Имунитетот игра клучна улога во одржувањето на нашето здравје. Силниот имунитет не штити од вируси, бактерии и други штетни патогени и го одржува нашето тело во рамнотежа. Сепак, не сите се подеднакво отпорни на надворешни влијанија. Има поединци кои почесто се борат со настинки, грип или други заболувања, поради послаб имунолошки систем.

Голем број фактори, вклучително и генетиката, начинот на живот и стресот, можат да го ослабат нашиот имунитет, правејќи нè поподложни на болести. Астролозите тврдат дека хороскопскиот знак во кој сме родени може да има влијание врз нашиот имунитет. Подолу откриваме кои четири се сметаат за најмногу подложни на настинки и вируси.

Девица

Девиците често се опседнати со здравје и хигиена, но парадоксално, нивната претерана грижа може да резултира со послаб имунитет. Прекумерното фокусирање на деталите и постојаната грижа за можни болести може да предизвикаат вознемиреност, што исто така ја нарушува отпорноста на телото. Исто така, Девиците имаат тенденција да го занемаруваат сопственото здравје додека се грижат за другите, што ги прави поподложни на болести.

Риба

Рибите се познати по нивната чувствителност и поврзаност со емотивниот свет. Бидејќи се исклучително сочувствителни, Рибите често ги преземаат туѓите товари, што создава стрес и го слабее нивниот имунитет. Покрај тоа, тие често ги игнорираат симптомите, што доведува до влошување на нивното здравје.

Близнаци

Близнаците се динамични и секогаш во движење, но нивната постојана ментална активност може да доведе до исцрпеност, што негативно влијае на имунитетот. Често пати од стрес поради премногу обврски, а тоа го исцрпува нивното тело. Нивниот чувствителен респираторен систем е и причината зошто тие се повеќе склони кон настинки и респираторни инфекции.

Јарец

Јарците се многу амбициозни и дисциплинирани, но постојано се под притисок, што може да доведе до здравствени проблеми. Тие често го занемаруваат своето тело во потрага по успех, што доведува до исцрпеност и послаб имунитет. Кога конечно ќе „пукнат“ под стрес, болестите брзо ги преземаат бидејќи долго време ги игнорирале предупредувачките знаци.

The post Кои хороскопски знаци имаат најслаб имунитет? appeared first on Република.

Дали одредени видови храна или додатоци во исхраната можат да го зајакнат имунолошкиот систем и да помогнат да се постигне оваа цел? Одговорот го дадоа експертите на светски познатата клиника „Мejo“.

Додека здравиот имунолошки систем е предност за време на сезоната на настинки и грип, земете ги предвид овие совети за да го одржите силен и стабилен во текот на целата година.

Фокусирајте се на балансирана исхрана

Не прескокнувајте оброци за да му дадете доволно „гориво“ на вашето тело. Целете кон пет до девет порции со зеленчук и овошје дневно за да го внесете потребните витамини, минерали и антиоксиданти за зајакнување на имунитетот.

Порција овошје содржи средно парче свежо овошје, една чаша бобинки или диња или 1/2 чаша конзервирано овошје во сопствениот сок.

Порција зеленчук содржи 1/2 чаша варен или една чаша сиров зеленчук. Секогаш е најдобро овие хранливи материи да се добиваат од храна, наместо од витамински или минерални додатоци.

И не заборавајте да пиете доволно течности во текот на денот. Обичната вода е најдобра.

Спречете го ширењето на бактериите

Добрата хигиена и миењето на рацете помагаат да се спречи ширењето на бактериите. Не заборавајте да ги измиете производите пред да јадете или да ги користете при готвењето. Исчистете ги и чашите, вилушките, лажиците и другите садови за да го намалите ширењето и растот на бактериите.

Зголемете го спиењето, намалете го стресот

Соодветниот сон и управувањето со стресот може да бидат исто толку важни како и здравата исхрана за превенција од грип. Истражувањата покажуваат дека недостатокот на сон и зголемениот стрес придонесуваат за болести и лоша здравствена состојба воопшто.

Возрасните треба да спијат седум до девет часа дневно, додека на децата им требаат од осум до 14 часа, во зависност од нивната возраст.

Здравите начини за справување со стресот вклучуваат медитација, слушање музика или пишување дневник.

Физичката активност е уште една стратегија за управување со стресот и може да го намали ризикот од некои хронични болести кои можат да го ослабат вашиот имунолошки систем.

