Финската влада сака да им забрани на Русите да купуваат недвижен имот во Финска, изјави министерот за одбрана на оваа нордиска земја, Анти Хаканен.

Денеска, на консултациите поднесуваме предлог со цел да се забранат трансакции со имот со руско потекло, рече Хаканен на прес-конференција.

Ќе има исклучоци, додаде Хаканен, и рече дека двојните државјани и Русите со постојан престој во Финска сепак ќе можe да купат недвижен имот во оваа нордиска земја.

Финска, која стана членка на НАТО во 2023 година, ги затвори копнените граници со Русија на крајот на минатата година.

The post Финска сака да им забрани на Русите да купуваат недвижен имот appeared first on Република.

Москва го предупреди Западот дека рускиот одговор ќе биде многу остар доколку Соединетите Американски Држави и Европската Унија запленат руски имот во вредност од стотици милијарди долари.

По почетокот на војната во Украина во 2022 година, САД и нивните сојузници ги забранија трансакциите со руската централна банка и министерството за финансии, блокирајќи околу 300 милијарди долари руски средства на Западот.

ЕУ усвои закон за искористување на неочекуваните профити од замрзнатите средства на руската централна банка, беше објавено вчера, што е прв конкретен чекор кон целта на Унијата да ги искористи парите за финансирање на обновата на Украина.

Ова е кражба. Тоа е присвојување на нешто што не ви припаѓа, изјави за Радио Спутник портпаролката на руското министерство за надворешни работи, Марија Захарова, пренесува ТАСС.

Захарова рече дека одговорот на Москва ќе биде „исклучително остар“ бидејќи Русија верува дека има работа со крадци.

Со оглед на тоа што нашата земја го оквалификуваше како кражба, односот ќе биде како оној со крадците. Не политички манипулатори, не технолози кои претераа, туку крадци, додаде таа.

Москва соопшти дека ако ѝ биде запленет имотот, ќе го заплени имотот на западните земји.

The post Русија ѝ се закани на Европа: Ова е кражба, одговорот ќе биде исклучително остар appeared first on Република.

Прекрасниот имот, во кој Дилан не престојувал од почетокот на пандемијата, вклучува шеснаесет спални соби со поглед на градина и единаесет бањи.

Импресивниот шкотски историски имот, кој во 2006 година го купија нобеловецот и музичар Боб Дилан и неговиот помлад брат Дејвид Кимерман за 2,2 милиони фунти, сега е на продажба за 3 милиони фунти, пренесува Арт Нет.

Едвардскиот имот познат како Куќата Аултмор е сокриен на северо-источниот дел на земјата во селото Нети Бриџ во Националниот парк Кернгорм.

Прекрасниот имот, во кој Дилан не престојува од почетокот на пандемијата, вклучува шеснаесет спални соби со поглед на градина и единаесет бањи. Четирите соби за прием, вклучувајќи ја и музичката соба, имаат мермерни камини во стилот на шкотскиот архитект Вилијам Адам од 18 век.

Имотот е реновиран и модернизиран во 2007 година, но многу историски детали се зачувани, како што е ходникот со скали од варовник со ковано железо и дрвена балустрада.

Резиденцијата е опкружена со пространи градини со статуи, фонтани, камени летниковци и три куќички.

Местото го изградил Арчибалд Мерилес, ко-основач на М&М, ​​првата стоковна куќа во Русија. Дизајнот му го доверил на лондонскиот архитект C.H.B. Куенел. Изградбата започнала во 1911 година, а куќата била завршена во 1914 година, една година пред смртта на Мерилис.

Уметноста го поврзува Дилан со Шкотска. Имено, на неговата креативност влијаеле песните „The 51st (Highland) Division's Farewell to Sicily“ на шкотскиот поет Хамиш Хендерсон и „A Red, Red Rose“ на шкотскиот писател Роберт Барнс. Исто така, во песната „Highlands“ од албумот „Time Out of Mind“, Дилан го споменува регионот Хајлендс во Шкотска, каде што, како што тврди, е неговото срце.

The post Имотот на Боб Дилан се продава за неверојатни 3,5 милиони долари: Има 16 спални соби и 11 бањи appeared first on Република.

