја тресе репрезентацијата на Бразил по ремито со Венецуела од 1:1. Не толку поради тоа реми, туку поради нешто се случило ноќта пред самиот меч.

Имено според тамошните медиуми, Нејмар, Винициус и Ришарлисон имале оргии со убави инфлуенсерки. Ова го тврдат поедини новинирари, а полека но сигурно го преземаат и водечките медиуми во Бразил.

Инаку по тој меч јавноста во Бразил беше гневна на изданието на своите фудбалери, посебено на Нејмар.

The post Затоа не можат да ја победат Венецуела: Нејмар, Винициус и Ришарлисон наместо мрежи „треселе“ инфлуенсерки appeared first on Република.

Веќе на сите им е јасно дека луѓето со милиони следбеници можат да заработат многу пари и да живеат само од спонзорирани објави. Инфлуенсерката и гимнастичарка Оливија Дан откри колку најмногу  заработила од спонзорирана објава на социјалните мрежи.

Оливија е американска гимнастичарка и извесно време беше дел од репрезентацијата. Таа моментално е член на гимнастичкиот тим LSU Tigers на Државниот универзитет во Луизијана. Воедно, таа е и инфлуенсер и на социјалните мрежи објавува како изгледа нејзиниот живот.

До неодамна, на членовите на универзитетските атлетски тимови не им беше дозволено да заработуваат врз основа на спонзорирани објави. Не им беше дозволено да примаат комерцијални плаќања и таквата соработка може да им донесе суспензии и санкции на универзитетот, но ова правило стапи на сила во јули 2021 година.

Оливија моментално има речиси осум милиони следбеници на TikTok и над четири милиони на Instagram. Според податоците со кои располагаат странските медиуми, таа заработила 3,4 милиони долари само од спонзорирани објави. Минатата недела таа беше гостин на Full Send Подкастот и беше прашана колку може да заработи од една спонзорирана објава на Инстаграм.

„Нормално никогаш не зборувам за пари, но... би рекла шест цифри“, одговори таа. На прашањето дали нејзината заработка е под 500.000 долари, Оливија одговорила не, што значи дека заработува повеќе од половина милион долари по објава (се разбира, не секоја објава, зависи од спонзорот).

"Да, јас сум многу среќна. Тоа е едноставно лудо за мене", рече таа. Таа навести дека во иднина, кога ќе го напушти универзитетот, може да биде само инфлуенсер, но дека се уште не донела конечна одлука.

Во една прилика рекла дека сака на младите девојки да им покаже дека не мора да се занимаваат исклучиво со една работа.

"Можете да бидете страсни за музиката, уметноста. Не треба да избирате. Можете да направите се и да бидете успешни. Мислам дека треба да си поставите свои очекувања за успех и да имате големи соништа", рече таа.

@kyleforgeard @Olivia Dunne on how much she gets paid per sponsorship! 💰 #fyp #fullsend #collegeathlete #livvy #nelk ♬ original sound - Kyle Forgeard

The post Инфлуенсерка откри колку може да заработи од една објава на Инстаграм: Бројката е неверојатна appeared first on Република.

Популарната мејкап артистка и инфлуенсерка Маја Миа, по потекло од Охрид, била пронајдена мртва во Африка, јавуваат медиуми од црниот континент. Миа е родена во Македонија, но живеела во Танзанија повеќе од една деценија. Извештаите велат дека пред нејзината смрт таа живеела во Јужна Африка.

Засега не се наведуваат причините за смртта на Маја, иако има разни шпекулации во африканските медиуми. Сепак нејзината смрт засега е мистерија.

Маја Миа неодамна беше во центарот на вниманието на јавноста во нашата земја откако фотографии со неа објавија актуелни политичари, меѓу кои и министерот за надворешни работи Бујар Османи и поранешниот министер за здравство, Венко Филипче.

 

View this post on Instagram

 

A post shared by Maya Mia (@maya_mia_y)

 

View this post on Instagram

 

A post shared by Maya Mia (@maya_mia_y)

Извор: Охридњуз

The post Познатата инфлуенсерка и мејкап артист од Охрид, Маја Миа, пронајдена мртва во Африка appeared first on Република.

Позната инфлуeнсерка од Македонија и ќерка на политичар е едно од трите уапсени лица на Миконос за учество во злосторничка организација која продавала кокаин и екстази на грчкиот остров Миконос, пишува грчкиот весник „Прототема“.

Тројца државјани на Македонија, двајца мажи на возраст од 34 и 35 години и 21-годишна девојка, во средата биле уапсени на грчкиот остров Миконос, под обвинение за трговија со дрога.

Девојката која уште е опишана и како русокоса со многу следбеници на Инстаграм и чија мајка е правник/адвокат, оперирала заедно со уште двајца македонски државјани и еден познат либански ди-џеј. Лидер на групата бил 34 годишен скопјанец, десна рака му бил 35 годишен сонародник а четвртиот уапсен во групата либанскиот државјанин за кој само се вели дека потекнува од ситуирано семејство.