Дури и ако се храните здраво, доволно се одмарате, пиете доволно течности и управувате со стресот, сепак може да добиете грип. Но, дури и да дојде до тоа, вашата болест веројатно нема да трае толку долго и нема да се чувствувате толку лошо.

Изберете хранливи состојки за посилен имунитет

Овие хранливи материи играат исклучително важна улога во здравјето на имунитетот:

Бета каротен

Бета каротенот се наоѓа во растителната храна, како што се слаткиот компир, спанаќот, морковот, мангото, брокулата и доматите.

Витамин Ц

Храната богата со витамин Ц вклучува агруми, бобинки, дињи, домати, пиперки и брокула.

Витамин Д

Витаминот Д се наоѓа во масните риби и јајцата. Млекото и 100 отсто соковите збогатени со витамин Д се, исто така, добри извори.

Цинк

Цинкот подобро се апсорбира од храна како говедско месо и морска храна, но исто така се наоѓа во растителни извори, вклучувајќи пченични никулци, грав, јаткасти плодови и тофу.

Пробиотици

Пробиотиците се добри бактерии кои го подобруваат здравјето. Ќе ги најдете во култивирани млечни производи, како јогурт, и во ферментирана храна, како кефир.

Протеини

Протеините доаѓаат од животински и растителни извори, вклучувајќи млеко, јогурт, јајца, говедско месо, пилешко, морска храна, јаткасти плодови, семиња, грав и леќа.

The post Најбрз начин да го подобрите имунитетот по природен пат appeared first on Република.

Советот за мандати со шест гласови „за“, ниту еден против или воздржан, го отвори патот на процесот за одземање на пратеничкиот имунитет на поранешниот претседател и експремиер Сали Бериша и актуелен лидер на побројното крило на опозициските демократи во Албанија.

Ова е прв чекор, бидејќи конечната одлука се очекува да биде донесена в четврток, кога е планирана посебна седница во Собранието, на која, се очекува, прва точка на дневен ред, да биде гласањето за одземање на имунитетот на Бериша.

-Откако ќе му биде одземен мандатот обвинителите на Специјалното обвинителство против корупција и организиран криминал, СПАК, ќе се обратат до Специјалниот суд за одобрување на безбедносната мерка „куќен притвор“ или „затворски притвор“ за поранешниот премиер. Откако судот ќе го разгледа барањето на СПАК, во случај на прифаќање, ќе ги овласти службениците на правосудната полиција да ја извршат мерката побарана против Бериша, објави abcnews.al.

Поранешниот премиер е под истрага на СПАК за случајот со приватизацијата на спортскиот комплекс „Партизан“ во Тирана со чија приватизација, според обвинителите, зетот на Бериша за ќерка, незаконски стекнал пет милиони евра. На местото на поранешните спортски терени и објекти тој изградил неколку повеќекатници.

Под сомнение за „пасивна корупција“ и „злоупотреба на службената положба“ нему му беше изречена мерка редовно јавување во судот, секој прв и трет понеделник во месецот, што тој не го испочитува, како и забрана за напуштање на државата.

На седницата, одземањето на имунитетот треба да добие одобрение од повеќе од 50 отсто од вкупно 140 пратеници, за да се отвори патот за „мерката притвор“ против Бериша од СПАК, за што владејачкото мнозинство има доволен број, а тука секако и дел од демократските пратеници, кои и денеска на седницата на Советот гласаа „за“.

На Бериша(79) најверојатно ќе му биде одредена мерката „домашен притвор“ бидејќи и неговиот адвокат но и други стручни правни лица тврдат дека не може да заврши во затворски притвор, бидејќи поради возраста тоа не го дозволува законот, и дообјаснуваат дека за лице повозрасно од 70 година максимумот е куќен притвор.

The post Бериша пред притвор – стигна предлогот за одземање имунитетот на поранешниот претседател и премиер appeared first on Република.

The post Едноставна и брза напивка за имунитет која ќе ви се допадне! appeared first on Република.

Епидемиологот Драган Даниловски смета дека загадениот воздух не е главната причина за толкавиот број болни, туку тоа се вирусите кои беа потиснувани изминатите години во епидемијата, поради кои изминатиов период има голем број хоспитализирани со респираторни инфекции.

Според универзитетскиот професор, имунитетот кон респираторните вируси е краткотраен и затоа секој втор човек е со растечен нос или кашла.