Русија ги замрзна сметките на дипломатските претставништва на Финска на својата територија, објави денеска „Хелсингин саномат“, повикувајќи се на финското Министерство за надворешни работи.

Сметките на Финската амбасада во Москва и на Генералниот конзулат во Санкт Петербург се замрзнати и не можат да се користат, потврдија фински дипломати.

Финскиот медиум цитира електронска порака од министерството во која се вели дека ситуацијата е сериозна, а работата се истражува, додавајќи дека Финска ги контактирала руските власти за ова прашање, но не добила никаков одговор оттаму.

Според финскиот министер за надворешни работи Пека Хаависто, одлуката на Москва изгледа како провокација и тој не верува дека замрзнувањето на сметките е поврзано со членството на Финска во НАТО.

Во јануари годинава, финското Министерство за надворешни работи објави дека замрзнале руски средства- недвижен имот, акции, автомобили, јахти и авиони – во вредност од 187 милиони евра.

Минатиот месец Хелсинки воведе ограничувања на рускиот државен имот во финската престолнина, кои подоцна беа отстранети. Во март беше замрзната и сметката на Рускиот центар за наука и култура во финската национална банка „Нордеа“.

Минатата недела руските гранични контроли, наводно, почнале да им ги укинуваат визите на финските граѓани кои се обидувале да влезат во Русија за да пазарат и да купат поевтино гориво за своите автомобили.

Кон крајот на април, рускиот претседател Владимир Путин потпиша декрет со кој се воспоставува механизам за привремено преземање странски имот во Русија во случај други земји да го запленат рускиот приватен или државен имот во нивните јурисдикции или кога постои закана за националната, енергетската или економската безбедност на Русија.

Милијарди евра државни средства и имот на руски деловни луѓе и функционери се замрзнати во ЕУ од минатата година како дел од санкциите против Москва поради нејзината воена операција во Украина.

Финска и Русија досега го решаваа замрзнувањето на сметките првенствено дипломатски. И покрај најновиот инцидент, Финска се уште има нормални дипломатски односи со Русија.

Банките не можат да се мешаат во дипломатијата, нагласи Хаависто.

The post Москва го замрзна имотот на дипломатските претставништва на Финска appeared first on Република.

Имотот во Тафталиџе што го стекнал лидерот на Алијанса за Албанците, Арбен Таравари, претходно бил во (ко)сопственост на бизнисменот Исмаил Јахоски, кој е поранешен градоначалник на Пласница, a моментално е пратеник од редовите на ДУИ, покажува документацијата што ја обезбеди „Фокус“.

https://republika.mk/vesti/makedonija/taravari-vo-taftalidhe-prv-komshija-na-kumashinot-i-iden-minister-za-zdravstvo-kako-i-na-jahoska-od-putsko/

Куќата на Таравари влезе во собраниската расправа за избор на нови владини министри од редовите на Алијанса, откако Таравари постигна договор со СДСМ и ДУИ за да го засили парламентарното мнозинство. Притоа, пратеникот на ВМРО-ДПМНЕ, Александар Николоски, отворено праша дали Таравари ја добил куќата на подарок?

https://republika.mk/vesti/makedonija/taravari-vo-tri-chekori-do-vlast-go-namesti-sela-vo-tetovo-i-gostivar-dobi-kuka-vo-taftalidhe-i-vleze-vo-vladata/

Во меѓувреме, „Фокус“ дојде до историскиот преглед на извршените запишувања на катастарската парцела 1432/2, која го опфаќа земјиштето и објектот во моментална сопственост на Арбен Таравари.

Таравари стекнал сопственичко право во 2021 година по пат на договор за купопродажба. Според историјатот, ова парцела со број 1432/2 се формира во 2009 година, кога практично се дели парцелата со број 1432, која дотогаш е во сопственост на повеќе членови на семејството Чинго. Поточно, оваа парцела е во сопственост на Огнен Чинго, кој во 2013 година им го продава имотот на веќе споменатата Љупка Јахоска, како и на уште лице со истото презиме – Иса Јахоски.

Тие поседуваат по една половина од овој имот се до 2017 година, кога, според историјатот на движење на сопственост, Иса Јахоски својот дел го отстапува, односно му го подарува на Исмаил Јахоски, пратеник на ДУИ, чие семејство ја поседува нафтената компанија „Пуцко Петрол“. Неколку години подоцна, односно во 2021 година, единствен сопственик на имотот станува Таравари.

