Полициските службеници го уапсиле и третото лице кое имаше пиштол при инцидентот кај „Скендербег“ минатата недела за време на протестите против францускиот предлог.

МВР соопшти дека станува збор за А.Р. кој го признал делото.

Полицијата претходно приведе уште две лица кои имаа огнено оружје.

The post Уапсен третиот пиштолџија од инцидентот кај „Скендербег“ appeared first on Република.

Откако лидерот на ВМРО-ДПМНЕ, Христијан Мицкоски во интервју за Прва.рс изјави дека уапсениот Цуфи Кока, кој при инцидентот кај Скендербег пукаше кон демонстрантите, бил вработен во МВР облечен како цивил, македонското МВР испрати демант.

Министерството за внатрешни работи најостро и категорично ги демантира лагите кои претседателот на ВМРО-ДПМНЕ ги изнесе на српската телевизија Прва, дека уапсеното лице кое пукаше со пиштол при инцидентот на плоштадот Скендербег бил вработен во МВР.

Како што МВР веќе информираше, во врска со случајот со брза реакција на полицијата веднаш беше приведен Е.Ј.(40) од Скопје, со што беше избегнат поголем инцидент. Предметниот пиштол му е одземен и вештачен, обезбедени се сите докази против него, а до ОЈО е поднесена кривична пријава по брза постапка за кривично дело „предизвикување општа опасност“, предвидено и казниво по член 288 од Кривичниот законик. Притоа, во соработка со ОЈО Скопје од страна на Судија на претходна постапка, против Е.Ј. е определена мерка притвор.

Македонските медиуми го идентификуваа лицето и внимателно го следеа развојот на настаните, па обидите на Мицковски за пласирање на лаги и дезинформации се сега насочени кон медиумите од другите држави.

Министерството за внатрешни работи уште еднаш апелира да не се изнесуваат лажни вести и дезинформации кои можат да доведат до забуна во јавноста, туку инсистира на точно, навремено и вистинито информирање, кое е и еден од приоритетите во работењето на ова министерство.

The post МВР: Лага е дека уапсениот кој пукаше со пиштол кај Скендербег е вработен во МВР appeared first on Република.

Уште еден од оние кои вчера со пиштоли се закануваа кон толпата граѓани од протестот против францускиот предлог е повикан на разговор во полициска станица.

Денеска (07.07.2022) полициски службеници од Единицата за насилен криминал - Одделение за крвни деликти при СВР Скопје во полициска станица извршија службен разговор со С.Р.(34) од Скопје, кој беше идентификуван од страна на полицијата како лице кое за време на инцидентот во близина на споменикот Скендербег држел пиштол во раката, но не го употребил.

Пиштолот ќе биде предаден за вештачење, а за случајот е известен Јавен обвинител и се преземаат мерки за негово расчистување - велат од МВР.

The post Уште еден пиштолџија од вчерашниот инцидент повикан на разговор во полиција appeared first on Република.