Наеднаш ослободените респираторни вируси се најдоа во ситуација да циркулираат меѓу домаќини кои имаат слаба одбрана и затоа има многу тешки клинички слики. Се додека не си го отплатиме долгот, додека не зајакне имунитетот и не си ги запознае старите нерпијатели и не ги воспостави старите механизми, ова ќе трае, објаснува Даниловски.

Во зимските месеци, вели тој, не е можно да се случи цунами на к, туку сезонски краткотрајни осцилации.

Даниловски додава дека данокот кој сега се отплаќа е и поради прекумерна употреба на лекови против Ковид-19.

The post Даниловски: Луѓето го изгубија имунитетот од ковидот, затоа сега ги кутина секоја настинка appeared first on Република.

Сезоната на грип е пред нас, па добрата вест е дека одредени видови зелјест зеленчук можат да помогнат во зајакнувањето на човековиот имунолошки систем.

Зелјестиот зеленчук е исклучително општокорисен за телото бидејќи содржи витамини, минерали и други клучни хранливи материи. Сепак, тука би го издвоила кељот како храна којашто треба почесто да ја внесувате - вели нутриционистката Лорен Манакер за списанието „Ит дис, нот дет“ (Eat This, Not That).

Таа тврди дека јадењето кељ е најкорисно бидејќи содржи две есенцијални состојки за зајакнување на имунолошкиот систем – витамините А и Ц.

Витаминот А е одличен и за одржување на здравјето на кожата. Како најголем орган на човечкото тело, а со помош на овој витамин, кожата ќе стане доволно силна за да ве заштити од влијанија што можат да доведат до болести, како бактерии и хемикалии. Тој е добар и за варењето… Кељот може да се подготви и на брз начин, така што се додава во смути, или пак, со динстање со маслиново масло и кромид - појаснува Манакер.

Според наводите, витаминот Ц го стимулира лачењето антитела што телото ги користи за одбрана од вируси и бактерии.

The post Кељот е корисен за имунитетот и превенција пред сезоната на грип appeared first on Република.

Серолошката анализа покажа дека 86 отсто од вакцинираните и 75 отсто од невакцинираните кои прележале ковид-19, имаат имунитет. Сите тие држави кои ги ослободија мерките имаа многу поголеми показатели. Оптимист сум за општата состојба кај нас, меѓутоа се уште не сум оптимист за мерките.

Ова денеска го истакна министерот за здравство Беким Сали, кој рече дека за жал ние се уште сме на граница меѓу жолта и зелена зона, повеќе кон жолтата зона одиме.

Посочи дека веќе не е показател само бројот на новоинфицирани, многу е значајно на 100.000 жители колку се новоинфицирани, колку се хоспитализирани и колку се со последици од тоа.

И индикаторот за хоспитализација и за новоинфицирани е позитивен. Се надевам дека оваа недела ќе испаднеме во зелена зона, меѓутоа дали ние сме подготвени да ги ослободиме мерките не сум сигурен и ќе треба да видиме што ќе одлучиме во среда на состанокот на Комисијата. Државите кои ни се репер индикаторите биле пониски од нашите, а и се вакцинирани над 80 отсто, така што и природната и вештачката имунизираност кај народот не е гарант дека нема да се врати претходната состојба, рече Сали, одговарајќи на новинарски прашања по примопредавање нова опрема од социо-економскиот грант од јапонската Амбасада за Хируршките клиники.

Посакувам, истакна министерот, повеќе од вас да бидам првиот што ќе најави дека од утре сме без маски и сигурно ќе бидам запамтен по таа изјава, меѓутоа состојбата не е се уште толку позитивна за да кажеме од денеска сме слободни.

На една страна се желбите, а од друга страна се реалните бројки кои ги добиваме. Како Министерство здравство, Институт за јавно здравје и Комисијата за заразни болести ја следиме состојбата освен во државата, во регионот и пошироко. Имаме четири држави кои ни се репер како први држави кои ослободија мерки. Денес таму забележуваме бумеранг враќање на првобитна состојба. Сите ние се согласуваме дека не би ризикувале да направиме таков потег со цел само да олесниме, а повторно да се вратиме на претходното. Оваа недела на состанок на Комисијата за заразни болести закажан за среда ќе видиме каква е епидемиолошка состојба во државата, рече Сали.

Одговарајќи на новинарски прашања потенцира дека секоја клиника, секој одел го организира денот за работа врз основа на состојбата која ја добива како заклучоци од Комисијата за заразни болести во која има претставници од секое ниво на сите здравствени установи за да можеме тие информации и одлуки да ги пренесеме во нашите институции.