Иако тој за „Фокус“ тврди дека нема информација дека имотот порано бил во сопственост на Јахоски или на членови на неговото семејство, официјалната документација потврдува дека тој купил имотот од пратеникот на ДУИ Исмаил Јахоски и од економист на семејната нафтена компанија „Пуцко Петрол“ – Љупка Јахоска, која моментално го поседува соседниот плац и објект.

Целата сторија на „Фокус“

The post Како Таравари си доби куќа сред Тафталиџе за 500 евра квадрат, претходно на Исмаил Јахоски од ДУИ и „Пуцко петрол“? appeared first on Република.

Потпретседателот на Движењето БЕСА, Фатмир Лимани, излезе со нови обвинувања против првиот човек на ДУИ, Али Ахмети за неговите богатства и имоти.

САРАИТЕ НА АЛИ ПАША ВО МОЛК!

• Дали навистина мислевте дека вечно ќе молчиме, за да го чувствувате луксузот со вкус и во целосен мир?!

• Мислевте дека молкот е поради стравот дека можеме да бидеме елиминирани и да ги казниме нашите семејства?!

• Набивањето со разумност е нашето воспитување од нашите предци, кои нè научија на културата на разумност, но и ни ги покажаа границите на трпението кои не треба да се надминуваат и толерираат.

• Додека ние имаме затвори како племе и никогаш не се плашиме од никого затоа што сме биле тестирани во минатото со освојувачи од вашиот вид.

ПРАШАЊА НА КОИ ТРЕБА ДА СЕ ОДГОВОРИ:

-Штабот во Тетово (кај палатата на културата) со чии пари и на чие име е купен?!

-Штабот во Скопје (во Чаир) со чии пари и на чие име е купен?!

-Вилата во заливот Лалез со чии пари и на чие име е купена?!

-Хидроцентралите на реката Бачишти во име и сопственост на кое лице се?!

-Кога и за колку се купени парцелите?!

-Со кои пари се купени парцелите околу Сарајот на Али?!

-Надоместокот на швајцарскиот суд, за злоупотребената пензија од Али бег, од кои фондови се враќаат средства?!

-4.000.000 евра од Фондот „Национална слобода“ што останаа по војната, каде отидоа, кој ги зема?!

*ПС: Осмели се и сподели да те видат сите, жртвувај се за твоето дете утре да биде блиску до тебе, на денот кога даваш душа,  да ти даде чаша вода …

Продолжуваме…“, напиша Лимани.

The post Лимани: Ова се сараите на Али паша, дали навистина мислевте дека вечно ќе молчиме, за да го чувствувате луксузот во целосен мир? appeared first on Република.

Народот додека едвај врзува крај со крај, функционерите на власта кријат луксузни имоти. Додека поголемиот број од пензиите не се ниту 1/3 од потрошувачката кошничка, додека две минимални плати не се доволни за да се прехрани едно семејство, Славјанка Петровска крие луксузен имот, велат од ВМРО-ДПМНЕ.

Имено, министерката Петровска во својот Анкетен лист до ДКСК пријавила само долгови, два кредити и една кредитна картичка, но не и луксузна хациенда во Радишани. Имотот на Петровска е евидентиран и во Агенцијата за Катастар на недвижности, прибележан во евидентен лист во катастарската општина Радишани и се наоѓа на улица „Радишанска“. Жителите од тој дел на улица „Радишанска“ според избирачкиот список гласаат во избирачкото место 2948/1 кое се наоѓа во ОУ „Ацо Шопов“. Тоа е избирачкото место каде гласа и министерката Петровска. Адресата на луксузната хациенда на Славјанка Петровска е и адреса на живеење која истата ја има во личната карта, се нaведува во партиското соопштение.

Велат дена покрај тоа што не е пријавен како нејзин имот во ДКСК, таа е и дивоградба, односно истата не е легализирана.

ВМРО-ДПМНЕ ги повикува надлежните институции да постапат, а Славјанка Петровска наместо на ВМРО-ДПМНЕ како што вети, оваа луксузна хациенда да ја донира на здруженијата на бранители од 2001 година. ВМРО-ДПМНЕ исто така ја повикува Славјанка Петровска веднаш да си поднесе оставка.  Личност без морална димензија како Петровска не смее да биде на чело на МО и да седи заедно со министрите за одбрана на нашите стратешки сојузници во НАТО, истакнуваат од партијата.