Според грчкиот весник, секој член на групата имал свои задачи а полицијата ги следела веќе подолго време. Полицијта на Миконос решила да дејствува кога групата одлучила да го напушти хотелот во кој била сместена. При апсењата и претресите се одземени 220 грама кокаин, 270 грама метаамфетамини, 437 таблети екстази и околу 160 грама канабис. Истрагата за идентификување на нивните контакти продолжува.

Либанскиот ди-џеј кој е уапсен како дел од групата се претставил како клиент на групата од Скопје. Пред полицијата, според Прототема, дал исказ дека тој само купувал дрога од криминалната група. Кај него полицијата нашла 3,7 грама кокаин.

The post Ќерка на македонски политичар и инфлуенсерка уапсена за шверц со дрога на Миконос appeared first on Република.

Инфлуенсерката Кристина Кика Ѓукиќ си го одзеде животот на 8-ми декември 2021 година, а нејзината мајка Наташа Ѓукиќ Величковиќ најде сила да зборува за загубата на нејзината сакана.

Имено, таа во вториот дел од нејзината болна исповед рекла дека починатата гејмерка го изгубила својот татко кога имала две години.

Нејзината исповед ја пренесуваат српските медиуми:

-Секогаш се издвојуваше од другите деца, на две години почна да игра игри, прво „Фарма“, потоа играше „Зума“. Подоцна имаше и други игри за кои беше потребен малку помоќен компјутер. Го купивме и тоа, а потоа му додадовме компоненти. Почнала да снима на 15 години, а една година подоцна станала позната. Таа е единствената девојка од Балканот која била во Копенхаген на натпреварот за игри CS GO, објаснува нејзината мајка и додава дека Кика можела да стрима 40 часа.

-Ја прогонуваа два милиони луѓе, го испија она малку душа. Не можеше да спие, се консултиравме со психијатар, беше и психолог со психотерапевт. Ѝ беше препорачано да зема бенседин наутро и навечер. Колку и да се трудеше, тоа ја изеде. Полека ја убиваше. Ја испија душата што ја имаше, објаснува Наташа и додава дека Кика го поминувала денот спиејќи и работејќи.

-Кога ќе се скара со своето момче, ќе си ја изгребе раката и ќе ја исценира на фотошоп како да си ги исекла вените и ќе каже „ќе се убијам“… Еднаш, кога се скарала со своето момче, се заканувала дека ќе скокне од мостот, а потоа чекала да се појави тој. Верувам дека така привлекуваше внимание. Таа веруваше дека ќе задржи некој така. Не би се самоубила на мојот роденден, вели несреќната мајка.

Како што истакна, во моментов не може никого да обвини за смртта на нејзината ќерка бидејќи истрагата е во тек.

The post Кога ќе се скарала со момчето правела ужасни работи: Мајката на Кика смогна сила да проговори appeared first on Република.

Креаторите кои сакаат да го направат тоа наскоро ќе можат да воведат претплата за пристап до одредена содржина по цена од 0,99 до 9,99 долари.

Инстаграм почнува да тестира нова опција која на најпопуларните корисници, односно креаторите на оваа мрежа треба да им обезбеди дополнителна заработка.

Мал број инфлуенсери сега ќе почнат да воведуваат претплата за пристап до дополнителна содржина што ја објавуваат на таа мрежа. Нивните следбеници, кои сакаат да имаат пристап до таа содржина, ќе треба да платат помеѓу 0,99 и 9,99 долари (во зависност од тоа што ќе изберат сопствениците на профилот), а на почетокот целата сума ќе оди во џебот на инфлуенсерот.

При објавувањето на опцијата за претплата, првиот човек на Инстаграм Адам Мозиер рече дека претплатите се еден од најдобрите начини за предвидување на заработката, бидејќи тие не зависат од влијанието на поединечните објави, кои често може да варираат и се важни кога се преговара со спонзорите за плаќање. .

За креаторите на кои им е дадена опција да воведат претплата, на нивниот профил ќе се појави нова ознака која треба да се кликне за корисниците да се претплатат на содржината. Следбениците кои ќе се претплатат на креаторите на премиум содржини ќе добијат три опции кои нема да им бидат достапни на следбениците кои не плаќаат за содржината.

Тие ќе можат да пристапат до содржината на Instagram Stories, создадена исклучиво за претплатници, како и да гледаат преноси во живо што ги пренесуваат креаторите, кои нема да бидат достапни за обичните корисници. Друга опција што ќе ја добијат претплатниците се специјалните значки кои ќе се појавуваат веднаш до името на претплатникот кога ќе коментираат на објавата на тој создавач и кога ќе му испраќаат пораки.

Опцијата за претплата нема да биде достапна за сите корисници на Инстаграм, туку само за креаторите на содржини, а при тестирањето е достапна само за мал број такви креатори. По периодот на тестирање, претплатата ќе биде достапна и за други креатори, но се уште не се знае кога ќе биде.

The post Нема веќе следење инфлуенсерки за џабе appeared first on Република.