Посакувам да бидеме во сигурна зелена зона за да бидеме слободни, па да отвораме повеќе термини за редовни контроли, интервенции итн. Ја најавувам фазата постковид за која ќе ни требаат други различни здравствени политики. Ковидот е еден голем предизвик, но имаме уште 30-тина други дијагнози кои се на работ на епидемии или евентуално пандемии и ќе треба да се справуваме. Оваа донација е во рамки на тоа, да бидеме спремни за периодот постковид, да се соочиме со сите барања на нашите граѓани, додаде министерот Сали.

The post Сали сè уште не е оптимист за мерките: Имунитет имаат 86 отсто од вакцинираните и 75 отсто од невакцинираните со прележан ковид-19 appeared first on Република.

Од денеска почнува скрининг-тестирањето по случаен избор кое треба да покаже дали и каков имунитет на ковид-19 има населението во земјава за да ѝ помогне на Комисијата за заразни болести и на државата во планирање на идните мерки. Тестирањето се планира да се прави на примерок од 1.000 испитаници во Скопје, но има можност да се прошири во целата земја за да се добијат пореални податоци за имунизацијата во овој момент.

Претседателот на Комисијата за заразни болести, Александар Петличковски минатата недела информираше дека вакво тестирање било направено пред една година и тоа покажало дека околу 30 отсто од испитаниците биле серопозитивни, односно имале некаков имунитет, кој се должел исклучиво на прележаната болест.

Министерот за здравство Беким Сали најави серолошка анализа на целата територија на државата.

-Оваа анализа ќе ни покаже колку реално сме имунизирани. Имаме евиденција колку сме вакцинирани, колку имаат примено една доза на вакцина, две или три и типот на вакцини кмои се аплицирани. Но, знаејќи дека особено сојот омикрон минува со полесна клиничка форма, голем број од нашето население не отишле за ПЦР-тест или сами го прележале во домашни услови. И сакаме да имаме јасна слика колку од нашето население го минале ковидот и врз основа на овие резултати, ќе имаме една слика и мислам ќе излеземе пред јавноста да речеме дека според нашите бројки, евиденцијата која ја имаме, 41 процент се имунизирани со вакцина, но врз основа на истражувањето, можеби, сме 60 проценти имунизирани на природен начин, изјави министерот за здравство.

Вчера беа регистрирани нови 920 случаи на ковид-19 од 3.338 тестови, починаа 11 лица и оздравеа 1.190 пациенти. Евидентирани се 119 реинфекции.

Од вкупниот број на починати лица (n=11), шест лица се целосно вакцинирани, кај девет се регистрирани коморбидитети.

Досега во земјата се направени 1.846.264 милиони тестирања на ковид-19. Вкупната бројка на ковид-дијагностицирани лица од почетокот на епидемијата изнесува 287.016, бројот на оздравени пациенти е 267.134, на починати е 8.747, а активни случаи се 11.135.

Најмногу активни случаи во моментот има во Скопје – 6.314, следи Битола со 519, Куманово со 470, Кавадарци со 447, Тетово со 416, Прилеп со 362, Велес со 331, Охрид со 275, Струмица со 239, Гостивар со 234. Во другите градови има под 200 заразни. Најмалку активни случаи има во Дојран – само пет.

The post Почнува скрининг-тестирање за Ковид-19 за процена на имунитетот на населението appeared first on Република.

Лукот, лимоновиот сок и маслиновото масло претставуваат една од најдобрите комбинации, како за зајакнување на имунитетот така и за губење килограми.

Комбинацијата на лук и лимон го регулира шеќерот во крвта, го редуцира нивото на триглицериди во крвта, ја подобрува циркулацијата, го регулира лошиот холестерол, но истовремено го покачува и нивото на добриот холестерол.
Состојки:
1 лимон
3 чешниња лук
1 чаша топла вода
3 капки маслиново масло

Оваа комбинација претставува одлична превенција на рак и канцерогени клетки. Исто така, ги исфрла токсините од организмот и го зајакнува имунитетот.

Приготвување:
Исечкајте лук, додајте вода, лимонов сок и маслиново масло.
Оставете ја да отстои добиената смеса околу 20 минути.
Промешајте и процедете ја течноста во шолја.
По желба, можете да додадете мед или јаворов сируп.

The post Комбинација на три намирници ги симнува масните наслаги и ги исфрла токсините! appeared first on Република.