The post Јавноста откри тајна хациенда на министерката за одбрана, нека ја донира во хуманитарни цели, порачуваат од ВМРО-ДПМНЕ appeared first on Република.

За жал ВМРО-ДПМНЕ во недостиг на политички артикулирана агенда и програма, која би била во интерес на граѓаните и на напредокот на нашата држава, продолжува со обидите преку политички дискредитации да добие некој политички поен, вели пратеничката од СДСМ Моника Зајкова.

Денешните напади од страна на Стоилковски против мене лично за имот кој не е моја сопственост и за кој немам никаков придонес, а притоа јасно се гледа дека е стекнат во периодот кога не сум била на избрана политичка функција, зборува само за очајноста на ДПМНЕ.

Преку лажни обвинувања кон мене, партијата чие седиште е во дивоградба и е се уште симбол за криминал односно ги штити криминогените структури кои ја вратија нашата држава со децении наназад, се обидува да ги оцрни сите прогресивни структури, кои прават се за оваа држава конечно да тргне напред и на нашата младина и на нашите граѓани да им понуди поубава и поперспективна иднина.

Почнаа со мизогени кампањи против нас жените, преку нивните ботови не напаѓаа и навредуваа на сексистичка основа, за сега да продолжат со изјави со цел заштита на сопствените редови.

Сакам да му порачам на колегата од ВМРО-ДПМНЕ, само продолжете со ваквите прес-конференции, тоа нема да не обесхрабри, напротив ќе не мотивира уште повеќе да работиме за европската перспектива на нашата држава.

Продолжете да тонете во вашата безидејност и понекогаш ѕирнете што се имате во вашите политички редови. Ве охрабрувам сите во вашите анкетни листови да ги пријавите имотите на вашите родители, но и имотот кој го стекнавте на грбот на граѓаните, а го запишувате под туѓи имиња, напиша Зајкова на Фејсбук.

На прес-конференција портпаролот на ВМРО-ДПМНЕ Наум Стоилковски, повикувајќи се на новинарско истражување, рече дека објектот кој што стои на имотниот лист на Моника Зајкова бил изграден по донесувањето на законот за легализација и со тоа е без основа за легализација.

https://republika.mk/vesti/makedonija/stoilkovski-imotot-na-pratenichkata-zajkova-e-legaliziran-so-lazna-izjava/

The post Зајкова: Лажни се обвинувањата на ВМРО-ДПМНЕ appeared first on Република.

Огромен криминален скандал повторно е поврзан со владејачкото мнозинство во Парламентот. Моника Зајкова, пратеник од редовите на ЛДП, верен гласач на законите на СДСМ, според анкетниот лист која што го поднела до Антикорупциска комисија, пријавила семеен имот, имот на родители, куќа од 119 м2 во село Трница, во делот на националниот парк Маврово. Стекнат на друг начин, како што стои во анкетниот лист, изјави на прес-конференција портпаролот на ВМРО-ДПМНЕ, Наум Стоилковски.

-Според новинарски текст, имотот на Маврово, во Трница, е криминално легализиран. Објектот кој што стои на имотниот лист на Моника Зајкова бил изграден по донесувањето на законот за легализација и со тоа е без основа за легализација. Според новинарското истражување објавено во јавноста, Зајкова поседува имот легализиран врз основа на лажна изјава, односно изјава за времето кога објектот бил граден, односно изјава со која што се тврди дека објектот бил граден пред 3-ти март 2011 –та година како основа за негова легализација. Според ова, Зајкова, како пратеник во Парламентот е должна јавно, јасно и прецизно да одговори: Дали поседува семејна вила во Трново, Маврово како што навела во анкетниот лист? На кој начин е стекната таа вила? Кога таа вила е изградена? Дали е легализирана согласно Законот за легализација? Дали е поднесена изјава за времето на градење со документите за легализација, изјава којашто подлежи на морална и кривична одговорност и со која што се гарантира вистинитоста на исказот? Македонија тоне во кризи, половина милион луѓе живеат со помалку од 150 денари на ден, а гласачите токму на тие штетни закони, закони што ја потонаа Македонија единствено се грижат за лични богатења и удобства. Моника Зајкова е пратеник врз којшто почива оваа антимакедонска, антинародна власт во Македонија!, истакна Стоилковски.

