Откако минатиот викенд, од конго-кримска хеморагична треска по каснување од заразен крлеж, почина млада жена од штипско, беа издадени решенија за изолација за 29 контакти, а една од хигиеничарките во Клиниката за инфективни болести пројави симптоми, Издадени се решенија за излоација за уште 11 контакти.

Што подразбира здравствениот надзор: контактите на пациентката ќе треба да се јавуваат и да бидат во постојан контакт со дежурниот епидемиолог од Центарот за јавно здравје. Да бидат во не класична изолација, но не треба да бидат во контакт со домашните, за да не се прошири оваа зараза и јас се надевам дека ова ќе биде и последниот случај. Што се однесува до претходните 29 контакти, од нив една, еве, се потврди како случај. Вкупно имаме издадено решенија за здравствен надзор на 40 луѓе. Од овие 11, десет луѓе се од потесното семејство на пациентката и еден контакт е колешка од Клиниката за инфективни болести – рече на денешната прес-конференција Рената Младеновска, директорка на Државниот здравствен и санитарен инспекторат.

Таа додаде дека и и за Клиниката за инфективни болести било издадено решение за спроведување на протоколите при вакви случаи, а од таму ги известиле дека клиниката постапила по нивното решение и отстранети се недоследностите.

The post Здравствен надзор за 40 луѓе, по двата случаи на конго-кримската хеморагична треска appeared first on Република.

Од Клиниката за инфективни болести за МИА потврдија дека е хоспитализиран мигрант суспектен на мајмунски сипаници кој вчера беше повреден во сообраќајната незгода на патот Гевгелија-Демир Капија.

Мигрантот, како што информираат од Клиниката за инфективни болести, е тестиран и е негативен.

За првиот пациент од Кичево, кој покажал симптоми на мајмунски сипаници, сè уште се чекаат резултатите.

The post Мигрантот на Инфективна нема мајмунски сипаници appeared first on Република.

Вториот сомнителен случај на мајмануски сипаници во Македонија е сместен на скопската Инфективна клиника, дознава Алфа од свои извори во болницата. Пациентот со симптоми е мигрант кој што учествувал во сообраќајната незгода која што се случи вчера попладне, на автопатот Гевгелија – Демир Капија. Сомнителниот случај заедно со уште 48 други мигранти патувал кон границата со соседна Србија, со што најверајтно и тие биле изложени на заразната болест.

За првиот сомнителен пациент на мајмунски сипаници, за кој објави Алфа во вторникот вечерта, се уште се чекаат резултати. Во текот на вчерашниот ден требаше епидемиолошки тим да спроведе епидемиолошка анкета и да ги земе потребните материјали, да се испратат во Институтот за јавно здравје во Скопје, каде има услови да бидат направени тестирањата и анализите за присуство на мајмунски сипаници.

Алфа се уште чека потврда од Министерството за здравство за вториот сомнителен случај, мигрантот, на мајмунски сипаници, и дали во текот на вчерашниот ден пристигнале материјалите за тестирање на првиот, 43-годишниот кичевчанец.

The post Втор сомнителен случај на мајмунски сипаници сместен на скопската Инфективна клиника appeared first on Република.

Kлиниката за инфективни болести во Скопје се затвора на две недели, потврди министерот за здравство Беким Сали. Поради огромниот број на пациенти потребна е целосна дезинфекција на објектот.

Тројцата пациенти кои во моментов се таму ќе бидат на кратко префрлени во ГОБ „8. Септември“, а сите останати кои ќе имаат потреба од инфектолозите, ќе бидат пренасочени во „8. Септември.

The post Инфективна се затвора бидејќи целосно ќе се дезинфицира, пациентите ќе се префрлат во ГОБ „8 Септември“ appeared first on Република.