Не е важно што Македонија е во криза, народот е се посиромашен, што нема за струја, и нема за леб, а и се соочува со брутална асимилација. Важно Зајкова, верен гласач на СДСМ во Парламентот, ужива во луксузи, ужива во дивоградба, сега легализирана вила на Маврово. Ова мора да има крај! Додаде тој.

https://youtu.be/OaQt4BQWCx8

The post Стоилковски: Имотот на пратеничката Зајкова е легализиран со лажна изјава? appeared first on Република.

45 македонски државјани поседуваат имоти во Дубаи, во вредност од 14 милиони евра, додека Македонија се дави во сиромаштија и во инфлација, рече на денешната прес-конференција портпаролот на ВМРО-ДПМНЕ Наум Стоилковски. Додаде дека финансиските власти во Македонија со денови молчат, молчи и Ковачевски, молчат и од СДСМ, и праша - дали зад нивниот молк се крие нечие прикривање?

Во извештаите кои што ги објавија норвешките истражувачки новинари, а со помош на Центарот за напредни одбранбени студии со седиште во Вашингтон се откри голем број на олигарси, политичари и мафијаши ширум светот кои што засолниште за своите матно стекнати пари нашле во оваа земја со заштитничко законодавство кон сите кои ќе инвестираат и ќе ги однесат нивни пари таму. Еден од најчестите патници Скопје – Дубаи и обратно е Трајче Заев, братучед на поранешниот премиер Зоран Заев, тој беше во овој град и кога неговиот шофер беше фатен во шверцот со кокаин во Прилеп, каде што остана во Дубаи и повеќе од еден месец бегајќи од новинарите, соопшти Стоилковски.

https://republika.mk/vesti/crna-hronika/obezbeduvanjeto-na-trajche-zaev-bilo-chistach-na-kombeto-koe-ja-prevezuvalo-drogata-zapleneta-vo-akcijata-na-dea/

Тој праша - Дали презимето Заев е едно од сопствениците на имоти во Дубаи, колку пари чини тој имот и како е стекнат?

Зоран Заев, како поранешен премиер, но и СДСМ кои што се негови пиони треба да кажат дали Трајче Заев или некој од семејството Заеви поседува имот во Дубаи и за која цел?

Дали Заеви, но и дали актуелни политичари од СДСМ покрај имот во Дубаи се сопственици и на фирми во безцарински и нискоданочни зони? Доколку да, дали тие сметки се користени за вадење пари од тендери и од шемите низ Македонија?

Во владата и од СДСМ да не молчат. Ковачевски и Заев да излезат и да кажат дали и како се купени имоти во Дубаи?, побара Стоилковски.

https://youtu.be/NeBY6vdIsII

The post За Дубаи најчесто патува Трајче Заев, се крие колку имоти има фамилијата таму appeared first on Република.

Македонски државјани поседуваат вкупно 55 имоти во Дубаи, вредни 14 милиони евра, покажува истражувањето на норвешката веб-страница Е24, базирана на „протечени“ документи за имотите на странци во блискоисточната метропола, објавено денеска.

Во документите е наведен бројот на сопствениците на луксузни вили, станови и фирми во Дубаи. Многумина од сопствениците на скапите имоти се луѓе кои во своите земји, но и пошироко, се барани за сериозен криминал, се вели во извештајот, изготвен со помош на стотици новинари, професори и истражувачи од цела Европа. Податоците и табелата со бројот на сопственици на имоти во Дубаи од сите земји се објавени од Центарот за напредни одбранбени студии од САД и се однесуваат на 2020 година.

Не е невообичаено, ниту незаконски странски државјани да поседуваат имот во Дубаи, но кога станува збор за „офшор“ инвестиции, тогаш работите се менуваат, се вели во извештајот. Според ова истражување, многу граѓани во светот купуваат имоти во Дубаи за да избегнат данок или да перат пари заработени на незаконски начин.

Косовски државјани, според извештајот, имаат „помалку од пет имоти“, кои се во сопственост на „помалку од петмина сопственици“, а вредноста е околу еден милион евра. 17 луѓе од Албанија во Дубаи имаат регистрирано 19 „офшор“ имоти со вкупна вредност од 7 милиони долари. Од соседните земји, Србија има најмногу имоти: вкупно 287. Тие се во сопственост на 237 сопственици, а вкупната вредност е 74 милиони евра.

Дубаи станува сѐ популарна дестинација за перење пари на балканските криминалци
Организираните криминалци од Западен Балкан, а особено од Албанија, сѐ повеќе ги користат Обединетите Арапски Емирати како засолниште за да се сокријат себеси и своите пари од органите на прогонот, откри неодамна Глобалната иницијатива за транснационален организиран криминал (GI-TOC) во својата нова анализа, пренесува албанскиот портал „Абц њуз“.

„Се чини дека нивната способност да останат во земјата е олеснета со купување недвижен имот и инвестирање во локалната економија“, велат од Организацијата.

„Земјата се покажа и привлечна за подземјето бидејќи до неодамна беше многу тешко да се екстрадираат бараните криминалци од оваа заливска држава. Тие се чувствуваат толку сигурни што често ги покануваат пријателите и семејството да им се придружат таму, притоа покажувајќи го своето непречено недозволено богатство“, се вели во анализата.

Познати се албанските личности од организираниот криминал, но тие не се единствените кои нашле засолниште во оваа држава. Во земјата се забележани крупни криминални фигури од Босна и Херцеговина, како што е Един Гачанин, водачот на озлогласениот картел „Тито и Дино“. Гачанин е наречен „европски Ескобар“ поради неговата улога во трговијата со кокаин по балканската рута и пласманот на профитабилните западноевропски пазари.

„Одлуката на балканските криминални босови да се преселат во ОАЕ е дел од поширок тренд“, велат од GI-TOC.

„Преселувањето на оддалечените пазари за перење приходи од криминал ја покажува зголемената софистицираност на балканските криминалци и е показател за тоа колку овие организации станаа флексибилни и бизнис-ориентирани. Агенциите за спроведување на законот треба да работат со Обединетите Арапски Емирати за да го решат ова прашање, вклучително и долгорочен пристап“, се вели во анализата. „Понатаму, треба да се направи повеќе за да се одговори на ризиците од враќање на парите од прекуокеанскиот криминал во кревката политичка економија на Западен Балкан“, додаваат од организацијата.

The post Корумпирани политичари и бизнисмени переле пари преку купување имоти во Дубаи, меѓу нив и 45 Македонци appeared first on Република.

Грчкиот премиер Кирјакос Мицотакис, денеска најави „ново храбро и трајно” намалување за 13 отсто на годишниот данок на сопственост на недвижнини, одлука, која како што рече, е праведна за општеството и корисна за економијата, јави дописничката на МИА од Атина.

Мицотакис објасни дека намалувањето значи дека Грците ќе платат 860 милиони евра помалку во споредба со 2018 година и 350 милиони евра помалку во 2022 година.

Тој додаде дека со промените осум од десет граѓани ќе плаќаат уште понизок данок, некои ќе платат ист износ, а за околу 6 отсто ќе има зголемување, со оглед на тоа дека реалната вредност на имотот во некои области е двојно или тројно зголемена.

Мицотакис рече дека новата иницијатива се заснова на конзистентната економска политика што ја следи Владата и овозможува соодветни дополнителни мерки за олеснување, но и дека станува збор за реален потег што не ги надминува буџетските граници.

Секој чекор напред мора да се прави на начин што нема да доведе до два чекори назад. Така, нашата држава остана исправена и се разви во текот на двегодишната криза. Така, ќе се справи и сега со привремените глобални турбуленции, рече грчкиот премиер.

Истакна дека поради меѓународната енергетска криза, што носи и покачувања на цените, државата продолжува да покрива дел од покачувањата на сметките за струја, паралелно воведува и намалување на даноците, се со цел да се поддржи расположливиот приход на сите домаќинства и повтори дека од 1 мај ќе се воведе и второ зголемување на минималната плата.

The post Мицотакис најави намалување за 13 отсто на данокот на сопственост на недвижнини appeared first on Република.